السلام عليكم و رحمة الله وبركاته

قال الشاعر: جدول جداولك قبل جدولة الامتحان ..... فالامتحان لغير المجدول امتهان

هل كثيرا ما يضيع منك الوقت؟؟

و كثيرا ما تصحو من النوم في يوم الاجازة فتشعر بالملل و الرغبة في النوم مرة اخرى؟؟

هل تجد نفسك غير قادر على ملاحقة الدكاترة و غالبا ما تتاخر عنهم ؟؟

و تشعر بالملل اثناء الوجود بالمحاضرة؟؟و تفقد الامل بعد اقل من شهر من الدراسة؟؟

اذن فانت غير مجدول .... خد بالك بقى عشان بيلموهم

هاه وروني ايه عندكم؟؟؟؟؟

محدش عنده حاجة يقولها

ماشي

نبدأ نتكلم يعني ايه جدول مذاكرة؟؟

جدول المذاكرة هو عبارة عن خطة بنحطها عشان نعرف نستغل الوقت في المذاكرة

و بصراحة جدول المذاكرة المفروض يكون مبدأ لينا كلنا في كل حاجة بنعملها

يعني زي ما فيه جدول مذاكرة لازم نحط فيه مكان للترفيه و مكان للتطلع و لقراءة و مكان لكل حاجة احنا بنعملها

كمان لازم فكرة الجدول تطبق على كل شيء حتى في الاجازة

و الجدول مش لازم تكون حاجة مكتوبة يعني ممكن نحط الجدول في دماغنا و و خلاص لكننا هنعرف دلوقتي مزايا المكتوب عن اللي مش مكتوب

و بصفة عامة الجدول هو عبارة عن خطة لتحقيق اهداف حسب توافق زمني محدد

طاب ايه هي مزايا الجدول؟؟

1- يساعد على تنظيم الوقت و الحفاظ عليه من الضياع
2- يساعد على توفير الوقت الضائع في التوهان " و الحكمة تقول ان دقيقة تخطيط توفر 3دقائق عمل"
3- يعطي افضل توظيف للوقت في كل المجالات "بدلا من توظيفه اضطراريا في مجال واحد"
4- يعطيك اخطار مسبق بمواعيد العمل الرسمية و المطلوب تنفيذه خلالها "بدل ما تفاجأ ان كان عندك شيت كمان يومين "
5- يزيل عنك الكسل و عدم الرغبة في المذاكرة "لان الجدول في حد ذاته حافز"
6- يريح الاعصاب و يزيل التوتر

و لو اتكلمنا عن اهمية الجدول يبقى مش هنخلص

طاب نتكلم عن مواصفات الجدول :

1- مدروس بحكمة (بمعنى ما ينفعش تقول لحد اعمل لي جدول لانه مهما عمل لك جدول فنسبة تناسبه معاك اكيد هتكون اقل من لو عملته انت بنفسك و كل واحد عارف نظام يومه بيمشي ازاي"
2- يحقق جميع الاهداف المطلوبة
3- منطقي و معقول "بحيث لا يعطي لاعمال كبيرة اوقات صغيرة ولا العكس"
4- مرن و قابل للتغيير فيه "بحيث يمكن اضافة اي اعمال اضافية اليه بسهولة"
5- يحتوي على اوقات للتسلية "ان لبدنك عليك حق"
6-يحتوي اوقات للاحتياط تحسبا للظروف"مبدأ الاحتياط واجب"

و المواصفات كتيرة و يا ريت لو تشاركوا

اما طريقة عمله فنؤجلها لوقت تاني

بالنسبالى...الجدول بيجى فى اليوم نفسة .. يعنى مبعملشى جدول مثلا لاسبوع لانى مش حامشى بية " جربت

أعمل جدول و انا فى ثانوية عامة و....... "



أنا حاليا بشوف أة المواد اللى ليها محاضرات بكرة و بذاكرها ولو ربنا فرجها معايا بذاكر المحاضرة اللى خدتها فى نفس اليوم

لو نتتذاكر من الكتاب....

يلا مين اللى بعدى...

