الساحة > همسات..مابين الرياح والنسيم

المساعدة - البحث - قائمة الأعضاء - التقويم

الساحة > قلوب بتطير > يـلا نحـــب بجـــد

AMATIVE

8 Jul 2008, 02:29 PM

السلام عليكــم ورحمـة الله وبركاتــة ،،
36_4_11[1].gif

فكرة الموضوع..............
نفس فكرة البرنامج الاذاعي.. المشهور.....انا والنجوم وهواك

انا في دماغي..الموضوع ده من زماااااااان.
بس كنت مستني..اني اكتسب..ثقتكم...في آرائي....

بالنسبه للأعضاء الي مش عارفين...مش فاهمين الفكرة...
هي هتبقي عبارة عن اعضاء هيحكوا لينا..قصتهم.. او قصص اصحابهم...او قصص اي شخص
عارفين قصتهم...........واحنا هنحاول... نقول ايه الصح... ويعمل ايه في مشكلته

او بمعني تاني...هنلفت نظرهم لحاجات هما مش واخدين بالهم منها..وده علشان
ان ممكن يكون كل واحد فينا...حكيم جدا في آرائه...بس في مشكلته
ميبقاش شايف كل حاجة....لان في حاجات بتأثر عليه سواء تأثير عاطفي..او نفسي...

ومن اكتر الموضوعات... هو الارتباط.....

التأثير العاطفي.. بيأثر علي الانسان ومبيبقاش شايف..ايه هو الحل الصح..
او المفروض يعمل.. ايه...........

يارب تكون الفكرة وصلت...

وارجوا ان الاعضاء تتفاعل مع الموضوع...

والموضوع مش مقيد بقصصنا احنا بس....
يعني ممكن تقول قصه زميل ..او اي شخص.......يهمك...

ومش لازم تكون في مشكلة.........يعني ممكن تقولنا قصتك .....

الموضوع هدفه الاساسي....يا جماعه......
ان احنا نستفيد من خبرات بعضنا البعض...

36_4_11[1].gif

مستني الردود

36_4_11[1].gif

مستنيكم...

شجرة الدر

8 Jul 2008, 04:34 PM

بجد والله انت موضوعاتك روعة
وكويس انك فتحت الموضوع ده لان فعلا كنت نفسى احكى مع حد استنى مني قصص حب شوفتها كتير فى الجامعة وهبقى استنى منك رأيك

AMATIVE

8 Jul 2008, 05:27 PM

إقتباس

ياريت..........انا مستني.............

وتكوني انتي اول عضو... علشان بقيه الاعضاء..
تتشجع.....

ويارب اقدر افيدك................

36_4_11[1].gif

مرورك اسعدني..كالعادة

مانجايا

8 Jul 2008, 06:39 PM

موضوووووووووووووع جميل جدا

وفكرة اكثر من رائعة

عجبتنى جدا

انا عاملة حاجة زي كده في إحدى الساحات بس مش هأقول فين لحد مالاقي توقيع مناسب للموضوع

ياريت حضرتك تعمل للموضوع توقيع عشان الناس كلها تعرفه

أتمنى للك التوفيق ..................

36_4_11[1].gif

AMATIVE

8 Jul 2008, 07:20 PM

مش فاهم يعني ايه توقيع.........
ارجو التوضيح.................................

هدير زهدي

8 Jul 2008, 08:31 PM

موضوع متميز مثل كل موضوعاتك اماتيف

واسمحلي اشاركك في ابداء رأيي في المواضيع العاطفيه

سمسمه....

8 Jul 2008, 09:08 PM

فكرة جميلة فعلا

جزاك الله خيرا

مانجايا

8 Jul 2008, 09:09 PM

توقيع يعنى إضافة صورة أو كلمة بتدل على الموضوع في توقيعك الشخصي عشان أكبر عدد ممكن من الناس يشوفوا موضوعك

وبعد ان اتنقل للساحة يلا نحب بجد لانه هنا فعلا مكانه الصحيح فموضوعى موجود هنا ايضا

عايزين شغل جامد شكل هيكون في منافسة

أدعو لك بالتوفيق .................

