احمد الخطيب
21 Jan 2006, 10:59 PM
السلام عليكم
في البدايه احب اوضح يعني ايه التخريف اللي انا قلتو ده
هو انا قريت مشاركه للاخ ابو ذر وقال فيها
ان المفروض ان الاعضاء هما اللي يختارو المواضيع اللي تتثبت واللي متتثبتش
هو طبعا مش معقول لان كده احنا هنلغي المراقبين
وشاركو وجوال يبيعو ترمس بقي 
تخيلو كده منتدي من غير مراقبين هيبقي ايه الموقف؟
وهل فعلا احسن لو الاعضاء هما اللي اختارو المواضيع المهمه وثبتوها ؟
وان الاعضاء هما اللي يديرو المنتدي ؟
هو الراجل مقالش كده بس انا اللي عايز اعرف رايكو ؟
يا ريت تجاوبوني
ولكم جزيل الشكر
حفيد عائشة
21 Jan 2006, 11:31 PM
وشاركو وجوال يبيعو ترمس بقي
ههههههههههههههههههه
لو فعلا دا حيحصل انا موافق
ههههههه
El Negm
22 Jan 2006, 12:58 AM
يا اخي لا تعجل
اخي كل شئ في الطريق
لا تتعجل
Manas
22 Jan 2006, 11:43 AM
انا شايف والله اعمل ان بخصوص موضيع تثبيت المواضيع
ان كل عضو يصوت على الموضوع اللى هو شايف انه المفروض يتثبت حتى المراقبين
واى دور للمراقبين يكون للمراقبين فقط
(مجرد رأى)
وانا مش بقول كدة علشان انا مش مراقب لكن المواضيع الللى بتتثبت احنا اللى بقرأها مش المراقبين
وعدد الاعضاء اكبر من عدد المراقبين (شئ منطقى)
وانا قصدى ان الاعضاء يصوتوا على الموضوع
وفى الاخر برضوا السادة المراقبين يشوفوا هل الموضوع دة يصلح للتثبيت ولا
أرجو ان اعرف رأى الاعضاء وخصوصا رأى السادة المراقبين
وجزاكم الله خيرااااااااا
الجنرال
22 Jan 2006, 01:06 PM
كلام في السليم
انا رايي نعمل موضوع ثابت نصوت فيه على الموضوعات الي تتثبت كل اسبوع
ويد الله مع الجماعة
احمد الخطيب
22 Jan 2006, 11:29 PM
السلام عليكم
طيب كويس ان الناس ردت والف شكر ليهم
طيب دلوقتي في اتنين موافقين
كويس في انتظار باقي الاعضاء
ايه راي المراقبين ؟
كلو يقول رايو
يمكن الموضوع ده يتنفذ
يلا عايز رايكم كلكم
الفتى العجوز
23 Jan 2006, 03:14 AM
والله يامنص راى صائب وجميل
معاك ياخطيب
بس على فكره انا اكتشفت ان شارقووووووووووو مراقب ممتاز
المهم التانى بقى اللى مبيعرفش يعمل حاجه غير قص المواضيع
ويبعتلى فى انذارات
الجنرال جارحى
23 Jan 2006, 09:18 AM
ايه يا بو حميد
انت ناوى تعمل فى شاركى وجوال زى ما عملوا فى نعمان جمعة ولا ايه ؟؟؟
انت عارف لو شيلنا المراقبين ايه اللى هيحصل ؟؟؟؟؟؟
او لو فتحنا موضوع علشان المواضيع اللى نثبتها ؟؟؟
1-مفيش ولا موضوع هيتثبت
كل واحد هيطلع برأي شكل
2-الساحة هتفضى خالص ومحدش هيشارك
لان لو فى موضوع اتثبت وانا مش عايزة هخرج ومش هاجى تانى
علشان كلمتى هتكون نزلت الارض
3-زيادة سيطرة المراقبين عل الساحة
لان الساحة هتبقى فاضية واللى هيفضل مع المراقبين الناس اللى المراقبين هيسمعوا كلامهم
يعنى الحاشية والمنتفعين من المراقب ( علشان يثبتلوا موضوع او يديلوا يس فيه حبة مواضيع بتاع
)
يلا ما علينا
السلام عليكم ورحمة الله وبركاته
Manas
23 Jan 2006, 10:15 AM
ماشى كل واحد يقول على موضوع شكل
بس احنا بناعمل ربنا
وهنختار الموضوع اللى احنا شايفينوا احسن وبرضوا المراقبين فى الاخر ليهم الحرية
بس احنا لازم نشارك فى اختيار المواضيع اللى تتثبت
وعلى فكرة انا مش موافق على ان الساحة تبقى من غير مراقبين ولكن الاعتراض كان على تثبت المواضيع فقط
Meshmesh
23 Jan 2006, 12:34 PM
تخيلوا اشارة المريوطية هرم وفيصل بدون عساكر مرور فى فترة الظهيرة
هيبقى نفس شكل المنتدى بدون مراقبين
-رؤى-
23 Jan 2006, 01:03 PM
انا عن نفسي مش موافقة علي اننا نشيل المراقبين
لان الموضوع هيقلب بفوضي لان احنا كدة زي كل الشعب المصري مش بيمشي غير لما يكون في رقيب علية
لان المراقب بيكون لة اهمية في التنظيم ووقف اي تجاوز وكدة
لكن اي عضو عندة اقتراح المفروض يبعت للمراقب باقتراحة وممكن يتعمل تصويت بالموافقة او عدمها
El Negm
23 Jan 2006, 01:37 PM
طيب السلام عليكم ورحمة الله وبركاته
ازيكم يا شباب ايه الاخبار كدا
طيب انا جيت عشان اناقش الموضوع
