انا هدفي من الموضوع مساعدة الطلبة الجداد عشان يعرفوا ينتفعوا من خبراتنا كطلبة قدام

خاصة ان بعضهم افكارهم بتبقى رايحة للاختلاط و البوظان يبقى فعلا لازم نساعدهم

ايه المطلوب منا

حاجه بسيطه اي حد يعرف حد داخل الكلية جديد يقول واحنا نقبله في الكلية و نعلرفه عليها ونحذره منها طبعا

الموضوع ممكن يبقى اكبر من كده اي حد ليه حد داخل اي كلية جوه الجامعة يقول في المنتدى الخاص بالكلية

لازم يا جماعة مشاركه من البنات اذا كان على الولاد فسيبولي المهمة دي

عايز تايدكوا و عايز اشوف اخبار عن الناس

احتمال الحق ايميل عشان الموضوع يبقى اسهل

السلام عليكم ورحمة الله وبركاته..
كلامك صح..

ياريت نخلي الصفحة دي لاستقبال الأسئلة من الطلبة الجداد..

أنا عن نفسي في هندسة القاهرة..خلصت إعدادي والحمد لله..
حد عاوز حاجة؟

اهوه انا بأه نفسي يقع تحت ايدي طالب من الجداد اللي بتقولوا عليهم دول
وهاأشتغلوا احلي شغل

الكشف الطبي النهارده الساعة 11

ياريت اللي داخل الكلية جديد يعرف نفسه و يتكلم عن طموحه و ايه اللي هو متوقع انه يشوفه في الكليه و متوقع انها سهلة ولا صعبة و ممكن يجيب تقدير ولا لا
وايه اللي خلاه يفكر في صيدله و ليه مدخلش طب

اتكلم براحتك ولا يهمك و احنا كلنا هنرد عليكم بصراحه
بس
عرفنا على نفسك و عن شخصيتك و ياريت من غير اسماء

متنسوش


من غير أسماء

السلام عليكم ورحمة الله وبركاته

فكرة كويسة جدا يا نصر

بس ليه كده يا غتت؟؟؟

تشتغله ليه بس؟؟؟

ده الواحد ما كان ما بيصدقك يسمع كلمة تطمن

على العموم لكل فاعل جزاء

وكما تدين تدان

جزاكما الله خيرا

السلام عليكم ورحمة الله وبركاته
والله فكرتك هايلة يا نصر انا طالب مستجد في صيدلة ولكني اعرف ناس في كليات تانيه مش داخله غير عشان البوظان وناسية دينها بس المشكلة ان العالم دي عقولها مقفلة وكل واحد منهم لحق يصلي الصبح قبل الضهر بعشر دقايق يفتكر انه بقى فقيه في الدين يعني المسألة مش سهلة بس ان شاء الله تجيب نتيجة و ربنا يفقك انت واللي معاك وفي زجل احب اسمعهلكم ليه علاقة بالموضوع
احم احم

احنا كلنل هنا معاك
بس قلنا ازاي عرفت الموقع

و لو مفيهاش تناحة انت من شبرا و لا من حتة تانية

على فكرة انا مش من شبرا بس انا عايز اتاكد من حاجة

السلام عليكم ورحمة الله وبركاته
انا باحمد ربنا ان في ناس حلوة زيكم اما موضوع شبرا فانا مش من شبرا بس ايه العلاقةبين شبرا و الموضوع المهم انا هاحاول اقنع حبة من اصحابي انهم يشاركو معانا عشان يمكن ربنا يهديهم على ايديكم يا رب و................. خلاص السلام عليكم ورحمة الله وبركاته،،

[size=2][/size]

السلام عليكم ورحمة الله وبركاته،،
[color=darkblue][/color]
يا جماعة هو انا بدن في مالطة ؟؟؟ حد يرد بأة الله يخليكو

وعليكم السلام ورحمة الله وبركاته،،

يا عم وحد الله واهدى


أيوه كده ......... قلي بس من اللي مزعلك وانت كنت عايز تسأل على ايه وأنا هجاوبك

[quote]بسم الله الرحمن الرحيم
السلام عليكم ورحمة الله وبركاته

انا ان شاء الله داخلة السنة ديه اولى صيدلة يعني لسه طالبة جديدة
معرفش حاجة عن الكلية ...

