اخواني واخواتي اعضاء ساحة صيدلة
احبكم في الله ولا شئ الا الله

كثيرا ما نمر جميع بلحظات شوق ولهفة للعودة إلي طريق الله عز وجل
لهفة وشوق للتخلص من الذنوب

الكثيرون يبحثون هنا وهناك عن شئ ما !!!!!
يرغبون من خلال هذا الشئ ان تظل قلوبهم حية يقظة مشتعلة بالايمان دوما

يريدون شيئا ما يجعلهم يجدون قلبهم وقتما يريدون ان يجدوها
ويستدعوا القلب الايماني اليقظ وقتما يريدوا

لانهم قد عانوا كثيرا انهم يفتقدون هذا القلب كثيرا ...وحينما يستدعونه ..لا يجدوه

ومن خلال التجارب ومن خلال الخبرات في الماضي والحاضر
تبين أن هذا الشئ

ليس مجرد محاضرة تشعل ايماننا لبعض الساعات ....وان كانت بالطبع مؤثرة وقد تغير مسار من يستمعون اليها
وليس مجرد كتيب او مجلد ....وان كان كذلك للقراءة أثر كبير في تغيير الثقافات والقناعات

لكن يبقي الشئ الوحيد الذي ان فارقته لن تجد قلبك
ويبقي الشئ الوحيد الذي يجعل قلبك حاضرا دوما

يبقي هو القرآن الكريم ....كلام الله عز وجل ...ياريت ندرك معني كلمة أن القرآن هو كلام جبار السموات والأرض


وفعلا فعلا والله فعلا جرب تقوي علاقتك مع القرآن

وصدقني ...ستجد أثر القرآن في حياتك
ستجده في معاملاتك ...ستجده في راحة بالك ...ستجده في اطمئنان نفسك حتي في أحلك المواقف


ومن هذا المنطلق كان هذا المشروع
اسأل الله أن ينجح هذا المشروع ويكون سببا في دخولنا جميعا الجنة
واتمني ان تساهموا معي في نجاح هذا المشروع

التفاصيل في المشاركات القادمة

عودة من جديد

تفاصيل العمل بأكاديمية ساحة صيدلة لحفظ القرآن الكريم :

اولا : شروط عامة :

1- لن يبدأ العمل بالاكاديمية قبل اكتمال عدد 5 مشتركين علي الأقل

2-يجب علي جميع المشتركين عدم التخلف عن التسميع إلا باعتذار مسبق والا تلغي عضويته بالاكاديمية



ثانيا : تفاصيل المشروع :

1- علي من يرغب في الاشتراك بالأكاديمية إعلان رغبته في ذلك داخل هذا الموضوع ويكون هذا بمثابة عهد بالمواظبة علي التسميع وعدم التخلف إلا بعذر

2-يتم تحديد القدرأو المقدار الأسبوعي للحفظ "لمن لم يختم القرآن" أو المقدار الأسبوعي للمراجعة "لمن ختم القرآن" وفقا لطاقات المشتركين ولا يفرض عليهم قدر معين من الحفظ او المراجعة ....لكن المقدار الذي سيحدد سيكون الزاميا ولن يقبل التخلف عنه إلا بعذر

ويرسل هذا القدر المحدد في رسالة خاصة لعضوية عبد المتين أو أي محفظ بالأكاديميةعقب تسجيل الاسم في هذا الموضوع

3-يحدد كل مشترك ميعادا يعتبر حد أقصي يرسل فيه الاجابة عن الاختبار الاسبوعي الذي سيرسل لجميع المشتركين كل يوم كل أحد

4-يتم عمل اختبار اسبوعي لكل مشترك في الجزء المقرر عليه ويكون الامتحان كتابيا "اي بالكتابة"
ويرسل هذا الامتحان الي المشترك في رسالة خاصة ويتم التنبيه كذلك له من خلال هذا الموضوع

5-يتم عمل تكريم شهري لأفضل مشترك من حيث جودة الحفظ ومن حيث المواظبة علي التسميع وتسلم له جائزة قيمة مادية او عينية:) ... [size=5][/size]

