المساعدة - البحث - قائمة الأعضاء - التقويم
فى بيتنا ............
الساحة > قلوب بتطير > يـلا نحـــب بجـــد
1, 2, 3, 4, 5, 6, 7
أبو أنوس
27 Apr 2008, 05:45 PM
السلام عليكــم ورحمـة الله وبركاتــة ،،

أخوانى الاعزاء .... أولا أشهد الله أنى أحبكم جميعا فى الله


النهارده معانا موضوع جميل ..... بس مش قوى يعنى 36_2_35[1].gif

يعنى محتاج من كل منا وقفه للتفكير ثم وقفه أخرى لتجهيز الرد

ثم الرد فى النهايه ...................................

الموضوع لا يحتاج إلى مقدمات ... ولكن يحتاج إلى نقاش جاد نصل به فى النهايه

إلى حل واقعى .....

السؤال ....


كيف تنتهى قصة الحب فى الجامعه بعد التخرج ؟؟؟



هنفكر ونجاوب ............................


كثيرا منا يعجب بفتاه داخل مدرجه او كليته .... وكثير من الفتيات تعجب بشباب داخل الجامعه

منهم من يعترف للاخر بهذا الحب ... ومنهم من يكتم شعورة بداخله ويكتفى بالاعجاب الداخلى لانها

فتره لايؤخد فيها مثل هذه القرارت...... ويسمى بالحب من طرف واحد

ومنهم من يعترف للاخر بالحب ....... ولا يستطيع كتمانه داخله

وسؤدى إلى قصة حب ... كلنا يعلمها ... ولكن تختلف نهاية اقصه

فمنها من تنتهى بالجواز ونسبه لا تتعدى 5%

ومنها ملا تنتهى بذلك أذا يعود الشاب لى بلده والفتاه كذلك ولا يبقى اى رابط

....................

ومع العلم بأن كلاهما يعلم النهايه

إلا أنهما يظلان مرتبطان ببعضهما إلى وبأمل 5%

فلماذا ؟...........................

دعوة منى أبو أنوس ...... ومن دمعه حزن

للنقاش الجاد ..............


والوصول إلى حل ...... منتظرين

وسوف ندعكم .... بقصص واقعيه ... ومنتظرين مواقفكم ..


منتظرينكم
دمعه حزن
27 Apr 2008, 06:10 PM
السلام عليكــم ورحمـة الله وبركاتــة ،،

فى البدايه اهنئ انس على صياغته للموضوع بشكل جميل
واعتقد ان اكثر الطلبه او اغلبهم قد عاشو او شاهدو حلات كثيره بين شباب الجامعه

من قصص حب واعجاب وغيرها ولكن السؤال هنا ماموقف هذا الحب بعد التخرج
فهل سينجح ويستمر فيما بعد ذلك اما يكون مؤقت
فارجو من كل الاعضاء وبالاخص الذين يمرون بتجربه ما ان يدخل ويخبرنا هل سينجح الحب بعد التخرج وسيظل قائما
ام سينتهى بنهايه الدراسه

ياريت كل الاعضاء حتى لو لم يسبقو ان عاشو مثل هذه الحاله ان يشاركونا برأيهم ووجهه نظرهم



وجزاكم الله كل خير

حفيدة محمد
27 Apr 2008, 07:50 PM
كويس جدا وموضوع هام ولى عودة ان شاء الله بتعليق وقصص واقعية

جزيتم خيرا
ann115
27 Apr 2008, 08:54 PM
لا كتير اوى بينتهى بالخطوبة والزواج
بس كتير اوى بيبقى تسليه ومش بينتهى بحاجة
houssam2062006
27 Apr 2008, 09:19 PM
إقتباس(ann115 @ 27 Apr 2008, 11:54 PM) *
لا كتير اوى بينتهى بالخطوبة والزواج
بس كتير اوى بيبقى تسليه ومش بينتهى بحاجة



طبعا 99.9% لازم ينتهى هذا الحب الافلاطونى على الفراق والعذاب والخيانة عند او الطريق وعندما يظهر اى فرصه حلوه ليها اكيد هتنفضلك وتديلك الصابونها وتدور على حد جاهز


فى منك اللى مخالفنى فى الرائي لكن للاسف مجرب اكتر من ثلاثة مرات على التوالى لدرجة التاكد مما اقول


الحب فى الجامعة حب افلاطونى ليس له اى اساس من الصحه


الجامعة مكان للعلم مش مكان للحب عشان كده حبينا فى المكان الخطا

ولازم نفهم اننا رحنا الجامعة عشان نتعلم زى ماحنا جينا الدنيا عشان العباده لاينفع اننا نسيب التعلم ونروح حب والا ينفع اننا نسيب العباده ونروح ننشغل بالدنيا

ده رائي فى الموضوع ممكن يكون خطأ لكن المتاكد منه ان مفيش رائي خطأ كله والا رائي صح كله لازم هيكون فى اساس من الصحه ابحثو كما تريدو انا باه ورايا مزاكرة

مع السلامة
چـِنــــان
27 Apr 2008, 09:34 PM
موضوع حلو smile.gif

بس مش عارفه بصراحه ممكن ينتهى بأيه؟؟

ممكن ينتهى بجواز

ممكن المانع من اتمام الجواز مثلا

ان الطالب بيكون لسه مكونش نفسه وبالتالى لما يتقدم ممكن الاهل يرفضوه

فبيحاول ينسى وغير كده لسه قدامه وقت عقيال ميتخرج ويشتغل ويكون نفسه وسعتها ممكن يشوف واحده ويتقدم لها

مش هيعلق نفسه من جوه الجامعه

بسsmile.gif

منتظره سماع باقى الاعضاء
حفيدة محمد
28 Apr 2008, 02:50 AM
بسم الله الرحمن الرحيم

معرفش انا ليا رأى تانى خاااااااااااااااااالص

انا رأيى المشكلة مش فى الحب ولا فى المكان ولا فى الزمان

المشكلة فى الاشخاص


لو صادقين فى شعورهم لو عندهم صبر وشجاعة واصرار
لو بيخافوا يجرحوا مشاعر الاخرين اكتر من جرح مشاعر انفسهم

يبقى هينجح الحب وينتهى بالزواج

اما لو اى شرط من الشروط اللى فوق مكانتش متوافرة فى الاشخاص يبقى هيفشل مليون المية

بغض النظر بقى عن حب فى الجامعة والا على الانترنت والا بين ولاد الجيران او فى الشغل او على الرصيف


نييجى بقى نحسبها من نحية تانية

اه نسيت احط الالتزام بالشرع

لا منسيتش

نفرض ان الشروط توافرت

طيب الشخصين دول احتمال يعملوا حاجة من تلاتة

1- يلتزموا بالشرع بحذافيره وميقعش بينهم اى حاجة غير شرعية من اول النظرة فاللمسة الخ الخ

فى الحالة دى ان شاء الله ينجح وينتهى بالزواج ويكون زواج سعيد

2- يلتزموا نص ونص

يعنى نظرة لمسة ويمتنعوا لا حرام بعدها نظرة لمسة ويمتنعوا وهكذا

فى الحالة دى هينتهى ان شاء الله بزواج ولكن هيتعبوا شوية عشان يتزوجوا بمعنى انهم هيواجهوا عقبات كتييييييييير جدا وهيتعذبوا كتير عقبل ما يتيسر لهم موضوع الزواج يعنى مثلا يكون الاهل مش موافقين حد منهم يسافر برة للشغل ويبعدوا فترة عن بعض المهم اى حاجة تعطل المسألة شوية عشان يعرفوا ان الله حق
ولما يعرفوا ويتوبوا بإذن الله هيكون زواج سعيد