فممكن تقوم بالحديث عنها حتى نتعرف على الكلية ..

ام عن اسباب عدم التحاقي بكلية طب ..
انا الحمدلله كنت جتيبة مجموع طب وصيدلة ..
ولكن فضلت صيدلة ..
لاسباب كثيرة منها :
1- اني بحب الكمياء اوي اوي ..
2- اني مش هقدر اتقبل فكرة المشرحة واننا نفتح بشر ونلعب فيهم ..فين اكارم الميت دفنه ؟
3- ان طب طويلة وممكن اقرا فيها لان اختى توام داخله طب ان شاء الله ..
4- لما تعرفت سريعا على مناهج صيدلة وعرفت ماذا تدرسون بشكل عام حيبيت العلوم االي بتدرس ..
5- ان هدفي مرتبط بالكلية اوي ..

وفي انتظاركم

السلام عليكم ورحمة الله وبركاته،،
والله العظيم يابنتى انتى تستاهلى بوسة بجد انتى فعلا ان شاء الله هاتمشي فى الكلية فيه ناس بتفكر انها علشان نفدت من طب ان صيدلة سهلة واهو الاسم دكتور صيدلى و صدقينى والله انا مش بقولك هترتاحى اوى فى نظام الدراسة لان صيدلة مرهقة اكتر من طب ده انا يابنتى شوفت ايام على فكرة انا فى سنة تانية جامعة المنصورة الدكاترة كانو بيجيبونا يوم الجمع والاعياد وتصورى يوم تحرير سيناء كان عندنا امتحان عملى تحليلية بس صدقينى هتلاقيها ممتعة اوى اوى فوق ماتتخيلى
ماتتصوريش يابنتى انا باعشق صيدلة دى اد ايه لدرجة ان زمايلى سمونى مجنونة صيدلة
بصى ياستى انتى هاتفضلى طول الترم الاول مش فاهمة اى حاجة فى اى حاجة ومتعقدة ومش فاهمة الدكاترة بيقولو ايه اصلا عادى جدا جدا خديها ببساطة المهم حاولى تتابعى الدكتور وتلقطى اى حاجة بيقولها حتى لو مش فاهماها وعلى فكرة نصيحة اخوية سيبك من بياعين القواميس لو دخلتى فى الموضوع ده هاتتوهى ولى لقاء معك مرة اخرى واى سؤال فى خدمتك يافندم وبالتوفيق يا مستجدة

بسم الله الرحمن الرحيم
السلام عليكم
بجد موضوع جميل وجعله الله فى ميزان حسناتكم
أما بالنسبة لكلية صيدلة والله الكلية لذيذة جداااااا عارفين الذ ما فيها هى المعامل ياااااه دا عالم تانى الواحد بيحس انه بيعمل حاجة بجد لما بنعمل تجربة وبتنجح بجد والله الكلية جميلة واجمل ما فيها البهدلة الا بنشوفها ذى ما قالت مجنونيا كده احنا كنا بنروح يوم الجمعة لا وايه الساعة تسعة الصبح وفى الاجازات الرسمية بس اجمل حاجة اننا كنا فرحانين والله عالم تانى بجد انا بحب الكلية اوى وخاصة لما الدكتور بقى يعقد يشرح والواحد يشوف عظمة ربنا فى خلقة للكائنات والنباتات بجد والله سبحان الله بس اهم حاجة الواحد يكون قد المسؤلية لانك هيكون فى ايدك حياة ناس يعنىا لغلطة بتدمر بس انا مش بخوفكم لكن نصيحة أخوية لازم الواحد يتعود على تحمل المسؤلية من الاول بدل ما يجى لما يتخرج يرجع يندم لان الكلية لذيذة وبجد الا بيطنش فيها بيفقد المتعة فى كل حاجة لكن لو اعطينا كل حاجة حقها هتلاقى ربنا بيسهل الامور جدااااااا ولا تعقيد ولا اى حاجة طبعا انتوا دلوقتى هتفكروا انى واحدة بقى بتجيب امتياز كل سنة وبتطلع الاولى والكلام ده اقولكم على الحقيقة انا اخرى جيد مرتفع والحمد لله
بس بحب الكلية سبحان الله وبحب شغلها وربنا يوفقنا ويوفقكم جميعا عموما لو اى حد محتاج اى حاجة انا تحت امره وخاصة لو كان من صيدلة جامعة المنصورة

