السلام عليكم ورحتمه وبركاته انا جديده في المنتدي واحب اعرف رايكم في ايه الفرق بين حريه البنت والولد

ياجماعه هل انتم هتوافقوني في الراي انا رايي ان الفرق في الحريه ان البنت دايما الناس مش سيبنها في حالها طلعت من البيت دي طالعه ليه راجعه البيت دي راجعه متاخرة ليه حتي لو الساعه ليسه 8 والناس دايما تقول البات دول فاضيين طيب ليه كيده يعني بالمعني الصريح لا كيده عاجب ولا كيده عاجب لكن الولد له حريه ممكن يرجع الفجر ولو حد اتشاكل معاه اهو يومين وننسي الموضوع انا مبقولشي كيده عشان تكون الحريه علي البحري لا بالعكس يعني انا مثلا ليه زميله وكان عندنا معرض مفتوح في الجامعه فا اخوها قلها اياكي اشوفك هناك ولو شفتك انت عارفه الي هيحصلك وهو راح واعد يهظر مع اصحابه وعاش حياته طيب ليه ياجماعه عاوزة حد يرد

بارك الله فيك اختي في الله ما فيش حرية للولد او البنت الا في ضوء حدود ديننا الحنيف
انا لا اظن ان الولد حريته زي ما بتقولي بدون حدود لا طبعا في حدود فليس معنى ان الولد حر انه ولا عياذ بالله يكون كل يوم في علاقة من فتاة او انه يروح يسهر في مكان يعصي فيه الله
لا يا اختي حرية الولد مقيدة بتعاليم الدين
ونفس الامر البنت ايضا حريتها مقيدة بتعاليم الدين.
وبعدين من غير زعل الساعة 8 فعلا وقت متاخر الا اذا كانت في محاضرة في الجامعة وياريت لو كان ممكن ترجع في وسط صحبة امنة من صديقاتها او اي حد من افراد اسرتها يستنها ويرجعها .

دي مش رجعية
اوعى تزعلى من كلامي لكن فعلا الامان قل في هذا الزمان

اولا انا متشكرة ليكي اوي عشان رديتي لان اول مره حد يرد عليه وانا بالعكس ازعل ليه دا موضوع وبنتتاقش فيه بس انا مقولتش ان حريه الولد السهر والحاجات دي انا بقول لا طبعا في اولاد محترمين لكن لو مثلا الولد عمل اي خطا ومش ضروري يكرن زي الي في بالك لا صحيحي بيتعاقب لكن البنت بتتعاقب اكتر منه طيب ليه ميكنشي فيه مساواه بينها وبين الولد واذا اتكلمنا يقولو دا ولد

السلام عليكم ورحمه الله وبركاته


اولا اهلا بيكى معنا عضوه جديده ويارب يعجبك المنتدى

اما موضوعك فهو جميل جدا

وانا معاكى فى بعض ما قولتيه
لان فى بعض البيوت بجد بتفرق فى المعامله بس هما قله فى الزمن ده
وده راجع كما قيل لتعاليم الدين وبرضه لعادات وتقاليد كل منطقه

مفيش حاجة اسمها مساواة بين الولد و البنت لان ربنا قال " و ليس الذكر كالأنثى"
لو عملنا بقى مساواة يبقى الستات كلهم يعملو عمليات و يقلبو رجالة أو العكس و هنلاقى راجل بيخلف او ست مطلقة لحية
انما فى حاجة اسمها ( العدل ) فى المعاملة و ده الاسلام بيضمنه للبنت لها الحق ف العمل و اختيار الزوج يعنى قبول او رفض و الميراث

اولا السلام عليكم ورحمته وبركاته وانا متشكرة اوي للي شاركوني في الموضوع وانا فعلا متفقه معاكم في الي قولتوة ويارب ميكنشي حد زعلان مني لان انا نفسي من زمان اطرح الموضوع ده وانا متشكرة ليكو اوي وياريت محدش ياخد عني فكرة مش حلوه وياريت تقبلوني عضوة بينكم

ياجماعه بس انا قصد ان في دا خل كل اسرة في تفرقه بين الولد والبنت بالنسبه للراي والفكر والتربيه وطبعا مش جميع الاسره بحيث ان يكون للبنت حريه للراي زيها زي الولد وتكون تربيه سويه حتي تخرج الي الدراسه او العمل وتكون لديها شخصيه قويه في اداء الراي وعدم الاحساس بالنقص والضعف لان التفرقه في التربيه تؤدي الي احساس البنت بالضعف لان لاخر اقوي منها مع التزامها بشرعيه دينها سواء بالنسبه للطرفين

هو علشان الدين هو اللى حكم البنت بقيود واصبحت القيود ده عادات وتقاليد في بلدنا

يعنى هما بيقولوا رجعت متأخر ولما نسألهم ايه اللى فيها؟ يقولوا عيب لكن ميعرفوش ان ده عادات وتقاليد شعب

هاى يا جماعه انا شايف الموضوع ده يرجع للمجتمع و التربيه انا عضو جديد وسعيد بأنضمامى اليكم

ن متشكرة ليك اوي ياسيف وصح الرد بتاعك ويارب المنتدي يعجبك وهلا بيك في وسطينا وصحيح ان ده بيرجع للمجتمع بس احنا في استطاعتنا الي احنا نغيرة

