بص ياشيرى
اغلب الناس بيدخلو محاسبة على امل انهم يلاقو شغل محاسبين
بس فعلا ادارة حلوة جدا
اما عن المواد ففى مواد بندرسها كلنا مشتركة مع اختلاف ترتيبها فالترميات
بس محاسبة بياخدو الاكتر محاسبات
وادارة دراستهم ادارة وابحاث

بس كل واحد يختار اللى بيحبو ادارة ولا محاسبة
؟؟؟؟؟؟؟؟؟

وبلاش حكاية الاغلبية دى لانى عملت كدة وندمت بجد
وربنا يوفقك ويوفقنا كلنا يارب

الموضوع ده مهم جدا ياريت نسمع اراء ناس تانية من اللي اتخرجوا او في رابعة

وانا مع رأي اميرة ان الواحد يختار اللي بيحبه لأنه هوه ده اللي هايبدع فيه

هما فين ؟



طب ندمتي ليه يا اميره؟

أينعم أنا لسه متخرجتش

بس رأيى زى رأى أميره

لكل واحد يدخل اللى بيحبه وبيفضل مذاكرته
اللى بيحب الملى اكتر يدخل محاسبه
واللى بيحب النظرى والابحاث وانه ينزل السوق ويجرب
دا أكيد أداره

أنا عن نفسى كنت هغلط وادخل قسم مش بحبه لمجرد رأى الاغلبيه اللى منهم أصحابى
لكن الحمد لله ربنا جعل ناس وقفت قصدى عشان ادخل اللى بحبه
وفعلا والحمد لله انا فرحانه قوى أنى دخلت القسم بتاعى (محاسبه)

وربنا يفقنا جميعا لما يحب ويرضى

كلنا هنعمل كده

لأ أزاى ياشيرى اوعوا تعملوا كدا

لازم تدخلى القسم اللى تحبيه وتكونى مستريحة فيه
أولا وأخيرا لازم تعملى صلاة استخارة
ثانيا اقعدى مع نفسك وشوفى عملتى ايه فى المواد الادارية طول ال 3 سنين
وعملتى ايه فى المواد المحاسبية
طب بتحبى تذاكرى ايه فيهم
طب درجاتك كانت ايه فيهم
طب راسمة لنفسك ايه بعد ما تخلصى
كل دى حاجات لازم تفكرى فيها قبل ما تختارى

ولكن عندما تختارى لا تندمى ابدا على اختيارك
فهو خير لكى بإذن الله
والخيرة فيما اختاره الله

وعلى فكرة انا كنت مقرر بنسبة 70 % انى ادخل ادارة
خصوصا انى كنت هبقى الأول على دفعة ادارة وبفارق درجات كبير عن حسام (الأول عليهم)
لكنى اخترت المحاسبة
رغم ان ترتيبى فيها الثانى على الدفعة (بإذن الله تنتهى كده)
لكنى كنت فرحان باختيارى القسم الذى أحببته

وبينى وبينكم
أنا صحيح بحب المواد الادارية
لكنى اكتشفت انى ممكن أدرس فى التيرم مادة او اتنين ادارية
لكن السنة كلها مواد ادارة !!؟
أكيد مش هستحمل

ده قرار استراتيجى مهم
فلا تتسرعى فى الاختيار

وربنا يوفقك لما يحبه ويرضاه

على حسب ميولكم ياجماعه

الموضوع مش موضوع شغل

كلنا هنشرب شيشه على القهوه عادى

الشغل ملوش دعوه بالقسم ليه دعوه بالتميز الشخصى وقدرات الفرد نفسه

اما بالنسبه للدراسه نفسها

اداره الدكاتره بيجربوا فينا الطرق الحديثه فى التعليم

برزنتيشن وابحاث وانزلى سوق العمل واحاجات اوف كدا

محاسبه زيها زى السنين اللى فاتت بالظبط

لكن علشان النجاح والكلام دا

والله مابتفرق

كنت فاكره ان العدد بياثر طلع الموضوع ملوش دعوه بالعدد

فمتحطيش عدد الطلبه فى المدرج مقياس ادامك

رأيي ان الانسان يختار الحاجة اللي تمشي مع قدراتة وتحقق له مستقبل هو مخطط له صح


لان الفرص دلوقتي صعبة فلازم كل واحد قبل ما يختار يبقي راسم لنفسه كويس

انا ندمت لانى حسيت انى دخلت حاجة مبحبهاش
يعنى دخلت الكلية على غير حب بالتنسيق
ودخلت المحاسبة بلاغلبية
فحسيت انى افتقدت هويتى وشخصيتى وطموحى
وانى بدون اى هدف وعايشة كدة وخلاص
فهمتينى؟؟

