إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها

فعلا ( كلهم بيقولوا كدة في الاول )

رورو عندها حق
موضوع جامد يا كااااااااات

اشمعنى يعنى الواد هيرجع رجليه مكسورة

بيحب فريد شوقى



ههههههههههه

هههههههههه
وبعدين الولاد دلوقتى معظهم بيلعبوا العاب قوة تسألهم ليه يقلولى اصل البنت اللى بحبها عصبية
ومنظرى هيبقى وحش لما تضربنى
ههههههههههههههه

هههههههههه
وبعدين الولاد دلوقتى معظهم بيلعبوا العاب قوة تسألهم ليه يقلولى اصل البنت اللى بحبها عصبية
ومنظرى هيبقى وحش لما تضربنى
ههههههههههههههه

هههههههههههه

...

ليه بس الهجوم الضاري علي الشباب ده محسسنى ان كلهم زي مابتقولوا كده وان البنات ملايكه

اكيد

هههههههههههههههههههههههههههه

أؤيد كلامك يا كاااااات

هههههههههه

موضوع جامد بس أنا شخصياً بغير النغمه لنغمه

بتبعدينى عن حياتك بالملل أصلى بسمع منير


ههههههههههههههههههه




أنتى فعلاً على طول تقولى كده فى الأول

السلام عليكم


معلش يا جماعة وبرخامة اصلى بحب ارخم


هو الموضوع ده فايدته ايه؟؟؟؟؟؟؟؟؟


اصلى بصراحة مستفدتش حاجة خالص



كل اللى استفدته انى قريت قصة بتحصل وبتتكرر كل يوم قصة حرام فى حرام

ولو فى شئ ممكن نستفيده يعنى مثلا المفروض الواحد يكون صادق ومايخبيش العيوب

يبقى يتقال بأسلوب تانى يعنى زى المخطوبين او المتقدم للخطبة

مش اتنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معلش اصل هي جابت قصة من اللي السائد دلوقتي

ده أنتا رخم فعلاً هم كل بتوع فيصل كده يا بتاع الكفر أنتا

أنتى عايزه تقولى إيه ؟

مالهم ياعم بتوع فيصل

حلوين و زى الفل

ما عدا ................ اللى فى بالى

انا عاوزة اقول ان القصة اللي هي جبتها بتحكي عن الظاهرة الغالبة دلوقتي

عشان حفيد محمد كان بيقول المفروض نقول مخطوبين او متقدم لخطبة

فأنا عشان كدة بقولة القصة دي بتحكي عن ظاهرة غالبة دلوقتي انهم مش مخطوبين وفي كدة

بس خلاص

وعشان محدش يفهمني غلط

مش معني كدة اني مع الظاهرة الغلبة دي

بس كنت بوضح

حبيب قلبى

جزاك الله خيرا يا اخت حفيدة محمد

واياكم اخ خطاب


بس يا جماعة انا اسمى حفيدة محمد


وكمان فى بنت شعرها منكوش تحت اسمى ولابسة كاب


والا ايييييييييييييييييييييييييه؟؟؟؟؟؟؟؟؟؟؟؟؟

واياكم اخ خطاب


بس يا جماعة انا اسمى حفيدة محمد


وكمان فى بنت شعرها منكوش تحت اسمى ولابسة كاب


والا ايييييييييييييييييييييييييه؟؟؟؟؟؟؟؟؟؟؟؟؟

ثبته ثبته

الاخت حفيدة محمد

يفضل انك تغيري الصورة الرمزيه

اللي تحت اسمك ......... لاي صوره غير صورة رجل

عشان ما يحصلش اخطاء من الاعضاء

لان هناك اخ معنا يسمي حفيد عائشه والله اعلم

سبحان الله

بتيجلوا على المواضيع اللى مش بتعجبكوا وتردوا

واللى تعجبكوا متردوش

انا بفضل يعنى اللى ميعجبوش حاجة ميردش

واللى تعجبه يرد

بسحب كلامى اللى فوق

أنا بجد ما كنتش واخد بالى

عذراً أختى

أنا شفتها حفيد محمد

أصله صاحبى و ساكن فى فيصل

أسف جداً و يل ريت تقبلى أسفى

انا كمان اسفة جدا

بجد مخدتش بالي انا خدت بالي بس من الصورة الرمزية فدة اللي خلاني فهمت غلط

اسفة اوي

و أنا كمان ده اللى حصل معايا خصوصاً أن حفيد صاحبى

يا اخت كات العملية مش موضوع الى عاجبه و الى مش عاجبه
هى بس الفكرة ان الموضوع بيدور حول العلاقات غير الشرعية بين الشباب و الفتيات
فكان لازم حد يتكلم
و انا مرضتش اتكلم يعنى و المواضيع الى زى كدة مش بحبها خالص
عامة جزاك الله خيرا و نتمنى ان نرى مواضيع حضرتك قريبا

انت شايف كدة؟

خلاص يا جماعة

قبل ما تحصل مشكلة

لا ربنا ميجبش مشاكل

مفيش مشاكل ان شاء الله

و جزاكم الله خيرا

يا ريت نشوف رأيكوا فى الأقتراح اللى موجود فى موضوع

مراقبينا لو سمحت


و على العموم حصل خير