وموضوع حضرتك متميز جدا وتستحق الثقة فعلا ...

36_4_11[1].gif

nhm

8 Jul 2008, 10:15 PM

انا هحكيلك موضوع مرتبط بية انا شخصيا بس الموضوع كبير اوى فانا هبعت بكرة وبجد ميرسىىىىىىىىىىىىىىىىىىىىىىىىىىىىىىىىىى ليك موضوعاتك رائعة

AMATIVE

9 Jul 2008, 12:08 PM

إقتباس

واسمحلي اشاركك في ابداء رأيي في المواضيع العاطفيه

اكيد...............
انا هكون سعيد جدا 36_4_11[1].gif

إقتباس

توقيع يعنى إضافة صورة أو كلمة بتدل على الموضوع في توقيعك الشخصي عشان أكبر عدد ممكن من الناس يشوفوا موضوعك

شكرا جدا....
ومن ناحية المنافسه.........انا مش قلقان..

المهم...بجد اني اساعد الناس الي معانا...ولو بكلمة ...صغيرة...

إقتباس

هحكيلك موضوع مرتبط بية انا شخصيا بس الموضوع كبير اوى فانا هبعت بكرة وبجد ميرسىىىىىىىىىىىىىىىىىىىىىىىىىىىىىىىىىى ليك موضوعاتك رائعة

وموضوعاتي رائعه...علشان انتوا متواجدين فيها...........

وانا في انتظارك.................
ويارب اقدر افيدك......................................

36_4_11[1].gif

إقتباس

فكرة جميلة فعلا

ايه موضوع منقول ده الي جنب موضوعي.....
ارجو التوضيح...........والسبب كمان..ياريت.....

AMATIVE

9 Jul 2008, 12:11 PM

إقتباس

واسمحلي اشاركك في ابداء رأيي في المواضيع العاطفيه

اكيد...............
انا هكون سعيد جدا 36_4_11[1].gif

إقتباس

توقيع يعنى إضافة صورة أو كلمة بتدل على الموضوع في توقيعك الشخصي عشان أكبر عدد ممكن من الناس يشوفوا موضوعك

شكرا جدا....
ومن ناحية المنافسه.........انا مش قلقان..

المهم...بجد اني اساعد الناس الي معانا...ولو بكلمة ...صغيرة...

إقتباس

فكرة جميلة فعلا

ايه موضوع منقول ده الي جنب موضوعي.....
ارجو التوضيح...........والسبب كمان..ياريت.....

non cat

9 Jul 2008, 02:07 PM

حلو قوى الفكرة يلا مستنين 36_4_11[1].gif

icehearted girl

9 Jul 2008, 02:14 PM

ياريت اللي يحكي قصة حد يستأذن مننه الأول عشان مش تكون غيبه

AMATIVE

9 Jul 2008, 02:51 PM

إقتباس

حلو قوى الفكرة يلا مستنين

هدير زهدي

9 Jul 2008, 06:51 PM

ها يا جماعه كفايه اراء

عايزين مواضيع للمناقشه

ولا تحبوا اطرح عليكم موضوع؟

non cat

10 Jul 2008, 12:55 AM

ياريت يلا اللى عندة اى موضوع يقوله 36_4_11[1].gif

سمسمه....

10 Jul 2008, 03:33 AM

لو على العلامة اللى جنب الموضوع في ساحة آداب دي معناها ان الموضوع منقول ساحة تانية

والسبب...

انا نقلته ياللا نحب بجد لان دي فعلا انسب ساحة ليه

لو كنت سيبته هناك كان هايتظلم

لان ياللا نحب بجد بيدخلها كل اعضاء المنتدى مش آداب بس

فا ان شاء الله الموضوع هنا ياخد حقه ويبقى مفيد اكتر لكل الاعضاء

ربنا يوفقك

سمسمه....

