السلام عليكم


كنت عايزة اعرف رايكم فى اللى بيحصل فى مصر

من تحريم المظاهرات

لمظاهرات الطلبه الاخوان

لمنع الاخوان من الترشيح

لكسر الاخوان لباب الجامعه

لضرب الامن للاخوان





هو احنا مش كلنا مصريين ؟؟


هو فى حد فينا ضد الحريه؟


هو حد فينا منفسوش يعيش فى بلد ديمقراطى وسلام؟


طب مادام كلنا اهدافنا واحده


ليه متفرقين فى كل المذاهب؟


ليه منوحدش جهودنا
ونبقى كلنا ايد واحده ؟



طب لو المشكله ان كل واحد ليه تفكيرة وطريقته الخاصه فى تحقيق اهدافه

ليه مننقدش ونتناقش بعض باحترام

ليه دايما مختلفين


هو احنا منتفقش ابدا على حاجه كويسه ابدا


لازم الاخوانى يسلم على اليسارى ولازم السلفى يكلم الاخوانى


متنسوش اننا كلنا مشتركين فى كوننا " مصريين"

الموضوع دة فعلا كويس


وياريت فعلا نتناقش ونعرف

السلام عليكم ورحمه الله وبركاته

موضوع كويس جدا بس انا ردى فى كلمتين سمعتهم فى فيلم

احنا بلد ديمقراطيه انت من حقك تقول رايك بصراحه وهما من حقهم انهم يحبسوك
هى ديه الديمقراطيه فى بلدنا
سايبين اللى بيقتلوا فينا وماسكين فى الاخوان والناس التانيه
انا مش عضو فى الاخوان ولا متحيز ليهم انا مجرد شاب عادى مش عاجبه اللى بيحصل
بس هنقول ايه غير
حسبنا الله ونعم الوكيل

جزاك الله خيرا

الموضوع ما هو الا تساؤلات تطرح نفسها

ألسنا شعبا واحدا؟


أليس هدفنا واحد؟


من المسئول عن تفرقنا فى كل المذاهب؟

جزاك الله خيرا

اولا جزاكى الله خيرا


ثانيا ده اللى فعلا بدأ يحصل

وانا لسه كنت اشاهد تسجيل على قناة الجزيرة مباشر وكانت تعرض هذا التسجيل لمؤتمر صحفى


وهذا المؤتمر الصحفى كان لـ3أحزاب هم: الوفد و التجمع و الناصري


وكانوا يناقشون تحالفهم فى عرض رأيهم على تعديل اتفقوا عليه للدستور


وهذا بعض قرار سيادة الرئيس مبارك بتعديل المادة 76 مرة اخرى فى خلال عام تقريبا


وقد اوضحوا انه يوجد سيادة سياسية واحدة وهيمنة ورئاسة واحدة للاوضاع والبلد و المواقف السياسية كلها


وهى بالطبع سيطرته وديكتاتورية الحزب الوطنى الذى يحمل غالبية مجلس الشعب


والذى بمقدوره ان يعدل اى قرار حسب مزاجه وما يراه لأنه يحوى الغالبية العظمى


والتى تتضمن العدد اللازم للموافقة على اى تعديل وهى انه اكثر من ثلثى اعضاء المجلس (مجلس الشعب)



وقد تضمن بيانهم حوالى 17 جز ئية ونقطة تم الاتفاق عليها من قبل الاحزاب الـثلاثة

منهم الغاء المدعى الاشتراكى



وانا ا رى ان كل ما تم هذا يشبه تماما ما يطلبه هذا الموضوع التى قمتى به يا امنية




جزاكى الله كل خير




اخيرا
الحمد لله كما ينبغى لجلال وجهه وعظيم سلطانه

السلام عليكم ورحمة الله وبركاته
طيب بما انى رجل من الاخوان المسلمين وافخر بذلك واتمنى ان اكون جديرا للانضمام لهذه الجماعه
ولكن رائ يعبر عن راى الشخصى وليس راى جماعه الاخوان
عشان نوضح المفاهيم للناس بس