السلام عليكم ورحمة الله وبركاته،،
في سؤال بيحير اي حدالع من ثانوي لجامعة
هو في دروس ولا لا؟؟؟؟؟؟
وحاجة تانية انا باسمع ان مشوار الكليات خاصة العلمية صعب اوي بس اما اشوف الطلبة الاقي الواحد بيعمل عشر اللي كان بيعمله في الثانوية ويجيب امتيازات و شغال ؟يبقى اصدق مين؟ يعني ان مشفتش حد في الجامعة يطبق يومين عشان يخلص اللي وراه في المذاكرة لكن في ثانوي انتو عارفين ومجربين؟؟؟؟؟؟؟؟؟

بص يا سيدي بالنسبة للدروس ففي دروس
و في ناس مبتمشيش إلا بيها
بس أنا عن نفسي مجربتهاش و معظم الناس كده
بس العميد الجديد ربنا يخليه عمل نظام مجاميع في الكلية ارخص بكتير اما مستواها مفيدكش عشان انا مجربتهاش برضه
اما ليه الناس بتنام بعد مبتدخل الكلية و مستواها بيقل فأنا معرفش لكن نظام الترم مش حلو لان الواحد مبلحقش يعرف حاجه في الماده يلاقي الأمتحانات بدأت
لكن بجد الكلية صعبه و لازم تحبها عشان تمشي فيها
لو حبتها و تبعت فيها ممكن تحافظ على مستواك و تغلبنا كلنا

السلام عليكم ورحمة الله وبركاته،،
شكرا يا اخ نصر الدين لكن في سؤال مهم جدا بالنسبةللطلبة اللي من مدارس عربي .ازاي الواحد يتغلب على مشكلة الانجليزي في اول شهور من الدراسة في الكلية؟يعني لو رجعت اولى تاني (او اعدادي زي ما كان على ايامكم)كنت تنصح نفسك بايه؟

الدراسة بالإنجليزي مش صعبة قوي
المحاضرات الأولى بيراعى فيها طلبة المدارس العربي
وبعدين الموضوع بيجي واحدة واحدة

كلام نضال مظبوط
موضوع العربي هيعمل مشكلة معاك أول السنة ممكن تطول لمدة شهر لكن بعد كده هتبقى حاجة عادية

و ع العموم هينزل ع السايت حاجة هتساعد الطلبة الجداد على تعدي العقبة دي

السلام عليكم ورحمة الله وبركاته،،
شكرا يا نضال ويا نصر الدين
وبمناسبة اسرة النور هي ايه اخبارها ؟والي اي مدى ممكن الواحد يستفيد منها ؟ولو واحد عايز يشترك فيها فهل نشاطها بيأثر على وقت المذاكرة وكده يعني ولا لا؟ :

أسرة النور تراحب بيك و بالعكس هي مش هتعطلك ولا حاجة
دي هتبقي دعامة و عون ليك

انا لازم اتعرف عليك
عشان















بحبك في الله

( تم حذف هذه المشاركة لأنها خارج نطاق الموضوع )

السلام عليكم ورحمة الله وبركاته،،
احنا عارفين ان في حفلة يوم الاتنين ال بعد الجاي
دي ايه لازمتها و هل لازم نحضرها؟؟؟انا غالبا مش فاضي يومها

انت فين يا عم عمار انا بعتلك ايميلين
قرتهم ولا لا
رد عليا لو قرتهم

بالنسبة للحفلة دي تعارف بين الطلبة و بتنزل كل الاسر عشان تقابل الطلبة الجداد

اما مهمة ولا لا فمش فرقه
انا عن نفسي محضرتهاش

رد على الايميل بتاعي لو استلامته

ماشي

ا[size=6][/size][color=orangered][/color]
السلام عليكم,
مرسي أوي على ذوقكم و إنكم فكرتم فينا احنا طلاب سنه أولى,أنا خايفه مووووت من السنه ديه وحاسه إني مش همشي فيها مش عرفه ليه عندي الاحساس ده, وكل الناس قاعدين يقولولي دي صيدله أصعب كليه و دائما عندهم امتحانات و كمان موضوع إني مش هفهم حاجه في أول شهرين ده محبط جدا عشان أنا مبحبش أقعد كده زي الكرسي اللي عليه , هقعد أعيط فأرجوكم حد يطمني ويقولي إيه الموضوع؟؟
آه, كمان كنت عايزه أسأل انتوا بتذكروا امتى لما انتوا بترجعوا الساعه 8 بليل؟؟
و مرسي مره تانيه على ذوقكم

