السلام عليكم
من فترة و انا عاوز اعمل الموضوع ده ، بس مش عارف اكتبه بأي طريقة ولا اكتبه بشكل مختصر ولا طويل ولا ايه بالظبط ، في الاخر انا قولت هكتبه ارتجالياً و بدون تحضير ! و بالاستناد على جزء كنت كتبته قل كدا ! ، و هحاول اختصر الموضوع قدر المستطاع عشان ميكنش ممل
---------------------------------
نيجي للمهم : )
الموضوع ببساطة ، يا ترى دفعت تمن الوندوز و البرامج اللي بتستخدمها ؟
مش بس الوندوز و البرامج ، طيب و الافلام ؟ ، الصوتيات ؟ ، الكتب الالكترونية ؟ ، الخ الخ الخ ؟
يا ترى تعرف اساساً انه شرعاً و قانوناً مينفعش استعمال البرامج المنسوخة و الكراكات و السريلات المضروبة ؟
طيب براحة كدا و ببساطة : )
نمسك الوندوز ، الوندوز ده ليه اتفاقية ترخيص طويلة عريضة و اغلب الناس مش بتقراها !
تعرف انه مينفعش نسخ الوندوز ؟ و مينفعش تسطب نسخة الوندوز الا على جهاز واحد ؟ - حتى لو عندك جهازين في البيت لازم تشتري لكل جهاز نسخة وندوز مستقله ! - ، و الكلام ده برده بالنسبة لاغلب البرامج التانية .
بس يا ترى احنا بنعمل اي حاجة من الحاجات دي ؟
اللي احنا بنعمله ده ده بقى اللي بيسموه انتهاك حقوق الملكية ، او القرصنة الالكترونية ! ، و احنا بقى بننسخ و نكرك و نسريل – جاية من كراك و سريال يعني
– .يبقى كدا في مشكلة ، و اكيد ليها حل !
#########################
طيب حاجة مهمة في الاول ،، لازم نفرق ما بين ان نسخ البرامج ده يعتبر " سرقة " - كالسرقة التي توجب قطع اليد - او انه يعتبر على الاقل " حرام " - يعني بتاخد عليه سيئات و ذنوب من غير قطع اليد -
المهم :
موضوع نسخ البرامج ذات حقوق الملكية دي فيها كلام كتير على حد علمي ,, و ده بسبب ان برامج الكمبيوتر مش سلعة بالمعنى المعرفو للسلع و برده ميعتبرش خدمه بالمعنى المعروف للخدمات .
يعني من اهم الاختلافات بما ان البرامج اشياء غير مادية يعني لا تفنى باستخدامها ، و هل نسخها يعادل السرقة التي تفني الشيء ؟
يعني مثلا لو انا معايا قلم ، و واحد سرقة مني ، و كتب بيه او على الاقل لما سرقة مني منعني اني اكتب بيه ،، فده فيه اثر مادي ،، انما بالنسبة للبرامج انا ممكن استعمل البرنامج بدون ان اضر صاحب البرنامج ضرر مباشر - ضرر مادي مباشر يقع على البرنامج -
حاجة كمان :
ان استخدام البرنامج بيكون بعد برمجته ,, يعني انت في استخدامك للبرنامج لا تكلف الشركة اي خسائر مباشرة ،، يعني البرنامج مش هيخلص و تحتاج تشتري برنامج جديد
،، و مش بتحمل الشركة المصنعة للبرنامج عبئ اضافي يعني الشركة مش بتقدم خدمات بعد البيع و كدا كدا البرنامج اتعمل خلاص .برده من ناحية وجود بديل ولا لأ :
يعني هل يوجد بديل للبرنامج التجاري ارخص منه او مجاني حتى لو كان بديل غير كامل ,, يعني لما تكون محتاج انتي فايرس و عندك برامج تجارية قوية و برامج مجانية - او ارخص اذا لم يوجد برامج مجانية - بس مش بنفس كفائة البرنامج التجاري يبقى لازم تستخدم البرنامج المجاني و مينفعش تستعمل البرنامج التجاري بدون ما تدفع تمنه ,,
و كمان ، من ناحية القدرة على شراء البرنامج اصلا :
يعني اذا كان الشخص في مستوى مادي لا يسمح له بشراء البرنامج - يعني باي حال من الاحوال مش هيقدر يشتري البرنامج - و استخدم برنامج تجاري مكرك ,, في الحالة دي هو مش بيكلف الشركة حاجة - بالرغم من انه عمل خاطئ - لانه اصلا في كل الحالات مش هيقدر يشتري البرنامج و ليس عنده القدرة المالية للشراء ، ده يمكن يكون مفيد للشركة المصنعة للبرنامج على المدى الطويل لان الشخص لو توفر له المال و فكر يشتري برنامج او حاجة هيفكر يشتريها البرنامج اللي اتعود عليه و استخدمه كتير .
اما اذا كان البرنامج ليس له بديل او سعره مرتفع جدا - حاله تشبه حالة الاحتكار - فيجوز استخدام البرنامج ، - اعتقد ان الحالة دي قليلة الحدوث -
---------------------------
طيب الحل ايه ؟
نحط ادينا على خدنا و نقعد نعيط يعني ولا ايه ؟
في الحقيقة الحل موجود لجزء كبير من مستخدمي الكمبيوتر و لسبب ما خارجي مش هينفع لجزء من المستخدمين
شوية كدا و هكمل لما اشوف رأيكم ايه في الموضوع ده ، و يا ترى فكرتوا في الموضوع ده قبل كدا ولا ايه ، و لو في حلول مقترحة
((( ومش عاوز اعرف 
)))
.... محدش يفهم غلط 
