الحمد لله المتفرد بالخلق والتصوير, والحكم والتدبير والصلاة والسلام الدائمان على سيدنا محمد وآله وصحبه وسلم

أما بعد ...

مقدمة جامدة طبعا
أزيكم يا كل أعضاء الساحة الجميلة دى عامة
ويا زملاء تانية خاصة
وزملاء تانية (ب) خصوصا ( خصوصا قوى يعنى)

بصراحة أنا قلت أعمل الموضوع دة علشان كل واحد يكتب ملاحظاته على الدكاترة والمواد بتاعتنا
مجرد ملاحظات ... مش نقد طبعا
علشان بس الكل يستفاد .... حاجة مهمة بتاع _____ كدة يعنى
وكمان فيه ناس مش بتحضر المحاضرات بأنتظام فيعرفوا الحاجات المهمة برضه

واللى فيه سؤال مش عارفه ولا حاجة ما يترددش أنه يكتبه
بس ....
أنا عن نفسى مش منتظم قوى فى المحاضرات
بس بحاول...

وعلشان تبقوا عارفين
فكرة الموضوع أصلا أصلا مش بتاعتى
دى بتاعة أخت لينا ( شروق الشمس )
بس أنا قلت الترم دة خليه عليا
وأهم حاجة الأفادة
ومفيش فرق إن شاء الله...
وياريت الموضوع بس يكون رز بلبن عليكوا

ممكن نتكلم عن موضوع البحث اللى دكتور الأدارة العامة ( أبو ناعم ) عايزنا نعمله
الفكرة كويسة ولا لأ ؟
هنعمل فيها إيه ؟
هل هتعرف تروح منظمة عامة وتعمل الحوار دة ؟

مرحبا اولا بكل طلاب 2/ب

بالنسبة لموضوع البحث انا شايف ان الموضوع جيد

وارجو من الناس انها تسرع فى عملية التسجيل


وتحية خاصة لاخي الكريم عمر

وربنا ىوفقه ان شاء الله





وربنا يكرم اختنا شروق الشمس واخونا THE MANAGERعلي هذة المشاركة

كنت عايز اخد راى طلاب 2/ب في حاجة مهمة جدا

كنا عايزين نعمل حاجة ترفيهية للبنات في المدرج زى ما عملنا للصبيان دورى كرة قدم

ولكن تكون طبعا علي طاعة ان شاء الله

عايزين ان شاء الله يا جماعة افكار مفتكسة وحلوة كدة ضرورى


ونحب مشاركات البنات طيعا
والسلام عليكم ورحمة الله وبركاتة

اعملهم دوره كره طائره


هاهاهااهاها


وانت عايز تفرح البنات ليه بقى ياريدى بيه

من باب المساواه يعنى

لا حقانى يابنى ايه العطف والحنان ده
لا سيبهم هما يفرجو عن نفسهم بطريقتهم

مرحبا بيك يا باشا

بس أنا مش فاهم .... يعنى أحنا نروح نسجل قبل ما نعمل البحث ؟؟؟؟؟
ولا نعمل البحث وبعدين نروح نسجله

وبعدين أنا بسمع الناس تقول هنجيب منظمات عامة منين ؟؟
ولو أتنين راحوا نفس المكان؟؟؟ يبقى راحوا فى داهية .........طب إية الحل؟؟؟

أنا رأيي كل واحد يشفلوا واحد قريبه موظف حكومه ولا حاجة ..........ويعمل البحث كله منه ....بس


ربنا يكرمك أنت كمان يا باشا



أنا بصراحة مسمعتش أصلا عن موضوع كرة القدم دة .....وبعدين مش هتفرق برضه علشان أنا مليش فيها أصلا

بس طالما عايز تعمل حاجة للبنات اللى معانا ..... مش لازم تكون خاصة بالبنات قوى
علشان أنا كدة مش هلعب كورة فخلينى فى الموضوع بتاع البنات دة


ربنا ييسر الأمور....

أكيد يعنى دى حاجة تخصهم هن مش أحنا
أحنا أخترنا الكورة هما يختاروا ............اللى هما عايزينه

هيييييييييييييييييييييييييييييييييييه !!

فكرتنى بالذى مضى يا فتى ....

البحث

يا سلااااااااااااااااااااااااااااااام

انا الدكتور عبدالحميد كان بيدينى المادة برضه كللها لوحده

اروع دكتور شفته فى حياتى

هبقى احكيلكوا على تفاصيل يمكن تفيدكوا شوية بخصوص البحث يعنى

انا لسه فاكر البحث ده لحد دلوقتى اكنى عملته امبارح بالضبط


ده كان يوم من احلى ايام حياتى بجد

استنى التفاصيل جايه فى السكة

اولا : بخصوص التسجيل انت بتروح تسجل عند اللى معاه التسجيل ده علشان تحجز المنظمة اللى هتروح تعمل فيها البحث

ممكن تكون انت عارف المدير فتروح تحجزها بسرعة علشان محدش يكون ساكن جنبك مثلا وياخدها قبلك
وبس

طبعا ممنوع ان اتنين يروحوا منظمة واحدة , ولو ان الدكتور سمح بكده السنة اللى فاتت لانه كان بيدينا فى ب وكان بيدي جـ برضه , فقال ماشى بس بشرط انهم يكتبوا اساميهم فى ورقة تانية ويودوها للدكتور فى ورقة مستقلة عن الاسماء التانية يعنى

