بسم الله الرحمن الرحيم..
الحلقة الأولي
تنبيه مهم:: لا أحتاج أن أقول أن مش معني أن أنا اللي بأكتب الحلقات أن انا أعلي منكم...الله يعلم حالي...إن شاء الله الحلقة الأولي تكون عن
التوبة وإصلاح الفرائض....
وفي مشروعاتنا مش بنتكلم كتير ..
بنقول بس..
أخوتاه..
أولا
علشان نبدأ علي نضيف..وعلي أساس قوي ومتين لابد من التوبة..
علي حد ما سمعت أن التوبة مش لازم تكون من ذنب بعينه..تب الآن عن كل ما سبق...طبعا أنتم عارفين شروط التوبة...منها:الأول : الإقلاع عن الذنب فوراً .
الثاني : الندم على ما فات .
الثالث : العزم على عدم العودة .
الرابع : إرجاع حقوق من ظلمهم ، أو طلب البراءة منهم
((نقلا عن كتيب(أريد أن أتوب ولكن) للشيخ محمد صالح المنجد))
وااااااااااااااجب::
كل عضو يفكر ويشوف إيه أكتر ذنب بيقع فيه في الفترة الحالية ويتوب عنه..يتوب توبة صادقة..
اللهم ارزقنا توبة نصوح ..أخوتاه
مش هينفع نزكي نفسنا واحنا عندنا فروض واقعين فيها...
طب إيه الفروض اللي علينا حاليا,؟؟أذكر بعضها وليس كلها طبعا..
-الصلاة في أول جماعة بالمسجد للولاد وفي أول وقتها للأخوات
-طاعة الوالدين ((في المعروف))
-الحجاب المحتشم ((الخمار---->الإسدال---->النقاب))
-آ........؟؟؟
مش عارف بس نقول
الصلاة والحجاب..صحيح الحجاب للبنات طبعا مش للولاد...
نقول بس الصلاة يا شباب..
.بالله عليكم أي أخ أو أخت واقع في موضوع الصلاة يلحق نفسه...
يقول الشيخ يعقوب في شريط كيف تصلي -1:
الصلاة: أول فريضة بعد التوحيد
الصلاة: الفريضة الوحيدة التي فرضت في السماء
الصلاة: أول ما يحاسب عليه العبد
الصلاة: الطاعة المنقسمة بين العبد وبين ربه
الصلاة: بها يقوم الدين وبتركها يهدم الدين
الصلاة:سبب البركة في الرزق والولد والوقت والصحة
الصلاة:أمانة من النفاق
الصلاة:الفاصل بين الرجل وبين الكفر
الصلاة:أمان من اللعنة
الصلاة: طهارة للقلب طهارة للجسم-تنظيم للوقت-مغسلة للذنوب-مطردة للشيطان-مرضاة للرحمن-سبب لسكن أعالي الجنان
الصلاة:الملجأ إلي الله عند الحاجة والشكر والاستخارة والخوف والأمن والسفر والحضر والاستسقاء والمرض والصحة
الصلاة:أمان من عذاب القبر
الصلاة:سبب للنجاة من فتنة المحيا والممات ومن فتنة المسيح الدجال
الصلاة:سبب للتثبيت عند الموت
طيب
لو حد واقع في الصلوات عليه أن يتوب أولا...
ثانيا نبدأ من اللحظة..بدون تسويف..
يللا..خذ بالأسباب..
من اللحظة دي إن شاء الله كل الصلوات الخمسة هأصليها..ومش كده وبس...ده أنا هأصليها في المسجد في أول جماعة((لو ولد طبعا))...
ومش هأفوت أي صلاة..بإذن الله وحده..
صلاة الفجر أعتقد أكثر ما يقع فيه الأخوة..طيب..
وااااااااااااجب::
كل عضو بيقع في صلاة الفجر يشوف عضو تاني ((من هذا لك أو مش منه..مش مشكلة)) يخليه يساعده علي الاستيقاظ...
لو معاك موبايل اظبطه علي أعلي وأخنق رنة عندك وخلي صاحبك يقرفك في عيشتك لغاية ما تصحي...
واظبط منبه..بل أكثر من منبه..
لا تسهر كثيرا...متقولشي هأقعد للفجر...صدقني هتيجي قبله بنص ساعة وتنام علي نفسك...
لا تشرب قهوة قبل ما تنام بخمس دقايق.. لو بتفوقك (لأن فيه ناس بترشب نسكافيه فتنام))
وهكذا انظر للأسباب..
ابعد عن المعاصي والآثام حتي لا تثقلك ذنوبك عن الاستيقاظ..
اعرف فضل صلاة الفجر ((وهو كبير))قال أحدهم لا أذكر من :: لاتأكلوا كثيرا فتشربوا كثيرا فتناموا كثيرا فتخسروا كثيرا..
نصيحة:: الاستماع إلي شريط ((
أين نحن من صلاة الفجر)) لشيخنا أبي عمار....ممتااااااااااااااااااااااز..))
http://media.islamway.com/lessons/masry//3..._SalatAlfagr.rmطيب كده احنا اتكلمنا عن التوبة وعن الصلاة ....
إن شاء الله الحلقة الجاية عن الانتكاسة وعلو الهمة.....
بس بجد بجد تحلوا الواجبات..وأنا معاكم إن شاء الله..
لأن لو محليتوش الواجبات..يعني ما استفادتوش...يعني أنا بأضيع وقتي....ساعتها فعلا يبقي المنتدي بالسلب مش بالإيجاب...يللا
الله معكم أنا عارف إني رغاي....
...........
.....
![36_13_6[1].gif](http://www.alltalaba.com/board/style_emoticons/default/36_13_6[1].gif)
![36_1_44[1].gif](http://www.alltalaba.com/board/style_emoticons/default/36_1_44[1].gif)