جزاكى الله خير ا على هذا الموضوع واحسب ان نيتك فى هذا الموضوع هو توحيد الامه ويارب يكتب هذا فى ميزان حسناتك

بالنسبه اولا للاخوان والاخوه الاحباب السلفين

ارى ان الاختلاف هو اختلاف فى طريق الدعوه الى الله واحسب اننا والسلفيون
نمشى على منهج وهو كتاب الله وسنه رسوله
وان كنت ارى ان هما يهتمو باصلاح النفس فقط ويروا ان اصلاح النفس سيؤدى الى اصلاح المجتمع

ولكن انا والاخوان عمتا نرها خطه طويله الاجل قوى
فا الاخوان تسعى لاصلاح الذات والمجتمع سواء بسواء (اصلح نفسك وادعو غيرك )
وبنحاول ان احنا نقرب بين الناس ونثبت لهم ان التدين ده مش شئ مستحيل
وان الانسان المتدين ده انسان محترم ومهذب وفى كل الصفات الكويسه
ولكن ارى فى السلفين بعدهم الكبير عن الناس او بعدهم عن الشباب الغير ملتزم
وهذا لن يؤدى ابدا الى اصلاح هؤلاء الشباب
ولو حد عنده راى تانى يوفينا برائيه
انى احبكم فى الله

هو مفيش طريقة الواحد يوصل بها للإلتزام والإيمان والإحسان والجنة بإذن الله غير الإخوان المسلمون ؟

يعنى هما بس إللى كويسين ؟

طالما الإنضمام للإخوان فيه ضرر بلاش منه !!

أعمل برضه الحاجات الكويسة بتاعة الإخوان بس وانت مش تبع الإخوان

يعنى أى حد هيرشح نفسه فى الإنتخابات بتاعة الجامعة دى ومش يكون من الإخوان وعلى وشه ختم الإخوان يبقى راجل مش تمام وحرامى وظالم وكل العبر فيه ؟

هو يعنى كلمة الإلتزام بتعنى الإنضمام للإخوان ؟ !!!!!!!!!!!!!!!!!

واما بالنسبه للسياسه
الاخوان واليساريين مثلا
فارى ان الاخوان يروا ان الدين والاسلام يكفى جميع امور الدنيا
والسياسه جزء من امور الدنيا
والله ارسل لنا دستور وهو القران الكريم وتطبيقه فى عصر النبى صلى الله عليه وسلم

صلو على النبى الاول

وعصر الخلفاء الراشدين ادى الى فوتحات وعزه وكرامه ورفع فيها الاسلام قدر الانسان وجعل من العبيد
سادات لقومه
ونرى ان الله هو الذى خلق النسان وهو اعلم بشؤنه فكيف يطبق له نظام لا يتماشى مع حياته

ونضرب مثلا
ان صانع الشئ هو ادرى واحد بتصليحه اذا فسد
ولله المثل الاعلى وهو اعلم بشؤننا وقادر على اصلاح البشريه كلها بنظام الاسلام

ولكن اى نظام اخر مثل الشيوعين والاشتراكين
هو نظام ممكن ان يكون اثبت نجاح ولكن هذا النجاح كان نجاح مع اناس معينين
وفى ظروف مؤقته وليس نجاح دائم
وهذا ما ادين به ولو حد عنده راى يوافينا بالمزيد
وبرضو انى احبكم فى الله

تقصد بعدهم عن السياسة

لأن دعوتهم لله ظاهرة قوى قوى ومش حد يقدر ينكرها بغض النظر عن الإختلاف معاهم ولا الإخطاء إللى أنا شايف أنهم بيقعوا فيها

بس مش تقدر طبعا طبعا طبعا أنك نقول كلمة (بعدهم الكبير عن الناس ) دى
وان (هذا لا يؤدى أبدا إلى إصلاح هؤلاء الشباب )

وعجبى !!!!

