أعانكم الله
إيييييييه .. أيام السيوتكس دي كانت مأساة
بس شكله موضوع حلو

طيب هو ممكن انا ابقي موجود

اتابع يعني معاكوا؟

هو الموضوع ده هدفه :
1- الترحيب بالأعضاء الجدد ... لأن في الفترة الأخيرة دخل كزه عضو جديد .. ومرحبناش بيهم
2- توضيح ضوابط الكتابة - قوانين المنتدى وايه المسموح بيه وايه الممنوع - دور كل ساحة وأهميتها - الرتب الادارية في المنتدى ( دخلنا في السياسه كده )
3- الاجابة على الاستفسارات التي تدور بداخل عقل كل عضو ( والمرحلة دي مرينا بيها كلنا )
----- ومن ضمن الاسئلة اللي بتدور في ذهن اي حد مثلا :-
هو ليه الناس مش بترد على مواضيعي ؟ ( انا بيدور في ذهني السؤال ده لحد دلوقتي اصلا )
طيب هل انا اكتب في ساحة صيدلة ولا اخرج بره ؟
هل انا مسموحلي ابعت رسايل خاصه دلوقتي ؟ وازاي اغير الصورة الرمزيه ؟ وازاي اعمل توقيع ؟
هل
هل
هل

ايه ده انا علقت ولا ايه ؟؟



كونوا معنا
بس ايه رأيكو في اسم الموضوع

جامد صح ؟؟

ده إكسيكلوسيف
سيف مين ؟؟


حم حم

عذرا للتهييس
فهذا من أثر الشيت
وما زلنا ننتظر أثر شيت الغد ( اقفل بقك وانت بتضحك لو سمحت )




إبقوا معنا

وعليكم السلام

جزاك الله الجنة ياحمزة على الموضوع الرائع ده

جزاك الله خيراً

فعلاً اسم الموضوع جامد

فعلا شكله موضوع حلو

الشتات بتاع الاسبوع دا خلصت خلاص


عاوزين التكملة

فظييييييييييييييييع

يا عم .. ايه الاسماء دى ..

ربنا يوفقك فى الموضوع ده ..

أعانكم الله

أول ما بتخش الساحة وتدوس كلمة تسجيل بيروح طالعلك قايمة محدش بيقراها خالص ( بس بيقولو انها مهمه عشان دي فيها قوانين المنتدى )

أولا : قوانين المنتدى :
( )


بيقولك ايه بقى يا سيدي :


1- يراعى في اختيار اسم العضو أن يكون منسجما مع الذوق العام، وأن لا يحمل أية دلالات تثير مشاعر الآخرين وأن لايعبر عن إساءة للدين الإسلامي أوالديانات الأخرى ... ويُفضَّل أن يكون مفهوماً وذا معنى. ( وأنا بقولك ياريت يكون إسمك قصير عشان احنا منتخنقش منك من أولها )

2- يمنع التسجيل في الساحة بأكثر من عضوية للشخص الواحد، ( مين ...فين ؟؟)ويستثنى من هذا الأمر بعض العضويات التي تسمح بها إدارة المنتدى كالتي قد تستخدم للكتابة بإسم الحملات التي يقوم بها بعض الأعضاء في المنتدى.

3- لا يسمح للعضو أو العضوة بوضع صورته الشخصية في مشاركة أوفي الصورة الرمزية أو التوقيع.


4- يمنع منعا باتا وضع الإيميل الإلكتروني أو رقم التليفون، أو أي من وسائل الاتصالات في أي مشاركة، أو في التوقيع، و يحق للمراقب حذفها فورا ويستثنى من ذلك ايميلات وأرقام تليفونات الحملات بعد استئذان الإدارة .

5- يمنع تماما وضع أي صور تخالف الذوق والتعاليم الاسلامية والطابع الاسلامى للمنتدى في التوقيع أو الصورة الرمزية. مثل وضع صور المغنيات أو ما يجري مجراها.

