السلام عليكم ورحمة الله وبركاته

يقول الرسول صلي الله عليه وسلم( الدين النصيحه )

ويقول سيدنا عمر رحم الله امرؤ اهدي الي عيوبي

اكيد يا شباب كلنا عارفين طلاب الا خوان-وانا ولله الحمد واحد منهم- وبنشوفهم معانا في المدرجات

عشان كده وبمناسبة بداية التيرم التاني عاوزين كل واحد مننا يقول الصفات اللي بيحبها فيهم عشان
نحافظ عليها

ويقول كمان الصفات اللي مش بيحبها فيهم عشان نعالجها ونصلحها

ياشباب لازما تعرفوا ان كل الناس بشر واكيد فيهم مزايا وعيوب والشاطر اللي يدور ويعرف عيوبه ويصلحها
ويعرف مميزاته ويطورها

عاوزين كلنا نشارك وان شاء الله السلبيات والا يجابيات دي هنوصلها ونستني منهم رد عليها

بس عاوزين كل واحد يقول رأيه براحته وفي نفس الوقت يلتزم بأدب النصيحه ولو هينقد ينقد نقد بناء

ولو فيه اي مقترحات ياريت نقولها برده

يلا مين اول واحد هيتكلم

هكلم انا وهقول من منبري اني
ايه يعم فارق عمر
خلي قلبك ابيض كده وصلي علي نبي في قلبك
يله هبقي اقول راي بس بعدين سلام

الموضوع جامد
بس الاراء هتلاقيها قليلة لان اكتر من نصف الاعضاء من الاخوان

يسلاااااااااااااااااااااااام يافاروق ياخويا

ااه لو الموضوع ده يتفعل والناس تكتب فعلا السلبيات والايجابيات الحقيقيه
واحنا نقو بدورنا ونفعل الايجابيات ونحاول تلافى السلبيات

والله يبقى موضوع فى الجووووووووووووووووووووون

ها منتظرين اراء الاحبه
والله والله والله ووالله والله
انا نحبكم فى الله
والله شهيد على ما نقول

هل لي من مشاركة ؟ ! أم خاص بالشباب
بسم الله الرحمن الرحيم " وتعاونوا علي البر والتقوي "

السلام عليكم ورحمة الله وبركاته

عايز اقول رأيي بس مش عارف انتو قصدكوا الطلاب ولا الاخوان الاخوان الكبار عامة

والله الطلاب مش بنشوف منهم حاجة وحشة لأن هما تابعين للأخوان الكبار ولو أنهم بيعملوا مظاهرات وكلام فاضى كدة مالوش لزمة غير انهم يصيبهم الضرر ومش عايز اقول أزاى
يعنى مش هقول انهم يتاخدوا على امن الدولة ولا على الاقل علقة ولا شلوت
ولا يتفصلوا من الجامعة ... إلخ

وياريت يكون بفايدة إلا انها ولا هتودى ولا هتجيب

وبالنسبة للأخوان الكبار اللى سيادتكم ماشيين وراهم
بصراحه دنيويين قوى
والأسلام اسم فقط لهم
كل هدفهم وهمهم السلطة والكرسى وبس......
هما مسلمين منقدرش نقول حاجة بس عاديين زيهم زى السياسيين العاديين
يعنى ممكن تلاقى الواحد بيصلى علشان الناس تشوفه بيصلى زى اعضاء مجلس الشعب كدة وهنعمل وهنسوى وخلاص

عارفين ليه ؟؟؟؟؟؟؟
لأن الواحد لو صادق مع ربنا فى صلاته هيعرف ان الدنيا دى ولا ليها لزمة
لكن تعمل ايه فى واحد ماشى ورا هوا نفسه مش عايز غير السلطة .. ويمكن يضيع عمره علشان يقعد لحظة على كرسى السلطة


يقول الإمام تاج الدين وترجمان العارفين الجامع بين علمى الشريعة والحقيقة ابوالعباس احمد بن عطاء السكندرى :

كنت مرة مع الشيخ أبى العباس المرسى رضى الله عنه فقلت : فى نفسى اشياء , فقال الشيخ: إن كانت النفس لك فاصنع ما شأت ولن تستطيع ذلك ثم قال : النفس كالمرآة كلما أكثت خصامها أكثرت خصامك فسلمها إلى ربهايفعل بها ما يشاء فربما تعبت من تربيتها فلا تنقاد لك , فالمسلم من أسلم نفسه لله ؛ بدليل قوله تعالى إن الله اشترى من المؤمنين انفسهم وأموالهم بإن لهم الجنة)

[/quote]الله الطلاب مش بنشوف منهم حاجة وحشة لأن هما تابعين للأخوان الكبار[quote]


[quote]
وبالنسبة للأخوان الكبار اللى سيادتكم ماشيين وراهم
بصراحه دنيويين قوى
والأسلام اسم فقط لهم
كل هدفهم وهمهم السلطة والكرسى وبس....
[/quote]

