الساحة > قرب قرب دوق وجرب

المساعدة - البحث - قائمة الأعضاء - التقويم

الساحة > الجامعة.. أحلى أيامنا > الكليات > التجارة

1, 2

yaso

28 Apr 2006, 08:20 PM

يا جماعة انا حبيت اشارك بموضوع ويا رب يكون جديد ومفيد

الموضوع باختصار

ايه الحكمة او مجموعة الحكم التى تعمل بها فى حياتك اليومية ؟

ممكن كل واحد يقول حكمة او حكمتين كل يوم لان كل احد فينا بيقبى جواه مجموعة كبيرة لا يستطيع ذكرها مرة واحدة

وممكن ان حد فينا يقول حكمة تكون من تأليفه بناء على موقف حدث له

ابتدى انا بحكمة واحدة النهاردة وهى جامدة بالنسبة لى الا وهى

easy come easy go

ارجو المشاركة للاستفادة من جميع الخبرات وسنقوم جميعا كل اسبوع مثلا بالتقييم لافضل فرد قام بذكر افضل حكم

وشكرا

التوقيع

هشام(طيب القلب)

kemo_lion

28 Apr 2006, 08:50 PM

والله يا ياسو
فعلاً نفسى اتكلم معاكوا واشاركوالامثله
ولكن انت جيت متأخر اوى اوى
علشان الامتحانات وكدة وبالمناسبة بالامتحانات
ممكن اقولك """"""ان الله لا يضيع اجر من احسن عملاً"""""""
بس هو ده اللى ممكن اقولهولك واقول للكل
لازم نذاكر بقى ونشد حيلنا علشان ننجح ان شاء الله كلنا

S A S A

28 Apr 2006, 09:18 PM

لا تؤجل عمل اليوم الى الغد

The Manager

28 Apr 2006, 09:46 PM

الكلام الكثير كأوراق الشجر ... الكثيرة تخفى ثمار أقل

S A S A

28 Apr 2006, 11:32 PM

انت تانى يا مانجر

ههههههههههه

فاكر موضع الىل فى اداب

Hessain

28 Apr 2006, 11:44 PM

دا كان موضوع شـــــــــــــــــــــــديــــــــــــــــــــــد!! إن شاء الله موضوعك يبقى زيه يا ياسو ... إ!!

المهيساتى

29 Apr 2006, 05:24 AM

إيه دى أذاعة المدرسه ولا إيه

يلا مش مهم

الوقت كالسيف ...............

أنتوا عارفين الباقى

اللوتس

29 Apr 2006, 09:25 AM

عامل الناس بما تحب ان يعاملوك به

وربنا يكرمك موضوع حلو

جزاك الله خيرا

المهيساتى

29 Apr 2006, 02:14 PM

حكمه اليوم

من جد وجد و من زرع حصد

أنا مكسوف و أنا بكتب الكلام ده

بعد كده معلش بعد أذنكم هكتب كلام غريب

بس حكم برده أن شاء الله

mostafa_mb

29 Apr 2006, 02:19 PM

الي متخدهوش القرعةلا تخده ام الشعور

mostafa_mb

29 Apr 2006, 02:21 PM

الي متخدهوش القرعة تخده ام الشعور

mostafa_mb

29 Apr 2006, 02:25 PM

بهزر.......................................
كما تدين ....تدان
يعنى الى بتعمله فى الناس هيتعمل فيك اساسى حتى ولو بعد حين(الشرح للتجارين الاذكيا اوى اوى)

المهيساتى

29 Apr 2006, 03:46 PM

أم الشعور

لا حول ولا قوة الآ ب الله

S A S A

29 Apr 2006, 04:32 PM

وقل ربى ذدنى علما

yaso

29 Apr 2006, 07:55 PM

السلام عليكم
شكرا على اهتمامكم
وارجو المزيد

ممكن اقول انا بقى النهاردة

1- معرفة الرجال كنوز

2- اللى ما تطيقش تبص فى وشه النهارده بكرة تحتاج لقفاه

3- كل رجل يموت لكن ليس كل رجل يحيا

4- الجنة من غير ناس ما تنداس

5- ما استحق ان يولد من عاش لنفسه

وكفاية كده النهاردة بقى نخلى حاجة لبقية الايام

بس على فكرة كلمة المانجر بيه جامدة

يللا يا جماعة عايز نسمع اكتر علسان نقيم بقى يوم الجمعة الجاية ان شلء الله

جزاكم الله خيرا

وشكرا

والسلام عليكم جميعا

التوقيع
هشام ( طيب القلب )

