الساحة > مناقشـــــــــــات جــــــــــادة

helsing

16 May 2008, 05:16 PM

السلام عليكــم ورحمـة الله وبركاتــة

ازيكم عاملين ايه ؟

انا زهقت من المواضيع اللى فى الساحة 36_1_49[1].gif

وانتوا كمان ؟

طيب اتفرجوا على الصورة دي وقولولي اول انطباع جه فى دماغكم

اللى هيكدب هيروح النار

شوية وراجع

EsPanYola

16 May 2008, 05:20 PM

ايه ده يا عم انا فهمت قصدك بس زغلللللللللت

غيـــــداء

16 May 2008, 05:23 PM

وعليكم السلام ورحمة الله وبركاته

shery m

16 May 2008, 08:52 PM

اسبانيولا ازيك

منور والله ياحوده

........

انا مش فاهمه حاجه ياهيلسنج

helsing

17 May 2008, 01:15 PM

محدش جاوبني على السؤال برضة يا جماعة

إقتباس

طيب اتفرجوا على الصورة دي وقولولي اول انطباع جه فى دماغكم

طيب اقولكم انا اللى حصللى
______________________

الصورة أولا ثابتة مش متحركة لانها بصيغة (jpg) وبالتالى اللى بيحصل دا خداع بصري

ايه هو اللى بيحصل دا بقى ... هو كالآتى

اول ما تبص على دائرة من ال5 اللى موجودين فى الصورة وتركز فيها تلاقى ال4 الباقيين بيتحركوا

اول ما تركز على ال 2 اللى فى اليمين تلاقى ال 2 الى فى الشمال بيتحركوا

وهكذا كل ما تركز علي حاجة وتنشغل بيها عشان تثبت لنفسك انها ثابتة .. تلاقى الباقى بيتحرك

فتلاقى عينك غصب عنك راحت للى بيتحرك تلاقيه ثابت يقوم الباقى متحرك وهكذا ...

مبيفكركوش بحاجة الكلام دا ؟؟؟

shery m

17 May 2008, 01:48 PM

benteleslam43

17 May 2008, 02:48 PM

اول ماشوفتها اول انطبعان يعنى

عروسه المولد

هى اللى الدواير دى بتبقى فى ضهرها

بس انا بحب جدااااااااااااا

الخداع البصرى

الجنرال

17 May 2008, 04:27 PM

اه ...

ها..

على فكرة ..

انا مش فاهم حاجة

helsing

17 May 2008, 05:28 PM

إقتباس

اول ماشوفتها اول انطبعان يعنى

عروسه المولد biggrin.gif

هى اللى الدواير دى بتبقى فى ضهرها

بيبقوا 3 دواير بس

إقتباس

على فكرة ..

انا مش فاهم حاجة

طيب انا هوضح اهو

helsing

17 May 2008, 05:57 PM

الموضوع ببساطة انى عايزنا نتناقش مع بعض فى اى موضوع حد مننا يقترحوا وكل واحد يقول هو شايف ايه

بكل بساطة بدون تعقيد .. تقول وجهة نظرك .. حتى لو مش فاهم حاجة تقول .. خليك ايجابي

خليك ليك وجهة نظر .. ليك رؤية .. ليك كلمة .. مخير مش مسير

بس يا ريت نتفق انه مثلا كل اسبوع حد يقترح موضوع جديد وكله يشارك ويقول رأيه لعلنا نستفيد باذن الله

36_4_11[1].gif

-----------

حبيت يكون الموضوع الاول الصورة اللى فوق دي لانها فكرتنى بحاجات كتير

فكرتنى انى كل اما اقعد اذاكر .. ببقى هتجنن واركز

كل اما اجى اركز الاقى مشتتات للانتباه.. مثلا الباب يخبط ..