بسم الله الرحمن الرحيم
وعليكم السلام ورحمة الله وبركاته

حبيبتي في الله مجنونيا جزاك الله كل خير يا رب ...
طيب ممكن اسال سؤال ..
انا صعب اوي اسمع واكتب في نفس الوقت ..
اعمل ايه ؟
اكتب النقط المهمة فقط من غير شرح ؟
ولا مكتبش خالص ؟
وايه نظام الدراسة والمحضرات في كليتنا ؟

اختي الحبيبة wany
انا زيك تمام لسه داخلة اول سنة ..
يعني زمايل
حبيبتي خليكي وثقة في نفسك شويه عن كده ..
ويا حبيبتي الكلية بتكون صعبة في حالة واحدة ..
لما تحطي في دماغك انها صعبة ..
لكن لو حطاتي في دماغك انها سهلة وانتي ان شاء الله حتعملي كل جهدك ..
وحتجددي نيتك ..
انك دخل الكلية مش علشان يقول (( الدكتورة راحت الدكتورة جات ))
لا ..
علشان اعز الاسلام ..
وارفع رايه الاسلام اوثبت ان المسلمين مش فاشلين بالعكس ..
وان المتدين = متفوق + محبوب
يلا ابتسمي ...
بس صراحة مسمعتش عن الساعة 8 بليل ..
هو ده بجد

لا طبعا مش صح انا سمعتها برضه لما دخلت الكلية لكن ده مش صحيح
في ف كل اسبوع يوم اجازة فوق الجمعة و احنا لما بنيجيي 8 الصبح مثلا بيبقى اخرنا واحدة الظهر و لو بنيجي الساه 12 اخرنا الساعة 4 او 5
بعض الحالات ممكن تطول شوية لكن دا بيبقى يوم واحد و قدامه بيبقى فيه يوم فاضي
ده غير انك لو ظبطي مواعيد محاضراتك كويس بين المجاميع المختلفة ممكن تطلعي بيوم تاني اجازة

و حتة انك تحطي في دماغك ان الكلية صعبة ف دا هيحبطك
و الدكاترة بيراعوا العربي ف اول السنه المشكلة بتبقى شوية في المذاكرة عشان كده احضروا و انتظموا اول السنة دا مهم عشان تفهموا اي حاجة
اخيرا كلامك يا حفيدة الصحابة جميل جدا (أعزك الله )

لأ صحيح يا نصر..
أنا السنه اللى فاتت كان عندى سيكشن السيوتكس فى الترم التانى بيخلص الساعه 8 بالليل و الدنيا كانت بتبقى شتاء و برد و بيت رعب ..
و الشوارع فاضيــــــــــــــه لأن المنطقه كلها مستشفيات..
أيه رأيكم بقى فى جمال كليه صيدله.. يا ريت فعلاً الدكاتره يظبطوا المواعيد لأن كده مينفعش

عمار.. بالنسبه لسؤالك عن الدراسه بالأنجليزى فانت إن شاء الله مش هتلاقى فيها مشكله لأن المصطلحات أنت هتجمعها و هتعرفها بمضى الوقت حتى لو كنت من مدرسه عربى..
المهم انك تحاول تفهم من اول أما تدخل الكليه ..
لأنك لو كسلت فى الأول دوامه الكليه هتآخدك اوى و هتحس أنك مش فاهم حاجه
طبيعى جداً زى ما قال نصر أنكم متفهموش فى الأول . . لكن أطمنوا بعد كده هتلاقوا الكلام سهل جداً..

wany .. أنا هقولك على نفس الكلام اللى قلته لعمار .. بس أضيف عليه أنك لو أستسلمتى لحاله الأحباط و عدم الفهم بالوقت هتلاقى نفسك مش عايزه تفهمى أصلاً و كارهه الكليه .. و أحنا مش عايزين ده يحصل .. تفائلى خيراً .. و متخافيش الموضوع مش هيوصل لشهرين يعنى ... و الدكاتره فى المحاضرات مش بيقولوا مصطلحات كتييييييير أوى للدرجه دى ... هم بيتكلموا عربى برده كتير