اخى العزيز منجر
ارجو ان تقرأ كلامى جيدا
انا مقلتش فى كلامى هذا الكلام
نحن ندعو الناس الى الالتزام وندعوهم الى جماعه الاسلام
وليس جماعه الاخوان
يعنى انت مثلا عمرك لقيت حد من الاخوان اللى فى الكليه دخلو عندك المدرج وقالو عايزين ناس تنضم معنا للاخوان
ابدا نقرأ القران وكلمات بسيطه فى الدين
بمعنى اصح توصيل الاسلام بصوره هادئه ومريحه

ده رائيك الشخصى واحييك على صراحتك

مش فاهم فعلا تقصد ايه ياريت توضحلى

أنا كلامى إللى حضرتك مقتبسه دة مش در على كلام حضرتك ولا حاجة
أنا كتبته قبل ما أقرأ رد حضرتك (إللى هو أول مشاكة ليا )
تانى مشاركة هى إللى رد على كلام حضرتك




ما الكلام دة نيجة للى قبله يعنى مش ينفع يتفهم لوحده كدة .... المشاركة تتفهم على بعضها
أنا أقصد أنهم قريبين جدا للناس مش( بعيدين بعدا كبيرا ) زى حضرتك ما بتقول !!

لى تعليق على الحوار دا قرررررررررررررررريب

مداخلة صغيرة


دخل علينا واحد النهاردة من الاخوان وقرأ القرآن وبصحبته شخصان


ثم تحدث فى امور الانتخابات وعن ما جرى من انتهاكات


واستوضح فى حديثه - والله اعلم- انه لا يوجد افضل من الاخوان وكأنما لا يوجد ملتزم من المرشحين ثان ٍ


والله اعلم


هذا ما فهمته تقريبا


انا ارى انه يمكن ان اكون حسن دينا و دنيا ولكن لا انتمي لجماعة مثل الاخوان


بل من الافضل ان انتمى لجماعة اقوم باصلاح الفاسد بها



وهذا رأى ..........


شكرا



واخيرا
الحمد لله كما ينبغى لجلال وجهه وعظيم سلطانه

ياباشا انا بقول انهم بعاد عن الناس دى مش اساءه ليهم

ارى انهم بعيد جدا عن الشباب الغير ملتزم يعنى هما اصحاب مع بعض فقط
ولكن انا مثلا وانا فى الكليه كنت مصاحب الاخوان والسلفيين والشباب العادى اللى ملوش اى انتماء لجماعه

وكمان الشباب الغير ملتزم
وارى هذا ما ينقص السلفيين

هو يمكن يقصد فى التجربه الانتخابيه
والتجربه هنا بين الاتحاد المعين وطلاب الاخوان
وسالو من قبلكم عن الاخوان وتاثيرهم وتواجدهم بين الطلبه والاتحاد

ولكن الاخوان نسعى ونجتهد ان نكون الافضل على الاطلاق من خلال منهج النبى صلى الله عليه وسلم

يا عم حتى لو بتسئ ليهم

أنا مش بقول كدة
دول خصومى كلهم

بس بقول كلمة حق أنا شايفها

وانت بتقول كلمة حق أنت شايفها

بس
يعنى مش تزعل دا أنا بعمل تسخين بس ههههههههههههههه

جزاك الله خيرا على تفاعلك معايا
وربنا يكرمك

ليه كده بس يا اخويا الاختلاف فى الراى لا يفسد للود قضيه

(انما المؤمنون اخوه )
وربنا يجمعنا على الخير ويوحد صف المسلمين

طيب معلش ثوانى بقي


انا جربت الاخوان فى الانتخا بات ويا واحد صاحبي منهم



واحد من المرشحين بتوعهم

واللى اسمه عادل حامد


عن السيدة زينب

واللى كان صاحبي ده معاه فى كل حاجة لغايسة ما انتخبه



انا عايز اعرف هما فين اللى دخلوا مجلس الشعب؟؟


يعنى انا كنت بشوف اللى اسمه عادل حامد قبل الانتخابات فى الشارع وبيلف والناس كلها بتحبه


