الساحة > منتدى تجارة 2009

المساعدة - البحث - قائمة الأعضاء - التقويم

منتدى تجارة 2009

الساحة > الجامعة.. أحلى أيامنا > الكليات > التجارة

1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100

yaso

3 Jul 2006, 02:04 PM

الحمد لله انى اتطمنت عليكم

بس ممكن اعرف انتم ما بتدخلوش ليه

شكرا على رايك فى الموضوع وتهنئتك لى

ممكن اطلب منك طلب يا لؤلؤة اه انا اسمى ياسو هنا بس ممكن تقوليلى مرة هشام ومرة ياسو احسن انا قربت انسى اسمى من كتر اسامى الشهرة بتاعتى

لو انتى بتقولى ياسو علشان انا بقول لؤلؤة فانا ممكن اقولك ولاء عادى

ده طبعا بعد اذنك لو توافقى

شكررررررررررررررررررررررررررا

ندى - احمد

3 Jul 2006, 09:19 PM

اذيكم واحشنى كلكم
معلش النت كانشويه يقطع و شويه يتقطع بالاكراه عن طريق ان اخويا هو الى يقعد

انا بجد متشوقه اوى انى اقرا موضوع هشام من كلامكم

و بالنسبه للنتيجه انا قلقانه انا كنت فاكرة انها يعنى على نص الشهر دخلت المنوقع هنا
لقيتهم بيقولوا الاسبوع دة و خطاب بيقول انه جابها منين معرفش
يا ريت لو تعرفوا اى حاجة عن اى حاجة قولولى و لربنا معانا كلناااااااااااااا

سلااااااااااااااااام علييييييييييييييكم

yaso

3 Jul 2006, 09:38 PM

يقولون انها من الممكن الحصول عليها

عن طريق الذهاب للكنترول ودفع مبلغ من المال لاى ساعى ليحضرها

كما حدث بالترم الاول وانتى وحظك ناس كتير دفعم فلوس وبدل ما يخدوا النتيجة خدوا صابونة كبيرة

هذه هى ما وصلتنى من معلومات ولا اعرف مدى صحتها

زهره المستقبل

3 Jul 2006, 09:43 PM

السلام عليكم
ازيكم يا جماعه عاملين ايه انا معلش مكنتش بدخل علشان كنت مشغوله لان ماما سفرت انهارده العمره ربنا يرجعها بالسلامه فكنت مشغوله معاها كتير جدا و كنت مشغوله بموضوع الورصات و حفظ القران بس الحمد لله انا رجعت اهو و موضوعك يا ياسو انا قراته و عجبني جدا بجد مفاجاه جميله و مستنين مفاجاتك علي طول وشكرا كمان علي السؤال و علي فكره يا ندي انا سمعت انه صح النتيجه هتظهر يوم الخميس او يوم السبت ان شاء الله و الله اعلم

ندى - احمد

3 Jul 2006, 10:01 PM

ربنا يستر على حكايه النتيجه دى

بس يا جماعه انا فاكرة ان النتيجه لما ظهرت الترم الاول فى الكنترول بعدها بيوم ظهرت عادى

فهل ده معناه ان النتيجه
هتكون ب 0000000
بكرة
بكرة مش مكن
ربنا يستر بفكر اروح اشوف ايه الاخبار فى الجامعه بكرة ان شاء الله
ربنا يستر

يااااااااااااااااااااا رب

سلاااااااااام علييييييييييييييييكم

mostafa_mb

3 Jul 2006, 10:14 PM

يعنى على كدة قبل يوم الخميس

yaso

3 Jul 2006, 10:21 PM

منورين

منور يا مصطفى

كلمنى دلوقتى لو تقدر بس بسرعة علشان انا فصلت شحن من زمان

تروح وترجع بالسلامة يا زهرة بس رايحة طيران ولا ايه علشان تلحق تدعيلنا قبل النتيجة ما تطلع

ندى انتى لسة بتدخلى على الجروب

منتظر ردودكم

لؤلؤة الشرق

4 Jul 2006, 02:24 PM

السلام عليكم ورحمة الله وبركاته

أنا مبسوطة جداااااااااااااا ان كل أعضاء الموضوع موجودين ودخلوا مرة واحدة

بالنسبة لطلبك يا هشام فممكن طبعا بصراحة أنا بحس ان كلكم هنا اخواتى ، فعادى يعنى

أما بالنسبة للنتيجة : أنا تعبت من كتر القلق عليها و يارب تطلع بقى علشان نخلص و نعرف وضعنا