يلا

المهم بقه اللى عملته فى موضوع البحث ده
الدكتور قال فى البداية ان لو حد عمل بحث وعمله كويس ممكن يطلع يعرضه قدام الطلبة كلهم
فانا بصراحة كبرت فى دماغى انى اطلع اشرح البحث بجد
المهم بقه

كنت فى البداية مش عارف اختار ايه ؟؟ مش لاقى حاجة ممكن اروحها
فرحت كاتب اسم اى منظمة جنبنا علشان احجزها
المهم
ذاكرت الفصول الاول طبعا كويس
وجهزت اسئلة غير مباشرة علشان اسألها للمدير
( نصيحة فى النص .. ذاكر المادة دى بالذات اول باول علشان تلحق تعمل البحث ولو غلطت فيه تلحق تعدل وتصلح )
المهم جه بقه وقت الشغل بجد
هنزل المنظمة
اروح فين ؟؟ اروح فين ؟؟ اروح فين ؟؟
قلت اروح الشركة اللى كنت رايحها
كانت شركة الحديد والصلب قسم الاتصالات فيه
لان كان عمى نائب رئيس القسم
بس للاسف عمى ساب الشغل وطلع على المعاش قبلها بفترة ومعرفتش اكلمه علشان اروح للى بعده علشان صحابه يعنى

قلت طيب هروح المدرسة الثانوية اللى كنت فيها
طلع ان المدرسة دى فيها 3 مديرين !!! متسألش ازاى
يبقى اكيد المدرسة دى مش تمام

قلت طيب المدرسة اللى اخويا فيها ..
قالى ان فيها مشاكل لحد الصبح والمديرة مش هتقابل حد اساسا

قلت طيب اشوف واحد من زمايلي اروح معاه فى نفس المنظمة يعنى
فكنت رايح مع واحد كان يعرف مدير شركة بترول حكومية ,
لكن للاسف كان حصلت مشكلة بينه وبين المدير ده فطبعا الموضوع بقه فركش

قلت طيب اشوف صاحبى التانى كان رايح بنك يعرف ناس شغاله فيه
طلع ان اللى يعرفهم فى قسم واحد وهو هيعمل البحث فيه ,يبقى خلاص بح

قلت طيب هعمله على كلية التجارة .. لقيت ان فى ناس واخده المكان قبلى فمكانش ينفع

قلت خلاص هنزل اروح كلية الطب .. لانى فى ناس قالولى ان العميد بتاعها كويس وبيقابل الطلبة وهيرضى يعنى بالموضوع

كنت هنزل خلاص الصبح الساعة 7 فكلمت واحد صاحبى علشان يجي معايا فى المقابلة , قالى بص خد العنوان ده والشركة دى
روح لفلان الفلانى ( ابن عمه ) وهو تحت المدير مباشرة فى الشركة وهو عارف الموضوع وقله انا صاحب فلان واعمل معاه اللى انت عايزة

طبعا انا كنت مدمر نفسيا وكنت خلاص شوية وهبيع موضوع البحث ده
وقلت هو الشركة دى وبعدها كلية الطب وبعدها بح خلاص كفاية

المهم رحت فعلا وغلطت فى العنوان وفضلت ادور وادور على مكان الشركة دى لحد لما وصلت
وبعد ما وصلت سألت على الراجل صاحبها وقعدت معاه وفهمته الموضوع وسألته وبدأ يرد على الاسئلة
والحمد لله عملت البحث وانتهى الموضوع ....

بس انا طلعت بكذا حاجة من الموضوع ككل

1- انا فى الفترة دى حسيت وفعلا عرفت معنى ان انا يكون عندى هدف واتعب علشان احققه .. انا كان هدفى انى اعمل بحث كويس واشرحه فى المدرج
وفعلا حققت الهدفين دول
2- عرفت اهمية البحث فعلا لما عملته .. لانى مذاكرتش الابواب دى تانى .. لانها كانت خلاص ركبت فى دماغى .. فمكنتش محتاج انى احفظها بعد كده الا عناصر رئيسية فقط لا اكثر

اما اللى حصل بعد كده فده حوار تانى

ثوانى وجاى

بااااااااااااااااااااااااااااك

نكمل

بعد كده عملت البحث وكتبته على الكمبيوتر وتانى يوم طبعته ورحت بيه للدكتور وشافه وكنت قبلها بعته للدكتور عبدالحميد بالميل علشان يشوفه
فقالى كويس جدا , وقالى عايزك بقه تركز على النقط اللى هتشرحها فى المدرج وتحاول تختصرها فى اشكال علشان انت هتعرض على البروجيتكور

وحددنا مع بعض بعض الاجزاء اللى هتتعمل وفعلا عملتها فى اشكال ورسومات وصور كاريكاتورية فى بعض الحالات وبعت اللى عملته للدكتور على الميل برضه علشان يشوفه
وقابلت الدكتور تانى يوم فقالى الصور جميلة ومضحكة جدا , وكان رايه انها حلوة
فاتكلمت مع الدكتور عن اننا نجيب داتا شو ولاب توب علشان تكون ادوات الشرح احسن ... الكلام ده كان قبل معاد المحاضرة اللى هشرح فيها البحث بيوم واحد , والمحاضرة دى كانت الاخيرة


فقلت للدكتور ان فى واحد ممكن يقدر يجيبلى داتا شو ولاب توب
فقالى خلاص حاول تجيبه منه , واستنانى فى المكان ×××× الساعة ×××× علشان اقابلك وتيجي معايا الكلية فى العربية ... واخدت رقم موبايله علشان نتصل ببعض لو تهنا عن بعض

فعلا تانى يوم نزلت بدرى ورحت استنيت الدكتور لقيته فعلا بالضبط فى نفس الوقت اللى قالى عليه كان جاى , بس للاسف اللى كنت متفق معاه على الداتا شو والاب توب مجاش وحصلتله ظروف
فاضطريت انى اشرح على ورق الشفاف ( ترانسبيرنس )

يوم شرح البحث ....