: بحيث يختار القسم الذى يستطيع أن يستخدم فيه جميع قدراته, وذلك عن طريق اكتشاف الطالب لميوله المهنية وسماته الشخصية, فيجب على الطالب اختيار القسم الذى يناسب هذه الميول والسمات


: هل معلوماته ومعرفته تتركز أكثر فى مجال المحاسبة أم الإدارة أم التأمين


: والذى يقبل عليه الكثير من الطلبة أثناء الأجازة الصيفية, حيث يساعد هذا التدريب على تحديد نقاط القوة والضعف لدى المتدرب, وبالتالى تحديد أكثر المجالات ملاءمة له


: وهو أهم معيار لأن طلب الشركات للموظفين يجب أن يقابله عرض من الخريجين وأصحاب االخبرة لتوازن سوق العمل, فالطالب الذكى هو الذى يعرف أى المجالات لها سوق عمل الطلب به أكبر من العرض ويستعد لخوض هذا المجال .

(إن لم تجدى ما تحبى فحبى ما تجدى)
مقولة جميلة بس تنفيذها صعب بجد

أنا مثلا كان نفسى قوى أدخل كلية العلوم
بس تسرعت واستجبت لرغبة أهلى وأصدقائى ودخلت هندسة
وفعلا لم أجد نفسى فيها
وفشلت
ودخلت تجارة ولم أكن أحبها فى البداية
لكنى أحببتها مع مرور الوقت
ولما نجحت فى أولى وطلعت تانية حبتها أكتر وأكتر !!!

د\محمد ميرسي علي ردودك

ربنا يكرمك



كلام جميل طب لو قلنا ان ميولي في المحاسبه والاداره واحده !!

بس درجاتي بتكون اعلي في الرياضه والعملي بتاع المواد النظريه

يعني عملي تسويق عملي تامين عملي تمويل عملي مشتريات ودرجاتي بتبقي فوق 15

لكن سواء كانت ماده اداره كلها نظري او ماده محاسبه في مستحيل اتخطي ال 13

يبقي كده اعمل ايه؟



دي نقطه مهمه ولازم كلنا نفكر فيها

واللي بيحب محاسبه بردو بتبقي ماده كل ترم لكن هيقدر علي 3 مواد ماسبه ؟

كلام مظبوط

المشكله ان مش انا بس ناس كتير عندها الاداره زي المحاسبه ومش عارفه تحدد ميولها!!

فعلا يا شيرى الحكاية صعبة قوى
ربنا يكون فى عونك
انا نفسى كنت متردد لآخر لحظة بين ادارة ومحاسبة
بس عايز أقولك ان الدرجات مش كل حاجة
دى بس أحد المعايير اللى لازم تاخديها فى الاعتبار
انا مثلا كنت بجيب فى المواد الادارية كلها امتيازات وجبت فى حوالى 5 مواد الدرجة النهائية
فى حين انى جبت 20 من 20 فى مادة محاسبية واحدة وهى المحاسبة الحكومية
فبلاش تستندى الى معيار الدرجات لوحده فى الاختيار
شوفى ميولك غالبة عليكى فى أى اتجاه
شوفى انتى ناوية تعملى ايه بعد التخرج
نفسك تشتغلى فين ولا مش هتشتغلى أصلا
وكمان خدى رأى أصحابك من خارج المنتدى وشوفيهم بيفكروا ازاى
روحى لدكاترة كل قسم واسأليهم عن مزايا القسم بتاعهم
(بس طبعا من غير تحيز)