التليفون يرن.. تحصل حاجة طارئة تستدعي اهتمام سيادتى 36_1_50[1].gif

الاقى الاكل بينادينى

الاقى نفسي تعبان وهلكان وعايز انام

---------

فكرتني كمان بالمحافظتين الجداد والحوارات اللى كانت بتتم بين الناس على الموضوع دا

الناس كلها نسيوا رغيف العيش نسيوا الاسعار نسيوا الاضراب نسيوا حقوقهم وبقوا يتكلموا فى القرار المفاجىء ومميزاته وعيوبه

الموضوع حسيت انه مقصود بيه "تشتيت انتباه" الناس عن القضايا اللى مشغولين بيها بموضوع يهم كل الناس ومفاجىء

انتوا ايه رأيكم فى موضوع "جذب الانتباه والتركيز وتشتيت الانتباه" ؟؟؟

*زهرة*

18 May 2008, 08:42 AM

بجد موضوع جميل أحيك عليه ياهليسنج
أستمر واحنا ان شاء الله متابعين معاك

elking417

18 May 2008, 08:51 AM

والله برنس هيلسنج الى الامام واحنا معاك

وعايزين نتكلم كمان على القنوات الكتيير اللى عمالين ينزلوا فيها والناس موراهاش غير تردد القناة دى كام

واشمعنى احنا القناة دى مش عندنا ...... وهكذا

كل دة تشتيت للانتباه وللتركيز

موضوع ممتاز

helsing

18 May 2008, 10:49 AM

إقتباس

بجد موضوع جميل أحيك عليه ياهليسنج
أستمر واحنا ان شاء الله متابعين معاك

جزاكى الله خيرا

بس فين رأيك

إقتباس

والله برنس هيلسنج الى الامام واحنا معاك

وعايزين نتكلم كمان على القنوات الكتيير اللى عمالين ينزلوا فيها والناس موراهاش غير تردد القناة دى كام

واشمعنى احنا القناة دى مش عندنا ...... وهكذا

كل دة تشتيت للانتباه وللتركيز

موضوع ممتاز

ربنا يكرمك

موضوع القنوات الجديدة كل يوم دا عامل جذب انتباه جامد جدا للناس

ومشتت تركيزهم عن حاجات كتير اهم المفروض يعملوها

بعض الناس بتقضى ساعات قدام التليفزيون ومش بيستفيدوا كلمة

معظم القنوات دلوقتى مش ليها اى هدف غير الربح ومش مهم وقت المشاهد اللى بيضيع فى ولا حاجة

