الساحة > زواج للفردوس الاعلي

المساعدة - البحث - قائمة الأعضاء - التقويم

الساحة > قلوب بتطير > يـلا نحـــب بجـــد

المجاهدة

13 May 2006, 07:11 AM

[center][b]و أخيرا تزوجت حبيبه قلبى.. صفيه..

قد تتسائلون من هى..

هى إنسانه جميله .. جميله فى كل شىء.. حقا صفيه فى قلبها.. فى أخلاقها الرائعه فى تدينها الجميل..

أنا عندما أفكر .. من هى مثلى الأعلى.. لا يأتى فى ذهنى سوى .. صفيه..

حقا أحبها فى الله منذ الصغر..

لا ترى إنسان يحتاج المساعده إلا و ساعدته..

نور يمشى على الأرض فى كل مكان..

مره بسألها عايزة أكون مع جماعه معينه..

قالت لى رد جميل أوى..

قالت لى مش مهم أنتى مع مين..

المهم فى أى مكان أنتى فيه.. أخدمى الإسلام بكل قوتك..

ساعدى كل واحد محتاج مساعده..

خدى أصحابك و كلميهم فى الدين..

عارفين..

كانت دايما تعمل لنا حفلات دينيه منذ أن كانت صغيره فيها رسائل دعويه جميله لتحبب الناس فى الدين.. و تجعلهم فرحين بالتدين..

كانت بتدينا كورس إنجليزى مجانا.. لأنها دخلت كليه ترجمه فوريه .. فأرادت أن تزكى بعلمها..

كنت قد سبق و حكيت عن كتب كتابها فى الموضوع هنا.. و خصصت لها موضوعا منفردا كتبت عنه تفاصيل كتب الكتاب..

و أما اليوم كان زواجها..

عارفين يا جماعه لما تحسو أن الفرحه طعمها غالى أوى..

عارفين لما تحسو بالحياء فيها..

رحنا بيتها بنات فقط.. قعدنا معاها نغنى لها الأغانى الإسلاميه.. و هىكم هى رقيقه و مجامله للكل..

و إن جاء ذكر أسم العريس فى الاغنيه.. ألتمعت عيناها حبا له.. فعلا حسيت بمعنى الحب من عينيها.. ربنا يبارك لها و له يارب.. فأنا أشعر فيه يوم الكتاب كم احبها.. و كم شعر بان معه تلك الجوهره الغاليه.. صفيه الحبيبه..

هو أسمه عبد الله.. و هو فعلا عبدا فقيرا إلى الله غنى بإيمانه القلبى الذى أستشعره من كلماتها الرقيقه دوما عنه..

أو ما دخلت بيتها..لقيت قلب كبير جميل... أول حروف من أسمها.. و أسمه.. و كاتبه كلمهparadise

فعلا.. هى تريد الجنه و هو يريد الجنه..

و هم حقا أجمل عروسين فى الجنه..

يمكن أنا حكيت قبل كده الحكايه دى بس ححكيها تانى..

كانو و هما بينقو الدبل..

قالو حيكتبو عبد الله و صفيه..

لكن هى قالت أسم الله غلط تدخل بيه مثلا أى مكان غير طاهر كدورة المياه أو ماشابه ذلك..

قالت .. أنا عندى أقتراح..

عبد الله قالها إية يا صفيه.. قالت له..

نكتب بدل أسمك و اسمى.. نكتب الفردوس الأعلى..

الله على جمالك يا صفيه و يا عبد الله..

بجد بدعيلكم ربنا يحفظكم من كل سوء يارب ..

و فعلا كتبو على دبلهم الفردوس الأعلى..

هى دى الرومانسيه و الله إللى بتكلم عنها..

حب جمييل.. لكن فى طاعه للمولى عزوجل..

و اليوم..

قعدنا كلنا أصحابها و أصحاب والدتها..و منهم أمى..

واحده تدعى بصوت عالى و أحنا نؤمن على دعاؤها .ز و أحنا بندعى لصفيه الحبيبه..

عارفين إية سر سعاده صفيه و عبد الله..

هم اثرو طاعه الله على سخطه..

كان حبهم حب جميل بس كان دوما فى حب أكبر من اى حب..

حب المولى عزوجل و رضاه..

كانت علاقتهم فى الخطوبه قليله جدا.. و كان كل من الطرفين يحرص فيها على تقوى الله..

و حين جاء كتب الكتاب عرفو فعلا معنى الحب بينهم..

و عايزة أقول.. ان صفيه و عبد الله.. ربنا يبارك لهم.. من اسر متيسره الحال نوعا ما..

لكن عارفين بجد إزاى يستخدمو نعمه الله التى أنعمها عليهم..

كان فرحهم فى الجامع و لا شىء غير ذلك..

و اليوم بعد هذه الجلسه الجميله .. العريس مع أصحابه و العروسه مع صاحبتها.. سيأتى و يأخذها عبد الله لبيتهم.. جعله الله بيتا لهم فى الجنه و ذخرا لهم يوم القيامه يارب العالمين..

فهنيئا لك يا عبد الله بصفيه..

و هنيئا لكى يا صفيه بعبد الله..

و اسألكم الدعاء لهم..

حبيبت بس أقول لكم عن قصه إنسانه جميله..

سارت على منهج الله عزوجل..

فلم يضيعها الله.. و رزقها بالزوج الصالح..

[/b]

[/center]

المجاهدة

13 May 2006, 07:14 AM

دي كانت مشاركة اخت ليا في الله توصف زفاف صفية

انا ماعرفهاش

بس صدقاً حبيتها قوى قوى

[/color]

اخت صفية حطيت الصور بتاعت زواجههم و اخرجتها على شكل فيديو و مشغله معاهم نشيد انجليزي جميل قوى اعتقد لزين باكير

بجد كل ما اشوفه جسمي يقشعر قوىى

[color="#336666"]بس حبيت اقولكم الخبر ده يفرحكم شوية

Dr.Gannat ALLAH

13 May 2006, 11:02 AM

ماشاء الله

فعلا هو ده المطلوب ان يكون كل شئ في حياتنا طاعه لله..

المجاهدة

13 May 2006, 02:24 PM

فعلاً
لو كل حاجة في حياتنا كانت لطاعة ربنا
بجد مش هنحس بالشقاء ولا بالتعب
حتى مع الابتلائات

اللي سمعته ان اختنا صفيه و زوجها عبد الله مستواهم المادي قليل
و مع ذلك بجد ماشاء الله عليهم
صور زفافهم والله جميلة قوى
فستان زفافها ماشاء الله شيك اوى و رقيق اوى و اسلامي
و فعلا ماكنتش حاطه اي مكياج و مع ذلك ماشاء الله وشها منور زي البدر

طول مانا بشوف الفيديو بتاعهم
عمالة اقول اكيد ده جزاة الي بيشتغل للاسلام و همة مراضة ربنا اهم من اي شئ اخر

بجد ربنا يكرمهم و يبارك لهم

semsmaaa

24 Jul 2006, 11:55 PM

يارب يرزقنا القلب الصافى والعزيمة على خدمة ديننا زيها

ويرزقنا الزوج الصالح اللى يكون لينا للوصول الى الفردوس الأعلى

المجاهدة

25 Jul 2006, 12:33 AM

يااااااااه موضوع صفية

جزاكى الله خيرًأ انك اعدتي إحياء الموضوع ده
ربنا يكرم صفية و زوجها ياا رب

و يكرمك يا جميلة و يباركلك في حياتك و يكرمك بالزوج الصالح الي يعينك و يكرمك و يكن سكن لك فعلاً يا رب