ندى - احمد

4 Jul 2006, 07:15 PM

ادعوووووووووووووووووووووووولى

بجد ما ليش نفس اتكلم ادعوووولى كتير
ربنا يوفقنا كلنا

بالنسبه للجروب انا كنت نفضتله بس ممكن بعد النتيجه ان شاء الله ابقى احاول اعمل فيه حاجات

bebo el basha

4 Jul 2006, 07:50 PM

يعم كبر دماغاك

bebo el basha

4 Jul 2006, 07:51 PM

سورى يا جماعة الرسالة جت غلط

bebo el basha

4 Jul 2006, 07:53 PM

انا محمد الصباغ وفى تانية تجارة ب واللى عايز اى حاجة يؤمرنى بيها وانا ان شاء الله هكون معاة مع السلامة

زهره المستقبل

4 Jul 2006, 07:54 PM

السلام عليكم
ازيكم يا جماعه عاملين ايه ده انتم قلقتوني اكتر منا قلقانه حرام عليكم
يلا عامه ربنا معانا جميعا يا رب و يا ياسو ماما مسافره بري ان شاء الله بس هتوصل يوم الاربعاء ان شاء الله و قولتلها قول ما توصلي ان شاء الله ابقي ادعيلنا كلنا
يلا سلام بقي و ادعولنا يا جماعه

ندى - احمد

4 Jul 2006, 09:18 PM

(bebo el basha @ Jul 4 2006, 10:54 PM) [snapback]379339[/snapback]

انا محمد الصباغ وفى تانية تجارة ب واللى عايز اى حاجة يؤمرنى بيها وانا ان شاء الله هكون معاة مع السلامة

اهلا و سهلا بحضرتك 36_4_11[1].gif

و ها يا سنه اولى معندكوش اى اخباااااااااااااااار عن النتيجه

سلااااااااااااام عليييييييييييييييكم

mostafa_mb

4 Jul 2006, 09:25 PM

السلام عليكم 36_2_53[1].gif

ازيكم كلكم وكل عام وانتم بخير رمضان قرب ...............انا كنت لسا فى الكلية النهارده
والفراش قالى ان لسا فاضل مادة لاولى جيم قالى تعالى بكرة وانا اجبهالك ( والله هو ده الكلام الى حصل

)
يالة سلامو عليكم
يعنى انا هجبها ان شاء الله بكرة بخمسة جنيهات لاغير

ندى - احمد

4 Jul 2006, 09:38 PM

ايوة الاقتصاد لسه ده الى اتنيلت عرفته

لؤلؤة الشرق

5 Jul 2006, 12:15 PM

اااااااااااااااااه كفاية بقى عن النتيجة لحسن خلاص أعصابى باظت من كتر القلق عليها، يعنى هى هتتعلق بكره ولا يوم السبت

ربنا عالم بحالنا ويوفقنا ، وان شاء الله كلنا ناجحين

وابقى طمنا يا مصطفى لما تجيبها بكره

mostafa_mb

5 Jul 2006, 02:59 PM

السلام عليكم
اولى جيم شكلها فيها حد عنيه وحشة
انا اطلطعت 3 ساعات فى الشمس
ومجبتهاش بس فى ناس كتير عمالين يجبوها
ومعظمهم من رابعة الى بيجيبوها
يالة ما علينا هما هناك بيقولو انها هتتعلق الساعة 8 بس انا طبعا مصدقتش
هى اكيد بكرة وعمالين يقولوا انها هتنزل على النت بس هما فشارين

thegoldheart

5 Jul 2006, 03:05 PM

ايه ده يا جماعه و محدش يعرف اي اخبار عن بقيه اولات و لا ايه ؟؟؟؟؟؟؟؟

ندى - احمد

5 Jul 2006, 03:10 PM

لا يا جماعه انتو لو متابعين الموضوع بتاع (شائعات حول النتيجة)

هتلاقو ناس كتييير بتقول انها احتمال كبير تنزل عالنت
و موضوع الساعه 8دة قلقنى

بس كويس انك مجبتهاش من الكنترول انا كنت هنصحك ماتروحش
يا بنى الفراشين تلقيهم مش متعلمين اساسا
و لا معاة الابتدائيه
بيجيبوا حاجات غلط
و بعدين شوف مجموعتنا فيها كام مصطفى يعنى احتمال كبير يلخبطو

يلا ربنا يسهل
ادعو كتيييييييييييييييييير

سلاااااااااااااااااااااااام علييييييييييييييييييييييييكم

jerssy

5 Jul 2006, 03:11 PM

السلام عليكم ورحمه الله وبركاته
ازيكم يا جماعه والله ليكم واحشه ؟؟؟د
ايه اخباركم يارب تكونو بخير
وشكرا يا هشام علي السؤال
ايه يا جماعه الي انا بسمعه ده النتيجه هتتعلق بكره 36_20_1[1].gif