حفيده الصحابه.. أهلاً بيكى معانا فى الكليه .. مليش دعوه ... أنا حذرتك قبل أما تقدمى الورق ..

wany و حفيده الصحابه ..
لو عندكم أى أستفسار أو عايزين أى حاجه ممكن تزورونا عند الأستاند بتاع أسره شباب مصر و هتلاقونا كلنا هناك علشان نساعدكم ..

شباب مصر ... فكره جديده و حلم كبيـــــــــــــــــر

السلام عليكم ورحمة الله وبركاته،،
انا اسف يا نصر الدين ايميلاتك وصلت بالسلامة بس مخدتش بالي منهم

طب لما اسلمتها رديت ولا لا

ياريت ترد عليا الرد اللي انا عايزه

لا لا بلاش يا WhiTe BiRd
رعب وشتا ومطر ربنا يستر ...
بس برودا متفائلة ..
لان هدفي متعلقة بالكلية ديه مليش دعوة ...
مهمتش حاجة من اخر سطر...
مين شباب مصر ؟
دول فين ؟

سؤال ...
ان شاء الله قريب حروح الكلية ..
يا ترى اشتري كتب ولا ايه ؟
وايه المراجع اللي ممكن نشتريها وتفيدنا في اول سنة ؟
وسؤال كمان ...
هو ينفع الواحد يكتب النقط الرئيسية وخلاص ويروح يذاكر ؟
وسؤال كمان ...
ايه الحاجات اللي حنشرتيها (( ادوات يعني )) غير البلطو ؟

يا رب مكنش عملت لكم احباط من اكرت لااسئلة

يا ريت يا عمار ترد على الايميل اللي بعته لك امبارح ترد عليه النهاردة ضروري

ممكن

الحمد لله أنك متفائله يا حفيده الصحابه
بصى يا ستى ..
شباب مصر دول أسره فى الكليه ..
و تقريباً كل بنات صيدله اللى على السايت من أسره شباب مصر ..
وكلنا عندنا أستعداد إننا نساعدكم فى أى وقت..
و بالنسبه لمكانا ..
أنتى أول أما تدخلى من باب الكليه هتلاقى stands بتاعه الأسر .. اللى بيعلقوا عليها أعمال الأسره و انشطتها و المسابقات و المقالات و المواهب .................etc
دورى على الstand بتاع شباب مصر و إن شاء الله هتلاقى أعضاء شباب مصر كلهم مستعدين أنهم يساعدوا على قد ما يقدروا ..
و أستنوا المفاجآت اللى أحنا عاملينها لكم..

بالنسبه بقى للأدوات ..
انتى هتروحى الكليه الأول و هتحضرى المحاضرات و كل دكتور هيديكم introduction عن مادته و عن العملى بتاعها و عن الأدوات و المراجع المطلوبه منكم ..
و طبعاً لازم تشترى الكتب و الا هيحطوا السيخ المحمى فى صرصور ودنك ..
بس على فكره أنتى مش هتحتاجى مراجع ..
أنتى هتلاقى الموضوع ماشى ورق دروس ..
أبقى تعالي و أحنا نفهمك..
او أبعتيلى على أيميلى - على فكره انا بنت -
أستبينا كده؟
ها ؟
حد عايز أى حاجه ؟؟

شباب مصر ... فكره جديده و حلم كبيــــــــــــــــــــــــر[color=red][/color]

السلام عليكم ورحمة الله وبركاته
اعرفكوا بنفسى الأول انا داخله تانيه حديث
طبعا نصر الدين ووايت قاميين باللازم وزيادة كمان مع الطلبه الجدد بس انا احب اطمنكم برضه كل الأسئلة والكلام ده سمعناه عن الكلية قبل ما ندخل بس أنا الحمد لله كنت ودن من طين وودن من عجين بالنسبة للكلام اللى مبالغ فيه عن صعوبة الكلية والكلام ده يعنى وكنت باحب أسمع اوى لكلام الكبار طبعا لازم ده اللى مالوش كبير بيشتريله كبير المهم
الحمد لله مشيت فى الكلية اوى وحبتها جدا هيا فعلا ممتعة اوى بس ممكن تكون تقيلة شويه بس على قلبى زى العسل
بس انا لللأسف السنة اللى فاتت ما اشتركتش فى اى نشاط غير قليل اوى بس السنة دى هاحاول ان شاء لله اكون نشيطه شويه
ياللى ربنا يوفقنا كلنا
السلام عليكم ورحمة الله