3- تسيب خاااااااالص يعنى عايشين حياتهم على الاخر

مع الشروط المتوفرة هيتزوجوا يعنى فى الغالب بيتزوجوا ولكن لن يكون زواج سعيد هيفشل بالتأكيد



لى عودة ان شاء لله بأمثلة من الواقع
icehearted girl
28 Apr 2008, 11:51 AM
biggrin.gif بنتنهي بأيه بنتنهي بأيـــــــــــــــــــــه؟؟؟؟؟؟؟؟؟



متهيألي دي قسمه ونصيب ومش هعرف احط نسب زي مبيقولوا بصراحه


بس بجد ديالوج جمي للابو انوس ودمعه حزن


اول مره الاقي ديالوج هنا لولدين laugh.gif


كملوا كملوا


انا مستنيه biggrin.gif
أبو أنوس
28 Apr 2008, 03:20 PM
السلام عليكــم ورحمـة الله وبركاتــة ،،

إقتباس
لا كتير اوى بينتهى بالخطوبة والزواج
بس كتير اوى بيبقى تسليه ومش بينتهى بحاجة


دا اللى احنا قولناه يا فندم ... ان حوالى 5%بينجحوا ... طبعا شكرا جدا ع مرو سياتك

ومنتظرين باقى مشاركات سياتك

إقتباس
طبعا 99.9% لازم ينتهى هذا الحب الافلاطونى على الفراق والعذاب والخيانة عند او الطريق وعندما يظهر اى فرصه حلوه ليها اكيد هتنفضلك وتديلك الصابونها وتدور على حد جاهز

معاك والله يا حس فى كلامك بس دا يا حبى متوقف ع علاقة الحب وصلة لأيه

يعنى حب صادق ولا حب تسليه

فطبعا لو حب صادق هضحى بأى شىء من أجلك ... اما لو تسليه فتديلك الصابونه زى ماقولت

بس بتتوقف ع المشاعر " حلو اوى الصابونه دى"


إقتباس
فى منك اللى مخالفنى فى الرائي لكن للاسف مجرب اكتر من ثلاثة مرات على التوالى لدرجة التاكد مما اقول


الحب فى الجامعة حب افلاطونى ليس له اى اساس من الصحه


يا حبى دا اللى قولنها ...... ما احنا عاوزين نعرف اما هو كده ليه بيستمروا ؟؟؟؟؟؟؟؟

وعاوزين تجاربك دى معانا تفيدنا بيها ... اوك ... وعد....
إقتباس
الجامعة مكان للعلم مش مكان للحب عشان كده حبينا فى المكان الخطا

ولازم نفهم اننا رحنا الجامعة عشان نتعلم زى ماحنا جينا الدنيا عشان العباده لاينفع اننا نسيب التعلم ونروح حب والا ينفع اننا نسيب العباده ونروح ننشغل بالدنيا


كلام جميل وكلنا عارفينه .... بس الحب ع فكره بيجى فى اى مكان وفى اى وقت حتى لو فى السجن

فالجامعه .. مجرد وسيله ... لوجود الاختلاط وكده ....

إقتباس
رائي فى الموضوع ممكن يكون خطأ لكن المتاكد منه ان مفيش رائي خطأ كله والا رائي صح كله لازم هيكون فى اساس من الصحه ابحثو كما تريدو انا باه ورايا مزاكرة


بجد فرحان جدا وسعيد جدا برأى سياتك ....... وأفدتنا ... وياريت تزودنا بتجاربك ...وتبقى فل

وربنا يوفقك فى مذكرنك


إقتباس
ممكن ينتهى بجواز

ممكن المانع من اتمام الجواز مثلا

ان الطالب بيكون لسه مكونش نفسه وبالتالى لما يتقدم ممكن الاهل يرفضوه

فبيحاول ينسى وغير كده لسه قدامه وقت عقيال ميتخرج ويشتغل ويكون نفسه وسعتها ممكن يشوف واحده ويتقدم لها

مش هيعلق نفسه من جوه الجامعه


هو دا رأى يا فندم وفعلا بيحصل بس قليل جدا اليومين دول

يا فندم هو مش بيحاول أصلا يتقدم ....

بس رأيى نضعه فى الاعتبار من 5% اللى بيكملوا .... ومنتظرين الباقى ... ومنورنا

إقتباس
بسم الله الرحمن الرحيم

معرفش انا ليا رأى تانى خاااااااااااااااااالص


طبعا يا فندم .... خالف تعرف 36_2_35[1].gif

انا رأيى المشكلة مش فى الحب ولا فى المكان ولا فى الزمان

المشكلة فى الاشخاص


إقتباس
لو صادقين فى شعورهم لو عندهم صبر وشجاعة واصرار
لو بيخافوا يجرحوا مشاعر الاخرين اكتر من جرح مشاعر انفسهم

يبقى هينجح الحب وينتهى بالزواج


جميل جدا جدا د.حفيده فعلا دا اول حاجه فعلا .... الحب الصادق المستعد للتضحيه من أجل بقاءه

إقتباس
اما لو اى شرط من الشروط اللى فوق مكانتش متوافرة فى الاشخاص يبقى هيفشل مليون المية

بغض النظر بقى عن حب فى الجامعة والا على الانترنت والا بين ولاد الجيران او فى الشغل او على الرصيف


طبعا لان أى شرط معناه هيتحول إلى حب تسليه .... بس ركزى معانا ع حب الجامعه ... بلاش حب ولاد الجيران دهbiggrin.gif

جميل الحالات د. حفيده بس هنشوفها براحه

إقتباس
1- يلتزموا بالشرع بحذافيره وميقعش بينهم اى حاجة غير شرعية من اول النظرة فاللمسة الخ الخ

فى الحالة دى ان شاء الله ينجح وينتهى بالزواج ويكون زواج سعيد


صح كده ... بس فى حالة الالتزام مش هيكون بينهم اى كلام ... حب منم طرف واحد لكلاهما

وبعد كده ان قدرت الظروف ... هيتزوجوا .... دا أظن قص سياتك

دا نوع من الحب العفيف ... بس احنا بنتكلم ع حب خلاص .. وقصه ... وكده

إقتباس
يلتزموا نص ونص

يعنى نظرة لمسة ويمتنعوا لا حرام بعدها نظرة لمسة ويمتنعوا وهكذا

فى الحالة دى هينتهى ان شاء الله بزواج ولكن هيتعبوا شوية عشان يتزوجوا بمعنى انهم هيواجهوا عقبات كتييييييييير جدا وهيتعذبوا كتير عقبل ما يتيسر لهم موضوع الزواج يعنى مثلا يكون الاهل مش موافقين حد منهم يسافر برة للشغل ويبعدوا فترة عن بعض المهم اى حاجة تعطل المسألة شوية عشان يعرفوا ان الله حق
ولما يعرفوا ويتوبوا بإذن الله هيكون زواج سعيد


انا مش مع حضرتك فى النقطه دى .. لان مش فى حاجه اسمها نص ونص ... لانها لو بدأت كده فكل حاجه

هتيجى بعدها .... الشيطان شاطر ..... ودى طبعا انا فاهم سياتك ان ربنا هيعذبهم شويه لحد مايرتبطوا

ممكن بردوا!!!!!!!!!!!!!!!!!!!

