الساحة > يهم مجموعة (2ج )وخاص ويفيد باقى المجموعات

المساعدة - البحث - قائمة الأعضاء - التقويم

يهم مجموعة (2ج )وخاص ويفيد باقى المجموعات

الساحة > الجامعة.. أحلى أيامنا > الكليات > التجارة

محمود سمبر

8 Jul 2006, 03:09 AM

بسم الله الرحمن الرحيم

السلام عليكم ورحمة الله وبركاتة 36_2_53[1].gif

يا جماعة انا حطيت الاستبيان دة عشان نعرف احنا ورقنا بيتعلم صح ولا كلة تعليم كوسة

وانا عندى فكرة اية رايكوا نعمل اتحاد طلاب للمجموعة بتاعتنا لان اتحاد الطلبة مابنشفهمش الا لما بنحتاجم ما يعرفوش احنا عايزين اية بنشتكى من اية

فا اية هوة رايكوا فى تكوين اتحاد خاص بثالثة ج ان شاء الله

ارجوا ان تردوا على اقتراحى

وشكرا اخوكم فى الله محمود سمير 36_2_53[1].gif

مسلم للأبد

8 Jul 2006, 07:28 AM

اولاً يا حبيبى جزاك الله خير على الموضوع ده

ثانياً الورق بتاعنا ساعات وساعات انا فى مادة فى الترم الاول حالل فيها كويس قوى

ودرجتى فيها زبالة لان دكتور حنفى زكى اللى كان بيدينى

ومادة فى الترم التانى محليتش فيها خالص بس جبت فيها مجموع كويس لان سامى السيد اللى كان

بيدينى

فالحكاية مش ظلم على طول

وقال رسول الله صلى الله عليه وسلم :

ان لا لا يضيع اجر من احسن عملاُ .

صدق رسول الله صلى الله عليه وسلم .

دى بالنسبة لحكاية التصحيح

وبالنسبة لحكاية اتحاد خاص

فى

داخل الجامعة اتحاد حر ممكن ترشح نفسك فيه او ترشح اى شخص

لان اتحاد الطلبة السنة دى جاى معين يعنى الظلم بعينه

والاتحاد الحر شغال كويس .

ولما تبتدى الدراسة ان شاء الله ستجد ما يسرك .

36_4_11[1].gif

محمود سمبر

8 Jul 2006, 11:32 PM

محدش رد عليا لية انتوا نفسكوا بعد الانتهاء من التصويت دة هتقدروا تكتشفوا طريقة تصحيح اوراق الاجابات ياريت تبعتولى

ندى - احمد

8 Jul 2006, 11:42 PM

حضرتك قصد تانيه ج سابقا ا
و لا احنا الى هم اولى ج

بس اولى ج فيها استهبال الى حد ما
دكاترة قسم محاسبه ربنا يسامحهم بقى

انا بس اطلع دكتورة فيه و انا اوريهم
بس بالى بيعملوه ده الموضوع صعب الوصول ليه

يلا الله اعلم الخير فين

و ممكن لو حضرتك حاسس بظلم قدم التماس مع انى متهيالى انهم مبيعملوش حاجة فيه

محمود سمبر

9 Jul 2006, 04:22 PM

انا اقصد 2ج الى اشاء الله بقى فى 3ج وانا سلامى ليهم كلهم والله انا بحب كل شخصية فيهم لانهم بجد يستاهلوا المحبة بس يريت تدخلوا وتصوتوا على لان النتيجة بدات تبان رغم ان التصويت لسة فى اولة

محمود سمبر

9 Jul 2006, 08:54 PM

يا طلاب 3ج ان شاء الله اية رايكوا اننا نعمل اتحاد لمجموعتنا مردتوش عليا لية
وشكرا اخوكم محمود

محمود سمبر

10 Jul 2006, 06:06 PM

ياريت تكملوا الاستفتاء

kemo_lion

11 Jul 2006, 10:53 AM

محمد مصطفى محمد / الملقب بكيمو_ليون
2 / ج سابقا و 3 / ج ان شاء الله لاحقا
جاب جيد
اما بالنسبة للتصحيح فديه خلاص بقت حاجة عادية خدنا عليها ان التصحيح بالكوسة
بس اهم حاجة اللى حل كويس فى مادة ميجيش فى الاخر يلاقيه شالها لكن لو جاب فيها درجة مش حلوة
فهو عادى هيلاقى نفسه فى مادة تانية كان حللها وحش جايب فيها درجة حلوة
فا ده العادى
اما بقى بالنسبة للاتحاد طلبة 3 / ج
فادخل يا حودة فهمنا عايز تعمل ايه فيه يعنى وايه متطلعاتك طيب واحنا نعمله مع بعضينا
وربنا يكرمك ويوفقك

-رؤى-

11 Jul 2006, 11:03 AM

بالنسبة للتصحيح انا علي مدار الاربع سنين شفت 3 حالات

تحل كويس وتجيب درجة اقل

تحل وحش وتجيب درجة اعلي

زي ما تحل زي ما تاخد

كل دة حصل معايا

ويتوقف علي الدكتور

محمود سمبر

11 Jul 2006, 05:37 PM

بس يا اخ كيموا انا الى عايز اعملة اشبة بمجموعة تنوب عن المجموعة ككل وتحاول نتكلم باسمهم

ويا ريت نتفق انا وانت عالفكرة دية ونعملها