shery m

18 May 2008, 08:54 PM

موضوع جميل ياهيلسنج

إقتباس

انتوا ايه رأيكم فى موضوع "جذب الانتباه والتركيز وتشتيت الانتباه" ؟؟؟

طيب نسال نفسنا سؤال

احنا ليه بنروح ورا التشتيت ده ؟

سواء قنوات ولا النت اللي بياخد معظم وقتنا

حتي مابنرحمش نفسنا منه ايام الامتحانات والمزاكره

عارفين ليه؟

عشان عندنا كبت

-رؤى-

18 May 2008, 09:24 PM

بس رأيي لو الحاجات دي بتعطلنا عن مصلحتنا

يبقي فيه نوع من عدم تحمل المسؤاليه عندنا

helsing

18 May 2008, 09:45 PM

إقتباس

عشان عندنا كبت

انتى عارفة الكبت ممكن يخلى الواحد يكلم نفسه

ممكن يخليه يقعد طول اليوم بياكل بس

او طول اليوم بيتفرج على التليفزيون بس

او اى حاجة بتخليه يهرب مش يواجه

إقتباس

يبقي فيه نوع من عدم تحمل المسؤاليه عندنا

ايوة بالظبط .. بس دا فى معظم الاحيان بيبقى خارج عن ارادتنا

لان عوامل جذب الانتباه كترت اوى .. والمحبطات برضو كترت

فالواحد ما بيصدق يلاقى حاجة تجذبه

وتشغله عن عمله اللى مش بيحبه او مذاكرته اللى كارهها

د/ محمد سعيد

18 May 2008, 10:50 PM

مش عارف ليه كل ما أفكر فى موضوع ألاقى حد سبقنى وكتب فيه أو كتب فى موضوع مشابه

مااااااااااشى

اصبروا بس لما الامتحانات تخلص
وأنا هكتسح الساحة بالموضوعات
الجامدة طبعا

helsing

18 May 2008, 10:57 PM

خلاص انا مستنيك اما تخلص على الامتحانات

shery m

18 May 2008, 10:59 PM

إقتباس

بس رأيي لو الحاجات دي بتعطلنا عن مصلحتنا

يبقي فيه نوع من عدم تحمل المسؤاليه عندنا

ايوة بالظبط .. بس دا فى معظم الاحيان بيبقى خارج عن ارادتنا

لان عوامل جذب الانتباه كترت اوى .. والمحبطات برضو كترت

فالواحد ما بيصدق يلاقى حاجة تجذبه

وتشغله عن عمله اللى مش بيحبه او مذاكرته اللى كارهها

معاكي يارؤي اكيد نوع من عدم تحمل مسئوليه بس في ايدينا نبعد نفسنا

بس زي ماقال هيلسنج وزي ماقصد انا احنا ليه بنروح للحاجات اللي تشدتنا

غصب عننا بنبقي عاوزين نبعد نفسنا عن ضغوط مزاكره او مشاكل بتحصلنا

فبنلاقي الحاجات دي يعني انا كنت مدايقه من المزاكره ومش عارفه احفظ

من خنقتي قمت شغلت التليفزيون وفضلت اقلب لحد ماحاجه شدتني وعجبتني

وخرجتني من الخانقه اللي انا فيها

وبعدين لقيت الكمبيوتر رحت فاتحاه

الخانقه ادامنا والنكد ادامنا وحاجات ممكن تنسينا كل ده ادامنا بردو

انا كنت في الاجازه ومش ورايا حاجه وبقعد عالنت او اتفرج عالتليفزيون

ومش برضي اني انام عشان هصحي تاني يوم هلاقييه زي اللي قبله

يعني الخانقه والملل والنكد والمشاكل

7amsawy

19 May 2008, 10:59 PM

تحياتى هلسينج على الموضوع الرائع ده

أنا أول ما شوفت الصورة جه فى دماغى

عرووووووووسة المولد

زى بنت الإسلام 36_2_53[1].gif

إللى شغالة خناقات فى ساحة سياسة والرأى والرأى الأخر

عمومن الموضوع رائع ولى عودة مع تصرفات الحكومة معانا

بس معرفش إمتى ؟؟

حسب ظروف المذاكرة

دعواتكوا

-رؤى-

19 May 2008, 11:51 PM

إقتباس

معاكي يارؤي اكيد نوع من عدم تحمل مسئوليه بس في ايدينا نبعد نفسنا

بس زي ماقال هيلسنج وزي ماقصد انا احنا ليه بنروح للحاجات اللي تشدتنا

غصب عننا بنبقي عاوزين نبعد نفسنا عن ضغوط مزاكره او مشاكل بتحصلنا

فبنلاقي الحاجات دي يعني انا كنت مدايقه من المزاكره ومش عارفه احفظ

من خنقتي قمت شغلت التليفزيون وفضلت اقلب لحد ماحاجه شدتني وعجبتني

وخرجتني من الخانقه اللي انا فيها

وبعدين لقيت الكمبيوتر رحت فاتحاه

الخانقه ادامنا والنكد ادامنا وحاجات ممكن تنسينا كل ده ادامنا بردو

انا كنت في الاجازه ومش ورايا حاجه وبقعد عالنت او اتفرج عالتليفزيون

ومش برضي اني انام عشان هصحي تاني يوم هلاقييه زي اللي قبله

يعني الخانقه والملل والنكد والمشاكل

طيب وليه بدل ما نخلي الحاجات اللي بلا قيمة هي اللي تنسينا الحاجات اللي بتخنقنا

نشوف حاجة ممكن تحقق الاتنين

shery m

21 May 2008, 11:00 AM

إقتباس

طيب وليه بدل ما نخلي الحاجات اللي بلا قيمة هي اللي تنسينا الحاجات اللي بتخنقنا

نشوف حاجة ممكن تحقق الاتنين

صح والله يارؤي عندك الحق

الفكره دي جاتلي من فتره فعلا وتقريبا عرفت ايه الحاجه اللي تحقق الاتنين

shery m

25 Jul 2008, 05:19 PM

جايلي احساس كده وميول عدوانيه عايزه افجر الساحه

الاعضاء اختفوا هما فين بجد انا مش عارفه

انا اتخنقت جدا

مش عارفه الناس بتصيف ولا مش فاضيه ولا ايه

نفسي الساحه ترجع زي الاول

طيب بوصو

هنخلي موضوع هيلسنج كل فتره نتناقش في موضوع معين

والمراقبين هيكتبو العنوان بتاع المناقشه في وصف الموضوع

ها ياجماعه تحبوا نتناقش في ايه ؟

في اي حاجه في الحياه مش شرط عن الدراسه يعني ...