3
إقتباس
- تسيب خاااااااالص يعنى عايشين حياتهم على الاخر

مع الشروط المتوفرة هيتزوجوا يعنى فى الغالب بيتزوجوا ولكن لن يكون زواج سعيد هيفشل بالتأكيد


دا ان اتجوزوا أصلا ... يا فندم دى عطيته كل حاجه ... ايه فايدة الجواز

فلو فعلا حصل واتجوزوا فعلا مش هيعيشوا حياه سعيده ... وهيبقى شكاك اوى عليها... وحياه جحيم

إقتباس
لى عودة ان شاء لله بأمثلة من الواقع


شكراً لك د.حفيده جميل جدا يا فندم

ومنتظرين الامثله يا فندم


إقتباس
متهيألي دي قسمه ونصيب ومش هعرف احط نسب زي مبيقولوا بصراحه


مشفاهمك ممكن توضيح ما كل قسمه ونصيب ... منتظرين


إقتباس
بس بجد ديالوج جمى للابو انوس ودمعه حزن


يا فندم رأى ... يدفع بنا إلى الامام


إقتباس
اول مره الاقي ديالوج هنا لولدين


انا هسيب دمعه ترد بقى على الموضوع ده

إقتباس
انا مستنيه


واحنا كمان منتظرين مشاركات حضرتك

شكر لكم جميعا .... وتابعوا معانا .... وان شاء الله ننتهى بحل مفيد لينا كلنا

منتظرين أرأئكم و تجاربكم .... لاتحرمونا من مشاركاتكم ..... " من كتم علما ...."

وجزيتم الجنه


أحلام عمرنا*
28 Apr 2008, 05:06 PM
موضوع رااااااااائع ابو انوس ودمعة.. ايه الكلام الجميل دة..



أنا بقى عجبني راي آن اولا..

ثم راي الدكتورة حفيدة جملة وتفصيلا.. وتعليق ابو انوس على آخر نوع من الانواع اللي قالتهم حفيدة..

وطبعا مش كل القصص بتنتهي نهايات حزينة..

اذا راعى الطرفين ربنا في علاقتهم.. ووضعوا حدود ليها وضوابط زي ما ديننا بيقول.. وحافظوا عليها ..

غير كدة اذا كان كل طرف يملك عزيمة واصرار وحب صادق مخلص وقوي بدرجة لا تقل عن الطرف الآخر..
ان شاء الله مش هتقف قدامهم اي عقبات في الدنيا..


دة رايي..

ومتابعة الموضوع الرائع..


أبو أنوس
28 Apr 2008, 05:26 PM
إقتباس
موضوع رااااااااائع ابو انوس ودمعة.. ايه الكلام الجميل دة..


اعتراف يدفعنا خطوات إلى الامام منورنا يا فندم


إقتباس
اذا راعى الطرفين ربنا في علاقتهم.. ووضعوا حدود ليها وضوابط زي ما ديننا بيقول.. وحافظوا عليها ..

غير كدة اذا كان كل طرف يملك عزيمة واصرار وحب صادق مخلص وقوي بدرجة لا تقل عن الطرف الآخر..
ان شاء الله مش هتقف قدامهم اي عقبات في الدنيا..


دا صح فعلا يا فندم ان الحب الصادق يحتاج إلى التضحيه

لكن حكاية انهم يضعوا ضوابط ..ز فلو عاملوا ايه يا فندم كله بيجر بعضه

ان شاء الله تتدعمينا بمشاركات سيادتك الجميله ... والمواقف

وبجد فرحان جدا بوجود سياتك فى موضوعنا

ومنتظرين كل السعدونين
bosycat.vet
28 Apr 2008, 06:35 PM
بجد موضوع جميل جداااااا


مجهود جميل دكتور ابو انوس ودكتوره دمعه


بس انا راى فى الموضوع ده انا الحب موجود فى اى مكان فى الدنيا مش الجامعه بس


مش كل العلاقات هتتنتهى نهايه يرغب فيها الطرفين وده بيتوقف على صدق الحب اللى بينهم

وكلاتا الاحوال انا طبعا مش برجح ولا بايد ان البنت لما تحب واحد معاها فى الجامعه تفضل قاعده معاه طول اليوم وكانها فى كازينو

الجامعه برده مكان علم اولا ومش معنى كده انه يا ما يقعد معاها ياما يسبها لو بيحبها هيتمسك بيها فى ا ى مكان

اما وجهه نظرى انا لو فعلا عايزها وبيحبها حب صادق يبقى يدخل من الباب اكيد هيلاقى نتيجه افضل اهمها انه مش هيغضب ربنا ولا هو ولا هى

وفى المعظم بيكون القصص ده تسليه لحد ما تخلص الجامعه وكل واحد يروح لحاله فى الحاله دى البنت هى الخسرانه مش الولد مفيش ولد عليه لوم هى اللى

ادته مساحه لده وعمره ما يفكر طبعا يرتبط بيها وهى الخسرانه لانها ممكن تكون حبته بجد
bosycat.vet
28 Apr 2008, 06:46 PM
بجد موضوع جميل جداااااا


مجهود جميل دكتور ابو انوس ودكتوره دمعه


بس انا راى فى الموضوع ده انا الحب موجود فى اى مكان فى الدنيا مش الجامعه بس


مش كل العلاقات هتتنتهى نهايه يرغب فيها الطرفين وده بيتوقف على صدق الحب اللى بينهم

وكلاتا الاحوال انا طبعا مش برجح ولا بايد ان البنت لما تحب واحد معاها فى الجامعه تفضل قاعده معاه طول اليوم وكانها فى كازينو

الجامعه برده مكان علم اولا ومش معنى كده انه يا ما يقعد معاها ياما يسبها لو بيحبها هيتمسك بيها فى ا ى مكان

اما وجهه نظرى انا لو فعلا عايزها وبيحبها حب صادق يبقى يدخل من الباب اكيد هيلاقى نتيجه افضل اهمها انه مش هيغضب ربنا ولا هو ولا هى

وفى المعظم بيكون القصص ده تسليه لحد ما تخلص الجامعه وكل واحد يروح لحاله فى الحاله دى البنت هى الخسرانه مش الولد مفيش ولد عليه لوم هى اللى

ادته مساحه لده وعمره ما يفكر طبعا يرتبط بيها وهى الخسرانه لانها ممكن تكون حبته بجد
أبو أنوس
28 Apr 2008, 06:56 PM
جميل جدا د. بوسى بجد

انا مش عارف أعلق ع ايه ولا ايه بس الخلاصه فعلا

طاب ما دام احنا عارفين كده انها تسليه

ليه البنت بتقدم ع خطوه زى دى وبتربط بالولد وهى عارفه انه كداب ؟؟؟ برضه تحير

فكروا معاى .... وانتظروا غدا المفاجأه ..................
icehearted girl
28 Apr 2008, 07:14 PM
يالهوي laugh.gif دمعه الحزن بنت



شكلي وحشششششششششششششش sleep.gif
أبو أنوس
28 Apr 2008, 07:20 PM
إقتباس
يالهوي دمعه الحزن بنت



شكلي وحشششششششششششششش


منوره دكتور أيس
دمعه حزن
28 Apr 2008, 11:05 PM
إقتباس(houssam2062006 @ 27 Apr 2008, 10:19 PM) *
إقتباس(ann115 @ 27 Apr 2008, 11:54 PM) *
لا كتير اوى بينتهى بالخطوبة والزواج
بس كتير اوى بيبقى تسليه ومش بينتهى بحاجة