6- يمكن مراسلة الأعضاء على إيميلهم الشخصي من خلال الملف الشخصي للعضو إذا كان العضو المراد مراسلته قد أتاح هذه الخاصية للأعضاء، كما يمكن للعضو حجب إيميله فلا يسمح للأعضاء بمراسلته عليه إذا أراد. مع التنبيه على أن أي استغلال سيء لهذه الخاصية سيتم التعامل معه من جانب إدارة المنتدى بكل حزم .

7- يراعى عدم إلحاق صور أو ملفات أو توقيع كبير الحجم مما قد يبطئ من سرعة التحميل، وكذلك ينبغي ألا يزيد التوقيع أو الصور التي توضع فيه عن المساحة المسموح بها في التوقيع مما قد يخل بإعدادات المنتدى.

8- في حالة نسيان "كلمة المرور" يمكن اتباع خطوات "نسيت الباسوورد" المبينة في هذا الرابط.

ثالثا: شروط كتابة موضوعات جديدة: ( متعرفش فين ثانيا ... نسيوها تقريبا )

1- أن يكون عنوان الموضوع معبرا وليس مثيرا للفضول فحسب...

2- وضع الموضوع في الباب المخصص له لتوفير جهد المشرف في نقل المواضيع و أي موضوع سيتم وضعه فى غير الباب المخصص له سيتم نقله الى مكانه المناسب ...( قانون تعبان ... نفضله )

3- على العضو مراعاة عدم تكرار موضوعات سبق طرحها في نفس المنتدى بقدر الإمكان.

4- جميع الموضوعات والمشاركات والتواقيع التي يكتبها الأعضاء لإعلان انسحابهم من المنتدى يتم حذفها من قبل المراقبين أو الإدارة مع الرجوع للعضو إن أمكن وتترك الحرية للمراقب أو المشرف في ذلك حفاظا على الروح العامة في المنتدى.

5- أي موضوعات يكون الغرض منها الشكوى أو التظلم أو الاعتراض ضد أحد الأعضاء أو الإدارة يتم كتابتها في الساحة المخصصة لذلك وهي ساحة "الشكاوى والتظلمات"، وإذا تم فتح موضوعات من هذا القبيل في ساحات أخرى غير هذه الساحة فإنه يتم نقلها إلى ساحة "الشكاوى والتظلمات" مع الرجوع للعضو إن أمكن ذلك.

6- يمنع منعاً باتاً فتح أي موضوع أو كتابة مشاركات للترويج لمن يتخذون العنف المسلح وسيلة للتغير ( بن لادن ) ، ونشر أخبار تلك العمليات أو تفصيلاتها أو مشاهد منها على سبيل الترويج لها أو الإشادة بها ، ويستثنى من ذلك عمليات المقاومة ضد الاحتلال في الأراضي الإسلامية المحتلة فحسب( اه كده ماشي ) ، وأي موضوعات من هذا الشكل الترويجي سيتم حذفها فوراً مع الرجوع للعضو إن أمكن ذلك..

7- تمنع الموضوعات التي تتناول الخلافات الطائفية والعرقية العقيمة التي تؤدي لإثارة الفتن، ولا يمنع ذلك مناقشة مشاكل الأقليات وحقوقهم بأسلوب هادئ وحكيم.. علما بأنه سيتم حذف أي موضوع أو مداخلة يرى المشرفون أنها قد تسبب مشاحنات بين الأعضاء.. ولإدارة المنتدى الحق في إغلاق أي موضوع ترى أنه قد يسيء لسمعة المنتدى مع الرجوع للعضو إن أمكن ذلك ،كما أن المنتدى ليس محلاً للتوسع في النقاشات العقائدية ومناظرة الأديان.

8- الموضوعات أو المشاركات التي يتم فتحها لتحديد مقابلات بين الأعضاء والعضوات سيتم حذفها فورا دون الرجوع لأصحابها عدا المقابلات الهادفة التي ينبي عليها عمل جاد بعد استئذان الإدارة .

