طبعا كلنا سمعنا عن العبارة المصرية السلام 98 اللي غرقت في البحر الاحمر
اللي غظني ان في نفس يوم غرق العبارة كان المصريين بيحتفلوا في الشوارع بفوز مصر على الكونغو و مش مقدرين حجم الفادحة اللي حصلت

عارفيين كام واحد هيعيش بعد النهاردة من غير اب او من غير ام او اخوات
عارفيين فيه كام واحد حزين دلوقتي بعد اللي حصل ده

انا سمعت قصة طفل عنده خمس سنين من الناس اللي نجوا ابوه عطاله طوق النجاة و شاف الطفل المركب و هي بتغرق بوالده و والدته لحد لما واحد ساعده و كتب له ربنا النجاة
حتى الناس اللي نجت من الحادث لما كانوا جيبنهم كان معظمهم بيبكي بحرقة
يمكن لانهم فقدوا ناس قريبة لهم
و يمكن لان اللي شافوه مش ممكن يتمحي من دماغهم ابدا

اكيد كانات لحظات قاسية على كل الركاب اللي عاش منهم بعد كده او اللي مات
واحد من الناجيين قال انه فضل في الميه ثلاث ساعات لحد لما شاف السمك بياكل في الناس
انا مش متخيل ان اي واحد عاش اللحظات دي في ظلام الليل و برودة الشتاء و اليأس من النجاة و الموت بيحصد الناس من حواليه انه ممكن يرجع تاني طبيعي ابدا

المهم مين السبب في المأساة دي
اهمال في الصيانة ولا طاقم السفينة زي ما قال واحد من الركاب ان لما حصل عطل في الماكينة كان ممكن يرجعوا لكن الطاقم رفض الرجوع

المهم ان في مسئول
مسئول عن تشريد و موت المئات و حزن الملايين
مسئول عن لحظات الموت اللي عشها الركاب قبل اما يموتوا

بس يا تري مين المسئول

انا لا متشددة ولا متعصبة و لا اي حاجة خالص (و اكيد اغلبكم ان لم يكن الكل قد كون فكرة عامة عني)

بس هو التعليق علي الموضوع دا حاجتين ...
اولا ان الناس فقدت الاحساس بمعني الكلمة ,نقدر نقول نوع متأخر جدا من قسوة القلوب و لم ينجوا من هذا المرض اللعين الا من رحم ربي ...
يعني اعتقد اللي منكم شاف فيلم (تايتانيك) - لا اعني الارف اللي فيه - و لكن اعتقد انه ادق تصوير لحجم الكارثة الانسانية و الاثار النفسية المدمرة التي مر بها هؤلاء الناجين ...

معلش في دي الكلمة , و دي كلمة بوجها لملاين البشر اللي بيعشقوا الكورة , انا نفسي افهم ايه السفه في توجيه المشاعر اللي عندنا دا !!!! لماالمانيا تكسب كاس العالم , و تقيم الافراح ... دا حقها انها تختال بين الامم, حققت افضل شئ في كل حاجة حتي الرياضة !!!

لكن احنا خيبتنا تقيله .... يجي كام طن , يعني خلاص... عملنا كل حاجة و مبقاش فاضل علينا غير اننا نموت نفسنا فرحا و جنونا لما مصر تكسب الماشت اللي فات , ولا تاخد حتي البطولة كلها !!!! طب و ايه يعني اصلا ...مجرد رقم بيضاف الي موسووعة الفائزين ...هي في الاخر ( مجرد رياضة ) و ياريت منديهاش اكثر من حقها
هتردوا عليا و تقولولي الشعب مخنوق و متضايق و ميصدق يلاقي حاجة يحس اننا كويسين فيها , هقول لكم المسكنات دي عمرها ما هتجيب حل ... اه اي نعم تأثيرها سريع لكن يبقي عندنا نفس العلة و ستهاجمنا الاعراض مرة اخري و سيمرض المريض مرة اخري ان لم نعالجة حقا !!!! بل كمان مش عايزةاقول لكم الاثار السلبية للمسكنات دي, هي اللي بتخلي الاعيبة تتمرعن و تتفرعن و مترضان باقل من 3 او 4 ميليون في عقد الاحتراف !!!! و كلة علشان الجمهور


غير كدا بعد كل اللي قلتهلوكم دا و لما تحصل كارثة قومية ( ايوة كارثة قومية ) و عبارة تغرق و لا حتي تنكس الاعلام ولا تحتي تعلن حالة الحداد العامة في الدولة و تمنع الاعلانات والاغاني و الموسيقي من التلفزيونا المحترم , يبقي فعلا الاحساس (الحقيقي ) اصبح عملة نادرة و لا وجود له


بالله عليكم ,اعقلوها و فكروا بس معايا , لما ناس يكون كل هدفهم في الحياة انهم يجروا وراء كورة , ( اه الرياضة كويسة بس لما تحصل حرب مش هتأكلنا عيش ) و الناس اللي تاعبة نفسها و طالع عين اهلها في البحث العلمي مش لاقيين دعم و مفيش ادامهم غير انهما يسافروا .... هوا دا اللي هيخلينا ننهض !!!!! هوا دا اللي هيجيب لنا التقدم ...
الشعب هيكون مبسوط بجد لما خطة اصلاح اقتصادية و صناعية شاملة ( حقيقية ) تنفذ ,و مش خطة اصلاح الهيكل الفني للمنتخب الوطني !!!! الشباب هيلاقوا شغل (حقيقي ) و البنات و ههجوز و عجلة التنمية هتسير ...و اهم حاجة ان التعليم ميتحولش لتجارة (زي ما احنا شايفين في الجامعات الخاصة ) و يرجع لوضعة الطبيعي في كونة منارة للبحث العلمي...اي نعم العلاج طويل لكنه فعال...لكن من يعقل !!!!!!!!!!!!!!!!!!!!!!!!!!!!!