المجاهدة

29 Apr 2006, 08:46 PM

ماشاء الله موضوع جميل قوى بجد

مممم انا مش متذكرة كتير دلوقتي من الحكم الي اتعلمتها
بس اكيد اتعلمت كتير قوى قوى

مممم ممكن بس الي فاكراه هوا بيت شعر بس عشان كتبته النهاردة
علمتني الحياة انى ان عشت لنفسي اعش فقيراً هزيلأً
علمتني الحياة انى مهما اتعلم فلا ازال جهولا

ان شاء الله لو افتكرت تاني ابقى اجي اضيفه

جزاك الله خيراً اخي على موضوعك الكريم

mostafa_mb

29 Apr 2006, 11:34 PM

[quote] 3- كل رجل يموت لكن ليس كل رجل يحيا

انت واخد المقولة ديه من فيلم brave heart 0القلب الشجاع حرامى

هههههههه

المهيساتى

30 Apr 2006, 12:42 PM

مش لاقى حاجه أحسن من قصة النبى ( صلى الله عليه و سلم )

لما قال للسيده عائشه بل بقيت كلها و لم يذهب إلا كتفها

و طبعاً كله عارف القصه

سلالالالالالالالالالالالالالالالام

yaso

1 May 2006, 04:02 PM

السلام عليكم

اولا احب اعرف القصة يا مهيساتى

لأنى مش عارفها

اشكركم على ردودكم وارجو المزيد منكم وان تبلغوا الباقون من اصدقائكم

انا فعلا يا استاذ مصطفى واخدها من الفيلم وانا شايف ان مافيهاش حاجة

جميل ما قلتيه يا مجاهدة وارجو المزيد

اليوم اقول

1- اصعب شئ ان يكون فيك الخصام وانت الخصم والحكم

2- من قال لا اعرف فقد افتى

3- من خرج من داره قل مقداره

جزاكم الله خيرا وشكرا لكم

التوقيع
هشام( طيب القلب )

whitehourse

1 May 2006, 04:29 PM

وجاءت من كانت يهتف اليها الجماهيييييييييييييييييير
الي هو انا يعني
الفتي ليس من قال ابي ولاكن الفتي من قال ها انا ذا

mostafa_mb

1 May 2006, 06:41 PM

لالالالالالا بجد جامدة الكلمتين دول بتوعك يا وايت هورس

لؤلؤة الشرق

2 May 2006, 05:02 AM

على فكرة يا ياسو الموضوع فعلا رائع . و عرفت حاجات أكتر من اللى كنت عارفاها

المهم بالنسبة لى أنا بفضل " تبسمك فى وجه صديقك صدقة "

المهيساتى

2 May 2006, 04:42 PM

القصه هبقى أحكيها بس مش دلوقتى

و أنا قلت هقول كلام غريب

أوله

(أنت تفكر أذن أنت موجود)

ندى - احمد

2 May 2006, 06:33 PM

حلو الموضوع بس فى حاجات كتير

ابقى افكر و اقولكم
بس بحب اعمل لاخرتك كانك تموت غدا و اعمل لدنياك كانك تعيش ابد الدهر
و بتمنى امشى عليها

و فى كتيييييييييييييييييير تانى

whitehourse

2 May 2006, 09:25 PM

في حكمه بتقول
الي يشتمك قوله ربنا يسمحك والشتيمه بتلف تلف ترجع لصاحبها علشان احنا في المتحانات وكده مش عايزين ذنوب

isma3el mo7amed

2 May 2006, 10:22 PM

بصوا يا جماعه انا مش ف دماغي حاجه دلوقتي
انتوا عارفين بقى المذاكره مش مخليه الواحد يفكر ف حاجه تانيه
بس المبدأ اللي عاجبني بتاع صاحبي وحبيبي وانتيخي الواد كيمو ليون اللي هو