9- في حال اتفاق المراقبين بأغلبية المشاركين في التصويت بإغلاق موضوع ما، فإنه يتم إغلاقه حتى لو لم تكن هناك مخالفة واضحة في هذا الموضوع مع وجود مبررات قوية لغلقه .

رابعا: شروط المشاركة في الموضوعات:


1- يمنع منعاً باتاً الإساءة للدين الإسلامي الحنيف، والأنبياء والرسل والصحابة وأمهات المؤمنين وعلماء المسلمين والمذاهب الإسلامية، والديانات السماوية الأخرى ، كما يمنع الترويج للبدع ومعتقدات الفرق الضالة أو الدعوة لها.


2- يمنع بشكل خاص إهانة أو مهاجمة العلماء أو الدعاة أو التصيد لأخطائهم ومحاولة التشكيك في نواياهم، ولا يمنع هذا من مناقشة أطروحاتهم ونقدها نقدا موضوعيا وبناءا ً مع مراعاة ثقل العلماء والدعاة ومكانتهم عند الله عز وجل وعند عامة الناس.


3- في المسائل الفقهية الخلافية يحق للأعضاء "البيان" ولا يحق لهم "الإنكار"، فلا ينكر أحد على أحد ولا يشنع عليه، طالما أن المسألة محل خلاف بين العلماء الثقات.


4- عدم الخوض في مهاترات سياسية وشتائم وعدم الإساءة إلى أي دولة عربية أو إسلامية شقيقة أو دولة صديقة أو التعرض إلى الشخصيات العامة بصورة تهين حياتهم الخاصة.. على أن يكون التركيز على النقد البناء ومحاربة السلبيات بأسلوب واعٍ ورشيد.


5- الاختلاف في الرأي لا يفسد للود قضية، وعلى الأعضاء احترام الرأي الآخر وإن كان لا يتفق مع رأيه، وينبغي عدم الإساءة إلى الغير أو استخدام الكلمات الجارحة أو الألفاظ المؤذية؛ بل لابد من وجود الصلة والترابط بين الأعضاء والبعد عن الهجوم على ذات العضو ويجب التركيز فقط على نقد الفكرة مجردة عن كاتبها.


6- الالتزام ثم الالتزام ثم الالتزام بعدم الخروج عن مسار الموضوع... كأن تتحول المشاركات في موضوع ما إلى السلام على فلان وعلان و تبادل التحيات والسلامات والمناظرات خارج الموضوع
( ده اللي احنا كلنا بنعمله ).. وأية مشاركات من شأنها تغيير مجرى الحوار في أي موضوع فإنه يحق للمراقبين حذفها على الفور مع الرجوع للعضو إن أمكن ذلك.


7- يراعى التأكد والتثبت من صحة الأخبار التي ينقلها العضو إلى المنتدى، ويحق للمراقب في هذه الحالة أن يحذف أو يعدل أو ينقل أويغلق أي موضوع أو رد لا يتماشى مع القوانين المرعية ومع سياسة الموقع - وذلك بدون موافقة العضو - حتى لا يكون المنتدى مصدرا لنقل الإشاعات.


8- عند النقل من منتديات أو مصادر أخرى على العضو أن يذكر المصدر وكاتب الموضوع الأصلي وفي حال التأكد من أن الموضوع لا يخص العضو فإن من حق المشرف حذفه أو تعديله مع الرجوع للعضو إن أمكن ذلك الذي نقل الموضوع.


9-
أ- يمنع الترويج الدعائي والإعلاني لمواقع أو خدمات أو مسابقات ربحية أو أرقام اتصال إنترنت معينة، ويستثنى من ذلك المواقع الخيرية وغير التجارية..وتستأذن الإدارة ويترك للمشرف تقدير الموقف .

ب- لا يسمح في المنتدى بالدعاية للمواقع والمنتديات الأخرى بأي شكل من الأشكال ويحق لإدارة الموقع حذفها فورا مع الرجوع للعضو إن أمكن ذلك وللمشرفين تقدير الموقف.


