حكـايـة جـــواز

ميزو و سِمسِمه

حكايه كل شباب انهارده .. حنشوفها في شخص ميزو الطالب الجامعي المتخرج من 6سنين تجاره القاهره .. و حبيبته سمسمه, بكالوريوس هندسه قسم ( كهربه أفراح ) !
ميزو تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمهـ لا ! .. بصراحة كدة .. إنت مش فارس أحلامي اللي باتمناه

*****
ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمهـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !
*****
ميزو ـ تتجوزيني ؟
سمسمه ـ انت لسة ليك عين تكلمني ؟
ميزو ـ أيوة .. أنا عرفت مين بنكرياس كيج ده
سمسمه ـ أولاً : اسمه نيكولاس كيج ..
ميزو ـ أيوة أيوة .. كنت هاقول اسمه صح .. بس اختصرته .. ده ممثل
سمسمه ـ ممثل إيه ؟
ميزو ـ ممثل أمريكاوي
سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي
ميزو ـ دونكي دي تبقى شتيمة ؟
سمسمه ـ أوف كورس
*****
ميزو ـ تتجوزيني ؟
سمسمه ـ عندك عربية موديل كام ؟
ميزو ـ موديل دي تبقى شتيمة ؟

****
ميزو ـ تتجوزيني ؟
سمسمه ـ قوللي الأول .. حاطط أنهي نغمة في الموبايل بتاعك ؟
ميزو ـ نغمة دي تبقى شتيمة ؟


*****

ميزو ـ تتجوزيني ؟
سمسمه ـ ما قلتليش .. إنت بتشتغل إيه ؟
ميزو ـ أنا -بلا فخر- عاطل
سمسمه ـ عاطل ؟ .. ياي ! ..
ميزو ـ مش أحسن من اللي ما بيشتغلش ؟
سمسمه ـ لا
ميزو ـ يعني مش هتتجوزيني ؟
سمسمه ـ لا يا ميزو
ميزو ـ كدة أنا أزعل
سمسمه ـ ما تزعلش يا بابا .. خليك فريش
ميزو ـ ماشي .. ماشي .. بس قوليلي ..
سمسمه ـ إيه ؟
ميزو ـ فريش دي تبقى شتيمة ؟

****
ميزو ـ تتجوزيني ؟
سمسمه ـ لقيت شغل ؟
ميزو ـ أيوة طبعًا .. سنتين وأنا بادور .. أخيرًا لقيت ..
سمسمه ـ وإيه هو ؟
ميزو ـ سواق تاكسي .
سمسمه ـ ياي ! .. مش مكسوف وانت بتقولها ؟
ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
سمسمه ـ شرف ؟ جتك القرف !
*****
ميزو ـ تتجوزيني ؟
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ميزو ـ يعني موافقة ؟
سمسمه ـ روح اتنيل .
*****
ميزو ـ تتجوزيني ؟
سمسمه ـ عندك شقة ؟
ميزو ـ طبعًا .. أودة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !
*****
( بعد سنوات) :
ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !
*****
ميزو -تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك
*****
(بعد سنين) ..
ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you
ميزو ميزو ـ ماشي .. بس قوليلي ..
سمسمه ـ نعم ؟
ميزو ميزو ـ روش دي تبقى شتيمة ؟
*****
ميزو - تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو . COLORميزو ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزوـ تراجيديا دي تبقى شتيمة ؟
*****
( بعد سنوات ) ..

ميزو ـ تتجوشيني ؟
سمسمه ـ إيه ؟
ميزو ـ تتجوشييينييييييي ؟
سمسمه ـ إنت مين ؟
ميزو ـ أنا حبيبك يا هبلة .. البشي النضارة عشان تشوفيني
سمسمه ـ طيب شاعدني عشان ألاقي النضارة
ميزوـ آهي على الترابيزة قدامك
سمسمه ـ فين ؟!!
ميزو ـ لا دي نظارتي أنا
سمسمه ـ أيوة لقيتها ..
ميزوـ البشيها بقة
سمسمه ـ ططييبب
ميزو ـ عينيكي فوق شوية يا سماسم .. ده بقك ..
سمسمه ـ طيب لبشهالي إنت
ميزوـ عقبال ما البشك الدبلة
سمسمه ـ ما تكشفنيش يا ميشو بقي .. كنت بتقول إيه بقى ؟
ميزو ـ كنت بقول تتجوشششيييينيييييي ؟
سمسمه ـ أكوشك ؟ .. إزاي ؟
ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه دي شتيمة ؟
ميزو - لاااااء .. بقولك تتجوشيني ؟
سمسمه ـ آه !! .. أجوشك
ميزو ـ بالضااااابط .. هاه ؟
سمسمه ـ شيبني أفكر
ميزوـ أشيبك تفكري ؟! .. ده انت هتموتي خلاش !
سمسمه ـ لا .. شيبني أفكر بش
ميزوـ ربنا يوفقك
سمسمه ـ إيه ؟
ميزوـ ربنا يوفقك
سمسمه ـ بتقول إيه ؟
ميزوـ ربنا ياخدك
*****
(على فراش الموت) :

ميزوـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟
سمسمه ـ مش شامعة
ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
سمسمه ـ أجوش مين ؟!!!
ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
سمسمه ـ إيه ؟ ..
ميزو ـ لا .. كوح .. أبدًا .. كوح .. كنت … كح كح .. بأكح
سمسمه ـ كنت بتكح ؟!!!! .. شلامتك .. ما قلتليش ليه ؟
ميزو ـ هو .. كوح .. إنتي .. لشة .. عارفـ .. ـة .. كوح كوح
سمسمه ـ بتقول إيه ؟
ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
سمسمه ـ أجوشك ؟!! .. طب بش خد الدوا الأول
ميزوـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
سمسمه سمسمه ـ أيوة يا حاج .. موافقة .. موافقة إنك تتكوشني ..
ميزو - ميزو ـ أخيـ….كوح كوح ..راااااً !! .. كوح كوح .. كدة أموت . كوح ..
كوح .. وأنا .. كوح .. مطمئن ومرتاح .. الودااا .. كوح ..ع ع ع ع
سمسمه ـ يا حاج .. يا حاج ..
لااااااااااااااااااااااااااااا !!

الله يرحمنى انا وكل اللى هيقراها

الغريبة انا مش عارف ايه اللى خلانى اكمل قرايتها

حسب الله

فين حزت الله يخلصنا من ميزو وسمسمة

يا ياسو انا نفسى اعرف مادام ما عجبكش الموضوع ردت ليه
وبعدين انت بتحسبن عليا ولا على مين
على العموم ميرسى اوى وكلك زوق

ايه ده انا مش بتحسبن عليكى خالص

انا كنت بقولهاكده ما قصدتش بيها حد

انا بشاركك بس علشان انابحب كل الناس هنا

طب ايه راييك بقى انا اللى زعلت منك علشان انتى فهمتينى غلط

يا جماعة ربنا ميجبش زعل خالص
بس والله يا طالبة حلوة قوى قوى الموضوع ده وقعت اضحك لغاية لما قررت انى متكوش خالش
ههههههههههههههه
ربنا يوفقك يارب

هههههههههههههههههههههههههههههههههههههههههههههه
ههههههههههههههههههههههههههههه يعني هما فضلو يكلمو بعض لغايه لما عجزوووووووووووو
دي محصلتش في السينما المصريه

شكرا اختى طالبة تجارة على الموضوع
اللى تعب عينى وعوج لسانى لغاية مقرأته


بس هى دى الدنيا
نعمل ايه فيها




على فكرة انا عارف مين هو ميزو ومين هى سمسمة

موضوع لذيذ اوي يا طلبة
و دمه خفيف...

بس فعلا.....اتحولت لحد ما قريته

بس جاااااااااااااااااامد

لاء انا متحولتش ولا حاجة ههههههههههههههههههههههههه
بس بجد بنا يكرمك

هههههههههههه
حلو اوي يا طالبه



اداما ربنا مش وفقهم في الدنيا ومش اتجوشو
هيتجوشو في الاخره

ميرسي ليكي علي الموضوع الجميل

طب يابن توفيق مين هو ميزو ومين هى سمسمه
هاها!!!!!!!!!!!!!!!!

هيكونوا مين يعنى


واحد اسمه ميزو

وواحدة اسمها سمسمة

كانوا بيحبوا بعض
لكن ...............
ربنا ستر

يا سلام ميزو واحد وسمسمه ديه واحده
لا بجد برافوووووووووووووووووووووووووووووووووووووووووووووووووووووووووووووو

يا جماعة اريد ان اشهدكم باننى لم اقصد شئ غلط فى ردى

من يرى انى مخطأ يقولى ولو عايز يوبخنى كمان مافيش مشاكل علشان طالبة تجارة ما تزعلش

شكرا شكرا لحضرتك
انا فعلا مبسوط جدا لشعور حضرتك

برااااافو عليا ممكن حضرتك تقوليهالى تانى






























حضرتك بتتريقى عليا
امال ميزو هو اللى بنت ولا ايه
ايوه ميزو هو الراجل وسمسمه هى اللى بنت

يا بن توفيق والله ما بتريق
عليك ولا حاجة انا كنت بهزر

خلاص مش زعلانة والله انا ما زعلتش بس انا اتيقت
وخلاص

طيب انا برافو عليا ولا لأ

لا بجد الموضوع عجبنى جداً


اختى فى الله طالبة تجارة بجد الموضوع ل>ي>


واخونا بن توفيق عمل توضيحات رهيبة حاسس انى من غيرها مكنتش هفهم الموضوع

نسأل الله الاخلاص

لابجد برافو

اه ياعيني اه يادماغي

بس بجد عندك حق مصر مليانه بالاثنين دول بس نفسهم يتجوزه

يا سلام ربنا يكرمكوا ويوفقكوا يارب

يوفق مين ويكرم مين بالظبط