ايه رايكم يا جماعة لو نسلي وقتنا ونصحصح المنتدى بان كل واحد فينا يحكي موقف حصله او شافه او او او سواء كان الموقف محرج مضحك مبكي الخ الخ الخ
وانا هابدا
في الترم الاول يوم نتيجة كلية طب رحت هناك عشان اطمن على اصحابي هناك واشوفهم عملوا ايه
كنا مستنيين النتيجة وراح معدي علينا واحد "ابن دكتور في كلية طب"كان جاب النتيجة من الكونترول
سالناه" عملت ايه ؟"قالنا "جبت 106 من 110"
![36_1_42[1].gif](http://www.alltalaba.com/board/html/emoticons/36_1_42[1].gif)
قالها وهو زعلان وراح قايل "الفسيولوجي نزلتني اوي انا ناقص فيها 3 درجات"
طبعا كلنا واقفين ماسكين نفسنا من الضحك
وبعد اما مشي قعدنا طبعا نتريق
_هو ماله بيقولها وهو زعلان كده
_يا جماعة ده زمانه زعلان جدا بجد
_ انتم ناسيين انه ابن دكتور
_اه صحيح ده زمانه اتهزق على النتيجة دي
_تلاقيه راح لابوه وهو بيعيط وقاله بابا انا جبت 106 من 110
_وتلاقي ابوه راح لاطشه الم وقاله 106 يا كلب هو انا باصرف عليك ومدخلك كلية طب عشان تجيبلي 106
_اه صحيح اكيد راح قاله 106 يا كلب....
وفجاة
"مين الكلب؟"
كان اخينا رجعلنا تاني وسمع صاحبنا الاخراني وهو بيقول "106 يا كلب"
طبعا لكم ان تتخيلوا منظره وهو متضايق وصاحبنا مش عارف يقول ايه واحنا كلنا فاطسانين على نفسنا من الضحك
ده اكتر موقف ضحكت عليه من 5 سنين على الاقل
![36_1_42[1].gif](http://www.alltalaba.com/board/style_emoticons/default/36_1_42[1].gif)
![36_6_7[1].gif](http://www.alltalaba.com/board/style_emoticons/default/36_6_7[1].gif)
