الف مبروك يا رجاله
كان نفسي اكون معاكم في اليوم ده

وصلتني اخبار مناصدقاء عن مهزله الانتخابات
وعن الخناقات بين الكرنك وبين الجواله
وعن التزوير الواضح واللي عيني عينك

يعني مش كفايه اتشطبنا ل كمان بيزوروا ايه الهبل ده
طيب ما لما فيه تزوير ما تسيبونا ننزل وبعدين زورا

ماشي ما هو النجس هيفضل نجس

اما بقي العميد فاصبح واضح ومش محتاج تجميل

وانا باقوله مبروك عليك العماده يا عمده
وهاقابلك بيها عند الملك القيوم واوعدك انا وماليش دعوه باخواني هيعملواة ايه

اوعدك اني مش هاسيبلك موقف واحد قدام ربنا
شارك في تأخر الامه
شارك في الظلم
شارك في خلق الجاهليه

واعلم انك مسئول من رب العباد

اما بقي الباقين فوشهم مكشوف اصلا ومالهمش في زمتي كلمه واحده
لنهم ما يستهلوش ربع كلمه

اما انتم يا شرفاء القوم فلا تهنوا ولا تحزنوا وانتم الاعلون
واعملوا لله ولا تلتفتوا فالاجر من الله فانما الجهد منكم والتوفيق بيد الله

اسأل الله ان يبارك لكم في اعمالكم ويجعلها في ميزان حسناتكم خالصه لوجهه الكريم

ربنا ييسر الحال مسير الحال يتعدل والطائفه النتنه دي تغور بفضيحه
وقريب قوووي وربنا بيستر بيستر ولكن هناك دوما نهايه
ويحهم خزي في الدنيا وعذاب في الاخره

اللهم انصر دينك وانصر وايد من همه صالح الطالب وصالح البلاد
واخزي ودمر من همه الفساد وافساد المجتمع

اللهم امين

صباح الفل يا اكسلنس

مين شاف العاشره مساءا
كانوا مستضيفين رئيس جامعه القاهره ودكتور ابوة الغار من حركه 9 مارس والدكتور عبد المنعم ابو الفتوح وواحد صحفي من الاهرام

البرنامج كان رائع
ورئيس الجامعه كان واضح موووووت انه حافظ كلمتين طالع يقولهم ما قالش غيرهم طول الحلقه
الناس كلها شايفه ان المشكله تدخل الامن حتي الصحفي بتاع الاهرام
ماعدا رئيس الجامعه
تقرييبا النضاره منغبشه قال ايه ما فيش امن بيتدخل في الانتخابات والانتخابات ديموقراطيه
وان طلاب الاخوان عليهم عقوبات وما عندهمش نشاط
شالله يا نشاط اومال مين اللي عنده نشاط يا كابتن
وحلوه قوووي موضوع عليهم عقوبه
نيجي قبل الانتخابات يحول الطلبه للتحقيق علشان يبقي عندهم عقوبات
والتهم والله لو تعرفوا تضحك
انا اخويا مثلا اتحول للتحقيق بتهمه توزيع بنبوني علي طلاب سنه اولي والله العظيم ما باكذب واترفد اسبوع بسبب كده
اصحابي في طب بيطري اترفدوا اسبوع والتهمه عمل جوله لتعريف طلاب سنه اولي بمواد الكليه وحفله الاستقبال

بالذمه مش قله ادب

ما علينا
في مشاركه بقي جت من الامور رائد الاتحاد بتاع كليه تجاره
قال فيها ان الشطب جه لطلاب الاخوان علشان البند بتاع تغييير النشاط
الللي هوا ما ينفعش حد يغير اللجنه اللي بيترشح فيها من سنه لسنه

وده احنا عملناه السنه اللي فاتت لننا عارفين حقوقنا ودارسين اللايحه كويس اخدنا بالنا
في ظل ان طلاب الكرنك بلا استثناء ما عدا تيفا لأنه كان عارف بموضوع البند ده لننا كنا قايلين له كلهم كانوا مغيرين النشاط
وكانوا بالقانون لا يجوز قبول ترشيحهم لمخالفتهم بند صريح ومع ذلك هما نجحوا يا عم الحج
واحنا اللي فاهمين القانون واللايحه يا عم الحج اتشطبنا

وكمل في الكوسه يا عم الحج

بلاوي والله بلاوي
بس الواحد ساكت ومش عاوز يتكلم
يلا بس خلاص اظن بقي صعب عليه قوووي انه يزور تاني

النهارده في البرنامج كل الناس اجمعت ان الامن والنظام لم يعد لديه القدره لا برنامج سياسي ليواجه ابرنامج الاخوان
فيضطر للأستخدام البطش الامني

لدرجهان الدكتور ابو الفتوح اطلق دعوه هوا والدكتور ابو الغار ان الحكومه دي متخلفه
ما يسيبوا دكاتر ه الجامعه اللي من تيارات مخالفه للأخوان يتعاملوا هما معاهم ويهزموهم سياسيا وبالحوار
واكيد دكاتره الجامعه يعني مخهم انضف من البوليس والقوه

بسكله كوم ورئيس الجامعه كوم شكله كان بصراحه طرطووووور
بيردد كلام بيدور في حلقه مفرغه اكنه ما حفظش غيرهم

يلا الحمد لله اهي كل دي بتفضخهم زياده وزياده
لدرجه ان الراجل نائب رئيس تحرير الاهرام قال في اخر البرنامج
انه كان جاي علشان يهاجم دكتور عبد المنعم ابو الفتوح ولكن الكلام اللي بيتقال لازم يخليه يقف حنبه ويسانده

تخيل حتي الراجل اللي هوا بيهاجمك من كتر الكلام ما هو اهبل وبايخ ماسخ ما قدرش يستحمله

الحمد لله والله متم نوره ولو كره الكافرون