ربنا يستر بجد
وبجد يا ندي هوا الاقتصاد الي لسه مش خلص ؟؟؟
ياخرابي ده انا خايفه منه موووووووت 36_20_1[1].gif

المهم ربنا يستر وننجح كلنا ادعو بقي وان شاء الله خير يارب
المهم انكم انتم ليكو وحشه
وازيك يا ندي انتي و لؤلؤه ومصطفي وهشام ؟؟؟
و...........زهره المستقبل؟
ياريت يا جماعه لما تجبوها تقولي عملتو ايه
ومعليش يا جماعه انا مكنتيش بدخل اصل كان عندي حاله اكتئاب

(بهزر) بس كنت زهقانه شويه
يالا ابقو طمنونا بقي
سلام عليكم ورحمه الله وبركاته 36_2_53[1].gif

jerssy

5 Jul 2006, 03:14 PM

لا يا ندي هما بيجبوها صح
بس احسن انك مش جبتها ما كده كده هتعرفها بكره
يالا ربنا يستر
انا الترم الاول جبتها من الكنترول وكانت صح
يالا ربنا يستر يا جماعه علشان بجد انا خلاص اعصابي باظت

ندى - احمد

5 Jul 2006, 03:19 PM

اذيك يا جيرسى و حشانا اوى عامله ايه

ان شاء الله النتيجه تطلع حلوة و ماتبقيش زعلانه

و اهلا بيكى يا جولدن هارت احنا هنا اولات كلهم عادى بس زمان كنا اولى ج بس
بس هو انتى اولى ايه

سلااااااااااااااااااام علييييييييييييييييكم

thegoldheart

5 Jul 2006, 03:29 PM

تاني يا ندي انا اولي د ادعيلي معاكي بقي

ندى - احمد

5 Jul 2006, 03:34 PM

سولرى دماغى ضاربه

ربنا معاكى يا حبيبتى

mostafa_mb

5 Jul 2006, 05:03 PM

يا رب
ما علينا
انا كنت ماشى من هناك 4.30 ومشفتش حاجة اتعلقت
وبرده الساعة 8 ديه فشر هى اكيد هتتعلق النهارده بليل (بس على 10 كدة)عشان الى يجى بكرة من بدرى يلاقيها بس هو ده الى هيحصل يعنى هى اساسى بكرة
يالة سلامو عليكم

jerssy

5 Jul 2006, 05:16 PM

ان شاء الله ةخير
بس دعواتكم بقي يالا سلام

لؤلؤة الشرق

5 Jul 2006, 09:20 PM

اذيك يا جيرسى ، حمدلله على سلامتك

يا جماعة هى فعلا خلاص الخميس ولا ايه الأحوال بالضبط يعنى نروح ولا ننتظر ليوم السبت ، لحسن هموت من القلق

يارب نعدى السنة دى على خير ان شاء الله

ندى - احمد

5 Jul 2006, 09:30 PM

انا باذن الله ناويه خلاص اروح من بكرة

ادعووووووووووووووووووووووووووووووووووووووووووووووووووووووووووووولى من قلبكم

سلاااااااااااااااااااااام علييييييييييييييييكم

لؤلؤة الشرق

6 Jul 2006, 08:08 AM

ياجماعة اللى راح الجامعة النهاردة ياريت يطمنا ايه الأخبار ؟ وهتتعلق ولا هتظهر على النت ؟

emadmody2010

6 Jul 2006, 09:34 AM

ربنا يستر

لؤلؤة الشرق

6 Jul 2006, 05:00 PM

يا جماعة .................. أنتوا فـــــــــــــــيـــــــــــــن ؟

ان شاء الله ربنا هيوفقنا وهننجح كلنا باذن الله

mostafa_mb

6 Jul 2006, 09:45 PM

سلامو عليكم
انا لسا جى من الكلية وهى متعلقتش وبيقولوا الساعة خامسة الفجر (كلام كدب)والحرس بتاع الباب الرئيسى قال مش هتنزل الاسبوع دع ( اصده مش هتنزل الجمعة يعنى)
ما علينا انا اتخنقت من الحوار ده
ويالة هسيبكوا لمدة اسبوع مسافر بعد ازنكم طبعا وان شاء الله هشام بيه هيجبهالى وهيكلمنى بس اوعى تنسى ولو هتنسى رقم الجلوس اهو 4709 ان شاء الله صافى........ان شاء الله ادعولنا .... 36_3_19[1].gif