ازاى يعنى حبة كويسين وحبة وحشين


موضوع جميل بس لو حد علق بصحيح ومش كان مجرد شكر ومديح ليهم

السلام عليكم

اخى zrzr
انااقصد ان الطلاب الاخوان وما يفعلوه من مظاهرات وحاجات مالهاش لازمة
بيعملوها بحسن نيه
لأعتقادهم ان دا بفايدة ولا حاجة
بس طبعا فى ناس ملوا دماغهم بالكلام دة

إنما الاخوان الكبار زى ما قلت فى المشاركة السابقة

والخلاصة اللى انا قلتها برضه :


يقول الإمام تاج الدين وترجمان العارفين الجامع بين علمى الشريعة والحقيقة ابوالعباس احمد بن عطاء السكندرى :

كنت مرة مع الشيخ أبى العباس المرسى رضى الله عنه فقلت : فى نفسى اشياء , فقال الشيخ: إن كانت النفس لك فاصنع ما شأت ولن تستطيع ذلك ثم قال : النفس كالمرآة كلما أكثت خصامها أكثرت خصامك فسلمها إلى ربهايفعل بها ما يشاء فربما تعبت من تربيتها فلا تنقاد لك , فالمسلم من أسلم نفسه لله ؛ بدليل قوله تعالى ( إن الله اشترى من المؤمنين انفسهم وأموالهم بإن لهم الجنة)

السلا م عليكم ورحمة الله وبركاته
عمى الحاج ايه النور ده
طب ممكن بعد اذنك ارد على الكلام اللى انت كاتبه بس المهم يكون قصك من الموضوع ان انت تعرف وجهة النظر السليمه
او اوضحلك وان كنت انت مصر على رئيك فاولا واخيرا ده رائيك وانا احترم اراء الاخرين جدا

لا احنا قصدنا الطلاب بس ممكن نتكلم على استذتنا الكبار اذا سمح صاحب الموضوع الفاروق عمر

والله اخى العزيز دى من وجهة نظرك كلام فاضى
بس انا اقولك احنا بنعمل المظهرات دى ليه
بص يارز بلبن (ياحلو)
يقول النبى صلى الله عليه وسلم (من راى منكم منكرا فليغيره بيده ان لم يستطع فبلسانه وان لم يستطع فابقلبه وذلك اضعف الايمان)
بس ياعم
فا احنا اهو بنحاول نوصل صوتنا للسلطات المصريه ان فى ناس كتير فى البلد مش راضيين بالوضع
انا مش بقول انهى اللى بتحل المشكله كلها بس هى جزء من الحل مش الحل كله
فهى يعنى تقدر تقول معذرة الى ربكم
فالمظاهره ليها نتائج كتير وممكن اقولك على بعض النتتائج اللى حصلت بسبب المظاهرات
كان الامن مانع طلاب الاخوان من السكن فى المدينه الجامعيه وكان عددهم تقريبا 120اخ تقريبا
فعملنا اعتصام ومظهرات يومين ورا بعض فلله الحمد 53اخ منهم سكن فى المدينه ولسه قاعدين لحد دلواقتى
يعنى تعتبر احيانا وسيله ضغط بتضغط بيها للوصول الى الحق
والشيخ محمد حسان قال فى شريط حكم المظاهرات
ان ادام المظاهره تحاول انكار المنكر وباذن من الحاكم فهى من اهم اعمال التصحيح (ده معنى الكلام عشان انا مش فاكربالظبطواذا اردت التاكد ارجع للشريط)
واحنا لما بنعمل المظاهره بنستاذن من رئيس الحرس فى الجامعه
دى اول نقطه

ارد على النقطه التانيه بعد الفاصل

عمىىىىىىىىىىىىىىىىىىىىى وصحبى انا جيت اهوتانى


بخصوص النقطه التانيه دى ياخى
انت الاول شوفتنا واحنا ماشين فى اى مظاهره
انا اسئلك ومش عايز منك رد انت جاوب على نفسك
عمرك شوفتنا حد فينا بيضرب ولا بياخد شلوت ولا علقه ولا حد فينا اتفصل من الجامعه
قبل كده انا ولله الحمد فى الكليه ودى اخر سنه ليه عمرى ماضربت ولا شوفت اخ جوه الجامعه ساعة الوظاهره اضرب ولا اخد بالشلوت ولا الكلام ده
بس اما بالنسبه يصبنا الضرر ده يعنى هو احنا احسن من النبى عليه الصلاه والسلام
النبى اضرب واتئذى اكتر مننا بكتير والصحابه العظام كلهم اتئذو اذى كبير جدا ولم يرد احد منهم ذلك عن دينه شئ

فموضوع الابتلاء ده سنه كونيه لكل النبياء ومن مشى على ضرب الانبياء
يقول النبى صلى الله عليه وسلم(اشد الناس ابتلاء الانبياء ثم الامثل فالامثل ويبتلى المرء على قدر ايمانه)
بس مش انت معايا ان النظام فى البلد والسيايسه خطأ فى البلد يبقى ده بيكون مصير اى مصحح