وماشي يسلم وكده

وعلى فكرة ان حبيت الراجل ده لله و فى الله

من غير اى حاجة


لكن ا خر مرة شوفته لما فرحت بيه ا نه كسب


يعنى لما ظهرت النتيجة


كان ماشي والناس بتهنيه


غير كده ما سمعتش بيه ولا حتى فى طبق اليوم

وبرضه انا بقول انى بحبه

وبقول ربما اكون مخطأ

والله اعلم


بس انا لما قولت لصاحبي اللى من الاخوان ده


قولتله هما فين بتوع الاخوان


قالى بص كام واحد من الاخوان عملوا كام استجواب فى المجلس لغاية دلوقتى


قولتله معرفش


قالى طيب هاقولك

وقالى رقم كبير كده



طيب انا بسألكم

النتيجة ايه؟؟


ما هو اللى بيحصل فى الايام دى والاخوان نجحوا وبقوا كتير فى مجلس الشعب


ومع ذلك ازداد الحال سؤا


ولا ارى منهم احد


ولا يتحسن الحال


وما يريده الغير يحدث


بو جود الاخوان او بعدم وجودهم (ان وجدوا)



ده كلامى


حد يرد عليا



شكرا



واخيرا
الحمد لله كما ينبغى لجلال وجهه وعظيم سلطانه

أكيد بيشتغلوا من تحت لتحت

بس انا مش هرد

واحد من الإخوانيييييييييييييين يرد أحسن

جزاكم الله خيرا

بس هو الموضوع كله بقى عن الاخوان ليه؟

فعلا السلفيين بعاد اوى عن الشباب يعنى انا عندى سلفيين فى المنطقة ومبيسلموش عليا على الرغم من انى بقف معاهم يعنى اهتممهم بية قليل جدا مش ذى أهتمام الاخوان مثلا .




انا بردة شايف ان دة رأيك فبصراحة احييك علىة بردة مع الفتى العجوز

مانجر انتا فاكر كلامك لما كنت بتقولى انك عاوز تغير الدنيا بس بأضعف حاجة

وقولتلى انى أغيرها بقلبى أحسن من انى أغيرها بلسانى او بيدى أى أصبح ضعيف الإيمان

لا انا لسة بقولك انى مبحبش أباه ضعيف الإيمان .

ياريت تناقشنى فى هذة النقطة .

أنا معاك والله فى الكلام دة لانة فعلا بيحصل عندى هما أصحاب بس بينهم وبين بعضيهم والله فعلا .

يعنى يا مانجر فى حد يتكلم ويقول كدة

أمل بأة حاطت الصورة دى لية

وأية خصومى دى يا راجل كلنا إخوة فى الله ولا دى كمان غلط .

على العموم هما مبيقولوش كدة شوفت بأة مين أحسن انتا ولا هما ؟؟؟؟؟؟؟؟

يا راجل إتقى الله يعنى بزمتك كدة المجلس سيبنهم يعملوا حاجة

يا راجل خلينا بأة كويسيين يعنى كل ميطلعوا بقرار يتم رفضة يبأة عوزهم يعملوة حاجة إذاى .




إذداد الحال سوء على اساس ان المجلس كان الاول كويس وقراراتة كلها فى مصالحنا وهما أول مدخلوا المجلس منعوا القرارات دى

طيب بص يا ياسو ممكن تجبلى قرار واحد عملوة المجلس من قبل ميدخول الاخوان المجلس

ويارب منتكلم فى الحجات دى إذاى أزداد سوء ينهاااااااااااااااااااااااااااااار

انا نفسى افهم بجد يعنى هو الاول أصلا كان كويس علشان يزداد والله لو الاول كان أفضل من دلوأتى مكنتش لسة هتحبهم وكنت هتكرههم أكتر .


ياريت يا شباب نجدد النية قبل منكتب او نتكلم .














أكيد بيشتغلوا من تحت لتحت وانا أفضل هذا أفضل ميقولوا ويجى ناس يبوظوا كل حاجة .



لا ونبى لترد علشان انا بحب ردك اوى .