10- يمنع نقل أي خلافات من منتديات أخرى، وأي أعضاء لديهم خلافات في منتديات أخرى، يمنع مناقشتها هنا، وسيتم حذفها فورا مع الرجوع للعضو إن أمكن ذلك.


11- يراعى عدم الخروج عن الروح الأساسية للموضوع والتحول لنقد ردود المشاركين إلا إذا كان ذلك في سياق خدمة الموضوع..


12- عدم عرض الصور المخالفة للتشاريع الإسلامية وتقاليد المجتمع( متعرفش كلمة تشاريع دي جابوها منين بقى ... جمع تكثير تقريبا بس مخترع حديثا )، والبعد عن الكلام البذيء والموضوعات المثيرة للغرائز.


13- يراعى في الحديث بين الجنسين في المنتدى أن يكون راقيا غير مبتذل، يبتعد عن الإسفاف والابتذال والخضوع بالقول وأن ينسجم مع الذوق العام والآداب الإسلامية.


خامسا: تعليمات خاصة ببعض الساحات:


1- ساحة "4 بنات" المفتوحة لا يحق إلا للإناث فقط المشاركة فيها.. وساحة "4 بنات" المغلقة يحظر على الذكور دخولها أو الإطلاع عليها أو المشاركة فيها، وللحصول على كلمة السر الخاصة بها يمكن للعضوات الجديدات الاتصال بمراقبة الساحة للحصول عليها، مع التنبيه على أنها أمانة ينبغي الحفاظ عليها بين العضوات فقط.


2- يسمح في ساحة "كلام في السياسة" بمزيد من الحرية والجرأة في نقد الآراء والرؤى والأطروحات السياسية للأشخاص أو الهيئات أو الجماعات أو الحكومات أو الدول ما دام هذا النقد لم يتجاوز حدود النقد السياسي المحترم والبناء ، وما دام يراعي الآداب الإسلامية والذوق العام والبعد عن المهاترات التي لا فائدة من وراءها.


3- ساحة "التظلمات والشكاوى" هي ساحة للتظلم من قرارات الإدارة أو تقديم الشكاوى ضد المشرفين أو المراقبين أو الأعضاء. ( الساحة دي صديقة الأعضاء من حقك تقول فيها اللي انت عاوزه ومن حق الاداره تعمل اللي هي عايزاه )

-في حال كانت الشكوى بين عضوين أو أكثر من أعضاء المنتدى فإنه لا يسمح بتاتا لأي أعضاء آخرين بالتدخل في النقاش وطرح وجهات النظر، وتقتصر المشاركة في الموضوع على الأعضاء (أصحاب الشكوى والمشكو منهم) وعلى المراقبين والمشرفين فقط إلى أن يتم اتخاذ قرار في التظلم أو الشكوى.

-في حال كانت الشكوى ضد تصرفات رقابية أو قرارات من الإدارة أو ضد مراقب أو مشرف معين ففي هذه الحالات فقط يجوز للأعضاء المشاركة برأيهم في الموضوع.


4- ساحة "سعدون طالب مطحون" هي ساحة الترويح عن النفس بمواقف وطرائف ويسمح فيها بشكل أكبر من المزاح والمرح مادام في حدود اللائق والمسموح ، ولا يسمح بذلك بشكل زائد في باقي الساحات.


5- ساحة "مالتيميديا كل الطلبة" يسمح فيها بإدراج الأناشيد الهادفة التي تتفق وروح ومبادئ ديننا الحنيف، ولا يسمح في هذه الساحة بفتح أو مناقشة الموضوعات المتعلقة بأحكام استخدام الموسيقا، وساحة "رياض الجنة" بها متسع لفتح ومناقشة هذه الموضوعات مع التزام آداب الحوار والبعد عن التعصب وتسفيه الآراء، ويحق لمراقب الساحة حذف الموضوعات أو المشاركات التي تناقش هذا الأمر مع الرجوع للعضو إن أمكن ذلك.