اليوم ده بقه كان حكاية لوحده بجد
انا عمرى ما حسيت بلذة .. زى ما حسيتها وانا بشرح البحث وبعد ما خلصت شرح
عارفين ليه ؟؟؟
لان كان عندى هدف محدد وحققته
علشان كده حسيت بطعم النجاح ساعتها
ولحد دلوقتى طعمه ما زال فى فمى .. بحس بيه كل ما اغمض عيني وافتكر يوم ما كنت واقف بشرح البحث
ولسه فاكر اليوم ده كأنه امبارح وعمرى ما هنساه ابدا من حياتى
لان واحد من الايام التى لن انساها ما حييت ......

الصراحة
استاذ
مية مية فعلا

السلام عليكم ورحمة الله وبركاته
اولا يا جماعه انا مش فاهمه اى حاجه فى حكايه البحث هو اساسا يعنى ايه بحث اسئله مثلا واجوبه ولا زى موضوع التعبير ولا ايه بالظبط
ثانيا انا مش عارفه هو المدير المطلوب دلوقتى هو المدير التوب يعنى ولا اى مدير وخلاص اصلي اظن صعب نوصل للتوب
ثالثا ايه بقي الحاجه الترفيهيه اللى عايزين تعملوها لنا زى ايه مثلا مش عارفه ؟
ومشكووووووووووووووووووور أخى "الريدى" لتفكيرك فى اخواتك فى المدرج

ممكن اعرف جبت كام فى الادارة يا جنرال ؟؟؟؟؟؟

وأنا كمان حاسس بكدة والله

ما شاء الله عليك يا جارحى ..... أنت تعبت بجد فى موضوع البحث دة
بس الأهم أنك وصلت لنهاية كويسة .... ما شاء الله
وفتحت نفس الواحد أنه يبدأ بسرعة فى الموضوع

شكرا على النصيحة ومعاك حق فيها.


أنا نفسى أجاوبك بس كلامى مش هيفيدك زى الدكتور ما هيقول
بس هو تقريبا وحسب كلام الدكتور ........ أن أحنا هنسأل المدير شوية أسئلة
مثلا الخطة اللى ماشية عليها المصلحة دى
عدد الموظفين ........ كدة


هو يقصد المدير العام تقريبا بس أعتقد أن أى موظف كبير شوية ممكن يجاوب على الأسئلة دى( هيأدى الغرض يعنى)

أنا عن نفسى ماعنديش فكرة بالموضوع

وأنا كمان والله بفكر فيكوا كلكوا .... بس مش بقول ( فى قلبى يعنى)

أكيد درجة كويسة
بيقولك أداله الموبايل بتاعه

وقابله فى******** الساعة*******

no comment

السلام عليكم ورحمة الله وبركاته

بالنسبة للدرجة فالحمد لله اخدت 17 لانى للاسف غلطت كام غلطة كده فى الامتحان فى الاسئلة بتاعت الصح والغلط
وانا كنت متوقع اخد 18 بس الحمد لله

بالنسبة للاسئلة او لطبيعة البحث

البحث عبارة عن الاتى

انت بتروح تسأل اسئلة للمدير ..... المدير بيجاوبك على السؤال
تكتب الاجابة بتاعته وبعدها تعليق بتاعك

اوكش ؟؟

يعنى انا فاكر انى سألت المدير اللى كنت رايحله ده وقلتله

ما هى رسالة البنك التى ترغب فى تحقيقها ؟؟

قالى معروف ان البنك الاهلى يرفع شعار البنك الاهلى الاقرب اليك , اى انه يحقق كل اهدافك , كما ان هناك علامة مميز للبنك الاهلى ولها مخزى الا انى لا اتذكره حاليا

بس هو انا لما سألت السؤال
لقيت رد بسرعة عليه بالاجابة دى .... وطبعا كان فى كلام تانى قاله بس مش هكتبه هنا ...
فانت لما تيجي تشوف الاجابة .... اولا رد بسرعة ... وقال الشعار بتاع البنك الاهلى ... وفاكر الشعار كويس ... بس مش فاكر العلامة التجارية معناها ايه ... يبقى البنك عنده من مكونات الرسالة الاتى ( الاسم , الشعار .) اما الرسالة المكتوبة فدى مش موجودة او المدير مش عارفها ( اكتشفت بعد كده ان فعلا فى رسالة مكتوبة لفرع البنك بس اللى بيعملها الفرع الرئيسي )

فكتبت وقلت ان المدير رد بسرعة وده يدل على انه فعلا متذكر ده قوى , وان فعلا عندهم رسالة واضحة وان كان المدير لا يتذكرها او لا تفكر فيها دوما ... وهكذا ....