والإخوانيييييييييييييييييييييييييييييييييييييييييييين لية منرد أحنا أحسن منا متابع وعارف وانتا أكيد متابع وعارف فياريت انا وأنتا نرد .

يلا انا منتظر ردك علشان أرد عليك .





وإياكم .



علشان هما عوزين يشتموا فى الإخوان وخلاص لو فى إى موضوع لازم يتقلب إخوان واله لو بيتكلم عن البترول هيقولولك ان الإخوان السبب

محسسنى ان الإخوان هما ألى مسكين الحكم وإن ميارك دة رئيس على الركن

أمل بأة لما يمسكوا الحكم هيعملوة فيهم أية .


ربنا يستر

ارى ايضا ان الموضوع تحول الى موضوع الاختلاف بين الفريقين ولكنه هادئ.

سأحكى لكم خاطرتى فى هذا الموضوع
عندما دخلت الى احدى الساحات هنا ، وهالنى وأذهلنى ما رأيت من عراك وخلافات بين اطراف عديدة وسمعت عن فرق وشيع لم اكن اعلم ان بينها كل هذا الكلام . فلقد تربيت على انى مســــــلــــمـــة وليس إلا . فوجدت من يقول (سلف ، اخوان ، صوفيه ، سنة ، شيعة) ، ورأيت ردودا مطولة ، وعجبت ، من اين لهم كل هذا الوقت الذى يضيع فى الرد على بعضهم البعض بشئ من الغلظة والشدة وفى النهاية لا احد يقتنع ولا احد يوافق على رأى الاخر فى شئ .

(وتذكرت قول الرسول (ص) انتم يومئذ كثير ولكن كغثاء السيل)

اعذرونى على هذا . ولكن ماذا استفاد هؤلاء وبما افادو دينهم ؟
غير انهم زادو من الفرقة التى نعانى منها على كل المستويات ( الافراد ، المجتمعات ، الدول )
___________________________________________________________________________
لو لاحظتم المسيحين عندنا فى الجامعة راقبو هيك عن كثب قليلا ، لتجدونهم مجتمعين معا دائما ، لا يجلسون سوى معا فى بنج واحد ، فى الخارج لا يجلسون ايضا الا معا بجانب مدرج ج . هل تظنون ان هذا هكذا بالصدفة . لا اكيد هذه تعليمات تنفذ .
____________________________________________________________________________
ومن الاشياء التى اتذكرها ايضا القصة التى كتبها زكى نجيب محمود ( من روائع الادب العالمى للاطفال ) هكذا كتبوا على القصة لكن فى رأيى ان هذه القصة لايمكن ان يستوعبها غير الكبار . واليكم ملخص القصة ( بيض الفيل )

بــــــــيـــــض الفــــــيــــــل

قال الشيخ : الفيلة تلد ولا تبيض ، والمشكلة المراد حلها هى هذه : لو كانت الفيلة لتبيض ، فماذا يكون لون بيضتها ؟ فى الجواب عن هذا السؤال اختلف العلماء ،
يقول عمارة بن الحارث بن عمار : تكون بيضاء ، واستدل على صحة قوله بدليل القياس ، ودليل من اللغة ، اما دليل القياس ، فهو ان كافة مخلوقات الله التى تبيض بيضها ابيض ، وليس فى طبيعة الفيل ما يدل على انه لو باض ، اخذت بيضته لونا آخر غير البياض ، فإذا اختلف الفيل عن غيره من الحيوان ، فذلك فى حجمه وقوته ونابه ، وهذه صفات تستلزم فى البيضة لونا آخر غير البياض ، فقد يكون الحيوان صغيرا كالذبابة ، او كبيرا كالنعامة ، قويا كالعقاب ، أو ضعيفا كالحمامة ، بناب كالتمساح ، او بغيره كالدجاجة ، والبيضة هى هى فى لونها ، بيضاء لا تتغير ومما يزيد هذه الحجة وزنا ورجحانا أ، الخلائق تجرى على اطراد وتشابه فالكواكب متشابهة ، والبحار متشابهة ، والطير متشابه ، الحيوان متشابه ، فلو قيل – مثلا- ان حيوانا جديدا سيولد بعد الف عام ، جاز لنا ان نحكم فى ترجيح يقرب من اليقين ، بأنه سيكون ذا اذنين وانف واحد وعينين ، وعلى هذا القياس نفسه نحكم ان بالبياض على الفيل لو باض .