6- ساحة "إعلانات الإدارة" هي ساحة مخصصة لإعلان ما يتم التوصل إليه من قوانين وقرارات وإعلانات وعقوبات وتعديلات من جانب إدارة المنتدى. ويعتبر نشر أي إعلان في هذه الساحة من جانب الإدارة بمثابة إعلان عنه، ولا يتم التماس أي عذر لأي عضو بحجة عدم معرفته بالإعلان؛ لذلك يجب على الأعضاء متابعة ما يستجد من إعلانات في هذه الساحة أولا بأول.


7- ساحات الكليات: يسمح فيها بتنوع في الموضوعات حتى وان كانت غير مختصة بالدراسة، وان كان يُحبَّذ أن تتم كتابة الموضوعات في أبوابها المتخصصة لتعُمَّ الفائدة على كل الأعضاء.


سادسا: تعليمات عامة:


1- أي قرارات متعلقة بالساحة يتم اتخاذها بمعرفة الإدارة والاستعانة بفريق المراقبين والذي يتم انتخابه دوريا، مع الاحتفاظ بحق الأعضاء في الاقتراح والتعديل دون إلزام للإدارة بتنفيذ الاقتراح.


2- أي مخالفة لقواعد اتفاقية الاستخدام أو أي بند من بنودها المكتوبة سابقا، يتم التعامل معها وفق قانون المخالفات، ويمكن الإطلاع عليه من خلال الرابط التالي:


3- قرارات الإدارة ممثلة في المشرفين نافذة ولا يسمح بالاعتراض عليها أو التظلم منها إلا من خلال ساحة "التظلمات والشكاوى".


4- الرسائل الخاصة ورسائل البريد ـ إذا أتاحها العضو لباقي الأعضاء ـ في المنتدى هما وسيلتان للاتصال بين المشاركين في الساحة (أعضاء ومراقبين وإدارة) إذا كان الأمر يقتضي عدم الرجوع للساحات العامة، ويحق لأحد المشرفين مطالعة الرسائل الخاصة أو رسائل البريد في حال وجود شكوى ضد أحد الأعضاء بأنه يستغلها استغلالا سيئا، وفي حال ثبوت استغلال أي عضو لهذه الخواص استغلالا سيئا فإنه يتم التعامل معه وفق قانون المخالفات في هذه الأمور.

5- لا يسمح لعضو باستخدام خاصية الرسائل الخاصة قبل أن يتجاوز 50 مشاركة ويسمح له بمراسلة الادارة والمراقبين فقط .

6- لإدارة المنتدى الحق في اتخاذ كافة الإجراءات التي تراها مناسبة في حال الإخلال بأحد هذه الشروط، وكذلك لها الحق في إضافة أية شروط جديدة تراها مناسبة والاستمرار في العضوية يعتبر بمثابة الموافقة على كافة التعديلات.


7- كل الإجراءات التي يقوم بها المشرفون أو فريق المراقبين دون الرجوع للأعضاء (كغلق الموضوعات أو نقلها أو حذفها أو تعديلها أو تحرير المشاركات المخالفة بها... إلخ) يُفضَّل بالطبع ـ ولا يلزم ـ أن يقوم المراقب أو المشرف بإعلام العضو بالتعديل أو الإجراء الذي تم اتخاذه في موضوعاته أو مشاركاته وتوضيح سبب هذا الإجراء.
( بلطجه يعني )

8- هذه ما هي إلا مجموعة قوانين، لكن ضميرنا هو قانوننا الأكبر، فنرجو أن يكون التعامل بين الأعضاء بحب مودة.. وأي ملاحظات يمكن إرسالها للإدارة للنقاش بشأنها.. ونحن نرحب بذلك.


9- بعد تفضلكم بالموافقة الكريمة على هذه الشروط نرحب بك عضوا جديدا بين جنبات منتدى "كل الطلبة"، ونتمنى أن يكون تسجيلك واشتراكك في هذا المنتدى إضافة جديدة ومتميزة للمنتدى.

wow

God bless you

دي حاجة صعبة اوى
علي العموم جزاكم الله خيرا

جزاك الله خيراً

أدينا بنتعلم

السلام عليكم ورحمة الله وبركاته..

