بناءا على طلب دكتورة maxogirl و دكتوره amoosha واى حد مهتم بالتدريب او الكورسات اقدم هذا الموضوع من الخبرة العامة واسف على التقصير فى بعض الجوانب ولكن حاولت ان يكون الشرح وافى لكل النقاط ... ارجوا منكم بدعوة واحدة على الاقل ..
اولا : بالنسبة للتدريب نوعين :
1 – تدريب فى صيدليه :مجال ال
Community pharmacist
الهدف منه تعلم خبرات مثل معرفة الاسماء التجاريه للادويه ال
Trade name or commercial name
كيفية اعطاء الحقن مثلا وكذلك فن التعامل مع المريض اللى فى الصيدلية ومهارات التواصل مع المريض والجزء الاخير هوا معضلة قراءة الروشته التى يعجز عنها الكثير من الناس حتى مع الخبره لسبب واحد ومهم وهوا : ان خط الدكتور وحش او بيستعمل قلم رخيص .......
طرق الحصول على تدريب فى صيدلية : اذا كانت صيدلية عامة بيكون عن طريق المعرفه او مثلا التعامل معاه وكده ولو صيدلية مشهوره مثلا (العزبى وسيف وعلى ايمدج ) يبقى برده عن طريق معرفه ياما تقريبا عن طريق اسره فى الكلية او كده والصيدليات ديه مش بتفرق كتيير عن العاديه بشرط تكون عندك شغف للعلم ومش نازل تقضى وقت سعيد وتقعد تتفرج على التلفيزيون فى الصيدلية ....
ملحوظه : بعض الطلاب بينزل التدريب من سنه اولى وانا لا ارى المنطق فى ذلك على الاقل ثانيه والاحسن ثالثه لانك بتدرس علوم مهمة فى الصيدلية زى الكومينيتى وكمان الفارما (علم الادوية ) والميكرو واقل حاجه تعرف يعنى ايه
Gm –ve & Gm +ve
ولذلك يفضل فى تالته ورابعه بس مش معنى كده تانيه واولى لا بس اكيد انتم عرفتم الفرق .....
فن التدريب فى صيدلية : هناك قواعد للتعلم الصحيح من الصيدلية واعتقد فيه مواضيع كتيير عن ازاى تدرب لو حد عمل بحث على جوجل هيلاقى كل حاجه...........
2 - تدريب فى شركات الادويه :
معلومات عامه يجب ان نعرفها قبل التدريب
مجالات العمل
Medical rep., R&D & production which is QA & QC
الاول معروف وهوا مجال مندوبى الدعايه فى الشركه والذى يبداء بيه كل من يحب هذا المجال لما يتمتع بيه من مزايا عن مثيله من المهن زى العربيه مثلا وكده والمرتب والبدله وكل الحبشتاكانات التى يطمح فيها اى طالب او طالبة فى كليتنا العزيزة وفى بلدنا اللذيذه .....
R&D الثانى
اختصار لقسم الابحاث والتطوير وهوا القسم المختص بعمل الابحاث الدوائية وتطوير الادوية الخاصة بالشركة وفى الانظمة العالمية للشركات يتم تقييم مستوى وكفاءة الشركه بمدى انفاقها السنوية على الابحاث والذى يعد عامل مهم ليدفع عجلة التقدم العلمى للشركة من اجل الربح من جانب ومن اجل الحد من معاناة المرضى فى ابسط الصوروالصيغ الدوائية وهوا جوهر مهنة الصيدلى من وجهة نظرى البحث عن الجديد فى هذا العلم وتقديمه الى المرضى لتخفيف معانتهم مع المرض طبعا القسم ده فى مصر يكاد يكون مختفى ......مع الاسف
فى مجال تالت جدير بالذكر وهوا الانتاج
Production
حيث يتم تصنيع الادوية فى كل الصيغ الدوائيه ومن خلال التدريب فى هذا القسم فانك تحظى برحلة مليئة بالمرح الى داخل غرف التصنيع حيث ترى عملية تصنيع السيرب مثل ادوية الكحة اجهزة صنع الاقماع والكريمات والمراهم وتتجول وصولا الى المنطقة العقيمة والموجودة فى اى شركة محترمة وسبب الاسم العقيمة انها تخضع لدرجة عالية من التعقيم والتطهير الدائم حيث يتم تصنيع الحقن الامبول والسوائل والمحاليل الطبية وقطرات العيون وبعض انواع من الاقراص الخاصة المسماة بالكسوة الغشائية
طرق الحصول على تدريب فى شركات الادوية :
ان هناك وسيلتين للحصول على التدريب فى شركة ادويه على حسب نوع الشركة ولذلك يجب ان نعرف انواع الشركات فهناك شركات حكومية نذكر منها مثلا شركة النيل وشركة سِيد وشركة القاهرة للصناعات الدوائية وهم اجمالى تسع شركات وهناك الشركات الخاصة اشهرها فيزر وسيرفير وسنوفى افنتس ونوفارتس فارم وجالاكسوا سميث كلين وبريستول مايرز سكويب وغيرهم وما اكثرهم وما احلاهم .......
للحصول على تدريب فى شركة حكومة : الموضوع ببساطه انكم محتاجين شهادة قيد او طلب تدريب من الكليه ..تمام
الاول شهادة القيد من شئون الطلبه تدفعوا تقريبا 10 جنيه ده عشان مستعجل وخلال يومين او اكتر تاخدوها عباره عن ورقه فيها الاسم والسنه الدراسيه وكده عشان الشركه
جواب التدريب بيطلع مجانا بس بيتاخر جدااا بيكون الفرص اتحجزت ....