كلمة أخيرة

اتمني ان لا تكون دواخل الشيطان عاملا مثبطا لنا للاشتراك في هذا المشروع

تأكدوا ..أنكم لن تواظبوا علي الحفظ الا اذا كان هناك من يتابعكم

لا تجعلوا الأعذار عائقا ...وانما قولوا للأعذار معذرة سنشترك في المشروع

لست بحاجة الي ان اعدد لكم اهمية المشروع ومن أجركم العظيم ان شاء الله بالاشتراك معنا ولعل هذا يكون معينا لكم في علاقتكم مع الله وفي علاقتكم مستقبلا بابنائكم وازواجكم فتعلموهم القرآن وتجعلوا بيوتكم قرآنية ذاكرة خاشعة

وتذكروا نعم الله علينا والتي تستحق الشكر والشكر ليس بالقول وانما الشكر يكون فعلا وعبادة وتقربا الي الله عز وجل

ولا
اجمل ولا أمتع ولا اروع من القرىن الكريم ان تدبرناه وواظبنا عليه



احبكم في الله
منتظر المشتركين وكلي أمل
ومنتظر الرسائل الخاصة بتاعتهم اللي هيحددوا فيها المقدار اللي هيواظبوا عليه






ملحوظة هامة :

مطلوب مساعد أو مساعدة لمتابعة الحفظ خلال الفترة القادمة

بحيث يتم توزيع المسئوليات ولضمان الاستمرارية لفترة اطول

وحتي لا تتوقف الاكاديمية علي شخص واحد


من لها ؟؟؟

من هذه اللحظة باب الاشتراك مفتوح للجميع من جديد

ومن اراد ان يكمل من المشتركين السابقين فمرحبا به

ومرحبا باي مشترك جديد ومنتظرينهم

معاك يا مان
بس معنديش جهاز دلوقتي

ادعيلي بس

بغض النظر على الشروط اللى مش عجبانى

فانا ان شاء الله حنضم باذن الله كحفظ

من اول سورة مريم باذن الله

و اية واحدة فى اليوم علشان ماخدش كرت احمر

]اريت لو في شرط مش عاجب حضرتك تقولي عليه بمنتهي لاصراحة يا فندم

يا د يعنى مثلا جه اسبوعين الواحد اتشغل او النت حصل حاجة خلاص يعنى

انا افضل رساله حد يقولى فيها مثلا

ليه مسمعتيش ؟؟؟؟؟؟؟ مش عاوزة تخدى ثواب ؟ فين الهمة ؟؟؟ دا الشطان اللى بيعطل اتقربى من ربنا اكتر بالحفظ و يوم القيامة الواحد حيرتقى درجات فى الجنة بكل اية

يعنى بجد لو عندى دم ححفظ و حكمل

بدل ما اخاف انى اطرد


انا مبحبش و اعتقد ناس تانية برضة الالزام الصارم

انا بشيل المسؤلية بس بحب برضة محش يححددنى قوى

و بعدين كتابة انا عارفة ان حضرتك مبتسالش كتير يعنى مش حنكتب كتير

بس انا شايفة لو كل واحد دخل كل يوم و قال انا حفظت احسن لاكتر من سبب

اولا بيشجع ناس تانية انها تحفظ و تتنشط

ثانيا بيبقى زى ورد يعنى مش مستنية مثلا يوم الخميس اجمع كل الحفظ
( دا عن تجربة )

بيشجع ناس لسه مبداتش انها تدخل و تحفظ بردة

و نعمل اختبارات تسميع عشوائية

يعنى كل اسبوع كل واحد بيكتب انا حفظت لغاية فين

و حضرتك تختار اتنين مثلا و تعتلهم الاختبارات

انا معاكو بس عايز اعرف هى هاتبقا هنا ولا بره يعنى على النت ولا فين


لو بره مش هعرف احضر لو على النت ان شاء الله معاكو

حلو اوي المشروع ده ربنا يجعله في ميزان حسنات كل المشتركين باذن الله

ان شاءء الله الاكاديمية ديه اون لاين بالنسبة للبنات والاولاد

لكن لو في حد من الاولاد عاوز مثلا نتقابل ونعملها علي ارض الواقع فمفيش اي مشكلة لو يقدر يوفر مكان