حب الناس كلها...اكيد الناس كلها هتحبك 36_3_19[1].gif

kemo_lion

3 May 2006, 01:45 AM

ربنا يخليك يا سمسم يا حبيبى
على فكرة يا جماعة سمسم ده اعرفه من زماااااااااااااااان
وهو من اطيب الناس اللى اعرفهم علشان كدة انا بقول
"معرفة الرجال كنوز"
"والطيب فى الزمن ده مينفعش"
"واتلم قليل البخت على متعوس الرجا"
هههههههههههههه
بس كفاية كدة

المهيساتى

3 May 2006, 07:07 AM

(whitehourse @ May 3 2006, 12:26 AM) [snapback]336200[/snapback]

ههههههههههههههههههههههههههههههههههههههه

حلوه أوى دى

على فكره يا كيمو عندك حق أنا مش عارف ليه أن أسلوبكم قريب من بعض

حكمة اليوم

( مش لاقى حاجه أقولها )

بعدين بأه سلالالالالالالالالالالام

لؤلؤة الشرق

3 May 2006, 12:02 PM

فى يا جماعة كمان ............... الصبر مفتاح الفرج

المهيساتى

3 May 2006, 05:40 PM

القرش الأبيض ينفع فى اليوم الأسمر

هههههههههههههههههههه

whitehourse

3 May 2006, 09:34 PM

ده علي اساس انه واقف يئزئز لب وسوداني

في حكمه بتقول
بلاش تغلط في الاصغر منك(عيب يا بابا كده)
دي حكمه صيني

S A S A

3 May 2006, 10:07 PM

وبلاش تهدى النفوس دى حمه صاصا

يا مهيساتى الكلام ليكى يا جااااااااااااااارة

هههههههههه

whitehourse

4 May 2006, 10:07 AM

الحق صاصا بيقول عليك جاره اووووووووووووبس
انا لو منك مدخلش المنتدي تااااااااااااااااني
وعيب كده ده زي اخوك برضه
احنا كده هنبوز موضوع الولد
انا عاندي مثل يقول دي حكمه انجليزي
men are known by what they say but heros are known by what they do
زيي انا مثلا

kemo_lion

4 May 2006, 10:27 AM

هههههههههههه
ok ya man
لا حكمة حلوة بجد

whitehourse

4 May 2006, 04:38 PM

لا انا قصدي ان انا هيرو مش ماااااان 36_1_44[1].gif

Hessain

4 May 2006, 05:27 PM

يا مان

S A S A

4 May 2006, 05:39 PM

الحق صاصا بيقول عليك جاره اووووووووووووبس

مش قاصدى المهيساتى دا المهيساتى دا حبيبى

ولو كنت اقصدة كنت قلت يا جارى " مش جارة "

ههههههه

انا اقصد واحدة تانيه

زي اخوك برضه

طبعا واكتر من اخويا

ومحدش هيقدر يهدى النفوس بينا

هعهعهعهع

men are known by what they say but heros are known by what they do

i does

ههههه

whitehourse

4 May 2006, 07:05 PM

انت قصدك انااااااااااااااااااااا
ههههههههههههههههههههه
بس انا مش هرد عليك ماما قالتلتي مترديش علي الناس الي اكبر منك

whitehourse

4 May 2006, 07:13 PM

في حكمه بتقول
اقلب القدره علي فمها يطلع ابو الهول لمصطفي(ساسا)
ابو الهول يقصد به الكاتب الصوره الي حاططها ساسا

S A S A

4 May 2006, 10:48 PM

اقلب القدره علي فمها يطلع ابو الهول لمصطفي(ساسا)
ابو الهول يقصد به الكاتب الصوره الي حاططها ساسا

قصدك عليا ماما قالتلى متردش على الناس الاصغر منك

هههههههههه

Disarov

4 May 2006, 10:57 PM

التوبيك ده اسمه بيحسسنى ان واحد واقف على عربية كبدة

S A S A

4 May 2006, 11:08 PM

هههههههههههههه

yaso

14 May 2006, 11:53 AM

السلام عليكم

اسف يا جماعة انى اتأخرت كل ده المهم انا جيت بحاجات جامدة منها اللى انا مألفه ومنها من الافلام ومن المسرحيات والحياة عامة

