السلام عليكــم ورحمـة الله وبركاتــة ،،

سؤال صريح جدا لكل بنت

لو شايفة انسان ممتاز وفيه كل الصفات اللي بتحلمي بيها

يا ترى تقدري تروحي تقوليله انا شايفاك انسان كويس وعاوزاك تتقدملي

ولا يا ترى كرامتك هتحبك عليكي

طيب هتحاولي توصلي الموضوع لوالدك او اخوكي الكبير انه يكلمهولك عشان متكلميهوش بنفسك

ولا انتي شايفة ان ده مستقبلك وانك لازم تضحي عشان تعيشيه باحسن حال



وانت لو بنت جت قالتلك كده

ياترى نظرتك ليها هتبقى دونية

ولا هتحترم فيها صراحتها

لو وافقت هتكون وافقت عشان متحرجهاش ولا هتوافق لو حسيت انها انسانة كويسة وتستاهل

لو رفضت هترفض ازاي ؟؟ هتقولها ايه ؟؟

ياريت تتكلموا باستافضة وبصراحة واللي يعرف قصة ناجحة او فاشلة ويقدر يوصلني بيها يبعتلي عالخاص

وجزاكم الله خيرا

السلام عليكم ورحمة الله وبركاته
انا هاحاول مكدبش لو واحده عملت كده تبقى حاجه غريبة وجرأة غير عاديه بس كمان ايه المشكلة لما تقول ما هوا الولد لما بيقول كده كمان ممكن يبقى خايف من الرفض او عندو شك وبعدين هيا البنت اللى هتقول كده أكيد هتقول كده لواحد هيا حاسه انه قريب منها وبيميل ليها وانا شايف انه موضوع مايغيرش رأيى فى بنت لو هى محترمه.

ما اقدرش اقول ابداااااااااااااااااااااااااااااااااااااااا
افضل حاطة في قلبي وساكتة

الموضوع صعب ان بنت تروح تقول لولد انا بحبك كده غلط وده يقلل من نفسها قدامه

ممكن احكى لوالدتى هى اكيد هتنصحنى صح وهتقولى اعمل ايه لو ولد كويس

ممكن الولد هو اللى يجى يقول مهما كان هو ولد حتى لو اترفض عادى دى حاجه متقلقلش منه خالص

انما البنت لاه طبعا ممكن الولد يحرجها ويمسكهلها نقطه ضعف اى اللى جريتى ورايا وكده

لاه غلط خالص

وموضوع حضرتك جميل اوى جزاكى الله خيرا بأذن الله

لاء مش صعب ان بنت تقول لواحد ان هي بتحبه طالما هي حسه بكده

واكيد الاحساس ده مش جاي من فراغ اكيد الانسان اللي هي هتقوله

كده برده بيحبها.

و طبعا لو واحده قالتلي ان هي بتحبني لو انا بحبها فعلا مش هتنزل من نظري خالص .

لكن لو انا مش بحبها هقولها ان احنا نفضل اخوات افضل وبرده مش هتنزل من نظري.

طالما الولد لي الحق ان هو يقول للبنت ان هو بيحبها .

البنت برده ليها الحق ان هي تقول للولد ان هي بتحبه .

وبصراحه موضوعك جامد اخر حاجه.

لاه انا مش معاك يا ميدو فى الكلام ده ممكن الولد يصرح بمشاعره محدش يقدر يعملوا حاجه بس فى مجتمعنا ده

عيب ان البنت تعمل كده لا عاداتنا ولا تقاليدنا تسمع للبنت بكده

وعلى العموم كل واحد ليه رأيه عادى وشكراً

بصراحه .....

انا لو حصل معايا كده .... هفكر ميت مره

لان مجتمعنا دلوقتي بقي الصوره السائده فيه عن البنات مش كويسه

وانا لازم علشان اتجوز واحده تكون ..... واحده علي اعلي مستوي من التربيه والاخلاق ... علشان اقدر اعيش معاها حياتي


فلو ان واحده هي الي جتلي وطلبت مني الجواز ........... سعتها مش هقول مش هوافق ... بس هفكر 1000 مره وهسأل كويس عليها
ده لو كان باين عليها من الاول الاتزام ... وده قليل اوي تلاقيه


وان بقت المشكله دلوقتي ان البنات هما الي عاوزين يمشوا مع ولاد ويصحبوهم .. وعاوزين يجربوا الحياه دي

فاظن ان الواحد هيرفض من الاول لان هيكون سعتها البنت دي مش مضمونه هي عاوزه تمشي مع ولد وخلاص ولا هي عاوزه ايه

بس مش عيب ان البنت تحدد مصيرها ... بس مجتمعنا دلوقتي ما يسمحش بكده

بس وشكرا

مين اللي قال كده بس يااخ قسام

هي البنت اللي هتيجي تقولك دي واقعه يعني ؟

ولا هي اخترتك انت لانها بتحبك انت ؟

مش كل بنت ممكن تعمل كده يبقي زي وجهة نظرك انها عاوزه تمشي ولا تصاحب

البنت دي ممكن اوى يكون بيتقدملها ناس ولو عاوزه تمشي بردو بيجلها فرص ومنغير ماتطلب علي فكره

بس هي اخترتك انت لانها مش شايفه غيرك

واكيد انت هتقدر تميز وقتها بين الاتنين

انا



اه



لا أظن ذلك

من الي انا شايفه حوليه في المجتمع ان في بنات كتير بتكون فعلا نفسها تصاحب وتمشي مع ولد

وغالبا اي علاقه بتكون موجوده بين ولد وبنت بتكون البنت هي الي بدأتها .... بس بطريقه غير مباشره .... يعني بتفتح سكه للولد

طبعا ده مش كل البنات في بنات كتيييييييييييير محترمه جدا بس الولاد هما الي غلسين

بس في وقتنا الحال وعن تجارب ناس اخرين ..... بتكون البنت هي البدايه دايما في العلاقه وهي الي فعلا عندها الرغبه في المصاحبه اقوي

ودي معلش يعني مفيش بني ادم هيخبط علي بابها ولا هيتقدملها ..... ومفيش فرصه بتجلها خالص .... لان مفيش حد هيرضي بكده

بس دي مجرد وجهة نظر




تبقي ما بتشوفش ........ :D

بصى ..من وجهة نظرى ان اكبر غلطه البنت تعملها ف حقها انها تعمل ده او تلمح مجرد التلميح لواحد انها بتحبه

ليه بقا .. انا شايفه ان ربنا ادنا عقل نميز بيه..
ما لو انتى بتحبى حد اكيد ح يحس بده او بأهتمام من نحيتك.. ف اما ح يكون ايجابى و يروح و يعترف بأعجابه هو او ح يرفض هذا الموضوع لسبب او لاخر..ف احنا نعمل ايه.. نسيبو يقول ..ولا اروح بقا اخنق عليه و افرض نفسى

و لو حصل ده ح يكون للولد رد فعل من اتنين:-
- اما ح يستغرب و يندهش و يحاول يعمل نفسو كووول و يقول و ايه يعنى .. و دى فيها احتمالين : اما يحاول يتكيف.. او شويه و يزهق
- اما ح يتصدم ..(لانه احتمال كبير يكون عندو مليون مانع) و سعتها ح يكون كسفه ليكى

عشان كده احتمال نجاح هذه الحاله ضعيف

و بكده يبقا البنت تحترم نفسها احسن و تستنا نصيبها , متحولش تقلل من نفسها لاى قناعه خاطأه ف بالها