10 أسباب لدخول كلية التجارة
1.فى اوروبا والدول المتقدمه..تصنف الكليه كواحده من كليات القمه،وتسمى كلية الاعمال العليا"faculty of business".
2.تعتمد الدول الرأسماليه على التجاريين خريجى هذة الكليه وتخطو مصر برجالها الى ان تكون دوله رأسماليه،وياما دول اتغير ت افكارها الى الرأسماليه بسبب رئيس الدوله الجديد واللى كان طبعا خريج تجارة"ربنا يوعدكو".
3.الدراسة سهله،وعدد المواد المقررة أقل بكتير من مقراتمعظم كليات القمه"اشى عملى ومعمل"،دا غير ان الدراسه بالعربى"الا من رحم ربى".
4.المجالات المفتوحه للعمل واسعه غير محدده أو محدوده......يعنى يابزنس مان،أو ف البورصه،أو ف الجمارك،أو ئاعد مرتاح عالكمبيوتر ف شركه فخمه،أو ف بنك وطبعا الفلوس هاترُّخ عليك زى المطره"بسم الله ماشاء الله".
5.مجال العمل مفهوش أى مرمطه.....يعنى لابنجري ورا الحاله ف المستشفيات بعد نص الليل،ولابندّى حقن فالعضل،ولا بنجرى ورا الشخصيات المرموقه"اللى زيينا"بالمكرفونات وعشمانيين ف حوار صحفى ،ولاوائفين وسط النار ف المصانع مع الواد بليه ولسه هانفهمه يعمل ايه ومسكينله مفتاح تيست،ولا متورطين مع المجرمين ف المحاكم واحنا واثقين من ادانتهم"ألف حمد وشكر ليك يارب".
6.تطرح الكليه عدد كبير من خريجيها ف المجتمع من رموز الدولة،مثل الوزراء ورجال الاعمال والساسه المهمين"جمال مبارك":
7.تعلمنا الكلية التعامل مع كافة الطبقات من خلال الطلبه"اللى دخلوا من كافة شرائح المجاميع ف الثانويه".
8.تعلم الطالب عدم التواكل والاعتماد على النفس من الصغر وازاى يجيب الفلوس من عين الطخين.
9.تعلمنا تداول الاوراق والتعامل مع البورصة"يعنى اللعب بالفلوس لعب"،وع الأئل نفهم اللى بيتئال ف النشره الاقتصاديه.
10.مدة الدراسه ف الكليه اربع سنوات بس على عكس معظم كليات القمه.
.
![36_4_11[1].gif](http://www.alltalaba.com/board/style_emoticons/default/36_4_11[1].gif)