يلرب تكون اقتنعت بالكلام ولو عندك اى استفسار ياريت تسئل وياريت ياتقنعنى بكلامك يااحاول اقنعك انا
وربنا يكرمنا واياكم
اما بالنسبه للاخوه الكبار
فاترك الموضوع ده لاخى الحبيب الفاروق عمر
هدانا الله واياكم الى سواء السبيل

ازيكوا ياشباب

معلش الكمبيوتر عندي في مشاكل عشان كده اتاخرت في المشاركه

المهم ان ليا كام تعليق عاوز اقولهم
1-بالنسبه للاخ منص

الموضوع جامد
بس الاراء هتلاقيها قليلة لان اكتر من نصف الاعضاء من الاخوان

احنا عاوزين راي النص التاني ولو حد من النص الاول سمع سلبيه من اي طالب ممكن يقولهل وير د عليها
2-بالنسبه للاخ مانجر انا هكمل علي كلام الفتي العجوز

احنا متفقين ان اي واحد يقول رأيه براحته بس لو فيه حاجه مش واضحه لازم نوضحها

وبالنسبة للأخوان الكبار اللى سيادتكم ماشيين وراهم

لينا الشرف طبعا

بصراحه دنيويين قوى
والأسلام اسم فقط لهم
كل هدفهم وهمهم السلطة والكرسى وبس......
هما مسلمين منقدرش نقول حاجة بس عاديين زيهم زى السياسيين العاديين
يعنى ممكن تلاقى الواحد بيصلى علشان الناس تشوفه بيصلى زى اعضاء مجلس الشعب كدة وهنعمل وهنسوى وخلاص

ممكن اعرف انت جبت الكلام ده منين
يعني ايه مصدر الكلام ده الحكومه ولا الصحف اللي ملهاش شغلانه غير الهجوم علي الاخوان ولا انت تعاملت معاهم وشفت منهم كده
يعني انا بقولك عشان ربنا بيقول (ياأيها الذين امنوا اذا جاءكم فاسق بنيأ فتبينوا ان تصيبوا قوما بجهاله فتصبحوا علي ما فعلتم نادمين)فلو حد قلك الكلام ده لازما تتاكد منه الاول
فانا عاوز موقف يؤكد الكلام اللي انت بتقوله او دليل من المصدر اللي اقلك الكلام ده

وعلي العموم احب اطمنك واقولك اللي بيضحي بنفسه وماله ووقته في سبيل الله اكيد عاوز الجنه مش الدنيا ود اللي الاخوان
طول عمرهم بيعملوه

انا مستني الموقف او الدليل اللي يأكد كلامك عشان نتناقش مع بعض لاني لسه مردتش عليك

هل لي من مشاركة ؟ ! أم خاص بالشباب
بسم الله الرحمن الرحيم " وتعاونوا علي البر والتقوي "

ممكن طبعا

السلام عليكم ورحمة الله وبركاته

اخى العزيز الفتى العجوز حضرتك قلت:
يقول النبى صلى الله عليه وسلم (من راى منكم منكرا فليغيره بيده ان لم يستطع فبلسانه وان لم يستطع فابقلبه وذلك اضعف الايمان)

عايز اقولك بس حاجة
اللى احنا فيه دا بلاء يعنى غضب من ربنا يعنى مننا احنا ومن اعمالنا
ومفيش حاجة هتخلى البلاء دة يترفع إلا التقرب من الله
بس ما كلنا بنصلى !!!!!!!!!
شوف يوم الجمعة الناس بتبقى قد إيه ...
وبنقعد نقول امين ورا الشيخ وندعى ان البلاء دة يزول والبلد معرفش يجرالها إيه

بس مفيش فايدة برضة
ليه؟

علشان كل واحد بيصلى علشان حاجة معينة ومفيش حد بيصلى لله
وهل الصلاة كفايه؟؟؟؟؟
دا كدة هندخل فى موضوع تانى
المهم..........

نعيب زماننا والعيب فينا .... وما لزماننا عيب سوانا
وأديكوا كترتوا اهه ...... إيه الفايدة ؟؟
الجهاد الأهم هو جهاد النفس
وبعدين نبص برة
لأن ربنا مش هينصرنا وأحنا على حالنا دا

وبعدين مشكلة طلاب الأخوان اللى حضرتك بتتكلم عليهم وأنهم ممنوعين من السكن فى المدينة الجامعية
طب ما هما ممنوعين ليه علشان هما اخوان
يعنى لو ما كانوش اخوان كانوا سكنوا عادى
بس علشان الحكومة شايفة انهم خطر على المدينة الجامعية

يعنى منكو انتوا برضه

اسف يا اخى كدة انتوا ما عملتوش حاجة
قوللى مثال اخر لفوائد المظاهرات وإنجازاتها

وبلاش محمد حسان علشان مش بقتنع برأيه خالص
تصحيح ايه يا عم هى البلد محتله؟؟؟؟؟؟؟؟؟؟؟؟؟!!!!!!!!!!!!!!!!