1- ما حدش بينجرح اوى الا اذا كان بيحب اوى

2- اذا بليتم فاستتروا

3- معاك قرش تصوى قرش

4-الوقت كالذهب وقد ذهب

5- اصعب شئ ان يكون فيك الخصام وانت الخصم والحكم

6- حريتك تنتهى عندما تبدأ حرية الاخرين

7- انا حر ما دمت لا اضر

8- ريس من غير مركب زى مركب من غير ريس

9- اللى ما علمهوش ابوه وامه تعلمه الايام والليالى

10- يا مربى فر ولد غير ولدك يا بانى فى ملك غير ملكك

11- اللى ليه ظهر ما بينضربش على بطنه

12- اللى مالهوش كبير يشتريله كبير

13- اللى يشوف بلاوى الناس تهون عليه بلوته

14- ليس للورق قيمة طالما لم يجد من يقرأه

15- ليس من الضرورى ان يكون لك نظر لكن الاهم ان يكون لك وجهة نظر

16- الرجل يحب ليحيا والمرأة تحب لتحيا

هاقولكم بقى الحاجة اللى انا كتبتها من رأسى

1- المرأة احيانا تكون اقوى المخلوقات بضعفها وتكون ايضا اغباهم بذكائها

2- يرى البعض ان الزواج هو مؤشر اتزان الميزان بين بداية الحب ونهليته

3- الحب هو السم الذى يتذوقه الانسان ليحيا

4- بعيدا عن الدين ، الحقيقة الوحيدة فى هذه الدنيا انه لا يوجد حقيقة

5- وراء كل رجل عظيم.....................................................................(عربية حراسة)
ههههههههههههههههههههههههههههههه

ايه بقى رأيكم

شكرا لكم والسلام عليكم

التوقيع

هشام (طيب القلب)و(الهائم فى الاحلام والاوهام)

whitehourse

14 May 2006, 10:02 PM

easy come easy go

yaso

19 May 2006, 12:46 PM

السلام عليكم

ايه يا جماعة الامتحانات عاملة عمايلها

ايه ما فيش حد بيرد فى الموضوع ده ليه؟

على العموم انا مش هاطول

1- اللى ينزل البحر يستحمل موجه

بس خلاص

انتم ما قيمتوش اللى انا قولته ليه؟

على العموم انا منتظر ردودكم

وشكرا سلام عليكم

التوقيع

هشام (طيب القلب)و(الهائم فى الاحلام)

المهيساتى

21 May 2006, 03:20 AM

إيه اللى حصل و أنا مش موجود

حاسس وايت بتحاول توقع

ما تحاولي ش يا بنتى أنا و صاصا اللى بينا بأه أكبر من كده

المهيساتى

21 May 2006, 03:21 AM

حكمة اليوم

يا داخل بين البصله و قشرتها مش عارف الباقى ......................

whitehourse

21 May 2006, 11:03 AM

لا انا مش بوقع والا حاجه
انت عمال تقول صاصا حبيبي وساسا يقول مهيساتي حبيبي
ده اسمه نفاااااااااااق اقوله علي الي انت قولته عليه 36_20_1[1].gif

لا خلاااااااااااااص عقبال بقي مخلص امتحانات
ده انتو ناس فضيه صحيح
انا هكمل حكمه المهيساتي
يا داخل بين البصله وقشرتها مينوبك الا زحلقتها (باين كده علي ما اعتقد صح)

mostafa_mb

28 May 2006, 02:20 PM

ههههههههههه 36_2_53[1].gif

بس التوقيع بتاعك يا وايت هورس جامد مين الى مالفه

المهيساتى

29 May 2006, 09:18 PM

(whitehourse @ May 21 2006, 02:04 PM) [snapback]348154[/snapback]

زحلقتها عااااااااااااااااااااااا

ماشى أما تخلصى نحسم الموضوع ده