سؤال تانى .. سألته ما هى اهداف البنك التى يسعى الى تحقيقها ؟؟والاهداف التى تسعى كمدير الى تحقيقها ؟؟
قالى الاهداف هنا نوعان
اهداف عامة :- تحقيق رضاء العميل مالم يخالف قوانين وقواعد البنك
اهداف خاصة :- تحقيق مستهدفات الائتمان والودائع
وبالتالى فهذه الاهداف هى مسؤلية كل فرد فى البنك وبالنسبة لى فان هدفى هو تحقيق اعلى من المستهدفات المطلوبة

ده معناه ايه ؟؟ ان المدير مش فاهم هو بيعمل ايه ؟؟
لا ده معناه ان المدير فاهم كويس اهداف البنك , وانه بيسعى لتحقيقها و بيركز على العميل قوى بدليل ان اول هدف هو ارضاء العميل ( على فكرة الفرع ده لا يقبل ودائع اقل من 20 الف جنيه زى ما قالى المدير .. معنى كده ان العملاء بتوعه رجال اعمال وناس تقيله قوى فلازم يكون كده ) و.................... الباقى

كمان فى حاجات تانية انت بتلاحظها من خلال تواجدك فى الفرع

يعنى مثلا انا لما دخلت لقيت واحد على الاستقبال بيقولى اتفضل يا فندم , وسألته على فلان فقالى طيب اتفضل حضرتك , وودانى لواحد تانى .... التانى ده قالى اتفضل ووصلنى للراجل اللى انا كنت رايحله .. تحس ان فى اهتمام ... ولما قعدت كان هيجيبلى شاى او حاجة ساقعة وحوارات .. ده غير التكييفات وان الموظفين كلهم جايين باليونى فورم (بدلة كاملة يعنى ) ... يبقى اكيد البنك ده بيهتم بالعميل كويس جدا وبيركز على ارضاء العميل
( طبعا حاجة مهمة انك تهتم بمظهرك وانت رايحله علشان ياخد انطباع من البداية ان الموضوع بجد وكبير , انا لما رحتله شرحلته الموضوع وان البحث ده غرضه علمى فقط مش هتلاقيه تانى يوم فى الجرايد يعنى وحسسته بان الموضوع اكبر من الى هو متخيله يعنى )

حاجة تانية لقيتها وانا قاعد , كان فى موظف بيعمل حاجة او بيخلص ورق , فلقيت الموظف اللى قدامه بيقوله هات الورق ده اخلصهولك وانا قاعد .. فقاله لا سيبه انا هعمله لما اخلص ده .. لو عايز تساعدنى خد دول اعملهم ... وبعدين جابوا فطار ليهم سندويتشات وبتاع .. فكانوا بيدوا لبعض وبياكلوا مع بعض وعلاقتهم ببعض كويسة يعنى ... فاكيد الشركة دى لازم تكون ممتازة

كمان حاجة اكتشفتها من خلال كلامه ... ان الفرع ده .. عامل دور كامل للتدريب .. تدريب العاملين فى الشركة ... واللى ينجح ويعدى له مكافأة مش عارف يروح منحة لامريكا مش فاكر بالضبط بس حاجة كده .. جامدة يعنى


بس فانت بتكتشف الكلام ده من خلال اللى بتشوفه ... اللى بتسمعه عن البنك ... اجوبة الاسئلة ... مدى سرعة الرد وهل متردد ولا لأ وكده

ولى عودة باذن الله

طب ايه رايكوا فى دكتور القانون بينفع يتفهم منه والا ايه

والرياضه اخبارها ايه معاكوا.0.

السلام عليكم ورحمة الله وبركاته

جزاك الله خيرًا أخي على هذا الموضوع

بالنسبة لموضوع البحث تسجيل الاسم عشان مفيش

اتنين يروحوا نفس المنظمة لكن على آخر السنة بيبقى فيه

ناس كتير سجلت وممكن اتنين يروحوا نفس المنظمة بس يكتبوا على

البحث إنه (مكرر) يعني في حد تاني راح نفس المنظمة، وبالنسبة للمنظمة

في مدارس كتيييييييييير وفي مصالح حكومة آآآآآد كده بعدد الطلبة في المدرج

ـ أمال البلد واقعة ليه ـ ما علينا مش موضوعنا، المهم يعني في أماكن كتير

والدكتور في آخر السنة بيتجاوز عن إن اتنين يروحوا نفــس المنظمــة بس بعملــه

البحث ده مهم جدًا جدًا لأن من البحث اللي هتعمله هيجي نصف الامتحان إنك تحل منه

وبيبان إذا كنت فاهم ولا لأ، البحث عبارة عن تطبيق عملي للي أحنا بندرسه يعني مثلا

هل المنظمة دي بتتبع استراتيجيات حديثة في الإدارة؟ طب هنعرف منين أولا هنعرف الاستراتيجيات

الحديثة من الكتاب، ومن خلال اسئلة بنسألها للمدير أو الموظفين بنعرف إذا كانت فعلا منظمة حديثة أم لا

والله المستعان

[

b]يا أخي أسرة زهرة الغد في المدرج

وتعمل في صمت، وهي الآن في طريقها

لعمل نيولوك في كل شئ تقدمه للطالبات والله المتسعان[/b]

اهلا بيكى يا سمسم
أسمك كدة صح؟


والله أنا مشفتوش الراجل دة قبل كدة
بس نفسى والله

على العموم هو عندنا يوم الحد إن شاء الله ........ هحضر وبعدين أجى أقول رأيي
بس حد يبقى يفكرنى
أوكش؟؟؟

برضه حضرت محاضرتين بس فيها( أخر محاضرتين)
واحدة نمت فيها ومش فاكرها خالص
والتانية أستغربت بصراحة أنى فهمت المثالين اللى أداهوملنا .........مع أنها كانت أول محاضرة بالنسبالى
بس الدكتور باين عليه كويس ........ بس بيضحك لوحده

اختى شروق الشمس


والله ربنا يجازينا كلنا على قد نيتنا

ياستى مش واقعة ولا حاجة البلد كويسة والله
مفيش بلد كاملة من مجميعو
بس معاكى حق مش موضوعنا....