وبعدين ربنا مش هيسألك معملتش مظاهرات ليه
دا هيقولك
ألم تكن أرض الله واسعة فتهاجروا إليها

واكمل برضه بعد الفاصل.......

وبعدين موضوع العلقة والشالوت دى

مهه طبعا مش هيضربوكوا فى المظاهرة
بس انا بسمع ان فيه ناس كتير اتشدوا على امن الدولة

وبنات كمان والله وناس اتفصلوا من الجامعة كمان



لازم يا اخى تسأل نفسك الانبياء كانوا بيتآذوا ليه
علشان كانوا بينشروا الإسلام يعنى اغراض ليست دنيويه
والإسلام انتشر خلاص
فمن شاء فاليؤمن ومن شاء فاليكفر

وشوف درجة الانبياء ثم الأمثل فالأمثل
هو حضرتك ولا اى واحد اخوان من الأمثل دول
وبعدين على قدر إيمانه
يعنى المسلم كدة وخلاص ضرره مش بيبقى ابتلاء
دا بلاء
لازم تعرف الفرق بين البلاء والأبتلاء
وانا هبقى ادى حضرتك لينك بالموضوع دة


والأخ الفاروق عمر :
والله انا جبت الموضوع دة من اللى انا شايفه وحضرتك كمان شايفه كل هدفهم دنيوى فعلا .. . عايزين يمسكوا الحكم
هو انا كجماعة من الناس علشان ارضى اعيش فى حته لازم انا اللى احكمها؟؟؟؟؟؟؟؟؟؟؟؟؟



فى سبيل الله ماقلناش حاجة
بس لو بقة فى سبيل حاجة تانيه؟؟؟؟؟؟
وبعدين هو أحنا فى حرب ولا حاجة علشان

وبعدين ما انا قلتلك على موضوع الجنة دة قبل كدة :



والله اعلم بما فى النفوس

السلام عليكم
على فكره يا مانجر انا مع رايك الف الميه لانه صح
وعاوزه اعرف ايه موضوع الاخوان المسلمين دى هما ليه اطلقوا على نفسهم الاسم ده هما مسلمين غيرنا مثلا ولا ايه
تانى حاجه انتوا قلتوا اننا نقول السلبيات والايجابيات بصراحه انا شايفه ان الحاجه الايجابيه فيكوا هى قراءه القراءان قبل بدء المحاضره وده حاجه جميله جدا
بس لو قلنا السلبيات فهى سورى يعنى كتير كمها التشدد والافكار المتطرفه اللى بتضركوا انتوا قبل اى حد
منها زى ما الفتى العجوز قال المظاهره حد يقولى افادت فى ايه؟؟؟؟؟؟؟؟؟؟؟
ولا فى اى حاجه غير ناس تطلع تعلى صوتها وفى الاخر السلطات اللى مش عاجبه حضراتكوا بتعمل اللى فى دماغها
وكمان لاحظت من بين كلامكوا ان انتوا مش عاجبكوا نظام الحكم
طب ماهو الاسلام وصانا اننا نسمع كلام الحاكم ولو هو ظالم فعقابه عند ربنا بقى
ولو انتوا عاوزين تصححوا بجد نظام البلد محدش هيمنعكوا لو روحتوا تطوعتوا عشان تحاربوا فى فلسطين او اى بلد اسلاميه انتوا شايفنها مظلومه
انما المظاهرات ولا بتنفع ولا تضر غير انكوا فعلا بتتبهدلوا والبنات كمان زى ما مانجر قال وده كلام صحيح امن الدوله فعلا ساعات بيدخل فى المظاهرات وميهموش بنات من ولاد وانتوا عارفين الباقى
وكمان فى حاجه استغربتلها ان الفتى العجوز بيقول ان النبى عليه الصلاه والسلام ابتلى ده كلام صح جدا
بس فين حضارتكوا من الانبيا؟؟؟؟؟؟؟؟؟؟؟؟؟؟؟؟؟؟؟؟؟؟
دى ناس بنتشر دين وفى عندها وحى من عند ربنا وبتنشر دين وكتاب جديد
انتوا بقى شويه اوضاع سياسيه مش عاجباكوا خلاص بقيتوا زيهم ياجماعه ياريت تركزوا فى دراستكوا وبلاش تدخلوا نفسكوا فى حاجات انتوا مش ادها وياريت اصلا فاهمنها صح

السلام عليكم


ابتلاء من ربنا اوكى

لأ لأ لأ
يعنى نصلى وبس وندعى ربنا
لأ لأ لأ
ان الله لا يغير ما بقوما حتى يغيروا ما بأنفسهم
طب ما فلسطين فيها ابتلاء هل الحل انهم يصلوا بس
لأ لأ لأ