اولا انا بشكركم علي ترحيبكم بينا
ثانيا جزاكم الله خيرا علي هذه المعلومات المفيده

وانا لسه عضوه جديدة معاكم ( رحبوا بيه بقي )

وان شاء الله استفيد معاكم هنا (وبرده احاول افيدكم بخبراتي )

مرحبا بحضرتك يا دكتوره
وفقك الله





اهلا بحضرتك يافندم
وربنا يوفقك



---------
عايز اقول للاعضاء الجداد ان الموقع ده لولاه كنت ممكن ابقى شخص تاني خالص
كنت هابقى اسوء طبعا
بجد مهم جدا ونقطة قوة يجب الاستفاده منها في صالح كل الطلبه

وطبعا بردو النت ده اصلا سلاح ذو حدين
اذا مااأحسناش استخدامه واذا مضيعناش عليه وقت



وعايز اقول للاعضاء الجداد في صيدله
انا حاسس ان هيبقوا اشخاص كويسين ان شاء الله
ويبقى ليهم تأثير في الواقع وفي الموقع
وبداياتهم ماشاء الله تبين انهم ناس كويسين وافاضل



-------
محدش يعرف أختنا لؤلؤة الرحمن منقطعه عن السايت ليه ؟

إن شاء الله هنشرح دلوقتي الجزء ده في الحته بتاعت إضافة رد ( على حد علمي وامكانياتي طبعا )





خانة ( نوع الخط ) و ( الحجم ) معروفين مفيهومش مشاكل
ننزل في الصف التاني بقى
ده بيخلي الخط BOLD


ده بيخلي الخط italic مائل يعني

الكلام تحته خط

الكلام الخط في نصفه

لإخفاء النص اللي انا كاتبه .... ورؤيته مسموحه فقط للي يكتب رد بعدي


ألوان الخطوط .... أدوس عليه وبعدين هيطلعلي الوان كتيره اختار منها

إضافة رابط ... وده عباره عن لو كنت عاوز احط لينك لموقع تاني .. هدوس على الزرار ده وبعدين انقل العنوان بتاع الموقع التاني من address bar اللي عندي واحطه هنا ... هيظهر خانه تانيه تسألك عن اسم اللينك او وصفه ....


اضافة بريد الكتروني وده زي الحركه بتاعت اضافه رابط . نفس الخطوات ... بس دي مش عشان نحط ايميلاتنا بل عشان ده ممنوع اصلا .... متهيألي عشان الحاجات الخيريه او العامه ... زي ايميل الرئيس مثلا

إضافة صوره ( ادخلوا على المشاركه دي لو عاوزين تعرفوا ازاي اضافه الصورة )
http://www.alltalaba.com/board/index.php?s...t&p=1152266



ملحوظه :
عشان أطبق الحاجه اللي عاوزها على كلام معين
أعلم على الكلام ده بالماوس وبعدين ادوس عالحاجه اللي انا عاوزها ... زي الخطوات اللي في الصوره كده :




http://www.alltalaba.com/board/style_image...mages/quote.gif إقتباس ( نقل كلام الاخرين في مربع لوحده عشان يبان من كلامك ..وترد عليه بعديها )
ةده انت بتاخد الكلام المقتبس من كلام الاخرين كوبي وتحطه بيست وتعلم عليه بالماوس وبعدين تدوس على الزرار ده

ملحوظه : هتلاقي بعد كل مشاركة المربع ده وده لسه في الموضوع مش في الرد


وده بيقتبس الكلام اللي في المشاركه كلها لما تدوس عليه .... ولما تدوس اضافة رد بيبان لك الكلام اللي انت اقتبسته بين اكواد الاقتباس
ولما بتدوس عليه لازم تتأكد انه شكله اتغير الى الشكل ده
دوس عليه واستنى وهو هيتغير