طبعا 99.9% لازم ينتهى هذا الحب الافلاطونى على الفراق والعذاب والخيانة عند او الطريق وعندما يظهر اى فرصه حلوه ليها اكيد هتنفضلك وتديلك الصابونها وتدور على حد جاهز


فى منك اللى مخالفنى فى الرائي لكن للاسف مجرب اكتر من ثلاثة مرات على التوالى لدرجة التاكد مما اقول


الحب فى الجامعة حب افلاطونى ليس له اى اساس من الصحه


الجامعة مكان للعلم مش مكان للحب عشان كده حبينا فى المكان الخطا

ولازم نفهم اننا رحنا الجامعة عشان نتعلم زى ماحنا جينا الدنيا عشان العباده لاينفع اننا نسيب التعلم ونروح حب والا ينفع اننا نسيب العباده ونروح ننشغل بالدنيا

ده رائي فى الموضوع ممكن يكون خطأ لكن المتاكد منه ان مفيش رائي خطأ كله والا رائي صح كله لازم هيكون فى اساس من الصحه ابحثو كما تريدو انا باه ورايا مزاكرة

مع السلامة


هو بالفعل يا ان فى اللى بينتهى بالزواج بس مش كتير اوى ولكن الاغلبيه العظمى بتنتهى بالفشل
وتعليقى على حسام
رأيك مش غلط ولا حاجه ياحسام الجامعه بالفعل للدراسه ليس الا
بس بردو الاغلبيه العظمى من الشباب واخدنها على انها مرحله للتعارف والتسليه
بس انت بتقول ان البنت اول ما تلاقى فرصه تانيه تتخلى عن الشاب
ممكن اسألك وبصفتك خبير يعنى انت حاولت تعمل ايه ايجابى فى فتره تعارفكم
لو كانت عندها امل انك ممكن تاخد خطوه ايجابيه ولو كانت صغيره يمكن مكنتش سبتك
انا مش متحايزه للبنات والله بس عايزه اعرف انت قدمتلها ايه غير حبك ليها او لهن
وفى التلت مرات اللى فشلت فيهم محاولتش تفكرانت غلط فى علشان يسيبوك
وشكرا على مروركم جميعا



إقتباس(icehearted girl @ 28 Apr 2008, 08:14 PM) *
يالهوي laugh.gif دمعه الحزن بنت




شكلي وحشششششششششششششش sleep.gif

36_2_18[1].gif 36_2_18[1].gif 36_2_18[1].gif 36_2_34[1].gif 36_2_34[1].gif
اسمى دمعه يبقى عايزه ايه تانى علشان ابقى بنت
36_2_58[1].gif 36_2_58[1].gif 36_2_58[1].gif

المره دى سماح المره التانيه مش هقولك هعمل ايييييييه 36_2_36[1].gif
36_11_6[1].gif 36_11_6[1].gif



دمعه حزن
28 Apr 2008, 11:19 PM
إقتباس(حفيدة محمد @ 28 Apr 2008, 03:50 AM) *
بسم الله الرحمن الرحيم

معرفش انا ليا رأى تانى خاااااااااااااااااالص

انا رأيى المشكلة مش فى الحب ولا فى المكان ولا فى الزمان

المشكلة فى الاشخاص


لو صادقين فى شعورهم لو عندهم صبر وشجاعة واصرار
لو بيخافوا يجرحوا مشاعر الاخرين اكتر من جرح مشاعر انفسهم

يبقى هينجح الحب وينتهى بالزواج

اما لو اى شرط من الشروط اللى فوق مكانتش متوافرة فى الاشخاص يبقى هيفشل مليون المية

بغض النظر بقى عن حب فى الجامعة والا على الانترنت والا بين ولاد الجيران او فى الشغل او على الرصيف


نييجى بقى نحسبها من نحية تانية

اه نسيت احط الالتزام بالشرع

لا منسيتش

نفرض ان الشروط توافرت

طيب الشخصين دول احتمال يعملوا حاجة من تلاتة

1- يلتزموا بالشرع بحذافيره وميقعش بينهم اى حاجة غير شرعية من اول النظرة فاللمسة الخ الخ

فى الحالة دى ان شاء الله ينجح وينتهى بالزواج ويكون زواج سعيد

2- يلتزموا نص ونص

يعنى نظرة لمسة ويمتنعوا لا حرام بعدها نظرة لمسة ويمتنعوا وهكذا

فى الحالة دى هينتهى ان شاء الله بزواج ولكن هيتعبوا شوية عشان يتزوجوا بمعنى انهم هيواجهوا عقبات كتييييييييير جدا وهيتعذبوا كتير عقبل ما يتيسر لهم موضوع الزواج يعنى مثلا يكون الاهل مش موافقين حد منهم يسافر برة للشغل ويبعدوا فترة عن بعض المهم اى حاجة تعطل المسألة شوية عشان يعرفوا ان الله حق
ولما يعرفوا ويتوبوا بإذن الله هيكون زواج سعيد


3- تسيب خاااااااالص يعنى عايشين حياتهم على الاخر

مع الشروط المتوفرة هيتزوجوا يعنى فى الغالب بيتزوجوا ولكن لن يكون زواج سعيد هيفشل بالتأكيد



لى عودة ان شاء لله بأمثلة من الواقع



معلش يا حفيده عندى تعقيب بسيط خالص
انا عارفه ان كل المشاركات انس عقب عليها بس انا عندى كام كلمه كده
افرضى التزمو بالشروط اللى قلتيها متأكده انهم هيجوزو
انا بقولك بردو لا لأن العيب مش فى الاشخاص بس ولكن العيب فى الحاله الاقتصاديه والحالات الاجتماعيه بتاع الشباب
واللى مش لاقى يشتغل ولا لاقى ياكل حتى
يبقى العيب مش فى الشخص العيب فى الظروف اللى مش قادره توفر للشباب حتى فرصه واحده علشان يقدرو يكونو نفسهم ويفتحو بيوت
يبقى لازم توافر الشروط مع تعديل الظروف الاقتصاديه واتاحه الفرص للشباب
ونحط على الظروف دى كام خط كمان
وميرسي على مرورك الجميل وكلامك الاجمل






إقتباس(icehearted girl @ 28 Apr 2008, 12:51 PM) *
biggrin.gif بنتنهي بأيه بنتنهي بأيـــــــــــــــــــــه؟؟؟؟؟؟؟؟؟



متهيألي دي قسمه ونصيب ومش هعرف احط نسب زي مبيقولوا بصراحه


بس بجد ديالوج جمي للابو انوس ودمعه حزن


اول مره الاقي ديالوج هنا لولدين laugh.gif


كملوا كملوا


انا مستنيه biggrin.gif


طبعا كل حاجه فى الدنيا قسمه ونصيب يا ايس
بس لازم بردو نعمل ونجتهد علشان نحقق اللى بنتمناه
واعتقد انهم لازم يبقى عندهم امل كبير فى ربنا

(اول مره الاقى ديالوج لولدين) 36_2_18[1].gif 36_2_18[1].gif 36_2_18[1].gif

لن انسي لكى هذا الموقف 36_2_58[1].gif 36_2_58[1].gif

ههههههههههههههههههههههه
بهزر طبعا
سعدنا بمرورك
دمعه حزن
28 Apr 2008, 11:30 PM
إقتباس(bosycat.vet @ 28 Apr 2008, 07:35 PM) *
بجد موضوع جميل جداااااا