وربنا يوفقك

حاولي تركزي تاني مع نفسك وانتي بتذكري حتي


هتتكتشفي اكيد

كان نفسي يبقى ال 10مواد محاسبات

عشان نبعد عن ابو ناعم وابتهاج ومحمدى والناس دى

معلش كلها شهرين وتبعد عن كلة ان شاء الله

بسم الله ماشاء الله خلي بالك من الحسد يا د\ محمد

باقي شهر ويومين او تلت ايام

بيب بيب ادارة

مش عارفه الناس لسه بتسأل ليه على الموضوع ده

طبعا يعني إدارة هو في غيرها

طيب ليه واشمعني واخترتي اداره ليه ياغيداء وكل حاجه

مفيش حد هنا هيدخل ادارة

فين الناس اللي في اداراه ياجماعه يكلمونا عن المواد اللي فيها؟

وايه موضوع الابحاث ده ؟

ولله انا ناوى ان شاء الله محاسبة بس برضو هستخير ربنا

اللهم اختر لى فإنى لا احسن الاختيار ودبر لى فإنى لا احسن التدبير

فأنت حسبى وكفى

امين يارب العالمين

محاسبه ربنا يوفقك

طب وباقي الناس هتعمل ايه

موضوع رائع

بس للأسف كل أما أجى أشارك فيه أقول لما أروووووق

بإختصار أنا كنت ناوى على تأمين أول ما دخلت الكلية ولغاية فترة قريبة وكان سبب رئيسى إن أخويا دكتور رياضة وتأمين فى جامعة أسيوط فكنت حابب أحضر رسالة الماجستير والدكتوراه عن علاقة التأمين بالإسلام

بس فى الفترة الأخيرة تعلقى بالمحاسبة زاد جدا خصوصا بعد دراسة مادة المراجعة وده سبب رئيسى فى إنى إن شاء الله هدخل قسم محاسبة الحب مش أكتر والا أقل

بس خلاص

حمساوي هيدخل محاسبة

ربنا يكرمك



ياتري قرب الامتحان هو السبب



حلو اوى ياحمساوى ان يبقي هدفك حاجه انك حاسس انك بتحبها

ربنا يوفقك

اما ماده المراجعه دي العملي بتاعها جابلي اكتئاب حاد

واظاهر اني ماليش مع قسم محاسبه ده عمار

ايه الممتع فى مادة المراجعة ؟؟

اكتشاف الاخطاء فى دفتر اليومية والاستاذ

وتصحيحهم وتصحيح الارصدة

لولا اختلاف الازواق لبارت السلع : D

thats right

انا ناويت اداره ان شاء الله

اني بحس معاها باحبااااااااط واني ماليش في الكليه من اصله




في حاجات عندي كمان زياده عن كده

حاجات ظريفه جدا بيدهلنا د \كامل عشماوى و د \مايسه

بسم الله ماشاء الله المقرر كله عملي

والمحاسبات ارحم منها علي الاقل بحفظ التمرين واحطه وخلاص

الحاجات اللي انت بتقول عليها دي يجيب بنود وقال ايه انا اصلحها

وتسويات البنوك بنود ونا اللي اعملها تسويه

وحاجات تانيه كتير كده مش فاكره اسمها

على فكرة د.مايسة مبتديش منهج

دى بتلغى كتير جدا

مش كدا ولا ايش؟

لا مديانا منهج ابن حلال اوى

العملي مش فاهمه في اي حاجه

يمكن عشان خبرتي في المحاسبه مش اد كده صعب بالنسبه لي

اه والله

حاولت افهم في سنه اولي وعيدت السنه علي محاسبه ماليه ومحاسبه شركات واكونتينج

بقيت بقي احفظ شكل التمرين واحفظ الخطوات وارصها واغير ارقام بقيت انجح بمقبول

وبتفكرى تدخلى محاسبة ولا ادارة

محاسبـــــــــــــــــــــــه ان شاء الله



انا استكييييييفت من النظرى و الحفظ

على فكرة عندنا فى الترم الاول مادتين نظرى نظم معلومات و اقتصاديات مشروع

وفى الترم التانى نظم برضو بس بالانجليزى وسياسات ادارية

ما انا بقول كدة برضو

ممتاز الموضوع ده ..

اول حاجة عايزة اقولها فيه .. ان الحيرة امر طبيعي جدا ..

الحيرة معناها اني بفكر .. اني مش مستعجل على نفسي ..

اني بحاول اخد قرار صح ..



تاني حاجة هي ان عمركم ما تصدقو اللي بيقولكم ان مفيش شغل و الكلام ده

الشغل على قفا من يشيل .. بس اللي يشيل بجد

انا كل الناس اللي اعرفها اشتغلو و معظمهم اشتغلو في المجالات اللي بيحبوها .. و انا واحدة منهم



تالت حاجة .. قسم ادارة ..

شوفو يا جماعة .. احنا خلينا نكون صرحاء من نفسنا

احنا سيستم التعليم عندنا بايظ .. في كل الاقسام

و اللي بيفيد الطالب .. استاذ معين درسه و اثر فيه

قسم ادارة في اكتر من استاذ ناجحين انهم ياثرو في طلابهم

لانهم اصلا مدربين و بيشتغلو استشارين في شركات عشان يحسنو العملية الادارية فيها

فهما بيعرفو كويس يشدو الناس ليهم و يعلوهم بجد




رابع حاجة .. المواد في ادارة ..

