بسم الله الرحمن الرحيم

هنا ........في الموضوع ده ...........

عايزين نحدد طريقة نقدر من خلالها نقيم اي موضوع عن طريق

احصائيات

طبعا تقييم المواضيع هيدي افضلية لمين يتثبت و مين ما يتثبتش ده غير نقدر عن طريق الاحصائيات دي نحدد مين هو عضو صيدلة الماسي

طبعا الاحصائيات دي هتتوقف على عدة قياسات:
1- عدد المشاركات
2- عدد المشاهدات
3- عدد مشاركات صاحب الموضوع نفسه" م ص م"
4- عدد المشاركات من اعضاء من كليات اخرى
5- عمر الموضوع

عشان نبدأ نقيم الموضوع نجيب القيم الاتية
1-نسبة المشاركت الى المشاهدات: كلما زادت النسبة دي فده يدل على ان الاعضاء ما قدروش يقاوموا رغبتهم في الرد في

الموضوع يعني ده دليل ان الموضوع قوي
2-معدل المشاركات المتوسط: ده بيساوي عدد المشاركات ÷ عمر الموضوع باليوم
ده مفيد جدا في المقارنة بين المواضيع اللي اعمارها بتختلف
طبعا كلما زاد عدد المشاركات في اليوم فده دليل على ان الموضوع قوي و جذاب
3-عدد مشاركات صاحب الموضوع :كلما زاد عدد مشاركات صاحب الموضوع كلما دل هذا على انه بذل مجهود كبير في الموضوع
4- نسبة مشاركات صاحب الموضوع(م ص م) الى مشاركات باقي الاعضاء=م ص م÷(عدد المشاركت - م ص م )

طبعا هنا العلاقة عكسية يعني كلما زاد نسبة مشاركات صاحب الموضوع فده يدل على ان الموضوع لم يلاقي اقبال كافي من باقي الاعضاء
5- وجود مشاركات من اعضاء من كليات اخرى ده يدل على ان الموضوع جذاب
6-عمر الموضوع :طبعا الموضوع اللي بيعيش فترة طويلة ده يدل على انه موضوع كويس و قوي

طبعا المقاييس دي مش كاملة يعني فيه مقاييس تانية لكن دي اللي قدرت عليها كمان المقاييس دي مش دايما تكون معبرة عن قيمة الموضوع الحقيقية لكنها مجرد اشارة

طبعا لازم ناخد مثال
المثال هيكون موضوع قديم جدا لكنه من اكبر و اهم المواضيع على ساحتنا هو "بطاقة تعارف"

نبدأ بالمقاييس

عدد المشاركات=755
عدد المشاهدات=10036
عمر الموضوع =سنة و 6 شهور و 10 ايام "عشان كده باقول قديم جدا"
عدد مصم=47
عدد مشاركات من كليات اخرى= 116 او اكثر

نخش على القيم و دلالتها
نسبة المشاركات الى المشاهدات =755÷10036= 0.0752
مقلوب القيمة دي=13.29
يعني تقريبا واحد من كل 13 شافوا الموضوع كتب مشاركة
القيمة دي قليلة لكن مش اوي

معدل المشاركات المتوسط=755÷(365+6*30+10)=1.36
يعني كل 3 ايام تقريبا كان بيتكتب 4 مشاركات او اكتر

عدد مشاركات صاحب الموضوع (م ص م)= 47 طبعا بالنسبة لموضوع كبير زي ده تعتبر نسبة قليلة
لان معدل مشاركة صاحب الموضوع هتساوي 47÷555=0.085
مقلوب الرقم ده يساوي 11.8 يعني صاحب الموضوع كان بيكتب مشاركة كل 12 يوم تقريبا
لكن لو بصينا لنسبة ال( م ص م) لمشاركات باقي الاعضاء =47 ÷(755-47)=0.066 نسبة قليلة جدا و ده دليل على ان تفاعل باقي الاعضاء كان كبير جدا لان مع كل مشاركة من صاحب الموضوع كان الاعضاء بيكتبوا 15 مشاركة

طبعا هنلاقي ان عندنا اكتر من 100 مشاركة من كليات تانية ده دليل ان الموضوع له جاذبيته

طبعا عمر الموضوع كبير جدا يمكن هو اكبر المواضيع عمرا في الساحة
ملحوظة" عمر الموضوع بيتحسب من تاريخ اول مشاركة لتاريخ اخر مشاركة مش للتاريخ اللي احنا فيه"

و شكرا

طب يا مورتى

كلكع يتكلكع كلكوع وكلكعة

أفكارك حلوة أوي يا مورتي...................

طب استنى أجيب الكلكوليتر,,,,,,,,,,,,,,,

هو لازم نرسم الجراف؟؟؟؟؟؟ و لا نسلمه كده عادي؟؟؟؟؟؟؟؟؟؟؟

يا ابني انت فاضي؟

حلوة الفكرة يا مورتي
بس أنا مش بحب الحسابات ولا الأرقام
وأكره مادة عندي الرياضة
من وأنا في أولى ابتدائي

طول عمرى بقول دماغك عاليه

الاحصائيات دى تمام

على الاقل الواحد يشغل دماغه فيها شوية

طب أقولك

مشكلة الموضوع ده انّك مثلا عامل نسبة بين المشاهدات وعدد الردود

طب ما انا لو فتحت موضوعى كتير هيتحسب عليا

يا واد يا فتك

طاب ايه رايك انك عديت من ابتدائي و اعدادي و ثانوي وانت شغال بمسطرة مش مظبوطة

و كمان بتعدي من امتحان الاناليتيكال حتى لو شغال ببيوريت مش كاليبراتيد

اقصد ان المشاهدات و عدد الردود و عمر الوضوع و كل الحاجات دي مش مظبوطة مية في المية عشان تعبر عن قيمة الموضوع لكنها مجرد اشارة عن الموضوع كويس او لا
و بتدينا قدرة على المقارنة بين المواضيع المختلفة
يعني مثلا في المثال اللي قدمته موضوع "بطاقة تعارف" هنلاقي ان صاحبة الموضوع مشاركاتها قليلة نسبيا

لكنها في مواضيع تانية ليها مشاركاتها كانت اكتر

ده بيرجع لطبيعة الموضوع "موضوع بطاقة تعارف موضوع عام و مش محتاج من صاحب الموضوع ان يخش عليه كل يوم عشان يكون الموضوع نشط"

فالمقاييس دي مش اكيدة لكنها تميز الموضوع الكويس من الموضوع الجيد من الموضوع الممتاز

شوفوا عشان يكون الموضوع له هدف
انا رايي انه يبقى تابع لترشيحات عضو صيدلة الماسي
كل واحد مرشح عن موضوع معين يختاره هو بنفسه و نحسب له القيم دي و يبقى عليها درجات

و ده طبعا مش هيلغي التصويت على الاختيار انما لو اتنين كان عدد الاصوات متقارب ممكن حد يفوز على التاني بالدرجات

هاه ايه رايكم؟؟؟؟؟؟؟؟؟؟

ياعم احنا فاضيين للسكاشن .....ولا للهم ده

دي مادة تانية لواحدها

شوف يا مورتى

صدقنى فكرتك جميلة لكن تنفيذها هيكلكع العملية أكتر

خلى الموضوع خاضع للذوق العام أحسن وبلاش موضوع الاحصائيات ده

ده رأيى الخاص

أفكارك جنان يا يامورتي

ليا رد مطول علي الموضوع دا

انتظروني