انا معكوا ان شاء الله

ومتفقة مع رأى resonnane

البداية هتكون امتى ان شاء الله؟

أنا معاكم بإذن الله
ابعت رسالة خاصة بالمطلوب ولا لسه فى تعديل على نظام الحفظ

أنا متفقة مع ريزونانس بالنسبة للطرد

لأن التخلف عن التسميع ممكن يكون بسبب مشاكل في النت مش من التأخر في الحفظ


بس أنا ليا اقتراح .... ممكن يبقى إلغاء العضوية ده بعد اسبوعين من التخلف ؟؟
بحيث إن أول إسبوع يكون إنذار بس وبعد كده طرد ؟؟

السلام عليكــم ورحمـة الله وبركاتــه ،،

أنا معكم بإذن الله وإن شاء الله ربنا يعيننا على الالتزام والمواظبة على الحفظ ..

شكراً لك أخي الكريم ..

لكن أردت أن أسأل سؤالاً .. هل إذا قدرني الله واستطعت أن أزيد على المقدار الذيي كنت قد حددته أسبوعيًا .. أأرسل إعلامًا بذلك حتى يتم زيادة هذا القدر من الحفظ على الأسئلة التى تم وضعها ..؟ أم لا أرسل شيئًا وأكون بذلك قد خففت على نفسي مقدار الحفظ في الأسبوع التالي ، ولكن لا تغيير يتم على أسئلة اختبار هذا الأسبوع ؟

'طيب بالنسبة لشرط الطرد فاعتبروه كان لم يكن
وسيطبق هذا الشرط علي المتواجدين او اللي ليس لهم حجة او ظروف

لكن طكبعا اللي عنده ظروف سفر او انقطاع في النت فبالطبع نقدر ظروفه

وبالنسبة لسؤال الاخت رانينج ريفر

ففي حالة زيادة مقدار الحفظ يتم الاعلان عن ذلك داخل هذا الموضوع او ارسال رسالة خاصة للمحفظ بذلك


انا الان منتظر من جميع المشتركين تحديد كميات الحفظ ومن اي سورة سواء هنا او علي الرسائل الخاصة كما تشاءون

وجزاكم الله خيرا وجعلكم من السفرة الكرام البرررة

معاكم بإذن الله

أنا هحفظ من أول سورة طه ( لتحت )

هحفظ ربع فى الأسبوع بإذن الله

سورة الانبياء ان شاء الله

مقدار الحفظ اليومى ايتين باذن الله

إن شاء الله أكمل اللي كنت براجعه

من سورة القيامة حتى آخر جزء ( الربع الأخير من الجزء 29 )

وبعد كده أبدأ من أول الجزء 28 بربع جزء وهكذا

طيب
وانا معاكو ياشباب
وهبدأ ان شاء الله من سوره البقره
ممكن اقول مثلا نصف حزب ف الاسبوع
بس فيه حاجه خلو بالكو منها
بقالى فتره الخاصيه محجوبه عنى
يعنى اذا غبت تانى
تعرفو وش كده انى مش عارفه اسجل دخول
طلب اخير بقى
اللى هيتابعنى ف الحفظ يبعتلى هو بقى عشان انا مش عارفه حكايه المتابعه والاختبارات والتفاصيل دى ازاى
معلشى طولت عليكم
جزاكم الله كل خير

السلام عليكم و رحمة الله و بركاته،،

أزيك يا عم عبد المتين

بقول لحضرتك إيه ؟؟؟ نظرا لظروف سفري فأنى هسمع براحتي

بمعني , إنى ممكن أتأخ شوية فى الدخول بس إستحملني

على العموم , أنا راجعت 30,29

فممكن نبتدي بيهم تسميع

و بعدين هأحفظ كل يوم ربع من الآخر أى من بعد 28 و إنت طالع

خلاص


ربنا يوفقنا كلنا و ييسرلنا الحفظ

يالا سلام

سلام عليكم ورحمة الله وبركاته

د. عبد المتين

المفروض إنى أبدأ فى الجزء الثانى فى التسميع

لكن لى رجاء عند حضرتك إنى أسمع فى هذا الشهر الجزئين 28و 29

بمعدل حزب فى الأسبوع

وإن شاء الله الشهر القادم أكمل سورة البقرة بالمعدل الذى كنت عليه (ربعين فى الأسبوع)



