كيف تختار شريك حياتك " على أساس الطباع "

بمعنى آخر كيف تعرف إن هذه الإنسانة سوف تعيش معها في سعادة زوجية من خلال طباعها ؟ " ما هي الطباع التي تريد أن تكون في شريك حياتك ؟ "

و ما هي الصفات أو العيوب اللي من الممكن إذا وجدتها تتنازل عنها و ما هي العيوب التي لا يمكن أن تتنازل عنها ؟

و متى من الممكن أن تتخذي قرار بفسخ خطوبتك - لا قدر الله -

كيف تختارين شريك حياتك " على أساس الطباع "

بمعنى آخر كيف تعرفين إن هذا الإنسان سوف تعيشين معه في سعادة زوجية من خلال طباعه ؟ " ما هي الطباع التي تريدين أن تكون في شريك حياتك ؟ "

و ما هي الصفات أو العيوب اللي من الممكن إذا وجدتينها تتنازلي عنها و ما هي العيوب التي لا يمكن أن تتنازلي عنها ؟

و متى من الممكن أن تتخذي قرار بفسخ خطوبتك - لا قدر الله -

أنا عن نفسي شايفة ان أكتر عيب لا يحتمل في شريك الحياه هو البخل وبصراحة أنا بعتبره عيب خطير جدا لو أتوجد في خطيبي مستقبلا باذن الله فده معناه انهاء العلاقة تماما,أفضل انه يكون ميسور الحال وشهاداته كويسة ومتدين

أنا لا أحب في شريك حياتي

البخل كما أختي " محبة الله " والبخل متضمن بخل المادة وبخل المشاعر

لا أحب من لا يدفعه دينه للعمل الجاد

لا أحب الفروق الاجتماعية الواسعة بيننا

مش بحب اللى عنده عقد في شخصيته

و بكره السلبي موووووووووووت

ومن لا أجد عنده خيراً بأهله

ولو لاقيت حاجة من دى أتركه فوراً

الله يكرمك الموضوع ده فى الجون
الموضوع ده بيقلق الطرفين جدا
لأن مش اى حد كويس و كل حاجه فى حلوه يبقى ينفعلى
بس لو كنا هنتكلم عن الصفات اللى اتمناها
اولا:- فى الكرم و الأخلاق و بر الوالدين و قوه الشخصيه و الأيمان طبعا
اعتقد ان الحاجات دى لازم تكون بد اساسى فى الشخص ده
بعد كده تيجى الحاجات الثانيه ذى

الأتفاق فى طريقة التفكير و الشهاده او المركز فى العمل بتاعه
كمان فعلا الفرق الأجتماعى ميكنش كبير

دى الحاجات المهمه بالنسبه ليا

انما الحاجات اللى ممكن اتغاضى عنها...............
مش عارفه بس اعتقد لو واحد فى الحاجات دى كلها مش هيكون وحش
والله اعلم و على فكره القواعد اللى بنحطها دى ممكن تتغير وقتها ماعدا البند الأول

اولا الموضوع جامد
اولا في صفات كتير اكيد مش بنحبها اولها :
1/ الششششششششك والغيرة العاميه بدون سبب والغيرة لدرجه الخنقه والمرض وغالبا هو السبب الاكثر شعبيه في فسخ اي علاقه
2/البخل لدرجه القهر وعدم التمتع بالخيرات
3/المستوي الاجتماعي لابد ان يكوت متقارب او متساوي حتي لايفرق بين احداهما
4/ البارد الانسان البارد اللي مكبر دماغه من كل شئ وحاطط ايده في الميه السقعه

الصفات التي لا يمكن أنا أقبل بها في الشخص المتقدم .. و أنصح أي بنت بتركها

الكذب لإن مفيش مسلم كذاب

البخل لإنه هيضن بمشاعره و بماله عليكي

الأنانية مش هيحب غير نفسه و بس و مش هينظر غير لمصلحته الشخصية

ليس عنده إحساس بالمسؤلية .. لا يستحق أن يكون زوج أصلا

المغرور و المتكبر و المتعالي .. ربنا طرد إبليس من رحمته بسبب الكبر و في فرق بين الكبر و الكبرياء و إنه بيحافظ على كرامته

الشخص الغيور و الشكاك الحياة هتبقى نكد × نكد

الشخصية العبوسة دائما أو كثيرة الهزار دائما - لكل مقام مقال -

إنه يكون عنيف في تصرفاته و معندهوش حكمة و روية في اتخاذ قراراته يقوم يخطبني بحاجة في وشي يشهوني

إنه يكون إمعة أو معندهوش رأيه و شخصيته المستقلة و تفكيره الخاص به أو شخصية اتكالية - مستني الناس همه اللي يعطوا له قرارات و هو ينفذ -

لا يكون له خير في أهله .. لإنه مش هيكون فيه خير ليكي و إنه لم يتعود على العطاء سواء معنوي أو مادي