بالنسبة ان احنا نشيل المراقبين
بس طبعا يا احمد بيه تجمع توقيع نصف اعضاء المنتدي فقط ( 10 الاف بس يعني يا دوب تلحق )
لا والله يا جماعة مش كدا
الموضوع كله المراقب دا شلتوا ان هوا ينظم الموضوع من اجل عدم خروج الموضوع عن القوانين والاخلاق العامة للمنتدي
بالنسبة لاي شكوا انا في انتظارها علي احر من الجمر
بالنسة لموضوع تثبيت المواضيع
بدأت ازبط الموضوع ده
وفي افكار كتير ان شاء الله
بس محتاج ناس معانا
فمحدش بنفضي ربنا يكرمك
والسلام عليكم
Manas
23 Jan 2006, 03:12 PM
احب اوضح ان انا مش موافق على اننا نشيل المراقبين
ولكن انا عايز بشدة ان الاعضاء يكون ليهم الحق فى اختيار المواضيع اللى تتثبت
وبرضوا فى الاخر المراقبين لازم يوفقوا على المواضيع اللى تتثبت
ومن حق الاعضاء برضوا انهم يقولوا سلبيات المراقبين وايجابياتهم
ونكون واقعين ونحبهم ومنحسش انهم ناس فوق واحنا تحت هم منا ونحن منهم يارب يكون فعلا كدة
وانى احبكم فى الله
احمد الخطيب
24 Jan 2006, 12:16 AM
السلام عليكم
اولا : احب اشكر كل الناس اللي شاركت برايها في الموضوع
ثانيا :
احب اوضح انا عامل الموضوع ده اصلا ليه ؟
انا عارف ان استحاله الموقع يبقي من غير مراقبين
وانا اعترف ان شاركو مراقب معتدل
اما الاخ جوال فهو ليس موجود تماما
وعارف كويس جدا ان موضوع استفتاءات المواضيع اللي تتثبت دي فاشله زي مقال جارحي بالظبط
لان هننقسم فريقين وكل واحد كاتب موضوع هيطالب بتثبيته وهكذا مش هينفع 
يبقي ايه النظام ؟
احنا ممكن نعمل الموضوع ده وهنثبته وكل حاجه بس كدليل للمراقب
فانه يلقي نظره عليه ويشوف لو في تفضيل خاص لموضوع معين او اعتراض علي موضوع معين
وللمراقب حريه اتخاذ القرار 
وكمان دي هتبقي طريقه كويسه للتواصل بين الاعضاء والمراقبين ولغه حوار دائم بينهم
مش اكتر من كده
ايه رايكم ؟
يا ريت اعرف رايكم كلكم 
merciiiii
Meshmesh
24 Jan 2006, 12:21 AM
ااه
وياريت لو حرر مشاركة يبعتلنا يقولنا حررها ليه
مش سياسة التنفيض
احمد الخطيب
27 Jan 2006, 12:46 AM
السلام عليكم
في ايه يا جماعه انا قلت رايي في اخر الصفحه اللي فاتت
محدش قال اي اعتراض او موافقه علي الاقتراح ليه ؟
طيب اعترضو انا موافق بس قولو حاجه
Manas
27 Jan 2006, 12:54 AM
مش فاهم النقطة بتاعت تثبيت المواضيع
يعنى اية رايك فى الموصضوع دة ياخطيب
gawal
28 Jan 2006, 12:29 PM
ياه كل الناس دي مخنوقه منك يا شاركوو
الموضوع بسيط جداً
اللي عمل موضوع وعايزه يثبت يبعت للمراقب يقوله يثبته
بس الموضوع خلص
El Negm
28 Jan 2006, 07:18 PM
(gawal @ Jan 28 2006, 01:29 PM) [snapback]284483[/snapback]
ياه كل الناس دي مخنوقه منك يا شاركوو
الموضوع بسيط جداً
اللي عمل موضوع وعايزه يثبت يبعت للمراقب يقوله يثبته
بس الموضوع خلص
انا بردوا
بس مش مشكلة
نصلح مع بعض
احمد الخطيب
2 Feb 2006, 11:07 PM
السلام عليكم
انا اسف لانقطاعي يا جماعه بس كنت بحارب في الجبهه
المهم
انا رايي في موضوع التثبيت هو
ان احنا نعمل موضوع عشان يبين راينا للمراقب عشان يعرف احنا بنفضل اي موضوع وعايزينه يتثبت
يعني مثلا انا عايز موضوع معين يتثبت فهكتب في الموضع بتاع الدلليل ده ان الموضوع ده كويس وعايزه يتثبت
وغيري عايز نفس الموضوع هيكتب برضو يبقي كده في اغلبيه يقدر المراقب يستند عليها في تثبيت المواضيع
ولو في حد عندو اي ملحوظه للمراقب يقولهاله والمراقب يرد عليه وكله قدام عنينا
ونعرض راينا في اي مشكله تخص المراقبه او المنتدي في الموضوع ده
يعني من الاخر الموضوع يبقي دليل للمراقب عشان يقرب وجهات النظر
ده كل الموضوع
ايه رايكم ؟
merciiiiiiii
Manas
3 Feb 2006, 03:16 PM
كدة تمام
من رأي منص وابو ذر ![36_1_55[1].gif](http://www.alltalaba.com/board/style_emoticons/default/36_1_55[1].gif)
![36_1_41[1].gif](http://www.alltalaba.com/board/style_emoticons/default/36_1_41[1].gif)
![36_1_37[1].gif](http://www.alltalaba.com/board/style_emoticons/default/36_1_37[1].gif)