السلام عليكم ورحمة الله وبركاته،،
لو سمحتم في استفسار مهم جـــــــــــــــــــــــــــــــــــدا
السكاشن بتبقى اسبوع واسبوع ولا ايه بالظبط؟
يا ريت حد يشرح نظام السكاشن بشيء من التفصيل الممل

ويارايت ايضا تقولوا لنا ..
هي السكاشن من اول اسبوع ولا من تاني اسبوع ؟

وجزاكم الله خيرا

السكاشن يا جماعة عادة بتبقى كل اسبوع ثابتة يعني
و بالنسبة ليكو ف اول اسبوع عادة بتبقى اجازة من السكاشن

يعني مفيش سكاشن اول ثلاث ايام على الاقل ده اكيد

و برضه فيه مواد بتبقى السكاشن اسبوع و اسبوع زي التحليلية مثلا بس لازم تتاكد الاول

و لو عندك سكشن 6 ساعات مثلا مبنقعدش الوقت ده كله

سنة أولى من السنين الكويسة في الكلية واللى بيجيب فيها تقديرعادة بيتعود على التقديرات
واللى بيشيل فيها مواد أعاذكم الله
بيتعود على الشيل
المهم المذاكرة من أول السنة
وربنا يفقكم إن شاء الله

السلام عليكم
يا جماعه ياللى لسه داخلين الكليه ماتدخلوش حاميين اوى كده
وعاوزه اقولكوا ان لو واحد اعد يشرحلكوا كل كلمه بالتفصيل برضوا مش هتتخيل الموضوع كامل
مجرد نبذه للتوضيح تكفى , لأنك لازم تاخد وقتك عشان تقدر تتعايش مع الكليه ,
ونصيحه منى ليكوا , بجد بجد أحلى سنه فى الكليه بتبقى غالبا أول سنه
عيشوا حياتكوا فيها وده مش معناه انكوا ماتذاكروش او انكوا تكروتوا فى أخر السنه
للعلم بس ان من أوائل الدفعه بتاعتنا كانوا علطول قاعدين فى الحوش بعد المحاضرات ومستمتعين بوقتهم
المهم هو تنظيم وقتك فى البيت
انا حاسه انى لسه كنت داخله الكليه قريب أوى مش مصدقه انى فاضلى سنتين واخرج" ان ماكنوش ناويين يزيدوا"
وطبعا أى حد عاوز حاجه يتفضل للأستاند بتاع اسره شباب مصر , زى ما وايت فعلا قالت نصف ساحه صيدله من الأسره
واحنا معاكوا فى كل وقت وكل حاجه محتاجينها سواء دراسه , نشاطات , حتى لو عندك فكره جديده ومحتاج اللى يساعدك فى تنفيذها , ما تترددش , البلد محتاجه للشباب اللى دماغه حلوه ولم تقض هموم الحياه على طموحه.

على فكرة يا جماعة ..
في سكاشن نبات بس اول اسبوع ..
وبعد كده الساكشن التانية حتبدا من الاسبوع التاني
اللي محضش بتاعته النهاردة يحضر بكرة في معيدين

السلام عليكم و رحمه الله
يا حفيدة الصحابة أنا فى سنة3 و عايزة أقولك نورتى صيدلة
أحنا أخواتك و يا رب أشوفك فى الكلية و حعمل معاكى أحلي واجب
(من فرج عن مؤمن كربة فرج الله عنه كربة من كرب الأخرة)

وعليكم السلام ورحمة الله وبركاته
ربنا يخليكي يا حبيبتي
ويارايت تشوفي موضوع النهوض بالكلية

