السلام عليكم ورحمة الله وبركاتة

انا بس حبيت اناقش معاكوا حاجة لاحظتها اوي اليومين دول

مواضيع بتتفتح هنا في الساحة عبارة عن ان الاعضاء اتعزموا وجايين يحكوا علي العزومة وكدة

وكل واحد يقول للتاني هشردلك والكلام دة

انا عاوزة اعرف رأيك في هذة النوعية اللي لاحظت انها بدأت تزيد في الساحة ؟

هل معاها ؟

هل ضدها؟

ياريت نبدا نتناقش بهدوء

أنا رأيي بصراحه ان الاعضاء دي بتفضفض في بيتها التاني فهو شئ عادي ولكن اللى مش عادي انهم يستخدموا الالفاظ اللى ميصحش تتقال من اشخاص محترمة

يعنى مثلا عمركوا شفتوا وزير خارجية في العالم يقول للوزير خارجية او داخليه او اي وزير يقله ( هشردلك وهسيحلك)

يعنى هو موضوع غير مقبول شوية
وانا عارف ان في ناس هتقول كلام شباب ولكن احنا لازم نبقى محترمين حتى في استخدامنا لتلك الالفاظ اللى اساسا مش من طبعنا

وآسف اذا كان رأيي متعارض معاكي يا آنسه رورو بس رايي انه عادي بس مش بالشكل اللى حصل ده

وكمان ياريت كله في موضوع واحد فقط

وشكرا

بصى يا ورور

الموضوع بجد بيكون فيه روح جميله جدا ما بينا وبنشجع الناس التانيه على انها تكون زينا
بس فى حاجتين

الموضوع ده لو خاص بالشباب براحتهم على الاخر هما حرين بس ياريت فى ساحه مخصصه للكلام ده
هناك احسن بكتير

تانى حاجه لو الموضوع خاص بالبنات احسن حاجه بجد انها تكون هناك فى ساحه البنات يعنى هى معموله ليه وايه لازمتها
وغير كدا فى كلام بيتقال مينفعش انه يكون على العام بالشكل ده لان اكيد فى شباب بتشوف الموضوع وشىء مش كويس بجد

ده رئى

حضرتك ده موضوع تانى خاااااااااااااالص يعنى الالفاظ واسلوب الحوار

ديه مسائل تانيه غير الموضوع ذات نفسه

فعلا انا نسيت نقطة الكلام اللى ميصحش اي شاب يعرفه عن البنات

بصراحه لو واحد مكنش يعرف البنت دي وسمع بيتقال عليها كده شكلها مش هيبقى ولا بد

انا معاها طبعا .. لان في الاخر مش بتتحكي حاجه الانسان يخجل منها او تسئ اليه .. ده غير اننا بنكون موافقين كلنا علي الكلام اللي هيتقال قبل ما اي حاجه تتنشر


بس والهدف ان الناس تضحك بجدددددددددد

انا شايف ان المواضيع جامدة جدا


وما فيهاش اى حاجة



وكف اية انها عاملة روح للساحة مفتقدينها من ايام كتيرة ان لم يكن اسابيع



وكفاية ان ناس كتييييييييييييييييييييير بتشارك فيها وب يفرحنا ويضحكنا كلامهم





انا اؤيد تلك المواضيع وبقوة







شكرا

مفيش اي فرق بين الولد والبنت .. وفي الاخر احنا مش بنقول كلام يخص البنات بس .. الكلام بيكون عااااااااام ممكن اي ولد او اي بنت تقولو

واعتقد ان كلكو عندو اخوات وبنات عم وبتسمعوهم .. فايه المشكله

صح يا كليوباترا


اوافقكك الرأى تماما



بس انتى سبقتينى بلحظات





شكرا

انا بصراحه مع مش ضد




لان المواضيع دى بتحسسنى انى قاعد فى بيتى مع اصحابى وده مش عيب على ما اظن







وشكراااااااااااااااااااااااااااا

معلش فى فرق ان ولد يسمع حاجه للاخته او بنت عمه لانها زى اخته

وانه يسمع حاجه لبنت ميعرفهاش وتعتبر غريبه عنه


اظن الفرق واضح جداااااااااااااااا

هو لو الكلام ده ليا فمع احترامى لاراء الاخرين انا رايى ان الكل معتبر ان الناس اللى موجوده هنا فى المنتدى اخواته



