السلام عليكــم ورحمـة الله وبركاتــة ،،

الف مبروك لاخواني واخواتي اللي نتايجهم ظهرت
والف مبروك مقدما للاخوة والاخوات اللي نتيجتهم لسه مظهرتش


لكن بصراحة هناك في قلبي بعض المعاني حسيت ان مينفعش اكتمها في قلبي
المعاني دي لازم كلنا نعرفها ونتعامل معها بقلوبنا


... عندما ظهرت النتيجة ؟؟

ماذا كان رد فعلك ...
اعتقد ان رد الفعل بيختلف ....تبعا لعدد السنوات اللي الواحد قضاها في الكلية ...وتبعا لطبيعة الشخصيات ....وتبعا لعمق الايمان في القلوب

لو مثلا واحد نتيجته كانت كويسة وجاب امتياز ولا جيد جدا

لو واحد لسه في سنة اولي بيبقي متلهف اكتر للنتيجة وخايف منها جدا جدا ومرعوب منها بالتالي الفرحة بتبقي جامدة جدا جدا جدا
لو واحد في سنة رابعة ولا خمسة ....بيبقي فرحان جدا بس من كتر النتايج اللي الواحد شافها الفرحة ممكن متبقاش سوبر اوي يعني او ربما يكون فرح تقليدي او فرح داخلي كبير دون مظاهر قوية

لو انسان بطبيعة شخصيته مرح وبيحب الفرح هتلاقيه فرحان بشكل غير عادي وبينطط
اما لو واحد شخصيته انطوائية هتنلاقيه فرحان من جوزاه بس مش ظاهر عليه


لو انسان صلته قوية بربنا هتلاقي اول كلمة بيقولها ....الحمد لله من قلبه وبيقولها صادق وبيرفع وشه للسما
لو انسان جاحد لنعمة ربنا هتلاقيه عمال يتفاخر علي الاخرين بنتيجته او ربما يحتفل بالنتيجة علي انغام ..العنب العنب العنب


اما لو واحد نتيجته مكنتش كويس مثلا جيد او مقبول او لم يوفق في مادة او مادتين ...او لا قدر الله نزل السنة


لو واحد لسه في سنة اولي ...ممكن يجيله احباط شامل ويحس ان الكلية دي مش مناسباه وممكن يحول وده لانه متعود من ايام الثانوية العامة علي التقفيل والنهائيات
اما لو واحد في سنة رابعة ولا خامسة ....ممكن لو اول مرة يتعثر يتضايق شوية ...لكن خبرته في الكلية هتعلمه انه يقوم علي رجله بسرعة
اما لو متعود علي التعثر فمش هتبقي فارقة معاه اوي


لو انسان بطبيعة شخصيته حساس او نفسه رقيقة هيتأثر جدا جدا لاي تعثر ومش هيتقبله بسهولة وهيقوم منه بس بعد فترة
لكن لو انسان طابعه التحمل والجلد هتلاقيه بيقوم بسرعة وبيتدارك نفسه بسرعة


لو انسان الايمان عميق في قلبه ...اول حاجة هيقولها الحمد لله ...وهيقولها من قلبه وهيشكر ربنا سبحانه وتعالي ويقوله يارب شكرا علي هذا الاختبار او الابتلاء



لو تلاحظو ...

الحاجة الوحيدة المشتركة في كلتا الحالتين اللي ذكرتهم (نتيجة حلوة - نتيجة وحشة )
هي ان لو في ايمان عميق في القلب
النتيجة هتكون واحدة

وهي .."الحمد لله "
والله العظيم دي كفاية فعلا دي تكفينا ورب الكعبة ورب الكعبة تكفينا

بصوا يا اخواني ويا حبايبي في الله
ربنا سبحانه وتعالي نعمه علينا لا حدود لها
كرمه لينا ملهوس حدود

لو عديتوا ربنا كرمنا قد ايه في الفترة اللي فاتت

واد ايه اتزنقنا ..وهو فك كربنا

واد ايه تعبنا ..وهو كافئنا

واد ايه واجهنا مشاكل ...وربنا ساعدنا

فلو ربنا عمل معانا كل ده ...وجالنا بعد كده كرم منه زيادة وزيادة (تقدير مثلا ) ....فهانقول ياري كرمك علينا زيادة وكل شوية تكرمان الكرم
ه يارب لك الحمد في جميع الاحوال ياري لك الحمد علي كرمك وجودك ومنتك التي لا حدود لها

الحمد لله في السراء الحمد لله تالحمد لله

وعلي فكرة ...رد الفعل ده مشهور اوي ...وبيحصل كتير
[u]وناس كتيييييييييييييييييييييير بتنجح وبيقولوا يارب لك الحمد حتي ناس مش ملتزمين بيقولوها برده [/u]

لكن بقي النادر والاقل شيوعا بمراحل
هو اللي جاي

واحد ربنا اعطاله من نعمه كتير وكتير وكتير
يوم ورا يوم
شهر ورا شهر
سنة ورا سنة

وربنا عمال يكرمه ويكرمه ويكرمه .....ربنا سبحانه وتعالي احب هذا الشخص
لكنه اراد ان يختبره في حاجة عزيزة عليه

في ناس امهاتهم عزيزة عليهم ...فربنا مثلا بيقبض امهاتهم ليختبرهم
في ناس منصبهم غالي عليهم اوي ....فبينزع منهم منصبهم عشان يختبرهم

في ناس النجاح المبهر بالنسبة لهم اغلي حاجة ...فتيجي مرة كده وربنا يختبرهم بمادة تقديرها مش كويس