الله يطمن قلبك يا عمار
انا كنت داخل اولى حديث شخن جدا جدا جدا و لكن للاسف الناس كلها قالتلى ان اللى انا بعملو دة مش حبنفع
وخلونى ابرد شويا شويا وانا خايف جدا من كدة لكن الحمد لله انت طمنتنى ان الصيدله و اى كليه تانيه عايزة مجرد قرايه المحاضرات اللى اخدتها فى الوم بس مش اكتر من كدة حتلاقى العمليه و الضغط اتفك عنك فى اخر السنه
مش كدة ولا ايه يا اهل الخبرة ؟؟؟؟؟؟؟؟

يا شباب مصر
انا عاير اتعرف او اقابل اى حد فيكم اتعرف عليه لانكم فعلا نشيطين جدا و انا عاير اشترك فى نشاطات او اى حاجه او اى اسرة عشان اعمل حاجة كويسه و يكون ليا دور كويس و خاصه ان انا فى اولى حديث و عايز اللى اتسند عليه و يوعينى شويه شويه و ينورنى
مكنننننننننننننننن ؟؟؟؟؟؟؟؟

السلام عليكم ورحمة الله وبركاته
جزاكم الله خيرا....وانا لست اولى جامعة ولم انهى الدراسة بعد لكن بالضبط هذا ما حدث
سبحان الله بالرغم ان مر علي اول يوم في الجامعة لى سنوات الا انى اذكره... وكان يوم غريب ملىء بالاحداث الغريبه !!
وهناك الكثير ما ندمنا على فعله او حتى الاقدام عليه !!
ولا اتمنى مثل هذا لغيرى
لذا اشارككم نصائحنا او تجاربنا نحن السابقون لاخوتنا اللاحقون !!
فعلا اغلب ومعظم التخبط يكون في اول عام جامعى !!
سواء للشباب او للفتيات !!
(1)
للفتيات فقط !!
اكتشفت ان في نظرة متبادلة بين الشباب والفتيات الزملاء كل ينظر للاخر بانه باللفظ
" لسه طالع من ثانوى "
فمظهر البنت طبعا مهم وسط زميلاتها فاسلامها امرها بهذا والبنت بطبيعتها بتحب الزينة ومخطئ من ينكر ان اى فتاة تسعى لهذا.... لكن في بعض الاحيان تقلب مع الفتيات لنوع من "البهرجة" او "لفت النظر" باى شكل حجاب زى ما بيقولوا "مطرقع" اوحتى بدون حجاب!!
وتحرص انها تلبس حذاء كعب عالى حتى لو كانت في كلية عملية + شنطة الكتف طبعا
واذا مرت امام مجموعة من الشباب....تسمع مالا يسر منهم
يرددوا هى عاملة في نفسها كده ليه ؟
"لسه طالعة من ثانوى " !!!!
وساعات اقول في نفسي لما ارى هذا المنظر على فتاة... ياليتها كانت سمعتهم !!
ثم اتراجع ...لكن في نفس الوقت اخاطب اخواتى هنا:!!

(((كونى بسيطة ومحتشمة في حجابك والله ما في اجمل منه)))
اولا طاعة لربنا عز وجل + دعوة لغيرك + شياكة لنفسك
لاننا مأمورات ان حجابنا لا يكون حجاب شهرة ولا ملفت للنظر ولا يكون زينة في نفسه
ولا اعلم ليه البنات دايما بتنسي شرط(الا يكون زينة في نفسه )!!
ثانيا تزينك في شكل الحجاب مثلا لبس الاكسسوارات مع الحجاب
طب اذكرك هل سمعنا مرة ان واحدة من امهاتنا امهات المؤمنين رضي الله عنهن كانت تلبس ذلك عند خروجهن؟؟
واترك لكِ الاجابة !!....فزينتك في نفسك هى حجابك وتذكرى قول الله تعالى

(ولا يبدين زينتهن الا ما ظهر منها)
وارجعى لتفسير القرآن الكريم في سورة النور اية 31 واقرأى تفسيرها بنفسك
وممكن طبعا تلبسيهم في البيت وتتزينى براحتك !!


بالنسبة للاختلاط....فكما تعلمين ان الحديث يكون للضرورة او اذا دعت الحاجة
فاحسمى الامر من البداية وساكتب لكِ الحل لاحقا ان شاء الله والذى ان شاء الله ستشعرى بالفرق فيه!

يتبع...

