سفينة النجاة ....!!!!
نعم أين هى لنلحق بها ؟؟
ماأحوجنا إلى ان نركب على متنها ...ونكون من أهلها ..وندعوا الناس إلى ركوبها ..
يقول النبى صلى الله عليه سلم :" (مثل القائم على حدود الله والواقع فيها كمثل قوم استهموا على سفينة -أي: ضربوا قرعة من الذي يسكن أعلى السفينة، ومن الذي يسكن في قاعها- فأصاب بعضهم أعلاها، وأصاب بعضهم أسفلها، فكان الذين في أسفلها إذا استقوا من الماء مروا على من فوقهم، فقالوا: لو أنا خرقنا في نصيبنا خرقاً ولم نؤذِ من فوقنا، فإن تركوهم وما أرادوا هلكوا وهلكوا جميعاً، وإن أخذوا على أيديهم نجوا ونجوا جميعاً).
ما أحوج الشباب اليوم إلى كلمة طيبة ..يتعلق بها ...ويعمل بها ويتذكر الله بها
ماأحوجنا جميعا إلى صحبة صالحة صادقة ....تنير لنا الطريق ...وتضىء لنا الدرب ...وتأخذ بأيدينا إلى بر الأمان
لاأريد أن أكثر فى الكلام
طيب
دلوقتى الموضوع ياشباب ....باب كبيرمن أبواب الخير ان شاء الله هنتفق عليه ومنتظر كل الناس تشارك فعلا
الموضوع ده مش كلام ...ورغى ووعظ بقدر ماهو عملى وتطبقيى وميدانى من الدرجة الاولى
الموضوع محتاج همم عالية ...ونفوس لاتمل ولاتكل ...ولاتيأس ...لأنها تبغى وجه الله تعالى
الموضوع اننا هنتفق كل اسبوع على موضوع معين أو ظاهرة معينة أو عادة أو سلوك خاطىء موجود فى كليتنا
وهناخد واجب عملى مافيش غيره مطلوب مننا
مثال للتوضيح :
لو اتفقنا على موضوع زى التدخين
يبقى واجب عملى ان كل واحد من المشتركين فى المشروع ...
هينصح واحد فى الكلية أيا كان صديقه ....زميله ..واحد واقف فى ساحة الكلية ماتعرفهوش
ويدعوه لترك هذا الأمر - طبعا بالحكمة والموعظة الحسنة- مبينا له أثره ونتائجه السلبية ...ويبين له ان هذا الأمر لايرضى الله عز
وجل ....
أعتقد ان الموضوع ممكن ماياخدش 5 أو 10 دقائق من كل واحد فى الأسبوع ...لكن طبعا ثواب منتخيلهوش فعلا ياخواننا
لأن دى اشرف الكلمات وأشرف الرسالات ...وهى الدعوة إلى الله
وهناك من الأحاديث والآيات الكثير والكثير
يكفينى هذه الآيه
يقول الله عز وجل :"ومن [u]أحسن قولا ممن دعا إلى الله وعمل صالحا وقال إننى من المسلمين "[/u]
أنا بس هحكى موقف حصل ليا أثر فيا أوى وحسيت أد ايه الواحد ....ادامه خير كتير وساعات كتير يكسل أو يستصعب الأمر
كنت ماشى انا و4 أصحابى ...وكنا بنتمشى مع بعض لمدة كبيرة....المهم اتفقنا اننا واحنا
ماشيين هندعو 10 أشخاص فى طريقنا إلى ترك التدخين ...وقسمنا نفسنا مجموعتين علشان الناس ما تتخضش..
المهم
أحدهم كان شيخا يتراوح سنه مابين ال 60 إلى ال 70 سنة
وكان رجلا بسيطا يسر فى الطريق ...وبييده سيجارة...ويرتدى جلبابا وطاقية
والله ياخواننا بمجرد ما بدأت أن وصديقى معاه الكلام ....ومالحقناش نكمل ....الراجل رمى السيجارة وداس عليها
وقعد يقولنا انه بيكرهها وفعلا عاروز يبطلها ...وانتو زى ولادى ...وانا مش عارف أقولكم ايه ...ادعولى ربنا يتوب عليا
ادعولى ....ادعولى ...أوعدكم أنى هبطلها ...وانا مكسوف من نفسى و و و و
وكلام تانى كتير
انا وصديقى تمالكنا عبراتنا وأكملنا السير وإحنا فعلا هنعيط من الموقف ...وأد ايه الناس محتاجة بس تذكرة أبسط من البساطة
الناس عارفة الصح من الغلط....لكن محتاجة حد ياخد بإيدها .....محتاجة قلوب رحيمة تشفق عليها ...تحب لها الخير
كما تحبه لنفسها ....الناس لاتحتاج إلى ملتزما أنانيا لايحب إلا نفسه ولا يلقى السلام إلا على غيره من الملتزمين ...
الموقف ده أثر فينا أوى...وحسينا أد ايه ناس كتير حوالينا محتاجين ل كلمة تطلع من القلب تحمل الحب قبل أن تصل إلى اللسان
لتجد مكانها فى القلب ...فهى فى أصلها كلمة من القلب إلى القلب ....وان بدت فى ظاهرها أنها من اللسان إلى الأذن..
واحنا كلنا محتاجين قبل أى حاجة نذكر بعضنا دايما ...ثم نتعاون على أن نذكر من حولنا ..
علشان كده احنا هنا فى المشروع هنتعاون من باب وتعاونوا على البر والتقوى
اننا نتحرك سويا أسبوعيا فى موضوع هنحدده ....وكل واحد يكلم واحد من الكلية عن الموضوع ده
وده حد أدنى والموضوع مفتوح يعنى ممكن تكلم جروب أو شلة واقفة مع بعضها...أو تكلم أكتر من شخص
كل واحد وطاقته ....وحرصه على الثواب ....وأهم حاجة النية ...هنتكلم فيها المشاركة الجاية ان شاء الله
وفى ذلك فليتنافس المتنافسون
يلا مين هيركب معانا السفينة ويعلن اشتراكه فى المشروع؟؟؟
الاطار العام للمشروع هوضحه ان شاء الله فى المشاركة القادمة
آسف على الاطالة
جزاكم الله خيرا
![36_3_19[1].gif](http://www.alltalaba.com/board/style_emoticons/default/36_3_19[1].gif)
![36_1_22[1].gif](http://www.alltalaba.com/board/style_emoticons/default/36_1_22[1].gif)
![36_4_11[1].gif](http://www.alltalaba.com/board/style_emoticons/default/36_4_11[1].gif)
![36_1_50[1].gif](http://www.alltalaba.com/board/style_emoticons/default/36_1_50[1].gif)
...عن العمل الفردى..العشوائى 