لو مبيقدرش اهتماماتي أو مشاعري برضو ما أوافقش عليه .. لإنه مش واخد واحدة شغالة تمسح و تكنس و تطبخ و بس

في عيوب طبعا ممكن الواحد يتكيف معاها

زي مثلا عيب شكلي

أو إن اهتماماته ليست هي نفس اهتماماتي .. بس يكون زي ما قلت كل واحد يحترم اهتمامات الطرف الآخر

أو إمكانياته المادية محدودة .. أهلينا عاشوا بأقل من اللي بنعيش بيه دلوقتي

إنه يكون جاب أقل مني في الثانوية العامة .. ممكن أوافق عادي أهم شيء التقارب في المستوى الاجتماعي و العلمي يعني ما أكونش أنا تعليم جامعي و آخد واحد خريج معهد أو دبلوم صنايع .. أحسن بألاقي بنات كتير اليومين دول

-معلهش أصلي من بنات اليومين دول -

بترفض عشان هي في كلية طب و هو آداب مثلا .. طبعا دي حرية شخصية بس انظري لكذا جانب في شخصيته قبل ما تقولي لأ عشان كليته مستواها العلمي أقل منك بس لو شايفة إن نوع الدراسة بيأثر في التفكير لدرجة إنكم مش هتكونوا متفاهمين أنصحك يا عزيزتي بلاش عشان متفضليش طول عمرك بتقولي لو كنت تزوجت واحد زي في المستوى العلمي كان و كان ... لإن لو تفتح عمل الشيطان و ده في الأول و الآخر يرجع لك

إنه يكون روتيني أو شخصية اعتيادية .. هاتعب شوية في العيب ده بس هنحاول إن شاء الله نجدد لإن من الطبيعي إن الحياة تفرض علينا بعض الروتين فعلينا نحن تجديد هذه الحياة

في رأي الشخصي ممكن الإنسان يلاقي عيوب طول ما هو ماشي في فترة الخطبة و العقد و حتى الزواج

أهم شيء إن الواحد يعرف لو لقى عيب فادح هيتعامل معاه إزاي أو لو عيب ليس فادحا بالدرجة هيعمل ايه معاه برضو

و تفرق المرحلة التي يوجد عليها الإنسان يعني لو شخص خاطب غير عاقد غير متزوج غير متزوج و عنده أطفال

لإن قرار الانفصال اتخاذه بيكون صعب من بداية العقد و حتى الزواج و بعد وجود أطفال

حتى الآن الناس بتنظر للمرأة التي خطبت إن ده عيب فظيع جدا

و كأنه تزوجت و انجبت و طلقت ..

حتى نظرة المجتمع للمرأة المطلقة نظرة سيئة للأسف و ده اللي بيخلي الناس تتنازل أحيانا عن الانفصال و بتضطر تيجي على نفسها جامد

أتذكر قصة حدثت أيام الصحابة إن في واحد كان متزوج واحدة و بعد فترة قصيرة جدا من الزواج طلقها و كان هناك شخص آخر يحب تلك المرأة فلما علم بطلاقها ذهب إلى الشخص الذي كان متزوجها و سأله عن سبب الطلاق فلم يرض ذلك الرجل أن يقول خشية أن يكون ذلك فضيحة أو عيب مثلا تعرف به عند الناس فلا يتقد أحد إليها بعده

مش دلوقتي بعض الناس لو اتخطبت و محصلش نصيب في الموضوع تدور تقول ده كان كذا أو كذا و هو كذلك

و كان دي مش سمعة ناس و سيرة

يا ستي لو كنتي مخطوبة أو أنت خاطب و محصلش نصيب و بعد كده تقدم لك شخص أو أنت تقدمت لواحدة يبقى اللي مفروض تسأل عليه العيب اللي فسختي أو فسخت عشانه من قبل

حتى لا تتكرر المأساة

و ربنا يرزق أولاد ببنات مسلمات صالحات

و يرزق بنات المسلمين بشباب مسلمين صالحين

اللهم استجب

كان معكم أختكم أم العيال

الأزعاج


اكتر حاجه مش ممكن استحملها لدرجه اني ممكن افسخ الخطوبه

هو اذا كانت مزعجه

انا بحب الهدوء

واحب اللي يتعامل معايا يتعامل زي بهدوء من غير عصبيه او انفعال

يعني لو كانتت فيها الطباع دي يبقي مش هنصلح لبعض

دا بالأضافه الي الطباع التانيه اللي بترفضها الفطره

كلام حضرتك جميل جزاك الله خيراً عليه

البخل طبعا - الكدب - عدم الالتزام

الغيرة الزائدة

السلام عليكم
جزاكم الله خيرا
و الله الأختيار صعب بس أنا دائما ادعى لهم ارزقنى من ترضى انت عن دينه لأننا ممكن ما نحكمش صح او المظاهر تخدعنا و معنى أنه ملتزم مش عبادات فقط لأ بيطبق العبادت فى حياته
فلنرى صف الرسول صلى الله عليه و سلم على لسان زوجته (كان قرءآنا يمشى على الأرض)
يكون مجاهد فى كل مجال العبادة و الدعوة و العلم و العمل
هين لين رفيقا بأخوانه و طبعا الصفات دى كلها تحتاج توفيق من الله و صدق نية فى طلبها من اجل سعادة الدارين