طاب يا دكتور هاسومي "معلش اصل الاسم ده عجبني خلص"

متابع مع الدكاترة بالطريقة دي؟؟؟

و بتعمل ايه في يوم الاجازة"الجمعة و السبت"؟؟

و تعمل ايه في الايام اللي فيها محاضرات و سكاشن لاخر اليوم؟؟

وضح ابن افصح

هههههههههههه
انا لما كنت فى الثانوية العامة كل شوية اعمل جدول
وامشى علية شوية وبعدين خلاص
عمرى ماعملت جدول ومشيت عليه لاخره

هههههههههههههههههههههههههههههههههههههههههههه

على العموم الموضوع جه فى وقته
لانى لسة كنت عايزة النهاردة جدول للمذاكرة بعد العيد
عشان ورايا حاجات كتير
وبصراحة من اول السنة ماذاكرتش

يا ريس هاسومى دى تخليك تنهج و الناس مش ناقصة فرهدة....






يعنى الى حد كبير أصلى شكلى بهرج الترم دة بس الحمد اللة حابتدى أظبط الدنيا...ادعولى...




بحاول أذاكر كل يوم " ما عدا الخميس " دة عشان تقريبا على النت كل يوم...




يا عينى ببقى راجع

بنام " و طبعن باكل " ...و اصحى ممكن اذاكر شوية حسب الظروف....

بس كدة دورك يا ريس....

السلام عليكم

خلاص يا حاسومي

طاب لو كده ناقص ازاي نعمل جدول

و دي سهلة جدا

الجدول ده بيفكرني بالميزانية

الفلوس فيها هي الوقت و المصاريف هي الحاجات اللي هنعملها "مذاكرة ترفيه خروج نوم اكل الخ الخ الخ"

اما حد بييجي يعمل ميزانية اول حاجة يعملها ايه؟؟؟

ايوة بالظبط ............يحدد هومعاه كام ؟؟

و بعد كده يعمل ايه ؟؟؟

تمام ...........يحدد هو عايز يشتري ايه؟؟

و بعد كده يعمل ايه ؟؟

يوزع الطلبات على المبلغ اللي معاه

و بعد كده يعمل ايه؟؟

ينفذ الخطة اللي رسمها

نوضح خطوات عمل جدول المذاكرة الاسبوعي:"عشان يبقى ماشي مع جدول المحاضرات و السكاشن"

1- حدد الاوقات اللي بتضيع في الكلية زي المحاضرات و السكاشن و حط في الاعتبار اسوا الظروف و اسباب التاخير عن الرجوع للبيت "يعني لو هتخلص في وم الكلية الساعة اتنين و الطريق بياخد في اسوا الظروف ساعة و انت في اسوا الظروف بتقعد تهرج في الكلية ساعة يبقى اعتبر نفس وصلت البيت الساعة 4 حتى لو كنت بتوصل قبل كده و هنوضح ليه"

2- حدد الاوقات اللي بتقعدها في البيت "بعد حذف اوقات النوم و الاكل و الصلاة "

3- ابدا وزع المذاكرة على الاوقات اللي حددتها للقعاد في البيت

4- ما تبقى هو وقت الفراغ اللي ممكن تستغله زي ما انت عاوز

5- حط في بالك ان وقت الفراغ هو في نفس الوقت وقت احتياط لتعويض اي قصور يحصل في الجدول

6- يوم الاجازة ليس يوم ترفيه عن النفس لكنه يوم مذاكرة و يستحسن لو تخللي اوقات الفراغ في الاوقات اللي بترجع فيها من الكلية هلكان

7- اتبع قواعد الاولوية في الاعمال

أنا كمان عملت جدول من ييجى اسبوعين ولسة مامشتش عليه

الله المستعان

عملته بنفس الطريقة اللى حضرتك قلت عليها بس فى موضوع تانى ( متهيألى طريق الامتياز القديم )

السلام عليكم و رحمة الله و بركاته

أنا عملت جدول من زمان













لكن يارب أمشي عليه فى الأيام الجايه

إن شاء الله هعمل جدول النهاردة بس



عايز





الناس تدعيلى






بالله عليكم علشان





متأخر









أوى




إن شاء الله خير