(2)
للشباب فقط !!
ننقل على الشباب.....طبعا الشاب برضه لازم يهتم بمظهره وتصرفاته لازم تدل على انه اصبح طالب جامعى تكون رجولية وطبعا اى رجل او شاب كده وتصرفاته يغلب عليها طابع الشهامة حتى لو ضغط على نفسه في بعض الاحيان بانه يضطر اقرارا واثباتا انه شهم للابد
انه يضطر او بمعنى اصح هيتدبس
في تصوير المحاضرات لزميلاته الللاتى تعرف عليهن و تصادف تواجدهن
في وقت واحد... في مكان واحد...امام ماكينة واحدة... في مكتبة تصوير الورق!!
وللعلم الزميلات بيفرحوا ومنهم من النوع "ما بتصدق" وهتجد الكثيرات التففن حولك وممكن تجد نفسك شاب وحيد وسط شلة فتيات (طبعا مظهر غير اسلامى وغير حضارى بالمرة)
ولكن مهما فعلت اخى هتفضل البنات تقول
" لسه طالع من ثانوى "
...لانها عندها انطباع ان من يفعل ذلك كى يجذب النظر ويرضى شعوره كشاب
فاخاطب اخوتى هنا
اولا احسم المسألة من البداية
"لا للاختلاط"
واذا تحدثت مع فتاة فليكن للضرورة او اذا دعتك الحاجة لذلك في المعمل في السكشن في المحاضرة
وطبعا نيتك اولا واخيرا لله وليس توفيرا للاموال
واستخدم شهامتك في الوقت الذى يستدعى فيه ذلك او ادخرها لاقرانك من الشباب تساعدهم بها او بنية الدعوة لهم
وشكل اخر وللاسف منظر نراه كثيرا هو التدخين في الجامعة
ولهم طريقة معينة في مسك السيجارة بحيث تكون سينمائية او(فوتوجيينيك )!!
وبرضه الفتيات تردد هو بيمسكها كده ليه ؟...اعذروه اصله
"لسه طالع من ثانوى " !!!
لن احدثكم على اضرار التدخين فانتم تعلموها وتروها حتى علبة السجائر التى تشتريها وقد يقول البعض وهل في ملتزمين بيشربوا سجائر؟؟
اقول نعم...انا ارى دكاترة جامعة عندهم علم باضرار التدخين من المواد التى يدرسوها وهم اعلم بها من غيرهم بيشربوا سجائر بشراهة!!
فهل هؤلاء لم يكونوا يعلموا ؟
لكن انظروا اليها هل هذا حلال او حرام اليس هذا ازهاق في النفس؟؟
وطبعا انا اسرد ردود الفتيات على اساس انى ارى ذلك حولى وليس لكى تمتنع لرأيهن لان نيتك اولا واخيرا لله تعالى !!
واذا كنت لا تشرب فانظر لزملائك من حولك ووصل لهم نفس الكلام!!
واخيرا كلامى هذا لا اقصد به السخرية من احد فانا اسرد هنا وقائع تحدث
فالجامعة مكان مفتوح نتقابل فيه مع جميع الطبقات ومختلف الافكار والتيارات فاكيد هيحصل اصطدام وتخبط !
وحتى الان لم اذكر اى شئ عن الالتزام والاصطدام مع بعض الافكار والشخصيات
واؤكد لكم من البداية ان شلة اول عام ليست شلة ثانى عام وليست شلة ثالث عام وهكذا

walahi el klam dh f3lan hwa eli by7sal

ana sana tanya 7adeth

w f3lan hwa dh eli shofto

سلام الله عليكم
بالنسبة للبنات لو فى يوم قررتى رفع شعار (لا للأختلاط ,لا للفشل ,نعم للتفوق)
فكرى كويس قوى أصحابك شكلهم أيه
دققى كويس فى الأختيار
يقول رسول الله صلى الله عليه وسلم(الشيطان مع الواحد وهو مع الاثنين أبعد) يعنى لو قررتى القرارات العظيمة دى أختارى أصحاب زيك يرفعوا معك نفس الشعار

يااااااااااااااااااااااااه

انتو فتحتو الموضوع ده تاني

WAIT FOR GAWALA WELCOME PARTY

28-9

GAWALA GAWALA GAWALA