10 Jul 2008, 03:34 AM

..............................

مكررة

AMATIVE

10 Jul 2008, 12:42 PM

إقتباس

على العلامة اللى جنب الموضوع في ساحة آداب دي معناها ان الموضوع منقول ساحة تانية

والسبب...

انا نقلته ياللا نحب بجد لان دي فعلا انسب ساحة ليه

لو كنت سيبته هناك كان هايتظلم

لان ياللا نحب بجد بيدخلها كل اعضاء المنتدى مش آداب بس

فا ان شاء الله الموضوع هنا ياخد حقه ويبقى مفيد اكتر لكل الاعضاء

ربنا يوفقك

شكرا..كتييـــــــــر...

36_4_11[1].gif

AMATIVE

10 Jul 2008, 01:07 PM

إقتباس

ولا تحبوا اطرح عليكم موضوع؟

مش محتاجة تستأذني... 36_4_11[1].gif

بس ياريت يكون تجربه حقيقة...................
لان الموضوع تجربه.........مش هناقش فيه مشكله.................
احنا هنسمع مشاكل...ونحاول نحلها.....

وبالصدفةوالله....(علشان محدش يقول بيخترع قصه ولا حاجة...)

بنوته..عندها مشكله.....
قريبتي..بس من بعيد شوية...

زميل ليها في الجامعه..كان معاه..واحد صاحبه..وجابوه وعرفه عليهم كلهم..
ومن اول يوم والبنوته ديه حسيت ناحيه الشاب ده بحاجة..
قعدوا كلهم مع بعضوا.. واتكلموا... زي اي شله اصحاب بيتكلموا.. وشوية شوية ابتدوا هما الاتنين..
بيتكلموا مع بعض.....هي ارتاحت ليه..
تاني يوم..اتكرر نفس الموضوع....
وتالت يوم..اتكرر نفس الموضوع...

لحد ما البنت فعلا حبته...وابتدت تلمحله....في طريقه الكلام والاهتمام..
واخدوا تليفونات بعض..وابتدي يبقي فيه كلام...
وفي الاخر...بعتتله رسالة..قالتله..(تصبح علي خير يا حبيبي...)

تاني يوم الشاب جه قالها...انت بالنسبالي صديقه..واخت بالنسبه ليا..

بعد صدمة..ملهاش اول من اخر....ودموع...

وشوية ايام عدت ..لحد وصلو لشهور عدت....
والخلاصة ان الموضوع بقاله... 3 شهور.. وهما اصحاب..

والمشكله..ان هي لسه بتحبه...
وبتغير عليه...

وهو ... اصحاب...

يا جماعه..متتصورش كم الدموع والألم الي كان باين في صوتها وهي بتكلمني...

انا نفسي..اضايقت...
وقولتها علي الحل......................
والحمدالله اقتنعت...

انا عايز اسمع رأيكم.....................
وفي الاخر هقول رأيي الي قولته ليها......

(والي عنده موضوع..يقوله...___يعني مش شرط الموضوع الي احنا بنتكلم فيه يخلص..علشان نبدأ في التاني...
اوقات كتير...بيبقي لازم الواحد ياخد قرار في وقت معين.. ولو اخر فيه..بيبقي ملوش لازمة....)

36_4_11[1].gif

AMATIVE

11 Jul 2008, 01:10 PM

مستني ......

non cat

12 Jul 2008, 01:42 AM

بيتهيألى المفروض اول لما قالها كده اكيد احساسها بيه اقل والمفروض واحد مبيحبهاش تنساه ومتفكرش فيه ده لو مرتبطين وسبها المفروض تنساه زى ماهو نسيهاواللى مش عيزنى معزوش ولا ايه

DaRpShmSaWeA

12 Jul 2008, 11:34 AM

عايزة اعرف الخلاف بين المحبين بيبقى فى جراح وطرف يجرح فى طرف
ممكن حد يكون بيحب ومايكلمش اللى بيحبه يومين
وبعدين يجى بكل سهوله يقول آسف

وبعد الاسف المفروض يحصل ايه يرجعوا تانى وبكل سهوله
طب وبعدين تفضل البنت كل مشكله تتجرح وبعدين ترجع بكلمة آسف

ده ممكن

AMATIVE

12 Jul 2008, 12:48 PM

إقتباس

بدايه اهلا بيكي.....