هو قال كدة؟؟؟؟؟؟؟؟؟؟؟؟؟؟

بتقولك يا عم بيعملوا فى صمت
أنت سمعت عنهم حاجة
صمت زيادة عن اللزوم!!!!!

ونيولوك وبتاع
أيه الروشنه دى؟؟؟
عايزين يا أخت شروق الشمس نعرف التفاصيل

يا اخ منجير

المكتبة دي للبنات مش للشباب

لسه هيقول بس ده اللي حصل السنة اللي فاتت

وتأكدنا من بعد أخذ أقوال شهود عيان

عادى مش مشكلة لما الواحد
يعرف الأخبار بس

بس انا معرفش والله أنها بتاعة البنات بس

أصل الأخت شروق الشمس كانت بتقول أنا عايزة رأى المجموعة كلها فى المكتبة
وأنا كنت عايز أقول رأيي ........ بس


تمام ........

انتوا بيديكوا الدكتور على قاسم القانون , ودكتور على شاكر بيديكوا الرياضة صح ؟؟؟

اولا الدكتور على قاسم ده .... هتحس ان محاضرته دى هايفة وبيتكلم فى كلام عبيط , وان الدكتور مش جامد

بس فعلا الدكتور ده طلع جامد جدا جدا فى المادة كعلم
كفاية انه رئيس القسم ( القانون التجاري يعنى )

فعلا دكتور روعة فى العلم
على فكرة مبيكتبش حاجة خالص فى المحاضرة , واللى هتكتبه وراه فى المحاضرة موجود بالنص فى الكتاب .. وانا كنت بذاكر من الكتاب
كتابه جزئين ... كل واحد منهم 200 صحفة ... انا ذاكرت الكتابين كلهم فى 6 ايام تقريبا

اما الدكتور على شاكر فده برضه دكتور ممتااااااااااااااااااااااااااااااااااااااااااااااز
محاضراته كفاية وكتابه رااااااااااااائع فى الفهم
بجد دكتور جبار وهو دلوقتى رئيس قسم الرياضة والتامين
الدكتور ده عشرة على عشرة بجد
فى المحاضرة بيفهمك كأنك فى ابتدائى ..
وبيضحك كتير انا معاك
وامتحانه عايز واحد فاهم مش حافظ
ومن الاخر .. بيحب يجيب حاجات ملهاش دعوة ببعض وانت تربط ما بينها علشان يعرف انك فاهم
وتقريبا مبيكتبش فى المحاضرة كتير الا لو حاجة عملى بيكتب

وبس

وربنا يوفقكوا

السلام عليكم و رحمة الله

يااااااااااااااااااااااه

انا عايز اقول حاجات كتيرة اوى بس مش عارف انتوا هتستحملوا ولا.............


اولا : اني احبكم في الله


ثانيا : انا فعلا اعد دلوقتى متضايق علشان انا ضاعت عليا محاضرة المحاسبة


بس قدر الله وما شاء فعل


ثالثا : بالرغم ان المحاضرة دلوقتى شغالة بس الموضوع الجميل دة محسسنى انى فعلا بحضر معاكم

يا جماعة الدكتور عبد الحميد أبو ناعم قال حاجة مهمة الناهردة ؟؟؟؟؟؟؟؟؟

أصل أنا كنت ناوى أحضر والله بس موضوع أنفلونزا الطيور دة هو اللى منعنى أنى أجى

كمان كنت نفسى أشوف دكتور القانون بس للأسف بقة ...........

أنا يوم السبت دة حضرت محاضرة الsales بس
حسيت أنها ملهاش أى لازمة
أستخصرت والله التلت ساعة اللى قعدتها فى المدرج

ما علينا ...

ياريت بس لو فيه حاجة مهمة فى موضوع البحث دة .........نقول على طول

بس.........

لحد ما نشوف موضوع الأعدادات البرمجية اللى على الساحة دى ........