ده رايى

لا مفيش فرق بصراحه .. وكمان علي كده بقا الاولاد كمان ميحكوش علشان فيه بنات في المنتدي


ليه عاملين الفرق ده

وكمان ساحه البنات ديه محدش بيدخلها من الاساس

اوافق كلام كليوباترا وكاريوكى واى عضو يبدأ اسمه بحرف الكاف



ههههههههههههههههههههه







شكرا

طيب يا جماعة

احنا دلوقتي بنقعد نقول عاوزين نرتقي بالساحة

عاوزين مواضيع جادة

عاوزين نقلل مواضيع الشات

وعاوزين وعاوزين

طيب انتوا شايفيين ان النوع دة بيرتقي

بنت حلال والله
لني لما قريت اسم الموضوع ده كنت داخل اعترض واقول كفايه بقي كده
بس لقيت حضرتك سبقتيني


خلينا نقول ان نوعيه المواضيع دي مطلوبه انا اقصد الموضوع وليس اسلوب التناول

وخلينا نقول ان كل الطلبه كان ومازال متميز بالناس اللي فيه وباسلوب الكتابه

اناا بصراحه دي اول مره اشوف بنت تكتب اشردلك صعب قوووي بصراحه

ممكن نهزر ممكن نضحك لكن بالحفاظ علي هيئاتنا وبالحفاظ علي مكانتنا

انا مش عاوز ابقي بايخ بس لو نزبط شويه الالفاظ يبقي تمام قوووي
جزيتم خيرا

والله يا رورو انا شايف انه قضا اخف من قضا



ولا ايه؟؟؟






شكرا

انا قصدي ان مثلا لو انا وزميلي مع بعض بدون بنات فهيكون الكلام بينا ليه شكل والفاظ تختلف عن وضع لو في بنات تخلف عن وضع لو احنا في البيت او الجامعه او في مثلا اجتماع او اي مكان محترم او في الشارع وكذلك متهيألي البنات ولا انتوا بتتطالبوا بالمسواه بينا كلن في الحاجات اللى على مزاجكوا واللى مش على مزاجكوا يبقى في فرق بين البنت والولد

لأ هنتساوى نتساوى في كل حاجه حتى في المعامله وكل حاجه لو مش هينفع يبقى مينفعش كله

وشكرا

ولا ايه يا ياسو

لسبب واحد

انت بنفسك كنت بتشتكي ان المواضيع بتتحول لشات وفتحت موضوع للشات وساعتها قولت عشان مش نعمل المواضيع شات

ورجعت فتحت موضوع عشان زعلان وعاوز المواضيع الحلوة تأخد حقها

وقبلها احمد فتح زعلان ان المواضيع الجادة اختفت

طيب انتوا بتطلبوا ان الساحة يبقي فيها مواضيع مفيدة ونشطة وكدة

طيب دلوقتي ايه الحل

يا رورو انا عملت ده فعلا وراح فين؟؟؟




مش عارف طبعا



وكمان ناديت وطالبت


ولكن زى ما قولت


ولا حياة لمن تنادى



فلما اشوف موضوع يلبى احدى طلباتى


يبقى انا موافق عليه


احسن ما نفضل تايهين كده وخلاص



يعنى مثلا انا شايف ان المواضيع دى بتحقق حاجتين


دخول بعض الاعضاء المختفين او اللى بيشاركوا فى مواضيع بمزاجهم اى مش كل المواضيع اية كانت الاسباب