مجهود جميل دكتور ابو انوس ودكتوره دمعه


بس انا راى فى الموضوع ده انا الحب موجود فى اى مكان فى الدنيا مش الجامعه بس


مش كل العلاقات هتتنتهى نهايه يرغب فيها الطرفين وده بيتوقف على صدق الحب اللى بينهم

وكلاتا الاحوال انا طبعا مش برجح ولا بايد ان البنت لما تحب واحد معاها فى الجامعه تفضل قاعده معاه طول اليوم وكانها فى كازينو

الجامعه برده مكان علم اولا ومش معنى كده انه يا ما يقعد معاها ياما يسبها لو بيحبها هيتمسك بيها فى ا ى مكان

اما وجهه نظرى انا لو فعلا عايزها وبيحبها حب صادق يبقى يدخل من الباب اكيد هيلاقى نتيجه افضل اهمها انه مش هيغضب ربنا ولا هو ولا هى

وفى المعظم بيكون القصص ده تسليه لحد ما تخلص الجامعه وكل واحد يروح لحاله فى الحاله دى البنت هى الخسرانه مش الولد مفيش ولد عليه لوم هى اللى

ادته مساحه لده وعمره ما يفكر طبعا يرتبط بيها وهى الخسرانه لانها ممكن تكون حبته بجد


حلوه اوى دكتوره دمعه فينك يا ايس تسمعى مش احسن بردو من الولد
ههههههههههههههههههههه
بس انا يا بوسى متر قصدى محاميه 36_2_51[1].gif

ليه تعقيب يختلف قليلا عن تعقيب انس

انا معاكى فى كل كلامك فعلا البنت لازم يبقى لها حدود فى التعامل مع الولد
وان الجامعه مش كازينو
بس قوليلى لو كل واحد اعجب بفتاه وراح من الباب كما تقولى هل سيوافق والداها على هذا الارتباط
طيب الولد ده هيبقى مستعد للارتباط
يقدر يعتمد على نفسه ويتحمل مسئوليه الارتباط ولو مجرد خطوبه
هو عنده استعداد اساسا للارتباط
هنرجع ونقول بردو الشئ الاساسى هى الظروف اللى بتتحكم فى حياتنا كلنا
بس لو كان انسان عنده القدره ان يجازف من اجل من يحب وانه يكون قادرا على تحمل كافه الاعباء
وكل المسئوليه ممكن فى الحاله دى اقول انهم يقدرو يرتبطو
ومثل هذا الشاب القليل

وميرسي اووووووووى لمرورك الكريم

حفيدة محمد
29 Apr 2008, 01:01 AM
إقتباس
دا ان اتجوزوا أصلا ... يا فندم دى عطيته كل حاجه ... ايه فايدة الجواز

فلو فعلا حصل واتجوزوا فعلا مش هيعيشوا حياه سعيده ... وهيبقى شكاك اوى عليها... وحياه جحيم



انا قولت فى الاول لو الشروط توافرت هيتجوزوا وقولت كمان ان الزواج هيفشل

بس انا مقصدتش انها عطيته كل حاجة

انا لما بتكلم عن التزام نص ونص يعنى مثلا اخرهم مسكة ايد دقيقة وشكرا

واما بتكلم عن عيشين حياتهم يبقى اخرهم قبلة

لو عطيته كل حاجة زى ماحضرتك بتقول فمش هيتجوزوا اساسااااااااااااااا



دمعة حزن

انا قولت شروط فى الاول

لو صادقين فى شعورهم لو عندهم صبر وشجاعة واصرار
لو بيخافوا يجرحوا مشاعر الاخرين اكتر من جرح مشاعر انفسهم


فى صدق فى المشاعر
فيه صبر على الظروف الملخبطة
فيه شجاعة على مواجهة المجتمع
فيه اصرار على عدم الارتباط بغير بعضهم
فى خوف على جرح المشاعر يبقى مفيش خناقات وهيراعوا بعض


وبجد كل الاراء لذيذة وجميلة جدا

لى عودة بمثل لكل حالة قولتها ومن الواااااااااااااااااااقع
مش سمعتها بس لكن تعايشت معها
دمعه حزن
29 Apr 2008, 05:12 PM
انا لما بتكلم عن التزام نص ونص يعنى مثلا اخرهم مسكة ايد دقيقة وشكرا

واما بتكلم عن عيشين حياتهم يبقى اخرهم قبلة

معلش ياحفيده مش معاكى فى دى خااااااالص
طيب يبقى مش التزام نص ونص دا يبقى مفيش التزام اصلا
ومن الواقع اللى شاهدته بعينى
ان الولد بعد كده عمره ماهيفكر فيها ولو تنازلت فقط بمجرد ماسكه يد
واغلبيه الشباب بيقولو متجوزش واحده مشيت معاها
شوفى بقى فى حاله مسك ايدها او غيرها
يبقى ايه الحال

وعلى الصبر على الظروف ومواجهه المجتمع انتى اكيد عنك حق فى دى من غير كلام
لازم يبقى فى اصرار وصبر وتحدى على تخطى الصعاب

ارائك جميله اوى يا حفيده
ومنتظرين امثالك وسعدنا بمروك


أبو أنوس
29 Apr 2008, 07:02 PM
بسم الله الرحمن الرحيم

السلام عليكم ورحمة الله وبركاته،،

الحمدلله والصلاة والسلام على رسول الله وعلى آله وصحبه أجمعين

بعد طرحنا للموضوع ....... جأنا لطرح المفأجات ... وتحويل مسار الموضوع بعد عرض المشكله

إلى مرحله دخولنا داخل المشكله نفسها ..... ومعرفة الاحداث والخبايا ... والكواليس ... وما يحدث وما لا يحدث

هنا ........ سيتم مناقشة .... المشكله بكل جوانبها ..... وعرض المواقف التى تعرض لها بعض زملاءنا وتجاربهم

تابعونا ........................ سنبدأ حالا ........................

حوار مفتوح مسموح بعده بالتعليقات ... والمواقف ........................

مع أبو أنوس & ودمعة الحزن


تابعونا ............................................................
دمعه حزن
29 Apr 2008, 08:19 PM

تـــــــا بعـــــــــــــــــونا 36_2_55[1].gif




سنقوم بعمل حوار مفتوح من خلاله سنتعرف على بعض المشاكل التى تواجه الشباب


سندخل فى صميم المشكله ونتغلل بداخلها وسنحاول معا الوصول الى حلول للمشكلات المماثله

سنقوم بعرض مواقف واقعيه حدثت وستحدث

انتــــــــــــــــــــــــــــــــــــــــــظـــــــــــــــــروووووووووونـــــ
ــــــــــــــــــــــــــــــــــــــــــــــــــــــــــاااا 36_2_35[1].gif




أبو أنوس
29 Apr 2008, 09:13 PM
فى البدايه يا دمعه ....... ندخل الجامعه

ايه رأيك نشوف الحوار بيبتدى ازاى

يعنى ازاى البنت بتتعرف ع الولد ... والعكس

انا عن نفسى ومن واقعنا واللى بنشوفه فى الكليه

اولا .... نوضح ان البنت والولد كلاهما وفى مصر كمصريين بينهم حواجز كتير منذ الصغر

يعنى مش أصلا بيحصل اى اختلاط بين البنت والولد غير فى الجامعه ... دا فى معظم الاحيان

ولذلك فدا طبعا غلط ... لانه بتزيد الرغبه من كلاهما للدخول فى عالم الاخر ...

