السلام عليكم يادكاترة

أظن الجواب باين من عنوانه

هو فيه ايه

أنا حاسى انى بقيت غريبة وسطكم

معقولة يكون ده بسبب غيابى الفترة اللى فاتت

مش عارفة السبب ايه بالظبط

بس كل اللى اعرفه انى حاسة بحزن رهيييييييييييييييييييييييييب

انا كنت بعد الايام عشان ارجع

كنت فرحانة اوى وانا راجعة

وبعد مارجعت مش عارفة ليه كدة حاسة ان الاحوال مش تمام

حاسة انى عاملة زى الاطرش فى الزفة

وكأن فى حاجات بتحصل وانا مش عارفاها

وحاسة ان كل واحد فى موال لوحده وانكم منفصلين

وبعدين فين الناس

مش هقعد اقول فين كذا وكذا بس انا ملاحظة ان الساحة نايمة اوى والناس مش فى الموود كدة


ان شاء الله يطلع كل كلامى عك فى عك وتطلع ظنونى مش فى محلها

بس برضه انا عايزة اشوف الساحة نشيطة اكتر من كدة

وعايزة احس تانى بالروح الجميلة اللى كانت بيننا

وعايزة احس انى مش مستغرباكم وانى مش غريبة بينكم

معلش يا حبيبتي

ماغريب الا الشيطان


بصي حضرتك

اقتحمي اي قسم واعملي فيه مشاركة واحدة فعالة هتلاقي كله تمام


يعني ابحثيلك في عقار وحطيه في العلمي


كملي علي القسم الترفيهي



حطي اي رقيقة في رسائل ربانية




دي وصفة مش هاتخيب ابدا



او بقي رجعيلنا كام موضوع قديم كده من بتوع زمان عشان تحسي ان حضرتك مش غريبة




بعدين هو في ايه



كل اللي يغيبله يومين ييجي يقول انا تايه


نفس الموضوع الدكتورة اجوان حصل معاها من كام يوم وعملت نفس الحركة برده


وحمد الله علي سلامة الوالد

انا مستني العزومة يا شقلبان

ياعم ارحمني بقي


انا كل اما اخش في حتة الاقيك



بتفكرني ببيناين