**سنبله**

25 Jul 2008, 05:46 PM

عن ظاهره رغبه كل الشباب انهم يسافروا بره

shery m

25 Jul 2008, 06:08 PM

طيب فكره كويسه ومهمه لو موافقين

غيداء او رؤي يغيروا وصف الموضوع علشان تبقي واضحة بعد اذنك ياهيلسنج طبعا

-رؤى-

25 Jul 2008, 08:49 PM

لو وافقتوا

نبقي نغير الوصف حسب موضوع المناقشة

helsing

25 Jul 2008, 08:59 PM

اه ياريت يبقى: عمل الشباب بالخارج

شوية وهاجي ارغي

helsing

25 Jul 2008, 09:23 PM

متهيألى كلمة السفر برة يعنى مش فارقة

يعنى أمريكا زي اوروبا زي الخليج

المهم انه مكان جديد فيه بداية جديدة

معظم اللى بيبقى عايز يسافر بيبقى عشان مش لاقى حاجة هنا

وعارف انه هيلاقيها برة

وغالبا الحاجة دي بتبقى الفلوس

مش شرط فلوس كتيرة لكن مناسبة لعمله

وموضوع مناسبة العمل دا كمان سبب

يعنى خريج كلية تجارة صعب جدا انه يشتغل فى مجاله هنا

لو كان تقديره مقبول او جيد، معظم الخريجين بيشتغلوا دلوقتى فى خدمة العملاء او المبيعات

لكن ممكن تجيله فرصة برة لو معاه لغة كويسة ومعاه كمبيوتر كويس

حتى لو مش فى مجاله زي اللى هنا، لكن هيبقى العائد المادي اكتر

وفيه سبب تانى وهو ظروف الحياة نفسها

زي المواصلات والروتين والغلاء ....

shery m

25 Jul 2008, 09:49 PM

طيب يارورو غيرلنا الوصف بقي

يعني شايف ان السفر بره افضل ياهيلسنج من هنا ؟

لو جت الفرصه هتسافر؟ ولا شايف ان في معوقات ؟

-رؤى-

25 Jul 2008, 11:02 PM

غيرت الوصف

ESRAA-88

25 Jul 2008, 11:08 PM

السلام عليكــم ورحمـة الله وبركاتــة ،،

الموضوع حلو جدا

بالنسبة لفكرة السفر دى فعلا حلم من احلامى رغم انى بنت انا ببص للسفرمن اكثر من ناحية

1\تغيير للاماكن والناس و العادات والتقاليد

2\اكتساب خبرات و معارف جديدة

3\الواحد بيشوف و يتعامل مع ثقافات جديدة

4\اكتساب مادى ومعنوى(اذاكان لشغل فهيكون فيه عائدمادى ونوع من الشعور بالسعادة)

5\اما اذاكان الواحد مسافر عشان يكمل تعليمه فهيكون مفيد جدا الانه هيبعد عن اسلوب التعليم العقيم

الى عندنا ف ام الدنيا (حلم من احلامى مستحيلة التحقيق)

السفر للخارج بقى صعب جدا الايام دى بسبب التكاليف المادية الكبيرة و صعوبة الحصول ع التأشيرة

اذاجتلى فرصة للسفر مش هتردد و هقبل على طول بس لازم ساعتها يبقى معايا محرم

لان ف البيت استحالة البنت تبات برة البيت لوحدها

طولت عليكم 36_2_53[1].gif

القسام10

25 Jul 2008, 11:26 PM

بس للاسف يا ESRAA-88

اي حد بيسافر بيرجع بشعور غير كده تماما

لازم الواحد يكون مأقلم نفسه علي السفر ومستعد انه يواجه المشاكل الي هتوجهه وخاصة في الاول

انا اعرف ناس كانت لما تسافر بتقعد السنه كلها وبترجع مصر في الصيف

فلما كانت بتسافر كانت تفضل مستنيه الاجازه وتقول امتي بقي هرجع مصر وتفضل مستنيه الاجازه طول السنه واول ما تنزل الاجازه تقول يووووه هو امتي بقي هسافر وسيب مصر وهكذا كل مره

helsing

25 Jul 2008, 11:35 PM

انا بصراحة لو سافرت هيبقى للسببين دول

إقتباس

1\تغيير للاماكن والناس و العادات والتقاليد
3\الواحد بيشوف و يتعامل مع ثقافات جديدة