ينفع ولا لازم أكمل من بداية المصحف

جزاكم الله خيرا جميعا يا شباب ربنا يتقبل منكم ويزيد حماسكم

ان شاء الله
غدا ننتقل من نقطة الترشيحات ونبدأ ان شاء الله وسارسال لكم القواعد ان شاء الله

جزاكم الله كل خير

طيب تم ارسال نظام الاكاديمية الي جميع المشتركين ما عدا الاخت ريزونانس ربما لانها عطلت خاصية الاستقبال عندها
ومنتظر المشتركين اللي محددوش الكمية انهم يرسلوا لي بذلك او يكتبوا في هذا الموضوع

وجزاكم الله خيرا
الاختبارات هترسل يوم الخميس او الجمعة ان شاء الله علي اقصي تقدير

لو سمحت يا دكتور عبد المتين

بالنسبة لإختبار يوم الخميس

هل فى الجزء 28

أم فى الجزء الثانى؟

وجزاك الله خيراً

ازاى يعنى ؟؟


طيب السؤال الحالى ازاى اعدلها لو اساسا معطلاها ؟؟

طيب رجاء الاخت ريزونانس سريعا تدخل لوحة التحكم الخاصة بها ثم بعد ذلك تختار من علي اليمين الخيار "إعدادات المنتدي "

وتتأكد ان خيارات الرسائل الخاصة مضبوطة بالشكل الصحيح علي وضع "لا "

انا منتظر

انا الريدى عملاها لا




انا اسفه يا د مخدش بالى ان فيه مشاركات جديدة

هحاول اشوف لحضرتك حل يا د . ريزونانس

بس ايه يا جماعة ؟؟؟

محدش بعت الاجابات الا اتنين فقط

باقي يومين

الهمة يا شباب

لسلام عليكم ورحمة الله وبركاته

جزاكم الله خيراً
معكم إن شاء الله

بس أنا والله يا جماعة محتاجة اللى يشد عليا جامد

حضرتك طلبت حد يتطوع معك كمحفظ
طيب أنا بقترح الحد ده يكون أخت بحيث تبهدلنى لما أرخى
أنا محتاجة أتبهدل

كمان زى ما اتفقنا فى الموضوع القديم اننا هنا بنشجع بعض يا جماعة لكن لا غنى عن ان كل واحد يكون فى منتظم فى مكان مع محفظ أو محفظة وبيحفظ معاهم
وعشان ما نعيدش الكلام تانى هنرفع الموضوع القديم الخاص بالنقطة دى ان شاء الله
حتى دلوقتى عندى معلومات أكبر عن أماكن التحفيظ وتسهيلات أفضل إن شاء الله



ليه مش فى المسجد ؟
أى مسجد يعنى تقدروا تتقابلوا فيه بدل ما تحتاروا فى مكان
ولا فيه مشكلة ؟
ولو مسجد مشهور أو لو قرب الجامعة يبقى أفضل بحيث الكل يبقى عارفه وما تختلفوش هو المكان قريب من مين وبعيد عن مين
أو ان شاء الله ما يكونش عندكم انتوا الشباب مشكلة من المقابلات وتقييد فى الخروج زينا
وممكن حديقة أم كلثوم

طيب نرجع لموضوعنا

مؤقتاً بس هحدد الحاجة بتاعة الأسبوع دى عشان عندى ظروف غير مستقرة فى البيت

وبعد الأسبوع ده هحدد مقدار ثابت هو ده اللى أتحاسب عليه إن شاء الله
تمام ؟

فالأسبوع ده عايزة أمتحن فى سورتى الجاثية والدخان

عايزة أسئلة صعبة أوى وتلخبط أوى وتكشف تركيزى من عدمه وتنبهنى للمتشابهات بالله عليكم

باقى حاجة واحدة
وهى انى مش فاهمة الامتحان هييجى لى يوم إيه وهيبى أدامى فرصة للإجاية عليه أد إيه ؟
وعلى كل حال أنا مش هجاوب قبل يوم التلاتاء إن شاء الله ( ما أنا اعتذرت عن لخبطة وتأخير الأسبوع ده بس لظروف وبعدها ألتزم وأنتظم إن شاء الله )

جزاكم الله خيراً

خلاص تمام
ان شاء الله يصل لحضرتك الاختبار يوم الخميس او الجمعة
ومتاح لحضرتك الاجابة حتي الخميس الذي يليه