السلام عليكم ورحمة الهه وبركاته
اهلا بيكى فى المنتدى كل الطلبه وانشاء الله تسعدى فى المنتدى

ده كلام سليم
ولكن هما ممكن يخرجو ويتفسحو براحتهم بس فى حدود ما الاسلام اولا
وفى حدود عادات وتقاليد المجتمع ثانيا
بس فاالمهم فى الاول والاخر تعاليم الدين

والله انا شايف ان المشكله كلها فى عرف المجتمع مش اكتر
يعنى لو الواحد شاف بنت الساعة 10 هيقول وهيقول

ولكن لو شاف ولد الساعة 2 هيقول ربنا يعينه بيتعب فى المذاكرة

لكن لما الاسلام يرجع يحكم من تانى بأمر الله
الاعراف هتتغير بأذن الله
والبنات هتأخد حقوق فوق ماتتصور
لية؟
لانها هتأخد الحقوق اللى ربنا عالم انها فيها الخير لها
بسم الله الرحمن الرحيم
(الا يعلم من خلق وهو اللطيف الخبير)
وسعاتها هيعلم الجميع ان الاسلام كرم المرأة
فالمرأة نصف المجتمع وتربى النصف الاخر
فكيف نعطى الاولاد حقوق ولا نعطيها للمرأة مدام لم تتنافى مع الشرع

وانا مقصدش من كلامى ان البنات تروح بتها الساعة 9 و10 وووو
ولكن اقصد ان يتحلوا بالصبر حتى يرجع الاسلام

عندك حق واللهي اهو احنا مستنين لما الاسلام يرجع زي ما كان ويكون في امن وامان

البنت زى الولد مهياش كمالة عدد

مش عارف

بس طبيعى لازم يبقى فرق

والا لو مافيش فرق

يبقى الرجالة تخلف

والستات هما اللى يشتغلوا

ولا ايه يا خطاب؟؟؟؟

اهلا بيكى معانا يا تغريد فى المنتدى

اعتقد يا جماعة ان اختنا مش بتتكلم عن الحرية بالمعني المفهوم

انماا بتتكلم عن الفروق في المعاملة بين الولد والبنت داخل الأسرة

ودي بترج لثاقفة وتفكير الباء يعني هما نفسهم اتربوا علي ايه

وهل عندهم فهم صحيح لمفزم التربية للأبناء ولا لا

والا اكيد مكنش هيكون في تفرقه بين الولد والبنت

الفرق بين الولد والبنت ......... لا مفيش فرق ........ ده كمان احيانا بتبقي البنات احسن

والحريه البنت لازم تتفرض علي المجتمع ( مادام في حدود الدين) يعني لما تلاقي ناس بتعتبر ان البنات لما يخرجوا لواحديهم بيبقي غلط واهليهم مدينهم حريه مطلقه ( وبيبقي معني كلمه حريه مطلقه انها " قله ادب" ) فديه ناس لازم نفهمهم انو لا مش كده البنت لما تخرج مافيهاش حاجه خااااالص

ولما في البيت نلاقي فيه اباء بيعتبروا البنات ملهمش اي لازمه غير انهم يخدموا ( اصل غالبا مبيبقوش بناتهم بس بيبقو اشتروهم من سوق الرقيق)

ويعتبروا الولد هو نجم عصروا وزمانو

فديه بجد حاجه تحرق الدم

وبيدوا للولد كل الحرييييييييييه في معرفه بنات والسهر برة البيت وانو مينمش في البيت اساسا وانو يعتبر البيت فندق بينام فيه (احيانا)

والنت ينحكمو فيي كل تصرف بتعملو


بس عارفين انا لاحظت ان نتيجه ده بيبقي ايه ؟؟


ان البنت برضو بتعمل كل اللي هي عايزاه بس ورا اهلها




فعلا تخلف

كلامك اغلبه مظبوط بس السبب فى كدة غياب الوعى الدينى ( اصل ف ناس بتقولك الاسلام هو السبب *)

عندكو حق واللهي ياجماعه احنا عاوزين الاسلام الي بجد بيعطي حقوق المراءه وكذالد الرجل علي حد سواء وانشاء الله بعون الله اكيد اليوم دا جاي ونبطل ننظر للغرب نظرة ان هما الي بيعرفو يلبسو وهما الشياكه كلها لا دا بالعكس ياجماعه احنا الشياكه كلها احنا امريكا خدت مننا كل حاجه علي اعتقاد ان هي الي اخترعتها لكن احنا الي غلطانيين احنا الي سبنلهم فرصه احنا الي خلناهم يدخلو بينا ويتدخلو في ادق اسرارنا لو نتحد ونرجع الي امريكا ختده منا نبقي فعلا متحدينننننننننن انا بحلم باليوم دا واننا ننهي اي خلافات بينا وبين بعض وعلي فكرة مش معنا الكلام ده ان مفيش خير فينا لا بالعكسسسسسس دا احنا في ناس عندنا كتير كلهم خير ونفسهم يعملو حاجه لكنننننننن

مبدئيا

نسيت ارحب بيكي يا تغريد




ثانيا بقي


احنا نقدر نعمل ايه ؟؟؟؟؟؟؟

كل ولد (فيكو ) لو شايف اختو مضطهده او حاجه

بجد يتقي الله فيها

وان شاء الله احنا كام سنه ونبقي ابهات وامهات

ولاااااااازم ناخد بالنا من النقطه ديه