طاب نبدأ بقى الحوار ... وطبعا د. ايس اشارت اليه فى موضوع مأنتم ومأنتمه

فأن الولد ... بيدخل ع البنت طبعا يطلب منها اى شىء داخل نطاق العلم ...

يعنى مثلا محاضرة ... سكشن ... ميعاد محاضرة ... ميعاد سكشن ... وهكذا

وطبعا بتتوقف ع رد فعل البنت .... لانها طبعا ان جابت المحاضره او السكشن او ردت عليه عادى جدا

بس تحاسب ع كلامها .... يعنى فى حدود ....

طبعا اللى بيحصل غير كده ....... ان فى بنات تدخل فى مواضيع تانيه ويفضلوا يتكلموا .... لحد ما الواد ينسى أصلا يأخد المحاضره

وهكذا ........................................... نبدأ

فأنا اللى عاوز اوصله ان الوهله الاولى هى اللى يتوقف عليها كل حاجه


وطبعا يا دمعه انتى ممكن تزودينا أكتر حولين موضوع الحوار الاول

منتظرينك ......................

اتفضلى
دمعه حزن
29 Apr 2008, 09:22 PM
فعلا ياابو انوس فى الغالب ان البدايه للولد 36_2_51[1].gif
بمجرد انه يقول اى كلمه افتتاح حديث علشان يختبر ببساطه البنت ممكن تتجاوب معاه او لا
فلو تجاوبت وتناقشت معاه فى الموضوع
وموضوع يجيب موضوع فبتكون دى البدايه

وبتبقى مجرد بدايه السؤال هل كل بدايه لازم ان تتطور الى اعجاب بين الطرفين

ولا بتبقى بدايه ونهايه فى نفس الوقت

ماتقولى ياابو انوس

أبو أنوس
29 Apr 2008, 09:39 PM
بصى بقى يا دمعه فعلا زى ما أنتى قولتى ... بداية النهايه

لو فعلا الحوار طال ونكمل بقى كل يوم محاضرة .... وطبعا يقعدوا يتكلموا وينسى فى الاخر يأخد المحاضره biggrin.gif

المهم انها بقى بتكرار ... بتحصل الاعجاب ..... بين الطرفين

لان دا طبعا طبيعى ... احساس منها انه مهتم بيها ... واحساس منه انها مهتمه بيه .... فدا طبعا يؤدى للاعجاب

ودا اولى الخوات نحو القصه .............................................................

ممكن بقى تبقى نهايه ... ودى بقى تتوقف ع البنت او الولد

انه فعلا بيحتاج الحاجه دى فمجرد انه اخدها بينقطع علافته بيها نهائى إلا فى الضروريات .....

فهمتى يا دمعه ...........................

طاب لو فعلا فى الحوار الاول ايه رأيك البنت ممكن تعمل ايه عشان تصده ....؟؟؟

هل تقوله مش معايا " ودا بنعتبره قلة زوق "

ولا تسيبه وتمشى ولا ايه

منتظر ردك
دمعه حزن
29 Apr 2008, 09:52 PM
بص ياابو انوس بالفعل لو قالت مش معايا هيقول انها قله زوق منها 36_2_36[1].gif

بس ممكن تعمل حاجه من الاتنين
انها تتكلم بلباقه وتقوله اسفه بجد مش معايا المحاضرره او محضرتهاش او مكتبتهاش

او لو كانت عايزه تدهالى تقوله اتفضل حضرتك المحاضره اهى ولما تخلصها ابقى رجعها وتسيبه وتبعد
فطبعا الولد كده هيفهم هى قصدها ايه

ولا انت مش معايا ياابو انوس فى ده

36_14_1[1].gif
أبو أنوس
29 Apr 2008, 10:00 PM
لا مش معاكى طبعا يا دمعه

إقتباس
انها تتكلم بلباقه وتقوله اسفه بجد مش معايا المحاضرره او محضرتهاش او مكتبتهاش


دى بقى اللى أكتر من قلة الزوق لانه مش هيطلب منها المحاضره وهو مش شايفها مش حاضرها


إقتباس
لو كانت عايزه تدهالى تقوله اتفضل حضرتك المحاضره اهى ولما تخلصها ابقى رجعها وتسيبه وتبعد
فطبعا الولد كده هيفهم هى قصدها ايه


دا جميل بس برضه مش مقتنع فى حل احسن

دى فعلا البداية يا جماعه ومنها بتبدى كل شىء ......

فأيه رأيكم ........ البنت تعمل ايه ... ولو حصل العكس الولد يعمل ايه ؟؟؟؟؟؟؟؟؟؟

منتظرين اجابتكم وتعليقاتكم


رأيك فعلا يهمنا ... متبخلش علينا بيه ......


دمعه حزن
29 Apr 2008, 10:09 PM
لا بتحصل والله ياابو انوس انها بتبقى مش حاضره ويقوم سألها انتى حضرتى المحاضره؟

اصلى كنت عايز اكتبها
ثانيا قلنا انه بيعملها حجه مش اكتر علشان يتعرف عليها 36_2_35[1].gif

انت نسيت ولا ايه ياابو انوس 36_2_58[1].gif





منتـــــــــــــــظريــــــــــن اراء الاعضاء 36_2_35[1].gif




كان معكم
ابو انوس& دمعه حزن

حفيدة محمد
30 Apr 2008, 02:50 AM
جميل جدا البداية

رايى الرد هيكون كالتالى

المحاضرة هحطها فى مكتبة الكلية او مكتبة كذا بكرة حضرتك تروح هتلاقيها هناك

ولو البنت معروف عنها انها بتكتب المحاضرات كويس

يبقى تضيف الى الجملة السابقة وتقول

وان شاء الله هحط كل المحاضرات هناك

عشان الباشا ميجيش يطلب منها تانى

شكرا biggrin.gif
أبو أنوس
30 Apr 2008, 03:51 PM
إقتباس
جميل جدا البداية


36_2_36[1].gif 36_2_36[1].gif

إقتباس
رايى الرد هيكون كالتالى

المحاضرة هحطها فى مكتبة الكلية او مكتبة كذا بكرة حضرتك تروح هتلاقيها هناك


جميل جدا الرد ده د.حفيده ... وفعلا أظنه انه مش محرج لأى من الطرفين

ولو حصل العكس مع الولد ممكن يقول كده برده

إقتباس
ولو البنت معروف عنها انها بتكتب المحاضرات كويس

يبقى تضيف الى الجملة السابقة وتقول

وان شاء الله هحط كل المحاضرات هناك

عشان الباشا ميجيش يطلب منها تانى



جميل جميل جميل جدا

بجد د. حفيدة ابدعتى ... وأظن ان مش ممكن يكون فى كلام تانى بعد كلام حضرتك

ولذلك هنأخد كلام د.حفيدة ..... كرد لسؤلنا ..... وندخل فى المرحله القادمه

انتظرونا ....................................