والسبب التانى انى لقيت روح تجارة اللى كما ذكرت مش شايفها من ايام او اسابيع كتير




وكمان فيه ضحك


واللى هو اتقتل جوايا هنا عالمنتدى من اللى بيحصل اليومين دووول



يبقى طبعا انا موافق



واؤيد


وهارجع اقولك



قضا اخف من قضا



ونكمل بركة علشان هصلى الفجر وهانام




تصبحوا على خير وعلى ساحة تجارة الحقيقية المختفية من زمان


لعل الا يطيل انتظار عودتها







شكرا

محدش قال عايزين نقلل مواضيع الشات

اللي احنا طلبناه .. ان لو موضوع بادئ جد وبيناقش حاجه .. بلاااش يتحول لشات


فيه فرق كبيييييييييييييييييييييير جدا


وده مش معناه ان ميبقاش فيه مواضيع لهزار .. او مواضيع للاخبار .. او مواضيع للعب

على فكره كلامى مش موجهه لحد بعينه كان رد على المشاركات عامة

مش معنى انه جه بعد رد حضرتك انه على كلامك انا برد عامة على الموضوع


بس من ناحيه الفرق اكيد فى فرق وكبير جدا

لان اللى فى المنتدى مش اخواتنا اقصد بالكلمه الجانب الشرعى

ايوه كلنا اخوه واخوات فى الله وكلنا بنحترم بعض بس مش لدرجه انى اتكلم فى كل حاجه واىحاجه واقول احنااخوات

فى فرق كبير جدا

وانا برضو قلت كده

ان اللي احنا قلناه كلاام عام بيقولو الاولاد زي ما البنات ما بتقولو

يعني احنا مقلناس حاجه تحرررررررج تخص البنات بس او كده



وفعلا امش فاهمه .. ازاي تقولو اه عادي الاولاد يقولو ... والبنات لا


ايه الفررررررررررررررق

لا مش بنقول البنات لا طبعا ليه يعنى


بس فى ساحه لينا مخصوصه نقول فيها اللى احنا عايزينه ومين قال ان محدش بيدخل عليها

ديه لو ساحه نايمه ولا محدش بيدخل عليها ميكنش ليها اتنين مراقبات

غير كدا صدقينى ان لو فى ساحه مخصصه للولاد اكيد كانو راحو اتكلمو فيها بكل حريه واللى هما عايزينه
الى بيخليهم يتكلمو فى العام ان مش ليهم ساحه زى ما هى موجوده فى بعض المنتديات بس

السلام عليكم ورحمة الله وبركاتة

انا والله لما شوفت الموضوع دة زعلت اوى حت سألت نفسى هيا لية رورو عملت الموضوع دة

وهما لية الاعضاء دخلين بيهاجموا بالدرجة دى

ففكرت شوية وقولت يمكن علشان ألفاظ البنات ألى نزلين بيها !!!!!!!!!!!!!!

فستغربت اوى حسيت فى الوقت دة ان المعترضين على هذة الالفاظ ذى مقالوا بيقولوا نفس األالفاظ دى

بس وهما مستخبيين يعنى ذى متأوليى كدة خايفين ليوجهوا الناس بيها على الرغم ان الالفاظ دى انا مش شايفها غلط خالص

يعنى فيها اية لو واحدة قالت لواحدة صحبتها انا هشردلك يسلام يسلام يعنى احنا وقفنا على الكلمة دى وسيبنا كل الكلام ألى بيتقال ...........

والله البلد كلها اتصلحت حالها وفاضل الكلمة دى ..

طيب حضرتك لما شوفتى الكلمة دى محررتهاش لية .....

أكيد علشان ملاقيتهاش مضرة لدرجة دى...

على العموم انا شايف ان الواحد لما بيعمل حجات ذى المواضيع دى دة انة بسبب انة بيحب الساحة دى اوى وبيحب يعرف كل اصحابة هو عمل اية النهاردة فبغض النظر عن الالفاظ ألى اتقالت الا ان هذة الالفاظ ليست بجديدة بلا الواحد بيرددها فى حياتة كل يوم ..

مين ألى مبتقولش لصاحببتها نفضى او هشردلك ؟؟؟؟؟؟

حد كدة يواجهنى ..

والله ذى مهيا مبتقولهاش ألا لبنات لوحدهم فهذا ذى المنتدى بالظبط محدش بيعرفها ألا البنات ألى ذينا

فمتخلاناش نهرب من الواقع ومن ألى احنا بنعملة ألى واقع أخر بنقول فية أن غلط ألى احنا بنعملة دة على الرغم من اننا كلنا بنعمل الغلط دة

وجزاكم الله خير

هما لو فعلا محتاجين الساحه ديه

فعبد الرحمن والدرعمي والبرادعي وكل الناس ديه ما شاء الله عليهم اكييييييييييد كانو عملوها


بس انا مش عارفه ليه اقول كلام في ساحه البنات طالما مش بيحرجني وعنديش اي مشااااااااااااااااكل في انو يتعرض هنا


