السلام عليكم و رحمة الله و بركاته
وحشتوني اوي
كنت لسا بقول هشارك و ملحقتش البركة في شيت البيو
بس الحمد لله تمام
زي الفل
انا هحاول اساعدك اختنا قبس
في حركة لذيذة اوي انا بعملها
باجي يوم الجمعة بعد ما بطلع من الصلاة بجيب شوية ورق و قلم
و اقعد كدا مع نفسي شوية
و احط خطة الاسبوع اللي جاي كله
و زي ما كنت قلت قبل كدا في الاجازة
بهتم ب 5 امور رئيسية
الروحانيات (الصلاة و القران و الذكر .....الخ)
الجانب المهني (اللي هو في حالتنا دي يبقى المذاكرة)
الجانب الشخصي (علاقتي باهلي و اصدقائي و الخروجات و اللعب و كمان التنمية البشرية اللي انا بتعلمها ..........الخ)
الجانب الصحي (لازم العب رياضة و اروق نفسي كدا علشان اقدر استحمل تعب الاسبوع غير كدا كمان الدماغ بتبقى عالية مع الرياضة)
و ابدا بعد كدا امسك كل جنب فيهم و اقعد اظبط فيه و اخطط و احلل
اشوف مثلا الاسبوع دا
هنعمل ايه في القران مثلا
ايه دا انا بقرا جزء واحد بس
ايه التهريج دا لازم نزود الشوية خلاص نخليها جزء و نص
طبعا كل واحد على قد قدرته يعني م لازم زي ما انا بقول بالظبط
(ما طبعا يا عم باراليمينال انت عيان)
و هكذا في كل جانب
اجي مثلاعلى المذاكرة و احط جدولي بقى اللي همشي عليه طول الاسبوع
طبعا انا بحب اغير الجدول كل اسبوع علشان المرونة
لازم اكون مرن علشان اقدر اتصرف مع الظروف المختلفة
اشوف عندي كام ساعة كل يوم اقدر اذاكر فيها
و اقعد بقى ارتب
اذاكر المحاضرة دي في الوقت دا
لا لا لا خليها في الوقت دا احسن
و هكذا و هكذا
و كذلك في الصحة (لازم العب كل يوم و لو 10 دقايق ضغط و بطن و حاجات كدا غريبة)
الجانب الشخصي بقى عايز اقول فيه حاجة مهمة
لازم الواحد يعمل حساب الراحة
يعني انا يوم الخميس بقضيه انا و اصحابي لعب و خروج و هزار و جو كدا مفيش في اي ريحة من الجدية (انا نستعين بشيء من الباطل على الحق)
طبعا المقصود بالباطل (اللهو المباح مش بنعمل حاجة حرام يعني)
و يوم الجمعة راحة و قعاد مع اهلي و خروج معاهم و اقعد اقرا بقى الحاجات اللي انا بحبها في التنمية البشرية و اسمع المحاضرات اللي انا بحبها
و اشتري مجموعات شرايط مثلا للدكتور راغب السرجاني و الدكتور طارق السويدان
يعني حتى في ايام الراحة بستفيد بس في الحاجات اللي انا بحبها و بحس بالمتعة وانا بنفذها
المهم بقى بعد ما اخطط لكل الحاجات دي اكتبها على نظافة في 4 ورقات (كل ورقة بكتب فيها جانب معين)
و كل يوم بالليل قبل ما انام اكتب اللي انا هعمله تاني يوم في ورقة و اخليها معايا على طول
و عمري عمري ما انفذ حاجة الا اذا كان في الورقة دي
يعني وقت المذاكرة مش بفتكر حاجة اسمها لعب
و وقت اللعب الله يخرب بيت المذاكرة
![36_4_11[1].gif](http://www.alltalaba.com/board/style_emoticons/default/36_4_11[1].gif)
![36_2_53[1].gif](http://www.alltalaba.com/board/style_emoticons/default/36_2_53[1].gif)
![36_20_1[1].gif](http://www.alltalaba.com/board/style_emoticons/default/36_20_1[1].gif)
.................................الأعتراض هوه 
.......................... هوه عمل إيه 
![36_3_19[1].gif](http://www.alltalaba.com/board/style_emoticons/default/36_3_19[1].gif)