اما دليل اللغة فهو ان البيضة مشتقة من البياض ، واذن فالبياض أصل والبيضة فرع عنخ ، ولا يعقل ان يتفرع عن البياض خضرة او زرقة ،لان الفرع شبيه دائما بأصله ولذلك قيل : هذا الشبل من ذاك الاسد .

ثم استطرد عمارة فتساءل عن حجم بيضة الفيل . فساق الادله على انه لوباض ستكون بيضته قدر بيضة النعامة عشرين مرة …………

ثم تساءل عمارة ايضا :هل كانت طبيعة الفيل لتتغير لو باض ؟ فيكون ذا جناحين ليتخذ طبيعة الطير ؟ وأجاب بأنه ليس فى نواميس الكون مايستلزم هذا الانقلاب فى طبيعته، فالسمك يخرج من البيض وليس له اجنحة بل له زعانف تساعده على السبح، ولا تساعده على الطيران ، وبيض الفراش ، الذباب وما الى ذلك يخرج منه الدود ولا يخرج منه ذوات الجناح ، واذن فقد يخرج من بيضة الفيل فيل ذو اربع قوائم وليس له جناح .

وأخيرا تساءل عمارة : ما حكم الشرع فى بيضة الفيل؟ أيحل أكلها للمسليمن أم يحرم عليهم ؟ وهنا كذلك اجاب بدقته المعهودة : ان بيضة الفيل حلال اكلها بشرط ، حرم بشرط ، فهى حلال اذا كانت لا تكسب الانسان الآكل صفة الافتراس، وهى حرام اذا خيف ان تكسبه هذه الصفة ، وانما يكون الآكل بمنجى من عدوى الافتراس ، ولو كان الفيل البائض هو الجيل العاشر ، من سلسلة اجيال استأنسها الانسان ، يمثل هذه الدقه العقلية والبراعة الذهنية، واثار عمارة بن الحارث هذه المسائل عن بيضة الفيل واجاب هنها ، ولا عجب فخو الفقيه العالم الذى سارت بفتاواه الركبان ، فيما تعذر حله على غيره من العلماء.

وتصدى معسرة بن المنذر لتفنيد ما قاله عمارة بن الحارث فى بيضة الفيل من حيث لونها ، فقال عن دليل القياس الذى ساقه عمارة بن الحارث بأن كافة الحيوان الذى يبيض بيض ابيض ، ولذلك فبيضة الفيل لابد ان تكون بيضاء اطرادا مه القاعدة ، انه لا دليل لا يقوم على سند من الواقع .ليس صحيحا ان كافة الحيوان الذى يبيض بيضه ابيض ، فبيض البط فيه خضرة خفيفة ، من الطير ما بيضة ارقط ، منه ما بيضه ازرف، واما دليل اللغة الذى ينبنى على ان البيضة مشتقة من البياض ،لذلك وجب ان تكون بيضاء ، فهو استنتاج معكوس ومغلوط فى آن معا : معكوس لاننا حتى لو فرضنا ان البيضة مشتقة من البياض ، فليس هذا دليلا على ان البيضة بيضاء لانها بيضة ، بل هو دليل على انها بيضة بيضاء ، ولتوضيح المعنى المراد ، ضرب معسرة مثال الدقيق والخبز ، فالدقيق اصل والخبز فرع ، فإن جاز لنا ان نقول انه خبز لانه من دقيق ، فلا يجوز ان نقول انه من دقيق لانه خبز،والدليل مغلوط – لأننا حتى ران رتبنا مراحل الاستنتاج ترتيبا صحيحا ، وقلنا ان البيضة بييضة لانه بيضاء ، كانت النتيجة خطأ لانه لا يكفى ان يكون الشئ أبيض لنحكم عليه بأنه بيضة ، وإلا جاز لنا ان نقول ان هذا الجدار بيضة لانه ابيض ، وهذا الدقيق بيضة لانه ابيض وهلم جرا .