يالة سلامو عليكم
وعايز اجى الاقى كل واحد كاتب درجاته بالنص بعد ازنكم لو مفهاش تطفل

يالة سلامو عليكم اخر مرة................... 36_2_53[1].gif

زهره المستقبل

7 Jul 2006, 03:46 PM

السلام عليكم 36_2_53[1].gif

انتم فين يا جماعه و محدش دخل و لا قال عملت ايه انا الحمد لله جبت جيد جدا و عايزين نعرف الباقي عمل ايه ابقوا خشوا و طمنونا مستنيه

yaso

8 Jul 2006, 08:03 AM

لولولولولووووووووووووووووووووووليييييييييي

نجحت وعديت تانية يا جماعة

انا وقفت ادام النتيجة وما بقتش مصدق نفسى

الحمد لله 100000000000000000000000000000000000000000000000000000000000000000000000000000000000000000000000 مرة

وكمان10000000000000000000000000000000000000000000000000000000000000000000000000000000000000000000000000 مرة

يا جماعة فى حاجة وحشة حصلت وانا مش عارف اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو حد يقدر يقولهالى ويحلها يبعتلى عالخاص

yaso

8 Jul 2006, 08:06 AM

نسيت اهلا بكل واحد جديد

وحشتونا يا ناس يا قديمة

تروح وتيجى بالسلامة والهدايا ليكى يا زهرة

ازيك ماندولين اقصد جيرسى عاملة ايه

ازيكم كلكم

ايه رايكم فى مشكلة التصحيح البطيخى اللى شوفناه

فعلا ديل الكلب

ندى - احمد

8 Jul 2006, 10:42 PM

مبرووووووووووووووووووووووك ياسو و زهرة
الف مليون مبروك
يعنى خلاص بقينا تااااااااااااااااااااااااااااانيه الحمدلله

بس انا قلقانه اوى على الباقيين محدش يعرف عملو ايه
انا هحاول بكرة اتصل بولاء بس معرفش جيرسى رقمها ايه

و يا ريت لو ياسو يطمنا على الباقى

اه نسيت الحمد لله انا جبت جيد جدا
باركولى ياله و عايزة هديه بقى

سلاااااااااااااااااااااااااااااااام عليييييييييييييييييييييييييييكم
يا سنه تانيه

jerssy

8 Jul 2006, 11:47 PM

السلام عليكم ورحمه الله وبركاته
ازيك يا جماعه
و 1000000000000000000000000000000000000000000000000000 مبروووووووووووووووك لي هشام و ندي
وانا الحمد الله نجحت وطلعه تانيه يا تانيه (ج)
وانا مندلوين يا هشام

ماشي ماشي(هههههه)
وانتي يا ندي ازيك يارب تكوني بخير والف مبروك يا جميل
ومحديش يعرف اخبار ولاء ايه؟؟؟؟؟؟؟؟
يالا انا هقوم بقي
و 100000000000000 مبروك لكل الي طلعين تانيه وكل الي ناجحين
سلام عليكم

ندى - احمد

8 Jul 2006, 11:53 PM

الف مليار مبووووووووووووووك يا جيرسى يا حبيبتى

جبتى كام قولىلى

معرفش انا قلقانه اوى على ولاء ان شاء الله تكون بخير
و اخبار مصطفى و ديزنى و محمد و------ الناس دى كلها عملو ايه لو ياسو يعرف حاجه يقول

يا رب نكون كلنا تانيه خلاص و ربنا يكرمنا دايما

سلااااااااااااااااااااااام علييييييييييييييييييكم
====================================================
و يا ريت لوتس او جوال يغيروا الاسم بقى يخلوه سنه تانيه و بلاش نحدد مجموعه معينه

=======================================================

لؤلؤة الشرق

9 Jul 2006, 07:56 AM

السلام عليكم ورحمة الله وبركاته

اذيكم ياجماعة وحشتونى جداااااااااااااا

ألف مبرك يا ندى انتى وزهرة المستقبل وهشام وجيرسى و عقبال السنة الجاية ان شاء الله

وأنا الحمدلله نجحت و معاكم فى تانية ج ان شاء الله

medoty2003

9 Jul 2006, 08:20 AM

هاى يا جمااااعة انا لسة جايب النتيجة و الحمد لله نجحت و جبيت جيد عقبالكو كدة زيييييييي

shamsawy_diaa

9 Jul 2006, 09:10 AM

مبرووووووووووووك يا شباب القاهرة

الف الف مبروك ..