على فكره انا عايزه اشكر الجنرال الجارحى علشان انا استفدت منه بجد

واطمنت ان الرياضه هتنفع من الكتاب

بس متاكد ان القانون كتابه ينفع يتذاكر منه

وانت مش بتجيب ورق من برة

قول بصراحه لحسن انا متلغبطه قوى التيرم ده ومش عارفه ليه

تقريبا ولا محاضره بستفيد منها غير المحاسبه

السلام عليكم ورحمة الله وبركاته

اهلا وسهلا بيكي يا سمسمة

يعنى انا متشكر جدا على كلامك ده

انا عندى قاعدة ماشى عليها طول حياتى الجامعية فى الكلية

انى مبذاكرش من ورق خالص

ومعملتهاش الا فى سنة اولى كانت الدكتور مزلة ملزمة اساسا فطبعا ذاكرت منها لان كتابها كمان كان مشكلة لوحده

المهم بالنسبة للقانون
يا جماعة متخافوش

انتوا دلوقتى فى سنة تانية التيرم التانى
يعنى المفروض انكوا اتعودتوا على نظام المذاكرة

انا بفضل الله تعالى فى مادة القانون دى , بفضل الله وفعلا ده اللى كان بيحصل

وكنت بعمل الكلام ده مع واحد زميلي , كنا بنتنافس ونشوف مين خلص قبل التانى

كنت بفضل الله بخلص 50 صفحة مذاكرة وحفظ فى مادة القانون دى فى اليوم الواحد

اللهم لا حسد طبعا

بس فعلا كنت يوميا كنت بحفظ واذاكر كويس جدا 50 صفحة , احيانا يكون اكثر شوية واحيانا اقل شوية
يعنى المتوسط 50 صفحة

مش افتكاسة منى يعنى , انما الفكرة ان فى الكتاب حضرتك هتلاقى حاجات معروفة بالفطرة , الدكتور بيستفيض جامد فى الشرح فى الكتاب , فحضرتك عارفاها فخلاص مش قصة يعنى , قراءة وبس
يعنى مثلا ... هتاخدوا قدام فى الكتاب التانى حاجة اسمها الشركات التجارية , عندكوا شركات التوصية البسيطة وشركات الاشخاص .. هتلاقوا ان فى جزء كبير مكرر بين الشركتين , لانه بيشرح الاول الشركة و بعدين هيكلها الادارى , وبعدين اهدافها ومش عارف ايه , فهما بيبقوا حاجة واحدة ما بينهم عدا اختلافات جزئية بس , فمش قصة كل مرة اذاكرتها تانى
وهتلاقوا زى ما قلت حاجات معروفة بالفطرة , فخلاص فى الانجاز

لما الكتاب ينزل هتقدروا تنظموا موضوع المذاكرة ده ان شاء الله كويس باذن الله انا متأكد

خلوا بالكوا زى ما قلت تقريبا , الدكتور على شاكر بيحب الطالب اللى فاهم , واللى قارئ فى المادة , يعنى مثلا قالنا انا لو قلتلك اكتب تعريف الخطر , لو كتبت التعريف ماشى كويس , انما لو كتبت التعريفات المختلفة والتطور التاريخي والمعلومات التانية اللى للقراءة بس , هياخد الدرجة برضه بس هزودله درجة او اتنين , لانه قرأ وفهم كويس و شاف تعريفات تانية , وكده يعنى

فالدكتور بيحب الطالب اللى فاهم المادة صح وجايبها من فوق لتحت , اما الى بيحفظ فده مش هيكمل فى الغالب
وكذلك فى التأمين , برضه اللى هيحفظ بس مش هيكمل , لان فى اسئلة معتمدة على الفهم خالص , يعنى يقولك حصل كذا كذا كذا , هل ده يخضع للقانون التجارى ولا القانون المدنى فى فض التنازع على كذا كذا ؟؟ فلازم تكون عارف الحالات والشروط وتقدر تاخد حكم فى الموضوع

معلش طولت
السلام عليكم ورحمة الله وبركاته

جزاكم الله خيرا يا جنرال

افادكم الله

واشهد الله عز وجل اني احبك في الله


بارك الله فيك


وجعلك زخرا للاسلام والمسلمين

الهم آمين

ايه يا مانجر

عملت اقتباس بس لية
انا منتظر تعليقك

وجزاك حبيبي مثله واكثر ان شاء الله

احبك الله الذى احببتنى فيه واسأل الله ان يجمعنى بك انت واخوك على سرر متقابلين باذنه تعالى

بلغ سلامى لاخوك اللى مخاصم المنتدى معرفش ليه

وللتانى اللى ربنا يسهل ويوصله النت

وبعدين يا بنى ادم قلتلك ضيفنى على الماسنجر

ياريدى باشا

ملقتش كلام أحسن من اللى أنت كتبته

فعملت أقتباس ليه.......

بارك الله طبعا فى أخونا جارحى

عايزنى أعلق على إيه؟؟؟ أكتر من كدة؟؟؟

مش أنا حضرت محاضرة قانون مع الدكتور على قاسم

محاضرته طلعت رز بلبن والله ويتفع يتفهم منه

أنا حتا فهمت منه

الرياضة هى اللى أنا مش بطيقها فى المحاضرة

أنا أحب أزاكرها....... بس محدش يشرحالى

حتى نمت فى محاضرته كلها والله

نصيحه اخويه جدااااااااااااااااااااااااااااااااااااااااااا


ركزو على الرياضه من اول الترم كده


علشان الرياضه ديه مادة تقدير


يعنى امتياز ان شاء الله تعالى


ربنا معانا جميعااااااااااا

السلام عليكم ورحمة الله وبركاته

ازيكم جميعا . واضح انى وصلت متأخر

______________________________________________________________________________


حبيبتى فى الله شروق الشمس نريد ان نرى النيو لوك سريعا ان شاء الله


______________________________________________________________________________



على فكره الدكتور قال لنا عنك فى اول محاضره تقريبا او التانية . قال ان فى واحد كتب شعار عن سؤال فى فصل الرساله اعطاه عليه جيد جدا ولم يكمل قرآة البحث .