دمعه حزن
30 Apr 2008, 05:08 PM

فعلا كلام معقول ياحفيده




انتــــــــــــــــــــتتتظــــــــــــــــــرونا
bosycat.vet
30 Apr 2008, 05:26 PM
بجد الواحد مش عارف يقول ايه على الموضوع الجامد ده

احنا كنا فعلا محتاجين موضوع زى ده على الساحه ربنا يعينكم

انا ان شاء الله هتابع معاكم لانه بجد حلو


وبالنسبه لدكتوره حفيده محدش عنده كلام بعدك طبعا

حفيدة محمد
1 May 2008, 01:48 AM
نسأل الله الاخلاص biggrin.gif

ياااااه انتوا جيتوا فى جمل

وبعدين اللى ابدع هو من فتح موضوع النقاش

فين المرحلة التانية؟؟؟؟؟؟؟؟
dr:sniper
1 May 2008, 05:36 AM
السلام عليكــم ورحمـة الله وبركاتــة ،،</table>
</font></div>

اولا ارسل تحياتى لمبدع الموضوع اخى الحبيب انوس وارسل باقة ورد الى دمعة حزن
وانا اسف بجد لان دى اول مرة ادخل فيها الموضوع ولقيت الموضوع جميل جدا</table></font></div>

احب ارسل تعليقى على الموضوع :-




<table style="filter:GLOW(color="brown",strength=#+6)">
<font color="yellow">

الحب كمشاعر قلبية لا سيطرة للإنسان عليها والقلوب بين أصبعين من أصابع الرحمن يقلبها كيف يشاء.

وقد ضرب الله مثلا في قصة اعجاب ابنة شعيب بموسى عليه السلام

على الحب كمشاعر تلامس القلوب , فكانت نتيجته تعريضها بشمائله

و عرض والدها الزواج على موسى عليه السلام , فأنفق من عمره

الشريف عشر سنين في سبيل حبه لها, فلولا أن الحب من أغلى

الأشياء, لما ذهب كثير من زمن النبياء فيه .


<div><table style="filter:glow(color=red,strength=4)"><font color="#ffffff">والكثير والكثير كتب وقيل عن الحب واذكر من قصص الحب:-





قصة بريرة ومغيث :

عن ابن عباس رضي الله عنه ( أن زوج بريرة كان عبدا

يقال له مغيث كأني أنظر إليه يطوف خلفها يبكي ودموعه تسيل على

لحيته فقال النبي صلى الله عليه وسلم للعباس : يا عباس ألا تعجب من

حب مغيث بريرة ومن بغض بريرة مغيثا فقال النبي صلى الله عليه

وسلم : لو راجعتيه . قالت : يا رسول الله أتأمرني؟ قال: إنما أنا شافع ,

قالت: لاحاجة لي فيه ) البخاري (5283).

ويقول ابن عباس : ( ذاك مغيث عبد بني فلان - يعني زوج بريرة- كأني

أنظر إليه يتبعها في سكك المدينة يبكي عليها ) البخاري (5281)





قصة أبوبكر والجارية :

وهذا الصديق أبو بكر رضي الله عنه يمر في خلافته بطريق من طرق

المدينة . فإذا جارية تطحن برحاها وتقول :

وهويته من قبل قطع تمائمي متمايسا مثل القضيب الناعم

وكأن نور البدر سُنَّة وجهه ينمي ويصعد في ذؤابة هاشم

فدق عليها الباب فخرجت إليه فقال ويلك أحرة أنت أم مملوكة ؟!

فقالت : بل مملوكة يا خليفة رسول الله . قال فمن هويت ؟! فبكت ثم

قالت : بحق الله عليك إلا انصرفت عني . قال : لا أريم أو تعلميني.
فقالت :

وأنا التي لعب الغرام بقلبها فبكت لحب محمد بن قاسم

فصارأبو بكر إلى المسجد وبعث إلى مولاها فاشتراها منه , وبعث إلى

محمد بن القاسم بن جعفر بن أبي طالب وقال : هؤلاء فِتَنُ الرجال . وكم

مات بهن من كريم , وعطب عليهن من سليم .






فالحب الذي يبقى مقيدا بلجام العفاف والتقوى لا حرج فيه , وسبيله الوحيد النكاح كما أخبر الحبيب صلى الله عليه وسلم







<div>
<table style="filter:GLOW(color="brown",strength=#+6)">
<font color="yellow">اذن الحب حراااااااااااااااااام بشتى الطرق بين طلبة الجامعات لما فيه من اختلاط والدين يحرم الاختلاط فان كان الهدف من هذا الحب ان تصادق فتاه وتسير معها فى الجامعه واول ما تفعلة عند التخرج ان تبحث عن اخرى للتزوجها لان مفيش واحد بيتجوز بنت هو مشى معاها ولو كان واحد بيحب واحده حقيقى اول خطوه هيعملها انه يخطبهااا</table>
</font>
</div>

يوجد كثير من الاشعار عن ذلك الموضوع جبت واحد ظريف عجبنى ويا رب يعجبكم


[***********
عيد ميلاد حبيبتى قرب

وامتحان الترم قرب

لو مكانى تعمل ايه؟

تشترى هدية لحبيبتك؟

واللا .. تشترى كتاب الاجتماع؟

صاحبى قالى : مش هتنفعنى حبيبتى لو هاعيد علشان خاطرها

قلتله: لو هازعّل يوم حبيبتى مش هلاقى حبيبة غيرها

يعنى ايه كام ألف نجحوا .. عملوا إيه

ع القهاوى ملقّحين

امتياز مقبول وجيد

زى بعض مشرّفين


والدكاترة ف كل عام

باعوا كل المطبوعات

واحنا خدنا منهم ايه .. غير شوية معلومات

بكرة هتطير من دماغنا

ويا دخان السجاير ع القهاوى

ويا مانشيت الجريدة

ويّا تصريح الوزير

شوف يا صاحبى

هاشترى هدية لحبيبتى

واللى يتبقى معايا

ابقى اجيب بيه الملخص

واضربه ف اخر يومين

ايه هيحصل لو سقطت؟

يبقى زاد عمرى سنة

والسنة الجاية هتسقط هى وترد الجميل

والقهاوى مش بعيده

يكرة هتخرّج والاقى

كرسى ع القهوة الجديدة

اللى كل يوم بتفتح

حاجة ساقعة لخريجين

ودّعوا الحب ف حياتهم

وابتدوا مشوار حزين
أبو أنوس
1 May 2008, 08:26 AM
السلام عليكــم ورحمـة الله وبركاتــة ،،

36_2_51[1].gif 36_2_51[1].gif

إقتباس
بجد الواحد مش عارف يقول ايه على الموضوع الجامد ده


إقتباس
وبعدين اللى أبدع هو من فتح موضوع النقاش


د.حفيدة ... د.بوسى
بجد والله أخجلتم تواضعنا

ويارب نكون عند حسن الظن
إقتباس
اولا ارسل تحياتى لمبدع الموضوع اخى الحبيب انوس وارسل باقة ورد الى دمعة حزن


منور يا حبى

وبجد انا فرحان جدا انك تواضعت وشاركت معنا مشاركاتك الجامده دى يا هارتى

المهم بس ابقى حرر أخر المشاركه اللى هو الشعر ... ونزله تانى

وشكرا جدا ع الامثله الرائعه دى .... وعايزين بقى يا حبى تجارب من حولينا

منتظرينك


إقتباس
فين المرحله الثانيه؟؟؟؟


أنا اسف انها مش نزلت امبارح ... لانى راح عليا نومه

أعذرونى

وسوف تتنطلق اليوم
تابعونا ..................................
قطقو ATOTAطه
1 May 2008, 05:23 PM
IAM WAITING 4 THE REST

DONOT BE LATEsmile.gif
أبو أنوس
1 May 2008, 06:15 PM
منورنا دكتور قطقوطه منتظر مشاركاتك من زمان

وع فكره انا مش بفهم انجليزى حلو

وايه المكتوب دا

بليز ترمى

ومنتظر ردك بجد ع الموضوع
قطقو ATOTAطه
1 May 2008, 06:21 PM
SALAMO ALICOOOOOOOOOOO