الترم الاول :

ادارة البنوك : اسقاطات للادارة او ربطها بعمل البنوك .. فيها اجزاء حسابية ممتعة

التخطيط و الرقابة : التخطيط انواعه كيفية تطبيقه و المتابعة

دراسات الجدوى : التخطيط للمشاريع الجديدة و معرفة جدواها من اكثر من ناحية ( تسويقية و مالية و و و )

المحاسبة الادارية : كيف يمكن للمحاسبة ان تستخدم في اتخاذ القرارات الادارية ..

بحوث العمليات : اساليب علمية تستخدم في حل المشكلات و اتخاذ القرارات



الترم الثاني :

الادارة الاستراتيجية : ام الادارة .. ادارة مستقبل الشركة ككل

بحوث التسويق : البحوث التي تكشف عن الفرص و المشاكل التسويقية

الترويج : مادة جميلة جدا تعلمنا كيف نروج لمنتج ما

نظم ادارية E : مادة تعلمنا كيف يمكن ان نستخدم التفكير المنهجي المنظم في الادارة

الادارة الدولية : الادارة الشركات متعددة الجنسيات و ما له علاقة بها




و اخيرا ..

لا استطيع ان اقول ان قسم ادارة ممتاز .. او سئ

لانه ببساطة هناك من يعشق الروايات البوليسية .. و هناك من لا يطيقها

انا احببته و تفوقت فيه لاني احب هذا العلم و اتشوق لدراسته

كانت هناك بعض المواد المملة و الثقيلة .. كنت احاول ان ابحث فيها عن شئ ما يفيدني

لكي لا تكون هذه المواد عقبة تمنعني من الاستمتاع ببقية مواد القسم

و بالفعل نجحت فيه .. و حصلت على تقدير عال لاول مرة في كليتي

رغم اني في كل سنوات الدراسة كنت ادرس بجد ..

لكني لم احب اي فرع من فروع العلوم كما احببت الادارة

هذا الشعور ..اذا شعرتم به نحو اي مادة تخصصو في علمها فورا

اما ان كانت كل المواد سيان .. فكل التخصصات سيان

السلام عليكم


كنت معدي و الموضوع استفزني اني اشارك فيه


اختنا روعهـ قالت كتير من اللي ممكن اقوله


بس انا عموما


ها اتكلم عن تجربتي الشخصية




الحمد لله اتخرجت السنة اللي فاتت

دفعة ادارة 2007


شغال دلوقتي اخصائي دراسات اقتصادية في شركة استشات تسويقية و ادارية


ال title بتاعي باحث


داخل على سنة تقريبا في المكان ده




كل اللي عايز اقوله


كان في حاجه اختلفت فيها مع محلل عندنا


و كان واقف في صفي خبير عندنا في الشركة


بيؤيد وجهة نظري


و المحلل كان مختلف جدا معانا


و لقيت زمايلي اتقسمو نصين بين مؤيد و معارض



انا بقول نستخدم الاسلوب الفلاني في حل المشكلة دي


و التانيين يقولو نستخدم الاسلوب العلاني في حل المشكله


و كل فريق شايف ان هو اللي صح




جبت كتاب من اللي بتدرسه دفعة الدارة 2008 السنة دي


فضلت اقلب فيه


لقيت الحل بتاع المشكله فيه



رجعت احكي للخبير اللي عندنا



لقيته استغرب جداااااااااااااااااا



انتو بتدرسو حاجات زي دي في الكليه ؟؟؟؟؟؟؟؟




موقف تاني



لسه امبارح


في شركة عميلة عندنا بنقدم ليها خدمات استشارية في احد المجالات



المهم


طلعت كل كتبي اللي درسناها في الكلية المتعلقة بالموضوع


لقيت افكار رهيييييييييبة



و حاجات فعلا كنووووووووووووووز


للاسف مش عارفين قيمتها


لدرجة ان في مادتين كنا بندرسها في سنة رابعة كان كتابهم معايا طول الوقت في الشغل





و لدرجة كمان اني مرة حبيت اقارن بين كتاب منهم و بين كتاب كوتلر



لقيت ان الكتاب اللي درسته يكاد يكون افضل




{على فكرة - كتاب كوتلر من افضل الكتب اللي قريتها في حياتي}




اخر حاجه



دي شهادة حق لازم اشهد بيها



ان في مجال شغلي ده



لاقيت ان في توفق كبير جدا بين اللي درسته و بين اللي بشتغل بيه






معلش طولت عليكم



ولو في اي سؤال انا في الخودمة