باين في كلامك...الشجن...
وباين انك رومانسيه..الي حد كبير....

عارفه ليه بيكون..فيه جرح..وخلاف...

علشان كل طرف بيحاول..يطبع التاني علي طبعه...وفي ناس بتقبل ده....وفي ناس لأ..
محدش فاهم.. ان زي م انتا ليك طبعك وشخصيتك وحياتك...الطرف التاني برضه زيك بالظبط...

والموضوع ده زايد عند الشباب قوي...(بصراحة يعني..)

الشاب لما يرتبط ببنت..بيقولها..متعمليش كذا واعملي كذا...
متكلميش شباب... واياكي...والشاب ده....ومتخرجيش..مع اصحابك... والسبب انه بيخاف عليها...بس للأسف الموضوع بيبقي بالنسبه للبنت خنقه قوي.....

لأن زي م الشاب عايز يشوف الدنيا.. والحياة.. ويكلم ده ويكلم ديه... ويخرج.... البنت كمان عايزه كده...

ف ليه تحلل حاجات لنفسك وليه تحرمها عليها.....

ديه اكبر مشكله ما بين اي اتنين
..............

المشكلة الي انتي بقي بالتحديد..بتتكلمي عنها......( هي ان احنا نسامح..)

عايز اقولك..انك فعلا لو حب صادق للأنسان ده..صدقيني..لو عمل حاجة غلط..هتنجرحي...قوي..قوي..
ولو جه.. وفي عنينه كلمة اسف..صدقيني..برضه..هتسامحيه من غير ميقولها...

هي ديه ضريبه الحب الحقيقي....انك لازم تسامحي..الانسان الي قدامك..
بس الجرح الي انتي اجرحتيه ..بتنسيه..في لحظه التصالح الي هتكون ما بينكم..
ونفس الموضوع بالنسبه للطرف التاني....

بس لو الموضوع اتكرر.....واربعه وعشرين ساعه بيغلط...من غير ميعملك اعتبار.....

هيبقي المشاعر الي ما بينكم مش حقيقه...وبالتالي..مش هينفع نسامح..
لأن ساعتها هيبقي الموضوع موضوع كرامة...وهيبقي الطرف التاني.. مش عملك اعتبار.. اصلا..

والي ميحترمش مشاعرك...مليزمكش.....وساعتها..لازم ناخد موقف..حازم.....

علشان..لما بنضرب انسان قلم وبيسكت.....

صدقيني...هنضربه تاني وتالت...طالما هو بيسكت...

بس لو كان فعلا حب صادق ما بينكم....ندمه...مش هيخليكي..تحسي..انك انجرحتي...
بالعكس..هيوريك قد ايه..انت مهم عنده....

اتمنالك... التوفيق.... 36_4_11[1].gif

hidaya

12 Jul 2008, 05:21 PM

فعلا الموضوع
مميز وممتع جدا
هو حزين شويه
بس اهو
بنتعلم من غيرنا
فى واحده انا اعرفها
بتحب شخص ما لغايه دلوقتى
بقالها تسع سنين
وكل مره تفتكر انها نسيته
وترجع تشوفه وتفتكره تانى
وتكتشف انها لسه منجذبه ليه
وهو حب من طرف واحد
وقالها مره قبل كده
ان هو مش حيقدر يرتبط بيها
فحاولت تنساه بانها تحب شخص اخر
لكن كل مره
تحس انها مش مبسوطه
مش هو ده الشخص اللى هى بتحبه
عايزه اللى تحبه ان يكون زى الشخص التانى بالظبط
او بمعنى اصح عايزاه هو نفسه
خلاص مابقاش فارق معاها دلوقتى اذاكان هو حيحبها فى يوم من الايام ولا لا
المهم هى بتحبه وخلاص
وهى مش شايفاها مشكله بالنسبالها على الاطلاق
بس اكيد اللى حوليها شايفنها انها مشكله طبعا