ازرار الاكواد وتنسيق الكلام هكملها المره الجايه
في امان الله



لو الناس عايزه تسأل عن أي حاجه تيجي تسألها هنا عشان الموضوع ده معمول عشان كده
وكل الاعضاء القدامى تحت امركم ان شاء الله

جميل اوى ما شاء الله
الموضوع ده المفروض انه يتحط فى الشريط


جزاكم الله خيرا على المجهود ده

السلام عليكم ورحمة الله وبركاته
معلومات مفيدة جدا وكمان حاجات كتيرة ما كونتش اعرفها عرفتها من الموضوع الجميل ده


و ان شاء الله نستفيد اكتر

جزاك الله كل خير

جزانا واياكم اختنا البتول
صيدلة نورت بتشريفكم


الحمد لله ان في ناس بتستفيد اهوه
كنت فاقد الامل
مرحبا بحضرتك dr-lolo

امل ايه ياحمزة اللى هاتفقده؟؟؟


الموضوع ده يابنى جامد طحححححححححن

جزاك ربى الجنة

جميل اوى ما شاء الله

السلام عليكم

ما شاء الله

ده موضوع جامد فحت ردم طحن دعك

ما شاء الله

موضوع حامد طحن



142 مشاركه وجديده

عيني علي

قعدت ادور عليه لحد لما لقيته اخيرا

الموضوع ده ما شاء الله كويس جدا للناس الجديده والقديمه

يعني بفكركم بيه عشان كان عاجبني

جزاك الله خير يادكتور
انك بتطلعلنا مواضيع من تحت الانقاض كده


موضوع جميل جدا
قصدى مفيد طحن
جامد جامد يعنى


اه
نسيت اقول جزاك الله خيرا يادكتور حمزه ع موضوعك



بس انا برضه عايزه ترحيب كتير
ايون انا لسه جديده

يالا
رحبو والا



نسيت تانى

بتاعت اقتباس دى مش بتعمل معايا خالص


مش عارفه اذا كنت بقى مش بستناها ولا هيا اللى عبيطه كده

اهلا بيكى يا ستى


و بعدين انتى كدا زميله كفاح

فكرتينى بمعاناتى مع الاقتباس


اسهل حاجة حقولهاك


على فكرة اللى وضحالى زمااان بالصور او قالهالى د حسين


بس انا حطورهالك شويه


الكلام اللى عاوزة تعمليلة اقتباس

خدى منة كوبى

و بعد كدا باست

ثم

ظلليه

ثم

دى الخطوة المهمة


شايفه الرموز اللى فوق دى

اختارى الرمز دا



و اضغطى عليه

بس كدا

ورينى بقى الشغل

ياااااااااااااااه
اخيرا هعرف اعمل اقتباس

عاوزة اشوف اقتباس ورينى كدا بجد علشان اطمن

اى حاجة كتجربة

و مش مشكله ه يا د حسين ممكن تحذف مشركتى دى

( يعنى علشان الموضوع ميطلعش لحاجات جانبيه )

مبروك

الله يبارك ف حضرتك



وشكرا ياريزونانس
ربنا يخليكى ليا وللمنتدى كله

طيب

ازاي اعمل عدد كبير من الاقتباسات في وقت واحد


هفضل اطلع اعمل كوبي وبيست

وادخل احطها في الرد

ولا اعمل ايه

مبررررررررروك



لايت
يه الاحراج دا بس




ايوة يا ستى انا بعمل كذا كوبى


لو حد عندة فكرة احسن يقول

ايه الشغل الجامد ده

الموضوع ده مش متثبت ليه ؟؟

انا أطالب بتثبيته

مش هتكمل يا دكتور حسين

عاوزين بقيت الحاجات الكتير ده نعرف ايه فايدتها ( رغم اني عارف اغلبيتهم )

مبروك عقبال عمل موضوع

انت يا عم يا بتاع طب

روح كليتك بدل ما اشردك