بعد ما استخرجتم شهادة القيد بتروحوا اى شركه المفروض ان احنا كطلبه فى جامعات حكومه لينا الحق نتدرب فى اى شركه حكومه طبعا الاقرب من البيت او على حسب يعنى ... اللى اعرفهم انهم 9 منهم شركه ممفيس والنيل والقاهره وسيد تقريبا وكذا شركه حكومه كده بتروحوا فرع الشركه ( النيل والقاهره مثلا فى حدائق القبه فى شارع المصانع ) وتقدموا الطلب او شهادة القيد هناك وبعدين تقلولهم نيحى امتى هيقولوكم على الميعاد بدون اى فلوس تانيه ياما تروحوا الشركه القابضه اللى هيه الام يعنى وتقدموا وهما يوزعكو على اى شركه بعدين تروحوا وتدربوا وخلاص على كده .........
لتدريب فى شركه خاصه : برده لازم شهادة قيد بس بردوا لازم مع الاسف واسطه او حد يعنى جوا ....
الى هنا ينتهى الحديث عن التدريب ونبداء الكلام عن الدورات والكورسات وهى انواع نعرفها فى المشاركة القادمة باذن الله ياريت الدعاء وجزاكم الله خيرا ...... اردت ان اقتبس من موضوع لزميل فى منتدى اخر عسى ان يكون هناك اضافات على موضوعى .....
| عايز تتدرب ومحتار ...تعالى اقولك....!!!! السلام عليكم ورحمة الله وبركاته اخواني الطلبة والطالبات (زي البرامج التعليمية) عايز تتدرب فين ؟؟ سؤال بيطرح نفسه مع اقتراب اجازة الصيف ؟ طيب قبل ما تسأل نفسك السؤال ده لازم تسأل نفسك سؤال اهم انت ناوي تشتغل ايه ؟ ناس هتقول طيب هو ده هيفرق في ايه ؟ اقولهم تحديدك لنوع وظيفتك في المستقبل هيفرق معاك في التدريب مثلا اللي بيفكر يشتغل في Q C او ال Production يبقى احسن ليه انه يتدرب في مصنع واللي عايز يبقى Med Rep يحاول يتدرب في شركة ادوية على الدعاية وعشان ما ننساش اللي عايز يشتغل صيدلي طبعا لازم يتدرب في صيدلية في ناس تانية هتقول مش مهم الشغل دلوقتي انا عايز اتدرب في كل حاجة وبعدين اقرر هاشتغل فين وفي ايه ؟ وده رد منطقي وجميل وخاصة للي في سنة اولى او تانية اما ما يجيش واحد في رابعة حديث ويقولي كده ليه هو كان فين قبل كده ؟ دلوقتي يا جماعة هنقسم التدريب لانواع 1- التدريب في صيدلية (ده اسهل حاجة) 2- التدريب على الدعاية (وده موجود بس اوقات بيحتاج كوسة للشركات الكبيرة) 3- التدريب في مصنع (وده برضه موجود وكمان بيحتاج كوسة للمصانع الكبيرة) اولا التدريب في صيدلية وده اسهل واصعب حاجة ازاي ؟ اسهل لانك ممكن تدرب في اي صيدلية اللي جنب بيتكوا اللي على ناصية الشارع بتاع واحد صاحب بابا المهم الصيدليات مالية الدنيا اصعب حاجة لانك بتبقى تايه وخاصة الجماعة الصغيرين (اولى وتانية) عشان هو لسة ما خدش حاجة في الكلية والصعب بقى انه ما بقاش حد فاضي يعلمه او يدربه كويس في الصيدلية وممكن حد تاني يضيف على كلامي لاني خبرتي في التدريب في الصيدليات ما تكملش اسبوع وهما بالعدد (يوم في العزبي ويوم في صيدليات مصر و3 ايام في صيدلية واحد صاحبي) ثانيا التدريب في المصانع وده متوفر وموجود وزي ما قلنا المصانع الكبيرة بتبقى عايزة واسطة وعلى فكرة اوقات بيقى التدريب فيها ممتع وتحس انك صيدلي واوقات تحس انك زي العامل الموجود في المصنع بس ده حسب المصنع ثالثا التدريب على الدعاية وغالبا كل الشركات بتعمل summer training لطلبة وبيقى ليهم هدف مش لوجه الله يعني ممكن يمسك منطقة معينة ودوا معين واوقات ممكن يتحاسب عل التارجت بس برضه للامانة في شركات بتعلم المتدربين عندها بضمير واللي بيلاقوه كويس ممكن يشغلوه عندهم بعد ما يخلص وانا اعرف امثلة على كده وكمان بالنسبة لتوفر الفرص دي فبصراحة اغلب الفرص بالواسطة وخاصة الشركات الMulinational لان الاعداد كبيرة وهما عايزين اعداد محدودة بس الواحد بيقدم وربنا يسهل ولو يعرف حد في الشركة تبقى اتحلت ملحوظة : من المفترض ان اي واحد هيقدم في تدريب في شركة او مصنع انه بيقدم الCV |
![36_4_11[1].gif](http://www.alltalaba.com/board/style_emoticons/default/36_4_11[1].gif)