بالنسبة لموضوع تكاليف السفر لو الشخص جاد فى انه يسافر يعمل حاجة هيتصرف

إقتباس

لازم الواحد يكون مأقلم نفسه علي السفر ومستعد انه يواجه المشاكل الي هتوجهه وخاصة في الاول

ما انت مش هتسافر تدور على شغل واقامة وكدة

انت هتبقى رايح لعمل معين او وظيفة معينة ليك

لكن انك تروح لسة هتشوف فى شغل ولا لأ دا غلط جدا واقعد هنا احسن

وموضوع الغربة متهيألى مش هتفرق معاك كتير هو شهر ولا اتنين وهتتأقلم

القسام10

25 Jul 2008, 11:38 PM

حتي لو رايح لشغل معين ومقابل عالي كمان

هتلاقي مشاكل كتيييييييييييييييييييييييييير هتوجهك في الول

مثل الغربه

الوحده

انك مش عارف تتأقلم مع الناس هناك

الشوق للاهل وللوطن

ارتفاع ثمن المعيشه هناك

عدم وجود اجتماعيات زي مصر

انك ممكن يضحك عليك كذا مره في الاول

حجات كتييييييييييييير

shery m

27 Jul 2008, 09:58 PM

ايوه انا مع اخ قسام وكفايا الغربه فعلا

مسلم محاسب

4 Aug 2008, 12:53 PM

السلام عليكــم ورحمـة الله وبركاتــة ،،
36_4_11[1].gif

دى عباره عن مناقشه بينا
يعنى فى اى موضوع او اى مشكله وطبعا سرك فى بير
فرصه نزداد خبرات من بعض

ارجو الاهتمام 36_2_53[1].gif

مسلم محاسب

4 Aug 2008, 01:00 PM

السلام عليكــم ورحمـة الله وبركاتــة ،،
انا هترح اول موضوع وعقبوا عليه ولما نخلص نطرح موضوع تانى
الموضوع هوه

وقت الفراغ

هل عندك وقت فراغ
طيب بتعمل ايه فيه
تفتكر انك كده بتستغله صح

يلا بقى عايز اشوف ارائكم واستفيد
وجزاكم الله خيرا 36_2_53[1].gif

*heba

4 Aug 2008, 02:32 PM

السلام عليكم ورحمة الله و بركاته

بصراحة أنا أطالب بإنهم يزودوا اليوم بدل 24 ساعة إلى أكثر من ذلك لإنهم مش مكفيني

مسلم محاسب

5 Aug 2008, 05:14 AM

السلام عليكــم ورحمـة الله وبركاتــة ،،
ياترى بستغلى 24 صح اصدى يعنى فيما يفيد

فيييييييييييين بقيت الناس يا جماعه
فين الاراء والاقتراحات

m3allah

5 Aug 2008, 09:15 PM

السلام عليكــم ورحمـة الله وبركاتــة ،،
انا بصراحه عندي وقت فراغ كتير بس ان شاء الله مش هيبقي في وقت لاني هبدأ في كورس E وكورس تعليم القياده وده طبعا مع حفظ القران الكريم بس ده بدأت فيه من فترة و اعتقد ان الحاجات دي كويسه لقضاء وقت الفراغ
وحضرتك عندك وقت فراغ ولا ايه ويا تري بتعمل ايه لتستغله؟
شكرا علي الموضوع جزاك الله خير

shery m

6 Aug 2008, 03:12 AM

شباب تحبو نتناقش في ايش ؟

عايزين نتناقش في موضوع اهدار الوقت واستغلال الاجازه

مسلم محاسب

7 Aug 2008, 01:01 PM

السلام عليكــم ورحمـة الله وبركاتــة ،، 36_2_53[1].gif

لغاية دلوقتى اتعملت معايا مرتين الحركه دى اصدى انى ابقى عامل موضوع وبعد كده يظهر موضوع
فيه فكرة موضوع وبالتالى تقوم الاداره تعمل ميكس بين الموضعين وتخلينى انا الجزء التانى طب ازاى
المهم
بصوا انا كمان عندى وقت فراغ بقضيه فى المقام اما فى ذكر يعنى حفظ قران او فى مساعدة باب وماما او اخواتى او اى حد فى حاجه مفيده او على النت او حسب الظروف وساعات بلعب كوره كنوع من انواع الترفيه
وبسسسسسسسسسسسسسسسسسسسسسسسسس