بصراحه من ساعة الموقف إللى كان حكاه سول كويست عن مشجعى الكوره وأنا بتقبض أما أسمع إن فى عندنا فى مصر ماتشات كبيره
بخاف أحسن يحصل الموقف ده تانى
ربنا يهدى الشباب
والبنات بردوا" فى منهم دلوقتى بقوا يشجعوا الكوره أكتر من الولاد"

أنا سمعت في الجزيرة
إن العبارة ممنوعة من الملاحة في المياه الإقليمية الأوروبية !
وإن العبارة عمرها 36 سنة !
وإن الشركة اللي مرخصالها في إيطاليا ! لها قضايا في تصاريح لسفن غرقت ! أخرها منذ 6 شهور !
لا تعليق

أعتقد إن الموضوع أصبح أكبر من العبارة بكتير...فعلا إنه التغييب الذي يعيشه المسلمون الأن فليس

فقط موت من كان في العبارة ولكن عندما سبوا رسول الله صلى الله عليه و سلم تبارى الناس في إظهار الغضب و التعبير عنه و

في المساء انقلب كل شيئ و أصبح الهم الأول للناش هو ماتش مصر و الكونغو و حتى الفرق الأخرى.

بالصدفة رأيت جزء من برنامج على قناة دريم لأحمد شوبير اتصلت في أحد المشجعات فقالت(والله يا أستاذ أحمد اللي شتموا

الرسول دول نديهم بالبلغة _فقال لها:مايصحش يا حاجة فاطمة_قالت: والله بالبلغة لكن على العموم أنا باحيي الكابتن

حسام..............و أخذت تمدح في لكابتن حسام و ما فعله في المنتخب.

أعتقد يا إخواني أن الموضوع يتلخص في عدة نقاط:

أولا :السطحية التي أصبح يتمتع بها معظم الشعب المصري الذي يثور من أجل عدة صور من الطبيعي جدا أن يعبر عنها من

يتهكمون على هذا الدين و لا جديد في أنهم عبروا عما يكمن في نفوسهم منذ نزول الإسلام,في حين أن الناس لا تفهم أن إهانة ما

جاء به رسول الله كل يوم على أيدي المسلمين أنفسهم هو أكبر إهانة لرسول الله فمحارم الله تنتهك كل يوم على شاشات

التليفيزيون و في الشوارع و على ألسنة من يسمون أنفسهم بالمثقفين.

فالحجاب أصبح ليس من الإسلام في شيئ و شرب الخمر و الزنا حرية شخصية و الخمر تباع جهارا في المحلات و العبادات إنما

هي فقط وسيلة لإصلاح الأنفس و ربنا رب قلوب و شريعة الله إنما كانت لتحكم في زمان نزولها و القران أقدس من نقحمه في

هذه الدنيا القذرة و لكن مكانه الصحيحي في الأدراج و على تابلوهات السيارات و حدود الله للتخويف فقط و ليست

للتطبيق.........................إلخ.

فالإسلام في نظر الناس أصبح رموز متمثلة في أشخاص و على أقصى تقدير أصبح مجموعة من الشعائر تؤدى ليبارك الله لنا و

على هذا فيمكن فصله تماما عما يحدث في الواقع.

ثانيا:فقدان الإحساس بالغير و هو كما قالت الأخت ربة السيف مرحلة متقدمة من قسوة القلوب كما فقد الناس معنى أخوة الدين و

إن احتفظوا ببعض معنى الترابط القبلي أو الوطني و أحيانا القومي و هو ما أصبحنا نراه من استماتة الفرد في الدفاع عن ابن

منطقته ظالما كان أم مظلوما و كذلك عن ابن قريته ضد أخيه من ساكني القرى الأخرى و عن ابن بلده ضد أخيه من مواطني البلاد

المسلمة الأخرى و هو ما نراه كل يوم من احتقارالسودانيين و التعرض لهم استنادا إلى أن المعتدي يكون في بلده بالرغم من أنه

أجبن ما يكون إذا كان وحده و أيضا الحروب التي تحدث في مباريات الكرة بين أبناء الدول العربية وخاصة دول الشمال الأفريقي

بالرغم من أن أحدا لا يجرؤ أن يفعل ذلك منهم أمام الدول الأخرى و كأنهم يحتقروا إخوانهم.

ثالثا:موضوع مباريات الكرة التي يمكنها حشد ما لايمكن حشده عند تعرض مصر لهجوم ما .هذا الحشد يكون مجهزا بألسنة طويلة

تتلفظ بأقذع أنواع الشتائم و كل أشكال التعبير عن العصبية و الغضب.

و لن أنسى يوم أن ذهبت إلى الإستاد لأشاهد مباراة فإذا بي أجد غيوما من الدخان الناتج عن سجائر المشجعيين أدت إلى إصابتي

باختناق شديد.

أعتذر عن الإطالة و عن لمحة التشاؤم التي بدت في كلامي و لكن مازال هناك الكثير من أبناء الأمة الذين يسعون لتغيير ما حل

بها من ذل و هوان و مازال الطريق طويلا و لن يحاسب أي منا على النتيجة بل سيحاسب على ما بذله لتحقيق النصر

انا كنت عاوز اكتب بس مش لاقى كلام

انا اتكلمت قبل كدة كتير

فقلت أتضامن معاكم

مش عارفة أقول ايه كل الكلام اللى كنت عايزة أقوله انتوا قلتوه

اللهم اغفر لي ولوالدي وللمؤمنين والمؤمنات والمسلمين والمسلمات الأحياء منهم والأموات يوم يقوم الحساب

والله يكون فى عون أهل الضحايا