موضوع جميل أوى يا ( هكذا يبلغ الحب بينهما) ..
الطباع اللى عايزاها فى شريك حياتى ممكن اختصرها فى كلمة و هى انه يكون متدين لانه لو متدين يبقى أكيد بيقتدى برسولنا الكريم -صلى الله عليه و سلم- ..
لو مش هختصر الطباع فى كلمة واحدة هقول ان الطباع هى : طبعا متدين أكيد أولهمو اقصد بكدة ملتزم و متحمل للمسئولية و مراعى و حنون لعائلته .. و طبعا ضرورة توافر حسن الاستماع المودة و التفاهم و المستوى الاجتماعى المتقارب ..

و العيوب التى لا يمكن ان اتنازل عنها هى الكذب و النفاق و الغرور و الأثرة ..و هى هى نفس العيوب اللى لو اكتشفت فى فترة الخطوبة هتؤدى لفسخها ..

و العيوب اللى ممكن ان اتنازل عنها.. هتبقى عيوب مش بتحمله ذنوب أو تضره أو تضر اللى حواليه ..

جزا الله خيرا كل ما ساهم في ذلك الموضوع برأيه ..

و لي عودة بإذن الله

و لكني لي رجاء أخير

يا ريت الناس اللي شاركت تبعت لي اسمها أو أول حروف منه و جزاكم الله خيرا

لكتابته في التحقيق الصحفي

على فكرة أنا بنت و لست ولدا

اولا الصفات الا المرفوض تكون فيه طبعا
يتقى الله ان احبنى اكرمنى وان كرهنى لا يهيننى...واكيد بردو المستوى العلمى والاجتماعى...لان مافيش حد بيعرف يعيش فى مستوى اقل من الا اتربى فيه اعتقد ذلك ال يسمعنى كدة يقول ملينونره ولا حاجة بس عشان الاهل يوفقوا يعنى المهم العيوب بقى
والعيوب بقى الا اكرها عما
1_الزعاق مش بحب الصداع لان راسى بتوجعنى
2_نظام فرض الراى وخلاص الا هو اعملى كذا ومن غير نقاش اقول انا بقى اه
3_البخل
العيوب كتير اكيد اى حاجة بضايق الناس كلها وهو بس يشفها صح بس كفايا عليا كدة

السلام عليكم ورحمة الله وبركاته،..

موضوع مهم.. أولا المفروض يعني المفروض

إن كل بنوتة تضع بعض النقاط التي الأساسية التي تود

أن تراها في شريك حياتها، حتى ما إذا أتى هذا الفارس المغوار

ظلت تختبره وتكتشف فيه إذا ما كانت ما تريده موجود أم لا

ومن هنا يتم التوافق على أساس الطباع

وقبلها تعرف إذا ما كان به عيوب

وهل هذه العيوب تستطيع تحملها أم لا

وأرى أن التفكير بالعقل أفضل في هذه الفترة

لأن العقل دائم، أما العاطفة قد تذهب مع الذين لا يسئلون الناس إلحافا

والآن مع الأسئلة

كيف تختارين شريك حياتك " على أساس الطباع "

بمعنى آخر كيف تعرفين إن هذا الإنسان سوف تعيشين معه في سعادة زوجية من خلال طباعه ؟ " ما هي الطباع التي تريدين أن تكون في شريك حياتك ؟ "

فترة الخطوبة فترة مهمة جدًا وقد لا يهتم بها الكثير،

في هذه الفترة تتم المناقشات والأسئلة لمعرفة كيف يفكر هذا الشخص،

وما هي أهدافه وطموحاته، وما هي نظرته للمرأة وما هدفه من الزواج

كل هذه الأشياء وأكثر منها تنم عن شخصية المتقدم..

الطباع التي أريدها أن يكون اجتماعي والإيجابية في كل شئ.

و ما هي الصفات أو العيوب اللي من الممكن إذا وجدتينها تتنازلي عنها و ما هي العيوب التي لا يمكن أن تتنازلي عنها ؟

حكاية العيوب دي مسألة نسبية

يعني يمكن التغاضى عن عيب في سبيل

مزايا أخرى أنا شايفة إن الموضوع مش ثابت

بيختلف من شخصية إلى آخرى..

والعيوب التي لا يمكن التنازل عنها وهي

العيوب الخمسة النفاق ـ الكذب ـ البخل ـ سوء الظن ـ الغرور

و متى من الممكن أن تتخذي قرار بفسخ خطوبتك - لا قدر الله -

عدم توافق الطباع والاختلافات الكثيرة في الآراء والتي تؤدي إلى مشاكل وأيضًا سوء الظن