وبعد ان فند معسرة اقوال عمارة ، بسط رأيه فى لون بيضة الفيل ، فقال ان الفيل حيوان فيه شذوذعن مستوى الحيوان ، والشذوذ فى البيض ان يكون اسود ، ولذلك فإن كان الفيل ليبيض ، وجب ان تكون بيضته سوداء ، اذ لو باض بيضة بيضاء ، كنا بمثابه من يقول ان الحيوان الشاذ تتفرع عنه نتيجة لا شذوذ فيها ، وهو قول فيه تناقض بين الصدر والعجز .

وكان بين تلاميذ ابن الحارث تلميذ نجيب ، فتصدى للرد على نقد معسرة – وهو شيخ المناطقة فى زمانه – قد زل زلة ، ما كان ينبغى ان يقع فى مثلها رجل مثله، فبينا هو يكر ان يكون للبيض لون خاص ، يزعم ان من البيض ما هو ازرق أو أرقط ، تراه فى الوقت نفسه يقول انه مادام الفيل حيوانا شاذا ،وجب ان يكون بيضه شاذا فى لونه كذلك ، والشذوذ فى البيض ان يكون اسود ، فكيف يكون الشذوذ سوادا اذا لم تكن القاعدة بياضا ؟ هذا من جهة ، ومن جهة اخرى نحن نسأل هذا العلام المنطقى : أصحيح ان الشاذ لا ينتج إلا شاذا ؟ أيظن معسرة انه ما دامت الحية لا تلد إلا حية ، فالاعرج لا يلد إلا الأعرج ؟ والاعمى لا يلد إلا الاعمى ؟ فإن كان الاعرج ينسل من يمشى على قدميه ، لما نسل من الاعمى من يبصر بعينيه ، فلماذا لا يبيض الحيوان الشاذ بيضة تجرى مه الإلف والعادة ؟

قال الشيخ : هكذا جرى النقاش بين العلماء…………………………………..
وهنا زلزت الارض زلزالها ، وقال الشيخ مالها ؟
فقيل : انها يا مولانا قنبلة ذرية ،فى لمحة تقضى على الاصل والذرية
قيل : فعجب الشيخ أن كان فى الدنيا علم غير علمه .

______________________________________________________________________________

فهكذا ارى حقا كما قيل فى مقدمة القصة ان هذه القصة تمس وترا فى انفسنا جميعا

يا ديدو

لو فهمت كلامى صح كنت هتعرف انى مش بغلط فى الاخوان


انا قولت انهم لما دخلوا المجلس زى ما كانوا عايزين


ايه اللى حصل


ما حصل حاجة

يعنى كانت المحصلة صفر


بل ازداد الحال سوءا ( ا فسرهالك علشان ما تفهمش غلط تانى / اقصد انهم ما واجهوش البلاء واثروا فيه)


بل اشتد البلاء ووقفوا (كما تقول انت ) مكتوفى الايدى يعنى عاجزين على انهم يتنفذل هم قرار


طيب وكده ايه اللى عملناه؟؟


خرج ناس ودخلوا بدلا منهم الاخوان



ولم يحدث تأثير


بل ازداد تأثير من هو كان موجود مسبقا بالفعل


هذا كل ما قصدته


وعايز اقولك يا ديدو يا حبيبى ياللى بجد بحترمك اوى


انا لما بكتب حاجة بكون عارف نا بكتب ايه ومتحملها ( الا لو اخطأت وجئت انت لتفهمنى ف اذا معك حق)