____________________________________________

بس فى زميله قالت لى انها ذهبت لتسأل فى احد البنوك عن إمكانيه اجراء البحث عقدو لها الامور جدا . قالو لها لازم تجيبى ورقة من الدكتور بانه طالب البحث , ثم تذهبى الى الفرع الرئيسى للبنك علشان تجيبى موافقة من هناك ثم تأتى لتسألى واجاوب عليكى زى ما انت عاوزة .

وكمان فى حاجه مش متأكده منها . الطلبة اللى الدكتور إداهم فى السنوات اللى قبل كدة بيقولو انهم بيعملو البحث وفى نفس الوقت بيكون عليه اسئله فى الامتحان . ولكن زميلى بيقولولى ان الدكتور قال فى احد المحاضرات ( بس واضح انى كنت نايمه ساعتها) ان الامتحان هيكون على 10 درجات وال10 الباقيين هايكونوأ على البحث اللى هايقدموه . اللى عنده اى معلومه عن الموضوع ياريت يقول .
______________________________________________________________



الدكتور على شاكر بيكتب كل حاجة ( يعنى إلى الآن) وبعدين هو فى حاجة غير العملى فى الرياضه




بالنسبه للطائرة انا بحبها جدا بس للاسف مافيش مجال لممارسه الرياضة عامة ً

السلام عليكم ورحمة الله وبركاته





الدكتور كلمكوا عنى ...


من غير ما يقولي حتى



ياريت حد يكتب يقول هو قال ايه بالضبط لان اختنا commerce الكلام مش واضح قوى


والسلام عليكم ورحمة الله وبركاته

أولا شكرا على النصيحة

بس الرياضة بتتلم فى الأخر وخلاص
دا بالنسبالى
ومش بحب حد يشرحالى
بحب أزاكرها من الكتاب

صدقا والله اخى مانجر

ماتستهونش بالرياضه

فعلا هيا كتيير وقوانينها كتيير وتلغبط ماينفعش تسيبها للخر خالص

حاول تدرب نفسك على الحل كتييير

وعليكم السلام

حضرتك منورة الموضوع بتاعك
ومفيش تأخير إن شاء الله
أحنا كنا أصلا مستنيين حضرتك وهنبدأ دلوقتى حالا أهه......

بس أنا عارف أن حضرتك مش كنتى بتتدخلى أصلا
سلامة حضرتك ؟ يا ريت تكونى بخير حضرتك !!


ليه كدة بس ؟

بس حضرتك متكلمتيش على الدكاترة والدراسة والبحث كمان ........... بالنسبة لحضرتك يعنى

علشان كدة حضرتك لازم تعوضى دا أن شاء الله

الكتب تنزل بس وكل حاجة تبان إن شاء الله

[quote name='الجنرال جارحى' date='Feb 24 2006, 12:27 AM' post='302354']
السلام عليكم ورحمة الله وبركاته

[quote]على فكره الدكتور قال لنا عنك فى اول محاضره تقريبا او التانية . قال ان فى واحد كتب شعار عن سؤال فى فصل الرساله اعطاه عليه جيد جدا ولم يكمل قرآة البحث .[/quote]



الدكتور كلمكوا عنى ...


من غير ما يقولي حتى



ياريت حد يكتب يقول هو قال ايه بالضبط لان اختنا commerce الكلام مش واضح قوى


والسلام عليكم ورحمة الله وبركاته
[/quote]

___________________________________________________________________________

هو قال نفس الكلام اللى قلته بالضبط اذا لم تخونى الذاكره . بس انا فهمت( انه المقصود من كلام الدكتور هو حضرتك )من كلامك لانك قلت على الشعار بتاع البنك الاهلى والشعار ده زى ما فهمت من حضرتك انه فى فصل الرسالة وفى نفس الوقت بتقول انك جايب 17 يعنى جيد جدا وده ينطبق على كلام الدكتور . مما يدل على اهميه الشعار زى ما فهمت .
_____________________________________________________________________________


[quote name='The Manager' date='Feb 24 2006, 01:30 AM' post='302390']
[quote]
بس حضرتك متكلمتيش على الدكاترة والدراسة والبحث كمان
[/quote]
_________________________________________________________________________
اما بالنسبه للدكاتره
فانا حاسة انه الدكتور عبد الحميد هايكون حلو ان شاء الله . طريقه عرضه للموضوع كويسه .وبالذات انى عرفت انه سوف يكون هناك جزء من الفصل الاخير عن عمر بن الخطاب رضى الله عنه وانا بحب عمر بن الخطاب جــــــداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا فهو شخصيه عظيمه
وبالنسبه للبحث فانا باحاول اخد الموضوع ببساطه.الحمد لله المره اللى فاتت سجلت و ربنا يستر ومايكونش فى حد تانى اخذ نفس المكان بس لا ازال اشعر بغموض ولاننا مش متعودين على الجانب العملى فالموضوع مش مألوف . بس ان شاء الله خير حاسه انه هايكون كويس .وجزاك الله عنا خير الجزاء اخى الجارحى على نقل خبرتك لنا .

اما بالنسبه للمحاسبه فكل ما اشوف حد يقولى خلى بالك منها علشان تقيله .فربنا يستر كلها الى الان نظرى وحاسه انى مش فاهمه حاجه . وفى انتظار الكتب .....................الدكتور سيد عبد العاطى بيدي حاجات كتير, مش عارفه ليه كل النظرى ده

الرياضه الدكتور على شاكر كويس

والدكتور على قاسم كويس بس انا مش بحب القانون اوى على الرغم من اهميته .