دور الاخوان مش مقصور على المظاهرات بس
يعنى قرأن المدرجات
وكلمة قبل المحاضرات
ونشيد
وقوافل الدعوة بين الطلبه
ولافتات اسلامية و و و و و
وبالنسبة للمظاهرات

والله انت حر تقتنع برأيه ام لا
ولكن هو عالم من علماء المسلمين ومحدش يقدر ينكر دة
وعلى فكرة الشيخ محمد حسان مش من الاخوان
ولكن عالم يجب احترم رأيه لان رأيه من الكتاب والسنه مش من دماغه
وبعدين لما مثلا العرض العسكرى اضرب فى فلسطين وتانى يوم عملنا مظاهرة
اية الفايدة ؟؟؟؟؟؟؟؟؟
نعرف اخوانا فى فلسطين ان احنا معاكم ومش معزولين عنكم ونرفع من روحهم

صح ولكن الجهاد لا يمكن ان نتخلى عنه
وان كان بالمال او بالوقت او او او
فلو تخلنا عن الجهاد وقلنا المهم جهاد النفس لاحتلت كل الدول الاسلاميه

خطر ازاى هيفجرو المدينه مثلا ولا اية
انا اعرف واحد انفصل من المدينة علشان كان بيصلى قيام ليل مع اصحابه!!!!!!

هو لو البلد مش محتله تبقى كل حاجة فيها تمام
وان لم تكن تعرف احوال مصر سيئة اد اية تبقى مشكله
الفقر والبطالة وتدهور التعليم و و و و و و

بالله عليك ربنا هيقولنا سيبوا الفساد وروحوا مكان تانى
طب نروح فين ؟؟؟؟؟؟!!!!!!
ولو حتى فى مكان لية منصلحوش كلنا
الهجرة ليست حل الا اذا كان لا يوجد حل غيرها
فالنبى صلى الله عليه وسلم لم يهاجر الا بعد ان قام بمحاولات عديدة ليجعل مكة بلده
ولكن كان لابد من الهجرة الى المدينة
ولكن بعد الهجرة فتح مكة

الموضوع ماشاء الله جميل
انا اتسالت السؤال ده من سنتين من بعض طلاب التيار الاسلامي او الاخوان زي ما تحبوا تطلقوا عليهم
المهم: من افضل الاشياء الموجودة في طلاب التيار الاسلامي هي التحول الذي حدث في تعاملهم مع باقي الطلاب وهو الدعوة الى سبيل الله بالحكمة والموعظة الحسنة وذلك كما امرنا ديننا الحنيف نحن والحمد لله خير امة اخرت للناس نامر بالمعروف وننهى عن المنكر ( مع التاكيد على ان ذلك يتم بالحكمة والموعظة الحسنة).
اما بصراحة الحاجة الاساسية اللي مش بتعجبني في الاخوان هي عدم اهتمامهم بالدراسة
كام طالب من الاخوان حصل على تقدير جيد جدا او امتياز
ياريت تهتموا بالدراسة علشان يكون في المحاضر اللي بيمثل مثل اعلى لطلابه

محتاجين دعاااااااااااااااااااااااااااااء شديد

السلام عليكم مرة تالته ولا رابعة

المهم
الأخت منى : بارك الله فيكى

تمام طبعا

اخى العزيز manas


لا يا اخى لم اقل ذلك انه بلاء وليس أبتلاء
إن الله إذا احب عبدا ابتلاه ( اى اختبره) ...... إلى اخر الحديث القدسى
وحب ربنا للعبد له دلائل ذكرها الله فى حديثه القدسى وكتابه الكريم
دا موضوع كبير قوى على الأخوان ...




فلسطين دى حاجة تانيه ولا انا ولا انت هنحررها ... دى ليها رجالتها
ولا اقصد فلسطين ولكن اقصد القدس ... مش هتتحرر دلوقتى خالص

وبعدين ركز حضرتك فى كلمة انفسهم اللى حضرتك ذكرتها
النفس .. غير ما فى نفسك
وليكن كل ما فى نفسك هو وجه الله وأبتغاء مرضاته
اجعل الدنيا فى يدك و لاتجعلها فى قلبك
وبينى وبينك
سيبك من الدنيا كلها تضرب تقلب براحتها انت مش دايم فيها
كلامى طبعا مالوش دعوة بموضوع الحرب
الحرب دى واجب على كل واحد فى البلد دى
بس طالما مفيش حرب يبقى اجاهد جهاد النفس ( الجهاد الأكبر) لأنه دايم مع الإنسان طول حياته....

طب جرب كدة مع نفسك فى مشاكلك الشخصية وشوف هتتحل ولا لأ
سيبها لله


تولع بجاز يا عم انت هدفك وجه الله بس
وأصبر نفسك مع الذين يذكرون ربهم بالغداة والعشى يريدون وجهه ولا تعد عيناك عنهم تريد زينة الحياة الدنيا......