ولكن يجب ان يكون هذا التصحيح على شئ من الفهم الصحيح





الخلاصة


الاخوان جاءوا وقالوا عايزين نختلط بالشعب وندخل المجلس


علشان نبدأ رحلة الاصلاح


دخلوا المجلس

وما فيش اصلاح


اتكتفوا


ومعملوش حاجة زى ما كانوا قايلين


يعنى ممكن نوصل كلامهم انهم كانوا بيعملوا من البحر طحينة


او هنقول انهم لم يكونوا قد كلمتهم


انا شايف

بما انهم معاهم فلوس وامكانيات ويقدروا يوصلوا للقلوب ويجتمعوا بالناس زى ما بيقولوا


كانوا عملوا خطة ذكية اكثر من ذلك

وهى انهم مثلا يبدأوا بعمل جمعيات اهلية كتيرة ويساعدوا الناس

ويص لحوا المجتمع

وتكون جمعيات كتير

وساعتها

لما الناس هتتخدم


يوم ما يجي انتخابات

ويكون الاخوان شغاليين فترة تحضيرية قبلها بما يرضى الله وكسبانين ثقة الناس


سنجد بعد تلك الانتخابات


ان من كان اغلبية ساحقة اصح قلة محصورة

ومن كان مضطهد من المجلس

فيصبح هو الكل × الكل وله السيادة الكاملة

لأن سيكون خلفه الشعب الذى ايده



شكرا

على نقاشكم الرائع

والذى اتمنى ان يبقى هادئ





واخيرا
الحمد لله كما ينبغى لجلال وجهه وعظيم سلطانه

الاخت commerce

لأ لأ
هما خصومى يعنى جمع خصم
يعنى هما جماعة وانا من جماعة تانية مختلفة معاهم فكريا
بس اخوة برضه طبعا إن شاء الله



مممممم
ما حضرتك عملاه عن الإخوان أصلا
وحضرتك عمالة تقولى الإخوان مظلومين والإخوان بيتضربوا وبيحصل فيههم كذا وكذا

طيب ما أنا بقولك بلاش منه
هو الإخوان دة هو طريق الإيمان والإلتزام والإحسان والجنة الوحيييييييييييد ؟
يعنى أنا لو مش أخوانجى أبقى فاسد ؟
مش ينفع يدخل الجنة إلا من كان إخوانيا ؟
لو الإنضمام للإخوان هيضرنى طب ما أشوف طريق تانى يوصلنى لله برضه غير الإخوان
طالما أن هدفنا هو الله فى النهاية !!!







أنا وضحت رأيي للأخت أمنية
يمكنك الإطلاع عليه


برضه وضحت للأخ الفتى العجوز
يمكنك الإطلاع

مممممم
ما حضرتك عملاه عن الإخوان أصلا
وحضرتك عمالة تقولى الإخوان مظلومين والإخوان بيتضربوا وبيحصل فيههم كذا وكذا








انا اللى اقصده من ذكرى لموقف الامن والاخوان
هو انهم الاتنين مصريين ومع ذلك بيتعاملوا مع بعض زى ما يكونوا فى معركه!!
وكل غرضى من الموقف ده هو توضيح باقى الموضوع ان اهدافنا واحده ومع ذلك ضد بعض
مش الغرض الحديث عن الاخوان فقط

جزاك الله خيرا

جزانا وإياكى



طفل قاعد على كرسى وطفل تانى عايز يخليه يقوم ويقعد مكانه
دا رأيي

والموضوع أصلا مش مستهال معركة
( والله يحب المحسنين)

أفرش وأقعد على الأرض وخلاص
وخلى الكرسى ينفعه


طيب أنا أسف أختى الكريمة لو كنت غيرت مسار الموضوع

اولا اخى الغزيز

لو حد غير مبارك هاتولع

ولو الاخوان مسكوا البلد اكتر من كده هانرجع لعصر التعذيب بتاع قريش

وكمان ان البلد مش ناقصة

وكمان بلاش الكلام ان الاخوان ملائكة على الارض

ملائكة الله هما عباده المحسنين

وليس الاخوان الى كل يوم مظاهرة


سلااااااااااااااااااااااااااااااااااام

مورو باشا
شوف الموضوع ده
http://www.alltalaba.com/board/index.php?showtopic=41271