هل أنت رباعى الابعاد وعادى زى بقية الناس
ولا خماسى الابعاد وعبقرى وبيقولوا عليك مجنون؟!

الاختراعات والاكتشافات والكتب والافلام والاكل الحلو كل ده بسبب البعد الخامس

فى ابتدائى أخدنا ان الدنيا بعدين ( س. ًص) أفلام كارتون يعنى وفى اعدادى اكتشفنا انها ثلاثية الابعاد ( س. ص. ع) وفى ثانوى اتفاجئنا انها أربعة باضافة البعد الزمنى ولكن الحقيقة ان الدنيا خماسية الابعاد.

ايه حكاية البعد الخامس ده بقى ؟! .. البعد الخامس هو الذى أنقذ دماغ أرشميدس من القطع على سيف عشماوى بتاع الامبراطور الرومانى وهو اللى عمل من نيوتن والتفاحة أشهر من مادة الميكانيكا اللى وضع أساسها نيوتن وأصبح ذكر اسمه شيئا ضروريا فى أى كتاب يحمل لقب علمى , وعشان ما أطولش عليك هو السبب فى كل الاختراعات والاكتشافات والكتب والافلام والاكل الحلو..
من الاخر كل ابداع جاء بسبب البعد الخامس اللى هو النظرة المختلفة للأشياء ..

أى حد عبقرى مابقاش عبقرى عشان هو اتولد عبقرى لكنه أصبح عبقرى لما شاف البعد الخامس لاى حاجة فى الدنيا وهو ده طريقك للعبقرية فكتب المدرسة ومن بعدها ملازم الجامعة لاتصنع العبقرية بل على العكس تصنع الغباء والدهولة وتضع على باب أجدعها خيال شمع أحمر حكومى من النوع الروسى اللى يقفل وما يفتحش تانى ,

أديسون بتاع المصباح الكهربائى كان بيسقط فى المدرسة بس ده مش سبب عشان تسقط لانه كان عبقرى اكتشف البعد الخامس فى ملف التانجستين وعمل اللمبة يعنى هو المسئول عن النور اللى احنا فيه دلوقتى وعشان تبقى زيه لازم تتجرد من أى حاجة تعيق خيالك أترك لخيالك العنان ماتفكرش زى الناس العادية حتى لاتصبح مثل الملايين من البشر من دخلوا الدنيا وخرجوا منها دون أن يتركوا ما يتذكرهم العالم به .

بص للدنيا من الناحية التانية ـ مش ظهرها يافالح ـ اتفرج على الناس فى الشارع ـ استلهم من الدنيا عبقريتك لاتترك الامور تمر من أمامك دون أن تفحص وتمحص وتنظر فكل المشاهد أمامك تدعوك لتخرج العبقرية منها ليستمتع الناس بها.

ليه الارض كروية؟!طب ليه الوقت ما بيرجعش؟! ليه الناس بتصحى بالنهار وبتنام بالليل ليه مش العكس؟! اتمرد.. أرفض ممكن الناس تكرهك.. كل العظماء كانوا كده ممكن الناس تبعد عنك وهم يعنى كانوا نفعوا مين؟! اسعى دايما للتفرد وخليك متأكد ان الناس اللى كرهتك هترجع تحبك وكل اللى نبذك هيتمنى يتصور معاك ساعتها ابقى طنش أو وافق أو حتى أرفض واشخط من حقك ما أنت بقيت عبقرى كل ده بسبب البعد الخامس بسبب نظرتك الغريبة والثاقبة للاشياء لو كنت طالب ماترضاش بالقوانين زى ماهى جادل وناقش كل القوانين تقريبا كانت غلط واتصححت ماعدا القوانين الالهية هى القوانين الثابتة.

ارفض الحب التقليدى دور على البعد الخامس فى الحب.. دور فى حبك على حاجة جديدة تخليك واحد تانى غير كل اللى حبوا قبلك روميو طلع شجرة لجولييت .. عنتر جاب النوق الحمر لعبلة والناس فضلت فاكراهم أما الناس التانية الرباعية الابعاد فخلاص اتنسوا ومحدش فاكرهم ومحدش هيفتكرهم لانهم ما فكروش فى الدنيا صح .

...

جميلة اوى دى


فكر بالبعد الخامس

ممممممممممممممممممممممممممممممممممم

موضوع ممتاز فعلا و مقالة رائعة

موضوع رائع جدا

جميل اوى

بس فى ناس معندهاش القدرة انها تبص للبعد الخامس وحدها ..يمكن عايزين حد يوجههم

يعنى الواحد يبقي نفسه فعلا يبقي متفرد ويضع بصمته على الاشياء بحيث مجرد ان حد يقولى طيب ليه ماتعمليش كذا؟ مثلا
تلاقيني عملتها علطول واقدر عليها بس ينقصنى بس انى مش شايفاها

وشكرا

المقالة رائعة




ماهو علشان يبقى ليكى بصمتك انتى لازم اللى تفكرى وتجربى مرة تلاقى نفسك عكيتى الدنيا و مرة تلاقى نفسك عملتى حاجة بسطتك وبسطت اللى حواليكى

ممممممممممممممممممممممممممممم



مبحبش الرياضه

بجد مبسوطة اوى بمشاركاتكو وفى ناس كمان صيدلة وعلوم واعلام



ماشاء الله


بس ياترى هنحاول نفكر بالبعد الخامس

موضوع جامد جدا

و الله يا اخت كات موضوع جميل جدا

و بموت فى نيوتن

حد يجيبلى نيوتن ماليش دعوة !!!



انا ساعات بشوف حاجات بالبعد الخامس

بجد مش بهظر

هى ممكن تبقى حاجات فى نظر الناس بتبقى تافهة

بس انا ببقى شايف انها حاجة حلوة ان الواحد دايما يفكر فى كل حاجة و ميبقاش مجرد متلقى

بجد موضوع رائع جدا



ممتاز




وخصوصا الحتة بتاعة الحب دى



فعلا قفلتى بيها الكلام صح



برافو عليكى وعلى طريقة عرضك



وكمان القفلة اللى فى الاخر دى علشان تثبت كل اللى قولتيه


مع ان هو مش محتاج لأنه كلام رائع





طيب مش تعلمينا يا كات؟؟؟



ههههههههههههههه



بجد رائع


انا فعلا كنت كده زمان نظام خالف تعرف علشان اوصل لحقيقة الامر وما زلت فيا حتة من ده


بس للاسف كله رااااااااااااح


الحمد لله

جزاكى الله كل خير



ربنا يكرمك

نفكر فى البعد الخامس و نلاقى البعد الخامس فى عقولنا و حياتنا

و برده فى عقول و حياة ناس

ولكن مين الناس و مين أحنا ؟


هوه ده السؤال


حد فاهم حاجه

أكيد محدش فاهم لأن ده تفكير بالبعد الخامس

موضوع جميل جزاكى الله كل خير
والاجابة انا مش خماسى الابعاد

وبعدين روميو طلع الشجرة عشان كانت سكنة فوووق وملقاش سلم ، الظروف من حواليه كانت كده
وبرضه عنترة مفكرش في النوق النعمان دول أبو عبلة هوه اللي طلبها عشان يطفشه

بس موضوع حلو ، كان عاوز امثله اكتررررررررر

وبالتوفيق

طيب ممكن حضرتك تقولنا امثلة اكتر