لأ يلموا بقيت الطلاب ويعملوا مظاهرات وتتطور وتبقى انقلاب على الحكم
وساعتها بقى........... غسلت سنانك بسيجنال تو الناهردة

ألم تكن أرض الله واسعه..؟
واسعة ولا مش واسعة؟
مش عاجبك سيبها ارض الله واسعة
مش هتيجى يوم القيامة تقوله انا كنت مستضعف فى الأرض؟؟؟
هيقولك كدة

طب صلحوه يا عم
|أنا اهه وانت أهه والأخوان كلهم أهم
في منهم باين 76 فى مجلس الشعب يعنى معاكوا سلطة
ورينى بقى...

اخوكم من كليه التجاره بس مش جامعه القاهره لكن فى جامعه اسيوط وبحب اشارك ف الموضوع بتاع طلاب الاخوان هو لو بالنسبه للطلاب هما ملهمش اى تاثير بالمره على الطلاب لان كل الى بيعملوة شويه منشورات وشويه مظاهرات وبتيجى امن الدوله تلم شويه منهم وبياخدوا العلقه الى هى لكن لو هما بجد عاوزين يعملو حاجه يحاولوا يدخلوا ف النتخابات بتاعت الكليه مش الى هما منظمنهاواكيد هينجحو او على الاقل يعملو اسره ف الكليه وينفذوا اعمالهم بجديه اكتر بدل الحبر ال على الورق الى هما شغالين بيه ده وبرضو فى ملاحظه تانىهو الاقتداء بالسنه حاجه كويسه البنطلون قصير ماشى لكن مش على القميص لكن بجلبيه بيضه ولا ايه ؟!ف اذا كاناوا عاوزين يقتدجو بالسنه فينفزوها كامله يا بلاش وارجو انى مكنش طولت عليكم

الاستاذ المنجر
مش عارف لية حاسس ان حضرتك بتتكلم من منطلق احنا نصوم ونصلى وربنا يحللنا كل مشاكلنا
وجهة نظر تقريبا صوفية
على العموم باين عليك مش هتقتنع فالاحسن انى اسكت
ومن امتى الاخوان عملوا شغب
اذكرلى

بالنسبة لاعضاء مجلس الشعب هم 88 وهيورونا كلنا هيعملوا اية


والاية بتقول
بسم الله الرحمن الرحيم
واصبر نفسك مع الذين يدعون ربهم ..............

وبعدين ارض الله واسعة
طب نروح فين
قولى
حضرتك بتأخد الاية وترجمها على وجهة نظرك


الكلام يظهر مفيش منه فايدة لان حضرتك متشبث برأيك
والله لو الاخوان على باطل
ما كانوا وصلوا للى وصلو لية


(سبها لله) ان الله لا يغير ما بقوم حتى يغيروا ما بأنفسهم

كان فى عابد فى احدى القرى قديما وكان اهل هذه القرى لايعبدون الله
وكان هذا الشيخ يتركهم ويفعل كما تقول خلينى مع ربنا
فأمر الله سيدنا جبريل ان يدمر هذه القرية
فقال جبريل كيف وبها رجل عابد
قال الله عزوجل
به فبدأ
لانه ترك اهله ولم ينصحهم
لابد اننا نتحخرك بمظاهرة او او
الشيخ يايسن رحمه الله كان يقول مظاهرة فى الجامعة تجعلنا اقوياء ونشعر وكأنكم معنا
لو حضرتك بترفض المظاهرات يعنى بعد موضوع الدنمارك نسكت ولا اية
شفت المقاطعة والمظاهرات عملت فيهم اية
سبب تعصب الدنمارك اخيرا هو مظاهرات المسلمين وحرقهم للعلم الدنماركى

(وكمان لاحظت من بين كلامكوا ان انتوا مش عاجبكوا نظام الحكم
طب ماهو الاسلام وصانا اننا نسمع كلام الحاكم ولو هو ظالم فعقابه عند ربنا بقى)

يقول النبى صلى الله عليه وسلم
لاطاعة لمخلوق فى معصية الخالق
يعنى لو الحاكم ظالم مينفعش اتبعه

الحاكم يقولنا بلاش شرع ربنا نقوله حاضر
امرك انت تامر
لأ لأ لا
لو دة تفكيرك ودية وجهة نظرك تبقى مشكله
اسأل شيخ لو مش مصدقنى

وعاوزه اعرف ايه موضوع الاخوان المسلمين دى هما ليه اطلقوا على نفسهم الاسم ده هما مسلمين غيرنا مثلا ولا ايه
لأ هم زينا بالضبط وأسمهم ده شئ عادي ويمكن عشان يقولوا أن المسلمين موجودين وبكثرة
بس لو قلنا السلبيات فهى سورى يعنى كتير كمها التشدد والافكار المتطرفه اللى بتضركوا انتوا قبل اى حد
منها زى ما الفتى العجوز قال المظاهره حد يقولى افادت فى ايه؟؟؟؟؟؟؟؟؟؟؟
التشدد والمظاهرة معذرة إلي الله