وفعلا ساحه البنات محدش بيدخلها ونايمه جدا جدا جدا

ومش معناه حاجه ان فيها 2 مراقبات

كلامك مظبوط يا ديدو


عموما شكرا ليكو كلكو

تصبحو علي خير

جربى يا كليوباترا تدخليها

طب انا بعمل فيهاايه دلوقتى يعنى فى حد بيدخلها اهو وهى نشيطه كمان

ردا على سؤال حضرتك




اه انا اواجه لانى مش بطيق الكلام ده اصلا ولا من شباب ولا بنات ولا بقوله لاى حد ولا صحابى ولا غيره

اافتكر عضوة زمان شبهت اللى بيقثول اشردلك واسيحلك باليهود

عامة انا قاع ااقرا فى الموضوع لقيتله 3 اتجاه ...

اول واحد بيتكلم عن مواضيع الولاد عن بعض ..

الثانى ..عن بنت قالت لحد تانى اشردلك ..

والثالث ساحة تجارة نايمة وعاوزين نصحيها ..ونلغى الشات ...

مش عارف بقى اذا كنت صح ولا تؤ ...بس على الاساس ده هتكلم واقول رايى ....

بالنسبة لاول واحده ...مش شايف انها غلط ..طالما موضوع قلب بهزار ...يبقى اوك ...خليه زى ماهو طالما متطلعش برا المسموح ...او حد لمح كلام مش حلو على عضو او عضوة ...يبقى مافيهووش حاجه ....

الحاجاه التانية على بنت تقول لحد تانى كلمة اشردلك...الصراحه مش شايف ان الكلمة دى لفظ نايب او كلمة ميصحش تتقال ...الخ....او حتى لفظ يعاقب عليه القانون .....طالما الحد بتاع الكلام معداش المسموح ....معتقدش انه كده غلط ...

تالت حاجه عن منتدى تجارة ....منقعدش نتحجج ونقول اصل المواضييع التافهة كله بيقراها ...والمواضيع الجادة محدش بيعبر ابوها رد حتى ...او نقول الهزار تقل ..او نقول ...لاحظوا انكوا حتى الان عمالين بتقولوا وتتكلموا حوالين نقطة واحده ....وحتى الان مافيش اى فعل ....فكفاية كلام شوية ...وابتدوا عمل ...

بدل ما نقعد نتكلم وندور حول نقطة واحده بس شفتوها 6 نقط...مع انها هى هى ....المهم ابتدوا اعملوا المواضييع ....ابعدوا عن الحاجات المنقولة ....اللى شايف انه بيحضر كويس ممكن يبتدى يلخص لمجموعته ....ينزل اهم الاخبار بتاعت الكلية او المجموعه

فكروا يا شباب وكفاية قعده مواضييع تتكلم ان الهزار كتر والشات زااد....حبة تفكير جد ششوية وصدقونى لما تشيلوا من جواكوا ان حاجه زادت وتركزوا فى الجد ....هتلاقوا ان المواضييع دى من نفسها بتقل ....لكن طول ماحنا قاعدين نندب فى حظنا ونقول كان يوم ايه وايه ....الخ ...كده مش هتوصلوا لحاجه وهتفضلوا تلفوا فى نفس الدائرة المعتادة

شكرا

هو انا اصلا لما عملت الموضوع مش كنت بتكلم علي ان مين بيقول بشردلك وليه

انا لما عملت الموضوع كنت بتكلم علي هل هذة النوعية من المواضيع هي اللي تحب تكون موجودة ؟

ودة لسبب اكتر من عضو فتح مواضيع الفترة الاخيرة بيتكلم ان الساحة محتاجة ترتقي

وان عاوزين مواضيع هادفة وان وان اون

واكيد كلكوا شفتوا

وانا لاحظت ان المواضيع دي كترت

فكان كلامي علي نوعية وجود المواضيع دي وانتشارها داخل الساحة هو دة اللي هينشطها او هي دي

النوعية اللي انتوا عاوزنها ولالا

معرفش انتوا اتفرعتوا في كلام تاني وناس تقول محررتيش وناس تقول منضحكش علي نفسنا احنا بنقول الكلام دة