amy amy adel

12 Jul 2008, 07:59 PM

السلام عليكم استاذ AMATIVE حضرتك بتقول ان الشباب

"محدش فاهم.. ان زي م انتا ليك طبعك وشخصيتك وحياتك...الطرف التاني برضه زيك بالظبط..."

طب هو ليه الولد بيعمل كده المفروض يحس ان البنت ده شخص ذيه ليها رأى مش اى حاجه تانى ولا انا كلامى غلط

انا بس كنت عاوزة اعرف ليه كده ويستفادوا ايه من كدا فرض شخصيه وخلاص ولا ايه ؟؟؟؟؟؟؟؟؟ 36_4_11[1].gif

tota_2

12 Jul 2008, 10:53 PM

انا برضه عندى نفس المشكله

إقتباس

ياريت تقولنا حل
و ليه فعلا الشباب بيعملوا كده

AMATIVE

15 Jul 2008, 03:07 PM

بدايه انا اعتذر علي التأخير..في الرد... لظروف..خارجة عن ارادتي...

بالنسبه للسؤال الي اتكرر...

ده بيبقي...علشان البنت والشاب في مرحلة المراهقة.. بيبقي عايز يحس انه كبر.. وانه مرغوب فيه..
ولما بيرتبط...بيحسس نفسه انه بقي راجل كبير..وليه بنوته بتحبه وبتموت فيه... وبيعاملها..علي انها..بقيت حاجة تبعه..

من الاخر بيعمل راجل عليها... واسف علي التعبير...

وبتبقي كل تصرفاته علي الاساس.. ده...بيزعق ويشخت ويأمر وينهي... زي ما تكون..مراته...
وعلشان ابقي برضه صريح قوي.. البنت هي الي بتخليه يعمل كده... علشان بتسمحله يعمل فيها كده..

اه ممكن تكون بتحبه..قوي.. قوي...
بس مش علي حساب..شخصيتها.. وكرامتها...

وفي سبب تاني.. ان البنت برضه بتبقي عايز تحس ان هي كبرت.. وبقت محبوبة ومرغوب فيها.. وليها حد بيخاف عليها...

برضه ده بيديها ثقه في نفسها...لحد وقت معين.. بتبدأ تتخنق.....وخلاص...بيخلص الارتباط...

طبعا كل الي انا قولته.. حالات معينه.. مش بينطبق علي كل الناس....
في ناس عاقله كتير.. وشباب كويسين كتير..... بتعرف توزن الأمور....

36_4_11[1].gif

اعتذر مرة عن اخري عن التأخير..

nhm

17 Jul 2008, 02:51 PM

مشكلتى انى حبيت واحد من اول ملرة شفتة فيها وبعدين هو قالى انة بيحبنى بس جية بعد كدة قعد يلمح ان الجواز قسمة ونصيب وبدا يعيد ويزيد فى الموضوع دة ويقولى متشغليش نفسك بيق اوى عشان الامتحانات لان كنت فى تالتة ثانوى وهو وهو كان عندة 23 سنة هو طيار ومستواة كويس لكن للاسف جت الصدمة انة تخلر يوم الامتحانات بعد صدمة امتحان التاريخ جة هو كملها بعتلى مسج بيقولى خطوبتى شهر 8 وانا بجد اتعلقت بية اتصل بية بعدها وبدا يبرر موقفة لان هو هيخطب بنت خالتة وبعدين انا مقدرتش ابعد فضلت اكلمة لحد مخطب وبعدها قلت خلاص مليش دعوة بية خالص بس مقدرتش ورجعت من تان اكلمة وهو يوهم فيا ويحسسنى انة بيحبنى وبعدين يبعد وانا ابعد مع العلم ان ارتبط دلوقت بشخص بيحبنى جدا جدا وانا واثقة من كدة لانة جارى ومتربى معايا وملتزم بس بحس دايما ان عاوزة اكلم الولانى بس مش عارفة اعمل وهو دلوقت كتب كتابة خلاص قرب المفرود ان مفكرش فية تانى صح واحاول احافظ على الانسان الى ارتبط بية لان اخد الى يحبنى احسن وانا دلوقت بدات احبة وكل شوية حبى لي بيزيد بس التانى بيفضل فى دماغى