ولو انتوا عاوزين تصححوا بجد نظام البلد محدش هيمنعكوا لو روحتوا تطوعتوا عشان تحاربوا فى فلسطين او اى بلد اسلاميه انتوا شايفنها مظلومه
يتطوعوا فين؟ يبقي دلهم علي مكان يتطوعوا فيه

السلام عليكم ورحمة الله وبركاته
عدت اليكم من جديد

طب قبل مابدا فى الرد ممكن تسمحولى اجدد نيتى ولو عايزين تجددو النيه معايا يبقى خير
عشان يكون الكلام ابتغاء مرضات الله وعشان ربنا يرضى عنا
وميكنش الكلام تضيع وقت
يارب ان لم يكن كتابتى فى هذا الموضوع فى سبيلك وابتغاء مرضاتك لا توفقنى فيها
وان كان فى سبيلك فوفقنى فى الرد وارزقنا الفهم الصحيح

انى احبكم فى الله

بس انا بعد اذن حضرتك اخى مانجر والاخ فرعون والاخت منى
واضح ان انتو اللى معترضين
ممكن اسال حضراتكوا سؤال زى ماقال الفاروق عمر ممكن اعرف المصدر اللى انتو بتجيبوا منه المعلومات دى
وهل انتو فعلا تعرفو حد من طلاب الاخوان معرفه قويه ولا من بعيد لبعيد

ده حتى المثل الشعبى بيقول تعرف فلان اعرفه عاشرته لا تبقى متعرفوش

يعنى المهم انت تعرف الشخص او الكيان اللى انت بتهاجمه ده معرفه كويسه
ولا اييييييييييييييييييييييييييييييييييييييييه

ابدا فى الرد

ممكن توقلى بتسمع من مين وكمان خد بالك انت مش بتشوف بعينك

طب ما احنا كمان عايزين ننشر الاسلا بشموله ونوضح للناس ان الدين الاسلامى دين شامل مسجد ومصحف وصلاه وسياسه ودوله وعلم ومعرفه ورياضه
وبعدين تقدر تقولى هى الناستعرف ايه عن الاسلام هو حضرتك مش بتروح الجامعه وبتشوف الناس عامله ازاى
قولى ايه رائيك انا مش بعيب على الناس بس هما مساكين زينا زمان ملقناش حد يوجهنا احنا بنحاول نوجهم
وبعدين اخى الحبيب انت دائما بتاكد ان احنا اغرضنا دونياويه يقول النبى صلى الله عليه وسلم انما الاعمال بالنيات
والنيه محلها القلب انت عرفت اللى جوانا ازاى بقى وضحلى صدقنى انت ممكن تقول حاجه وتطلع فينا ونكتشف انهى مشكله وساعتها نصلحها
خلى الحوار بدل اتهامات يكون محاوله للاصلاح

اكمل الرد بعد اذنكم

انتى معايا فى المدرج ومش عارف انتى بتيجى كتير ولا لا وهل لما بتيجى بتشوفينا ولا لا
المهم تقدرى تقولولى ايه هو التشدد اللى احنا بنعمله
انتى معايا فى نفس المجموعه وهاتى مواقف ليه انا تشددت فيها

اهو واحد مش مننا هو اللى رد
ازاى بتقولو تشدد بس ياجماعه انا اتحدى واتحدى فعلا اى حد قال موقف ليه واو لاى حد من الاخوه كان متشدد فيه

اختى انا سبق وقولت احد فوائد المظاهرات
ولكن هى فعلا وسيله ضغط ووسيله للحوار مع الحكومه قويه جدا والله

اخى الحبيبب جزاك الله خير على رائيك
هو احنا الحمد لله عندنا اخوه كتير بيجيبو جيد
واقل شويه بيجيبو امتياز وجيد جدا
وفى اخوه برضو بتشيل مواد واخوه بيعيدو السنه
بس عايز اقول حاجه
احنا ياجماعه شريحه من الطلبه فى منا المتفوق واللى مش متفوق
احنا مش بنقى الطلبه الشاطره بس ونخليهم يمشو مع الاخوان
احنا بنحاول نجتهد ونعمل اللى علينا وربنا يوفقنا
بس طبعا الاخ اللى مش شاطر احيانا يعاقب لو كان التقصير منه واضح
يارب اكون افدت حضرتك اخى الكريم

تمام ازاى بس ياحبيبى
يقول سيدنا عمر رضى الله عنه وارضاه
اذا ائيتم منى اعوجاجا فقومونى بسيوفيكم لازم نحاول نرفض اللى هو بيعملو وبعدين ربنا هو اللى يحاسبه
يقول الله تعالى (لم تعظون قوما الله مهلكهم او معذبهم عذابا اليما قالو معذرة الى ربكم)
عشا ن يوم القيامه لما نتسال نقول يارب حاولنا الرد
امشى دلواقتى معلش عشان اتخرت على الكليه واكمل معاكم بالليل