انا مش فاهمة علي اساس ايه قالوا كدة انا سؤالي في اول الموضوع كان واضح علي ايه




هو دة

جزاك الله خيرا يا مشمش

هي المواضيع دي ما شاء الله بتكون رائعة لما بتحصل كل فترة

بس كتير أوي ان كل عزومة بين الاعضاء يحصل ليها موضوع


وخاصة اذا كان لها علاقة بعمو شرقاوووووووو

لازم نفرق بين المواضيع الى من النوعية دى و بين تحول المواضيع العادية الى شات و بين المواضيع الى ملهاش لزمة
1- من المرفوض الخروج عن الموضوع زى مثلا موضوع بيتكلم عن الكلية و يتقلب الى نقاش عن عصير القصب
2- من المرفوض ايضا ملأ الساحة بموضوعات تهريج زى مثلا " نكتة جامدة جدا جدا "
3- الموضوعات الى الاخت رورو بتتكلم عنها زى الموضوع الى انا نزلته بأسم عزومة مشكلة انا اؤيد وجودها بحدود معينة لانها بتقوى الرابطة بين الاعضاء بالاضافة للتغيير من رتابة الموضوعات . فبالاضافة لانها موضوعات مرحة فلها فائدة معينة و تظهر جانب من جوانب الصداقة بين الاعضاء .

بس في حاجة

دلوقتي كل ما اي مجموعة من الاعضاء تتعزم في مكان تنزل موضوع

هل هذا يفيد الساحة ؟

نووووو لا فائده له في الساحه مساء الخير الاول

الاكثار منه غير مطلوب بالطبع ممكن ينزلو فى موضوع واحد

حلوة الزيارة دي يا اخوتنا


بجد شرفتينا


طبعاً رأي حضرتك يحترم بشدة

لا والله اصلي بصراحه ماقرءتش الموضوع كله قوى علشان اعرف ارغي بس لو عاوزين رغي نص ساعه كده على ماقرؤه واجى

طب بداية كده انا طبعا ضد الالفاظ الغريبه ديه اشرد وانفض ووسع وفحت وكحت ومش عارفه ايه من وجهة نظرى لا تصدر من شباب وبنات ملتزمين ومثقفين ديه وجهة نظرى ومعروفه من زمان



تانى نقطه المواضيع نفسها ممكن تتواجد بس مش بكثرة يعنى تواجدها يكون بغرض الترويح عن النفس ماشي مع مراعاة الاسلوب في الحوارات


ده رءي بالاختصار وقابل للنقاش

وكمان فيه ساحات معينه زى ساحات الكليات انا اتعلمت انها بتكون ليها قوانين غير اى ساحه عامه تانيه فلو تواجد فيها مواضيع عامه مش هاتفرق بينها وبين ساحة فضفضه او قضايا او ما الى ذلك


اقول قولى هذا واستغفر الله لى ولكم

اعتقد ان لو كل مواضيع ساحة تجارة تحدثت عن الكلية فقط لما دخلها احد

و قومو الى الصلاة يرحمكم الله

ان شاء الله هنقوم الى الصلاة


وانا ماقولتش ان مواضيع تجارة تبقى عن تجارة فقط بل يجب ان تكون مواضيع بهدف ولو تواجد واحد فكاهى لا مشكله ولكن لا تنقلب الساحه الى لعب وترويح عن القلوب



فهمتو قصدى

ذكرونى بمن طالب بتحويل جميع المواضيع الى "تشريد" فقد نسيت اسمه

انا طبعا لم افهم هذه الجمله الاخيرة من الاخ خطاب يقصد بيها ايه


ولكن عامة جزاكم الله خيرا عن مناقشتكم الطيبه اسعدتنى حقا


سلام عليكم

و جزاكم الله خيرا اخت لوتس و نتمنى لك عودة قوية لساحة تجارة ان شاء الله

جزاك الله خيرا يا لوتس

وبجد كان نفسنا في تفاعلك معانا من فترة


طيب يا جماعة بدل ما نفضل نتكلم من غير ما نوصل لشئ

في المشاركة الجاية ان شاء الله هوضح كل حاجة عشان نوصل لاخر الموضوع

دلوقتي يا جماعة اكيد كلنا همنا الارتقاء بساحة تجارة وانها تبقي افضل

طيب والكثير مننا بيشكتي كتير ان المواضيع المفيدة محدش بيرد عليها والمواضيع الترفيهية العكس وان مفيش مواضيع