AMATIVE

18 Jul 2008, 12:15 PM

إقتباس

بس مش عارفة اعمل وهو دلوقت كتب كتابة خلاص قرب المفرود ان مفكرش فية تانى صح واحاول احافظ على الانسان الى ارتبط بية لان اخد الى يحبنى احسن وانا دلوقت بدات احبة وكل شوية حبى لي بيزيد بس التانى بيفضل فى دماغى

انا اقتسبت من كلامك.. الجمل ديه بالذات علشان هي ديه الي فيها الحل...

بتقولي.. مش عارفه اعمل ايه..
لأ انتي عارفه المفروض تعملي ايه.. بس مش عارفه تنفذيه....

احسبيها...صح.. وبراحه.. واقعدي مع نفسك.. وفكري.. بهدوء....

هتلاقي.. ان الانسان ده كان بيتسلي... بيكي...
انتي كنتي صغيرة ساعه لما اتعرف عليكي.. واتعلقتي بيه..
لاقيته.. شاب كويس.. مركز محترم.. واداكي.. مشاعر.. يمكن كنتي انتي محتاجه في الوقت ده..

بس في الأخر...طلع ولا حاجة.......

لو كان بيحبك... فعلا زي مبيقول... كان جه واتقدملك....
وفي اسؤ الظروف... كان رفض قريبته......
بس هو خطبها.. وهيكتبوا الكتاب.... وشايفك انك لسه متعلقه بيه.. وبتحبيه...
صدقيني.. هيكمل... وهيتجوزوا.......
هو عايز واحدة يتجوزها... وواحدة...يسلي وقته معاها...

انتي بنوته.. كويسة... ومتربيه.. كويسه.. لأن ضميرك بيوجعك.. علشان خاطر الموضوع ده...

صدقيني.. الانسان ده مش لازم تفكري فيه تاني...
وفيه 100 حل... غيري نمرة التليفون.....لو قابلتيه.. كأنك متعرفيهوش...
جمدي قلبك شوية.....

عارف ان الكلام سهل.. بس صدقيني.. لازم تعملي كده...
لأنك هتخسري.. الانسان الي بيحبك فعلا.. وبيحاول بكل جهده انه يتقرب منك..
وهيحافظ عليكي....

اقولك.. علي حاجة كمان.. هتريحك....
افرضي ان الشاب الي انتي عرفتيه في الأول...والي خاطب ده..
انه بيحبك جدا.. وبيموت فيكي... ومحترم وكويس جدا..
من الاخر.. شاب مفيش زي في الدنيا....

بس في الاخر... هو خاطب...يعني.. مش بتاعك...

يعني من الاخر.. مقفوله.. من كل ناحية...
حافظي علي نفسك... وانتبهي.. للأنسان الي انتي بتحبيه.. صدقيني..
هو ده الي هيحافظ عليكي...
مش بقولك هتنسي الأولاني بكره الصبح.. بس..هتنسيه...

فكري في كلامي.. واحسبيها صح...

اتمنالك بجد... التوفيق......
ربنا يحميكي
36_4_11[1].gif

nhm

27 Jul 2008, 05:32 PM

lالكلام دة ريحنى بجد ميرسى