نصيحة للاخت الى بتقول افكار متطرفة و متشددة تسمع للشيخ وجدى غنيم كتير
http://www.islamway.com/?iw_s=Scholar&iw_a...s&scholar_id=74
الشيخ وجدى بيوضح حقائق كتير غائبة عننا و ما شاء الله عليه خلى الواحد يفتح يعنى

ايه ياخوانا انا كنت من شويه في الموضوع وكنا لسه بنقول ياهادي وبنفتح الباب نلقي
قنابل وصوراريخ وتشدد وتعصب
طيب
ممكن بعد اذنكم لو سمحت يعني بعد اذنكم بس من غير ضرب يعني
اني حضرتك ياستاذ منجروياستاذه مني ممكن بعد اذنكم يعني تقؤلولنا احنا ايه اخطائنا وايه ايجابيتنا
ويريت تقولولنا علي دليلكم في عيوبنا لاني حضرتكم لما تقولولنا علي عيوبنا ان شاء
الله نحاول نصلحها
وجزاكم الله خيرا انكم بتقول علي عيوبنا وربنا يكرمك
وشكرا علي استجابتكم

ممكن بعد اذن طلبة الأخوان اني اقول رأي
انا بختلف مع طلاب الأخوان في بعض الأمور الإ اني اكن لهم كل احترام
-هم يتقبلون فكر الأخر ولهم هدف واضح يسعون الي تحقيقه في همة ونشاط

اما ما تم توجيهه اليهم من اتهامات في هذاا الموضوع فلاا اساس له من الصحة
فمن يتهم الأخوان بتشدد فهل له من دليل علي هذا التشدد
وما هي مظاهر التشدد عند الأخوان

ومن يتهم الأخوان بالأرهاب !!فما هي مظاهر الأرهاب التي مارسها الأخوان ؟؟
ومتي ؟؟
فهل يستطيع من اتهم الأخوان بالأرهاب ان يشير الي حادثة واحدة فعلوها

ان للأخوان عيوب ولا كنها ليست في منهجهم انما في بعض الأفراد داخل الجماعة

فمن يجد اي عيب او اتهام من اللممكن ان يوجه الي الأخوان فليقم بذلك ولكن عليه ان يكون محدد في كلامة ويذكر وقائع وامثلة
وتذكروا اننا جميعاً في ميدان واحد ضد عدو واحد

برافو عليك يأخ ناصرى دة النقد اللى احنا عايزنه نقد بناء
وتوجد ادله على صدقه ويكون هدف اى اخ او اخت هو تقبل الرأى الاخرر
وعدم التعصب لريئه
كل واحد اتعصب لرأيه فقط مش هنوصل لحل

[quote]لان لوكام طالب من الاخوان حصل على تقدير جيد جدا او امتياز
ياريت تهتموا بالدراسة علشان يكون في المحاضر اللي بيمثل مثل اعلى لطلاب[quote]


دة برضوا نقد سليم جدا جدا
والاخ العجوز رد الرد السليم فعلا ولكن برضوا حضرتك عندك حق لازم نشد حيلنا شوية
دعواتكم ربنا يوفقنا واياكم

وجزاكم الله خيراااااا

احم احم انا جيت بعد السلامو عليكوا طبعا

معلش يا شباب انا مكنتش عارف ارد عشان الكمبيوتر كان بايظ بس كنت موصي الفتي العجوز يدخل ويرد

وبصراحه هو قام بالواجب وقال اللي انا كنت هقوله

وعجبني جدا برده اراء الاخ منص والاخ خطاب والاخت بنت يس

بس بصراحه عجبني جدا جدا جدا رأي العضو الناصري

بالرغم من فيه بينا اختلافات في بعض الامور بس هو بيتكلم كلام موزون

وده اللي كنت عاوزه من الموضوع

يا ريت يا شباب نقرا الهدف من الموضوع قبل مانكتب اي حاجه فيه واللي عاوز يقول حاجه يقولها

براحته بس بكررها تاني لازم يلتزم بأدب النصيحه يعني مثلامينفعش نتهم الناس بحاجه ملهاش اي دليل

وانا سبق وقلت للاخ مانجر هات موقف او دليل علي كلامك ولسه مجبش وكل اللي بيعمله انه بيوجه تهم وخلاص

واظن الاعضاء ردوا عليك بما فيه الكفايه ولو عاوز تقتنع اقتنع مش عاوز انت حر

المهم يا شباب عاوزين نكمل الموضوع ومش عاوزين نخرج عن الهدف المحدد له وبلاش الكلام العايم

يعني لو فيه ايجابيه او اقتراح اتفضل قوله

ولو فيه سلبيه انت شفتها وعندك دليل قولها وقول الدليل واحنا ان شاء الله هنحاول نصلحها

ولو فيه حاجه غامضه وانت مش عارفها عننا اعرفها الاول وبعدين احكم عليها هي سلبيه ولا ايجابيه

فى ايه يا جدعااااااااااان ؟؟؟


مين بيعمل ايه ؟؟

تمام الكلام دة ربنا يكرمك يافاروق