تجارية وغير ذلك من الكلام


طيب لو جينا نستعرض شئ كدة :

موضوع المنتدي الاقتصادي ( يضيف فيه العضو كيمو )

موضوع الانترفيو ( يضيف فيه الاخ جارحي وانا )

موضوع تجارة تتجوزيني (كل اسبوع واحد يرد ولو في واحد رد عليه يبقي الحمد لله )

موضوع مصطلحات تجارية ( تضيف فيه كات )

موضوع التفاوض (خطاب فقط)


علي الجانب الاخر

موضوع قول رأيك في العضو اللي قبلك ( كل اعضاء ساحة تجارة وربما بعض الساحات الاخري ايضا)

مواضيع التشريد ( معظم وربما كل اعضاء الساحة )

وغيرها الكثير من المواضيع الترفيهيه تكون بنفس الشكل


ودة كان رأي العضو احمد في موضوع خاص بة في حال الساحة








ودة رأي العضو مورو في نفس الموضوع السابق



وغيرها من الاراء

وكانت هناك بالطبع اراء مختلفة

ولكن ما نريد ان نصل له الان

كلنا نطالب برتقاء الساحة طيب مين هيعمل كدة غيرنا

طيب ما بدل ما نسبة المشاركة في المواضيع الترفيهه عالية جدا جدا مقارنة بالمواضيع الجادة التي نسبة المشاركة فيها شبة معدومة

نوزع حتي ردودنا انا مش بقول تبقي الساحة كلها مواضيع تجارية وجد وكدة

لا انا بقول يبقي في كدة وكدة لكن لما تبقي المواضيع الترفيهيه غلبت في نسبة المشاركة عن الاخري

يبقي الارتقاء هيجي منين

احنا بس اللي في ايدينا الحل


وجزاكم الله خيرا

جزاكي انتي الله خيرا بالكلام الرااااااااااااااااااااااائع اللي انتي قولتيه .. ما شاء الله .. ميتوصفش .. ربنا يزيد

سلام عليكم


اولا يارورو اظن انك عامله الموضوع ده عشان مواضيع التشريد (وده باين من العنوان)

اذا كان فى مواضيع بتدل على التشريد فهو موضوعى وموضوع خطاب فقط

واظن ان موضوعى هو الاكثر قصدا

اولا افهمكم الاول انى انا اتفقت مع اصحابى الذين تم ذكرهم فى الموضوع يعنى لا يوجد اى نوع من الحساسيه بيننا

ثانيا اننا اتفقنا انى انا الى انزل الموضوع

ثالثا انا مش شايفه اننا عاملنا حاجه غلط

اولا فى قصه الالفاظ مش شرط انى عشان ابقى متدينه يبقى ما اكلمش زى الشباب ما هى بتتكلم وما اظنش انى قلت كلام خارج او كلام فيه اى نوع من الخدش

ثانيا فى قصه انى عملت الموضوع ليه اصلا لان الافطار ده كان لكل الطلبه فلازم انزل تعقيب عن اليوم وما حبتش انى انزله بصورة خنيقه وايه رايكو ومميزات وعيوب والكلام ده لا انا كنت عايزة الموضوع يبقى فيه نوع من الفكاهه وده مش غلط

واذا مان فى حد اتضايق من الموضوع بتاعى ياريت يقولى ايه الالفاظ الغلط الى انا قلتها او ايه الى انا عملته غلط عشان الناس تهاجم بالطريقه دى

وانا اتقبل النصيحه بكل ترحاب

وشكرااااااااا

انتي بتتكلمي في ايه يا مؤؤؤؤؤؤؤؤؤؤه


اصل تجاره انتشرت فالافكار الجديده سبحااااااان الله


من بكره هتلاقي ساحتنا علي شكل قائمه دخل

يا جماعة انا شايف ان الدستور يكفل لكل عضو يعمل الموضوع اللى يحبه ويشارك فى الموضوع اللى يحبه


ومادام ان فيه مواضيع اتعملت والناس شاركت فيها يبقى الموضوع ده مطلوب


وطالما ان الكلام ما فيهوش حاجة تطلب التحرير او بمعنى اخر وافقت عليه رورو وخطاب يبقى خلاص



صح ولا ايه؟؟؟







شكرا