ها

ده عنجليزى ده يامرسى

احم

بقول يافاندم

جو اون انا مستنيه الباقى

التوبيك هايل

وعايزين يالا ندخل فى المعاميق

smile.gif

وبجد بجد فوق الممتاز015.gif
أبو أنوس
1 May 2008, 06:27 PM
جاكى الله خير دكتور قطقوطه

وتابعى معانا يا فندم

ويارب يعجبك

قطقو ATOTAطه
1 May 2008, 06:32 PM
smile.gif
shery m
2 May 2008, 02:31 PM
موضوع جميل اوىىىىىىىىىىى

انا اول مره اشارك هنا

انا عاوزه اقول ان حب الجامعه ممكن اوى ينتهي بالجواز

انا ليا صحابي حبو في الجامعه وارتبطو واتخطبو هما اكبر مني ومتخرجين دلوقتي

تلاته اتخطبو واتنين دفعتي هيتخطبو ان شاء الله في شهر سبعه

وفي اللي ماكملوش وفي اللي ربنا ماوفقهمش

وفي اللي ضيعو عمرهم في حب من طرف واحد زي انا
قطقو ATOTAطه
3 May 2008, 10:06 AM
احم احم016.gif
som3a_vet
3 May 2008, 09:10 PM
ع فكره حب الجامعه مابيكملش
لو ماتبناش علي اساس سليم
اساس صاااااااادق
محترم
و ياريت الحب من طرف واحد بلاش منه احسسسسن
لانه ملوش نهايه
والحاجه الي ملهاششششش نهايه يبقي بدايتها ملهاش لازمه
bosycat.vet
4 May 2008, 07:44 PM
فيت سمعه انت مش بتبقى عارف حبيت الشخص ده ليه

ولو بتعرف تتحكم فى القلب مكنش حد غلب ولا بقت فى مشكله الحب من طرف واحد اصلا!
som3a_vet
4 May 2008, 07:47 PM
طب ايه الحل
ماهوا مملوةش نهايه هيبقي ليه
او نستني بقي لما يجي حب تاني ينسي الحب الاولاني
ماهوا مش هينفع القلب مش ميكروباص جيزه جيزه
واحد يطلع والتاني ينزل
bosycat.vet
5 May 2008, 04:41 PM
الاولى ادرس شخصيه الشخص ده قبل ما اتعمق فى الحب

اصل يا دكتور سمعه الحب من طرف واحد ده عذااااااااااااااااااااااب
أبو أنوس
8 May 2008, 07:51 AM
السلام عليكم ورحمة الله وبركاته،،

اولا أنا بشكر كل اللى معانا ع مشاركانهم الجميله وان شاء الله للا رد

المهم نبدأ
المرحلة الثانيه


كنا قد وصلنا إلى ان القصة تبدأ بأن الولد يتحجج بطلب محاضرة او غيرها من البنت لفتح كلام مع البنت

وقد وضعت د.حفيدة حالا جميلا جدا

.................................................... فى هذة المرحله سنفتح موضوع شائك جدا

فى أن البنت تبدأ فى التفكير فى الحب ؟؟؟؟ ويظهر الشيظان فى هيئة أسئلة

لماذا انا الذى طلب منى المحاضرات ........ لماذا انا ..... وهكذا

وتبدأ من هذا اليوم تفكر فى نظرات وهمية منه وكلام له ....... وهكذا يظهر ما لم يكن فى الحسبان

وهو بداية قصة الجب ..... أو الحب المدمر "الحب من طرف واحد"

هذة المرحله نهاية البداية وبداية النهاية

منتظر مشاركاتكم وتعليقتم واراكم واقترحاتكم للمرحله القادمه
دمعه حزن
8 May 2008, 02:31 PM
إقتباس(shery m @ 2 May 2008, 03:31 PM) *
موضوع جميل اوىىىىىىىىىىى

انا اول مره اشارك هنا

انا عاوزه اقول ان حب الجامعه ممكن اوى ينتهي بالجواز

انا ليا صحابي حبو في الجامعه وارتبطو واتخطبو هما اكبر مني ومتخرجين دلوقتي

تلاته اتخطبو واتنين دفعتي هيتخطبو ان شاء الله في شهر سبعه

وفي اللي ماكملوش وفي اللي ربنا ماوفقهمش

وفي اللي ضيعو عمرهم في حب من طرف واحد زي انا



منوره الموضوع ياشيرى
اكيد فى حب نجح وكان مش عايزه اقول نهايته الجواز لان الجواز بدايه مش نهايه
وفى كتير قشل فاحنا هنا بناقش كل جوانبه ولو عندك قصه حصلتلك او لغيرك ممكن تقولهالنا هنا علشان نتعلم منها
وربنا يوفقك
وميرسى على مرورك
إقتباس(som3a_vet @ 3 May 2008, 10:10 PM) *
ع فكره حب الجامعه مابيكملش
لو ماتبناش علي اساس سليم
اساس صاااااااادق
محترم
و ياريت الحب من طرف واحد بلاش منه احسسسسن
لانه ملوش نهايه
والحاجه الي ملهاششششش نهايه يبقي بدايتها ملهاش لازمه


كلام جميل جدا يافيت
ولازم يبقى مبنى على اسس كتير
بس الانسان مبيفهمش ده الا بعد فوات الاوان
سعدنا بمرورك جدا
ومنتظرين مشاركاتك
إقتباس(bosycat.vet @ 4 May 2008, 08:44 PM) *
فيت سمعه انت مش بتبقى عارف حبيت الشخص ده ليه

ولو بتعرف تتحكم فى القلب مكنش حد غلب ولا بقت فى مشكله الحب من طرف واحد اصلا!


بوسي بجد كلامك صح جدا جدا
لو كل انسان قدر يتحكم فى قلبه مكنش حصل كل ده من البدايه
منتظرين مشاركاتك يابوسي
دمعه حزن
8 May 2008, 02:38 PM
إقتباس(som3a_vet @ 4 May 2008, 08:47 PM) *
طب ايه الحل
ماهوا مملوةش نهايه هيبقي ليه
او نستني بقي لما يجي حب تاني ينسي الحب الاولاني
ماهوا مش هينفع القلب مش ميكروباص جيزه جيزه
واحد يطلع والتاني ينزل


بس ياسمعه هو دا الحل
ماهو من طرف واحد يبقى ايه لزمته
لازم الانسان يستنى ويصبر لحد مايلاقى الحب اللى كان محتاجله
ولما يلقيه اؤكدلك انه هينسى كل الالم اللى حس بيه
ومش هيفتكر غير اللحظات اللى عايشها 36_3_13[1].gif
إقتباس(bosycat.vet @ 5 May 2008, 05:41 PM) *
الاولى ادرس شخصيه الشخص ده قبل ما اتعمق فى الحب

اصل يا دكتور سمعه الحب من طرف واحد ده عذااااااااااااااااااااااب


ازى تدرس شخصيته يابوسي
دى ممكن تحبه او يحبها من غير مايعرفها اصلا
مش هيقعد لسه يدرس شخصيه وكلام كده
مش بيقولك مرايه الحب عمياء
اى نعم المثل دا مش صحيح بس هو كده
وبالفعل حكايه من طرف واحد دى صعبه اوى
منتظرينكم 36_4_11[1].gif
.
Invision Power Board © 2001-2008 Invision Power Services, Inc.