ادعولنا احنا بقا .... انا اولى تجارة عين شمس

دعــــــــــــــــــــــــواتكم معانا

jerssy

9 Jul 2006, 09:14 AM

10000000000000000 مبروك يا لؤلؤه انتي وmedoty2003
التصحيح مش بطيخ بس يا هشام ده بطيخ وكوسه وسلطه
بس يالا الحمد الله اننا عدنا ووصلنا تانيه الحمد الله

bebo el basha

9 Jul 2006, 09:30 AM

انا الحمد لله يا جماعة نجحت وجبت

.....................

جيد

الحمد لله

ولا حول ولا قوة الا بالله ((سبحان الله وبحمدة , سبحان الله العظيم))

bebo el basha

9 Jul 2006, 09:32 AM

ان شاء الله لو حد عايز حاجة من بتوع سنة اولى اللى طالعين تانية يسألو اى اسألة ان شاء الله هنجاوبلكو على كل اسألتكم ......... محمد الصباغ

yaso

9 Jul 2006, 03:05 PM

مبروك ليكم كلكم يا جماعة

ندى جيرسى ولاء محمد الصباغ ميدو شمساوى

اما يا جماعة عن الناس اللى اعرفهم ففى مصيبة من وجهة نظري

لؤلؤة الشرق

9 Jul 2006, 03:15 PM

الله يبارك فيك ياهشام و عقبال السنة الجاية ، متعرفش ياهشام مصطفى اخبار نتيجته اه ؟

وبعدين خير ان شاء الله اه المصيبة اللى انت بتقول عليها دى ؟

ومبروك لكل من محمد الصباغ ميدو ، وان شاء الله ربنا معاكم ياشمساوى وبالنجاح

ندى - احمد

9 Jul 2006, 03:30 PM

الحمدلله و الف مبروووووووووووووك ليكو كلكو مبسوطه اوى انكو نجحتو

انا كنت النهاردة فى الجامعه شوفت نتيجتك يا ولاء فرحت اوى انك معنا ان شاء الله

بس ايه الاخبار الوحشه بس يا ريت هشام يطمننا

و ممكن اسالكم سؤال ايه رايكم فى درجات الاكونت بجد فيها استهبال فظيييييييييييييييييييييييييييييع
مش ممكن يا جماعه احنا و رقنا دة اكيد ماتصححش او الى بيصحح كان بيصحح على البحر ذى ما بيقولوا و الورقه الى تفضل هى الى ناجحه

دة استهبال اذلى انا وقفت ادام نتايجنا نص المجموعه شايلاها او ناجحين بالعافيه
ده انا حلاه كله صح و متاكدة جدا حتى الميزانيه متوازنه و كل حاجه تمام
و فى الاخر اجيب 10 دة استهبال و الله

المهم لو بصيتو على النتايج الى جمبنا بتاعه اولى ب الى كان بيديهم خالد سماحه لوحده هيجلكو شلل
العشرينات و 17 و 18 و ارقام حلوة بالهبل

و الله ده ظلم حسبى الله و نعم الوكيل فى الى كان السبب

و برضه الشركات درجاتها مش اوى بس معقوله مشفتش بصراحة ذى الاكونت ايه هم عايزين المجموعه كلها تعمل التماس

يلا الحمد لله المواد التانيه كانت كويسه و نفعت اوى
بجد تصحيح اى كلام يعنى طالعه من الاكونت عايزة اتنطط من الفرحه اجيب 10
و القانون الى طالعه منه مكتابه و روحت البيت هريت نفسى عياط اجيب 17 (ربنا يكتر من الدكاترة الكرماء )
اقوووووووووووووووووووووول ايه حسبى الله و نعم الوكيل

الحمد لله ربنا ستر معايا بس الناس الى يا عينى شالو حاجات بسبب الاستهبال ده
و الله حرام كدة

ها ايه رايكم يا سنه تاااااانيه

سلاااااااااااااااااااااااااام علييييييييييييييييييييييييكم

ندى - احمد

9 Jul 2006, 03:32 PM

و ربنا مع بتوع عين شمس كلهم و مع كل المسلمين

مش عارفه كليتنا تطلع نتيجتها اول واحدة مع انها اكبر عدد و ده اكبر دليل على الاستهبااااااااااااااااااااااااااااااال

The Manager

9 Jul 2006, 03:40 PM

مش عارفه كليتنا تطلع نتيجتها اول واحدة مع انها اكبر عدد و ده اكبر دليل على الاستهبااااااااااااااااااااااااااااااال

الله أعلم

جايز عندنا دكاترة كتير بيقعدوا عليها يشطبوها على طول
زى فم الغسيل كدة