والمبيعات الكتور مراعى اوى ان اللغه ضايعة عندنا على حد قوله . وماشى براحه جدا

ازيكم يا جماعة عاملين اية
انا بصو بقى مش عارف اى حاجة فى الكلية دى انا خلاص اتخنقت وكمان مش عارف حاجة من الدكتور على قاسم دة بتاع القانون اانا بخش انام من كتر كلامة اللى مش مفهوم دة وربنا يستر ....... محمد الصباغ 2/ب

أنا عن نفسى كويس الحمد لله



الموضوع كدة كبير جدا خليه على جنب دلوقتى.........أوك؟


أوك....
بص يا ميدو القانون مادة رغى أصلا وبتحب الكلام الكتير
وعلشان كدة لازم دكتور القانون يتكلم كتير ........يشرح شوية ويدى أمثلة شوية ويعيد شوية
فحضرتك لازم تاخد المادة دى على أن الدكتور بيحكيلك حكاية , بيوعيك على اللى ليك واللى عليك
بيدردش معاك ......
متاخدهاش على أنك لازم تحفظها ..... لا خالص خدها على أنها حكاية زى ما قلتلك بتسمعها وخلاص ..... وبعدين تزاكر من الكتاب دلوقتى ماشى فى الاخر برضه ماشى.

بس المواد دى زى القانون والأدارة .......لازم تبص فيها لحجم الفائدة اللى حضرتك بتاخدها منها
هتلاقيها بتعلمك حاجات كتير فى حياتك ........ وتحس أنك فاهم الدنيا

جايز حضرتك لأنك جيت من مجموعة ( ج) ونورت مجموعة (ب) وسبت أصحابك وبعدت عنهم فمش قادر تتعامل مع الجو الجديد فمخنوق
بس دة طبيعى جدا ......

بس كدة كدة أصحابك مش باقيين لك...... ربنا بس هو الباقى
ورب هنا هو رب هناك

بس وبرضه قول لى رأيك ووجهة نظرك

أوكش؟

أنا عن نفسى كويس الحمد لله



الموضوع كدة كبير جدا خليه على جنب دلوقتى.........أوك؟


أوك....
بص يا ميدو القانون مادة رغى أصلا وبتحب الكلام الكتير
وعلشان كدة لازم دكتور القانون يتكلم كتير ........يشرح شوية ويدى أمثلة شوية ويعيد شوية
فحضرتك لازم تاخد المادة دى على أن الدكتور بيحكيلك حكاية , بيوعيك على اللى ليك واللى عليك
بيدردش معاك ......
متاخدهاش على أنك لازم تحفظها ..... لا خالص خدها على أنها حكاية زى ما قلتلك بتسمعها وخلاص ..... وبعدين تزاكر من الكتاب دلوقتى ماشى فى الاخر برضه ماشى.

بس المواد دى زى القانون والأدارة .......لازم تبص فيها لحجم الفائدة اللى حضرتك بتاخدها منها
هتلاقيها بتعلمك حاجات كتير فى حياتك ........ وتحس أنك فاهم الدنيا

جايز حضرتك لأنك جيت من مجموعة ( ج) ونورت مجموعة (ب) وسبت أصحابك وبعدت عنهم فمش قادر تتعامل مع الجو الجديد فمخنوق
بس دة طبيعى جدا ......

بس كدة كدة أصحابك مش باقيين لك...... ربنا بس هو الباقى
ورب هنا هو رب هناك

بس وبرضه قول لى رأيك ووجهة نظرك

أوكش؟

إيه يا شباب تانية (ب)
وبنات تانية (ب) كمان

مفيش أخبار عن النتيجة بتاعتنا ولا إيه؟

ولا حد سمع حاجة عن التصحيح بتاعنا إيه أخباره؟

والدكاترة بتوعنا ( الترم الأول يعنى ) حد يعرف عملوا فينا إيه؟

والنتيجة بتاعتنا حد يعرف هتظهر الناهردة ولا بكرة ؟

وأسف تعبتكم معايا.............

ايه ييا جماعة الناس سكتت ليه بعد النتييجة

والله ياريدى مش على بالى حاجة جدت فى المجموعة بتاعتنا

بس ممكن نقول رأينا فى دكتور : أشرف عبد الرحمن ( الأدارة العامة)
اللى هو جه مكان ( دكتور عبد الحميد أبوناعم) فى المحاضرة الللى فاتت

أنا شايف أنه دكتور هايل ...... وفهمت منه والله

أسلوبه كمان ساخر شوية ....... بس برضه علشان مصلحتنا

وكمان حسيت أنه متدين ...... ما شاء الله عليه
رغم سنه الصغير بس تحس معاه بالخبرة

ياريت لو شايفين الموضوع يستاهل تعلقوا عليه........
أو تشوفوا موضوع تانى ........

أوكش؟؟

انا حضرت المحاضره دى فعلا كانت كويسه

بس لوحد فى تانيه ب يقولنا دكتور الاداره والقانون والمحاسبه واقفين فين فى الكتاب


ياريت لوحد يعرف يقول

حد بقى يدخل يا جماعه يقول الاداره بالذاتتتتتتت

فى الفصل الكام دلوقتى

و ايه اخبار كتاب الاداره يعنى هتذاكروا منه والا ورق