وبخصوص وجود محفظة ياااااريت
لو حد يعرف حد ممكن يتطوع بس ينتظم يبقي جميل جدا


اما بالنسبة لتقابل الولاد فهو حصل قبل كده وان شاء الله يحصل تاني

السلام عليكم ورحمة الله وبركاته

انا مكسوفة جدا اني اشترك بعد ما انقطعت في المرة الاولي

وخايفة انقطع تاني
بس يمكن يكون ده وساوس الشيطان

علشان كده ممكن احاول مرة تانيه يمكن استمر ؟
(ادعولي بالله عليكم علشان الموضوع مش متظبط عندي خالص)



ان شاء الله ابدا بجزء التاسع والعشرين
من أول سورة تبارك
وإن شاء الله هاحفظ وجه واحد من مصحف المدينة




يارب بس تقبلوني معاكم

وعليكم السلام ورحمة الله وبركاته

ما تتكسفيش يا نور
ده أنا فى المرة الأولى ما جاوبتش غير إمتحان واحد بس وانقطعت بعدها نهائياً
ومش مكسوفة أهو ما شاء الله


ربنا ييسر لنا ولكِ اللهم آمين

جزاكم الله خيراً يا دكتور
بالإنتظار

مرحبا بالدكتورة نور في الحفظ
وان شاء الله الاختبارات تصل انهارده بليل او بكرة الصبح او بكرة بليل

بالكتير يعني

تمت الإجابة

تم ارسال الاختبار ات الخاصة بهذا الاسبوع
الحمد لله عدد المشتركين بيزيد
والاجباابت زادت برده الحمد لله
بس مش عاوزين حد يقع تاني

تم ارسال الإجابة

انا جيت متأخر اوى

انا شفت الموضوع من اسبوغ مثلا ...بس قلت لازم اقوى همتى الاول





انا لها

انا لها

حضرتك بس قولى اعمل ايه ؟؟

وان شاء الله هكون منتظمة

........................................................

هبعت لحضرتك على مقدار الحفظ

وانتظر الامتحان باذن الله

جزاكم الله خيرا

طب انا مش عارفه دلوقتى اجابتى وصلت ولا ايه
عشان حضرتك مش بعتلى رد عليها
ابعت تانى بقى ولا ايه

جميع رسائلكم وصلت وقمت بالرد عليها
جزاكم الله خيرا

بس منتظر باقي الناس اللي لسه مبعتتش الاجابات
ربنا يتقبل منكم

غدا اخر فرصة للتسميع

عذرا اخى الكريم

حضرتك بعتت الامتحانات؟

معلش إني اتأخرت في الإرسال

بس والله النت كان قاطع

السلام عليكم
اعتذر بشدة عن عدم ارسال الامتحانات حتي الان بسبب عطل في جهازي وانا الان علي سيبر
زمتزقع ان شاء الله ان الجهاز هيكون اتصلح انهارده بليل
فانت شاء الله الاختبارات ترسل غدا ان شاء الله

ان شاء الله الجهاز يتصلح على خير باذن الله

الف سلامه علي جهازك يا باشا

انا هشوف انا كنت واقف فين في التسميع عشان نكمل

ماشي... هبقي ابعتلك علي الخاص

تم ارسال جميع الاختبارات الخاصة بهذا الاسبوع

شدوا الحيل يا شباب

فيه ناس تساقطت في النص ومبعتوش الاجابات بتاع الاسبوع اللي فات

إن شاء الله ، أنا هأكون مشغول جدا لغاية الأسبوع اللى جاي ما يخلص

فأستحملنى يا أخ عبده ، ربنا يكرمك

ماشي يا دوك
مفيش مانع نستحملك اسبوع

السلام عليكم ورحمة الله وبركاته

أعتذر بشدة ... جهازى باظ بعد ما اشتركت معاكم على طول فمعذرة

وأتممت حفظ الأسبوع بفضل الله ولكن محتاجة أراجع فهراجع وأبعت الإجابة فى أقرب وقت إن شاء الله

ادعوا لى الجهاز يتصلح
عشان كمان مش هعرف أحفظ جديد غير لو الجهاز اتصلح
فادعوا لى

جزاكم الله خيراً