قليل اوي اللي بيرفع راسه لربنا ويقول يارب انت عاوز كده يارب فلك الحمد
يارب انا هاصبر وهاحتسب وةهتخطي الضرر ده وهحاول وهاحسن وهبقي احسن
يارب انا هاجعل من الابتلاء ده
نقطة تحول في حياتي
نقطة تغير كبيرة اوي في مشوار عمري

نقطة هبدأ من عندها ابقي صلتي بالله هي سلاحي والدفة اللي بتوجهني ودليلي عند اي ازمة او صعوبة


احيانا والله يا شباب ربنا سبحانه وتعالي بيفضل "يملي " للانسان
يعني يقعد يعطي له كرم ورا كرم ورا كرم ورا كرم
وبالتالي يفضل يتمنادي في اخطاءه ويستمر فيها
ويكون فاكر ان هو كده صح

لكن في ناس تانيين ربنا سبحانه وتعلي بيحبهم
والله العظيم بيحبهم
اقسم بالله ان الله يحبهم
يعطيهم بعض المحن والابتلاءات والتنبيهات والصدمات في الطريق
لان الاحاجات دي بتفوق الانسان وبترجه تاني للمسار اللي ربنا عاوزك تكون فيه
بالتالي بيكون ده نعمة ما بعده نعمة
وهو في حد يطول ان ربنا يوجهه ويلفت نظره


انا الحمد لله جبات جيد عادي
وكنت متوقع اشيل مادة بس نجحت فيها
بالتالي انا من الصنف اللي ربينا عمال يعطي له في النعم بقالي سنييين

وخاااايف والله خايف ..لو حصللي ابتلاء مقدرش اكون من الصنف التاني الصابر الثابت

خلاصة موضوعي ..

لو عطاء ربنا لك كبييييير ....احمده ...بس احذر ليكون ربنا بيملي ليك

ولو ربنا ابتلاك ....اوعي تجزع ....واحمده

عشان من الاخر لو انطبقت السما علي الارض فقضاء ربنا نافذ
وكان هيحصل

لكن الفرق هو رد فعلك ...ومدي صبرك ..ومدي رضاك بقضاء ربنا ......
الفرق هو القلب لما يقول الحمد لله



وجزاكم الله خيرا ...

السلام عليكــم ورحمـة الله وبركاتــة ،،



ياااااااااااااااااااااااااااااااااااااااااااااااااه يا دكتور عبد المتين


والله والله الموضوع ده جه في وقته ليا بالذات

حضرتك ماتتصورش انا خايفه اد ايه من النتيجه


بس في نفس الوقت والله بقول دايما

ان الله لا يضيع اجر من احسن عملا


وان شاء الله التوفيق من عند ربنا

ومبروك لنتيجه حضرتك ونتائج كل سنه رابع وسنه تالته


ويار ب كلنا صيادله ننفع امتنا

ربنا يكرمك ياأخى


انا من هذا الصنف برده وربنا يستر عليه

وبجد بجد بقول لأاى أخ أو أخت تعثر فى مادة أو أكثر

بقوله الحمد لله ان البلاء جه فى حاجة زى كده

ماجاش فى حاجة كبيرة ..او ماجاش فى الدين

وربنا يخلف عليكم بالأجر والرضا والثواب العظيم

"إنما يوفى الصابرون أجرهم بغير حساب"

الحمد لله

يا رب منكونش احنا من الناس دى

بجد الواحد خايف جدا من النتيجة

اصل احنا من الكتاكيت بتوع سنة اولى

ربنا يسترها معانا و يا ريت كل الدكاترة اللى نتيجتهم طلعت

يدعوا لاخواتهم الصغيرين اللى فى اولى

عشان الواحد مش مطمن فى الترم التانى

و ميرسى بجد على الموضوع المؤثر

بصراحة جه فى وقته تمام

إقتباس(عبد المتين @ 11 Jul 2008, 11:15 PM)

السلام عليكــم ورحمـة الله وبركاتــة ،،

ا/color]


[u]اما لو واحد نتيجته مكنتش كويس مثلا جيد او مقبول ...ا

احممممم احمممممممم نحن هنا














على فكرة انا كنت بغلس بس انا فاهمة حضرتك تقصد ايه
طبعا كلمة تقدير كويس بتختلف اختلاف تاااااااااااااااااااااااااااام حسب نظرة كل واحد للتقدير


ثانيا انا الحمد لله ربنا ابتلانى فى سنة تانية بشيل مادتين
وده بصراحة كان صعب على انا شخصيا لان عندى ظروف معينة اهمها انى مش من القاهرة والاهم من كده انى انا نفسى مكنتش اتخيل عمرى انى ممكن اشيل مادة

والحمد لله برضه كان بتحصلى حاجات غريبة جداااااااااا
يعنى مثلا الناس لما تعرف ان فى حد شايل مادة بيقولوه ربنا معاك وبيسهلو الموضوع ويفهموه تضبيط المواد ازاى


اماانا بقى فالحمد لله على الرغم من انى شايفة ان الترم الاول بتاع سنة تالتة كان لذيذ ومش صعب اوى اوى كده
بس لما كان حد يعرف انى شايلة ميديكال بيصعبو الموضوع على جدااااااااااااا لدرجة انتو متتخيلوهاش وبجد بطريقة مستفزة جدا جدا
لدرجة ان فيه ناس لما كنت بحكيلهم على اللى بيتقالى مكانوش يتخيلو ان فيه حد ممكن يصعب الموضوع على للدرجة ديه (مع انى شايفة ان الترم الاولانى عادى جدا ولذيذ اصلا )

اما الترم التانى بقى اللى هو فعلا صعب جدا فلما كانو يعرفو انى كنت شايلة اورجانيك برضه مكانوش يرحمونى
مع انى شايفة ان الاورجانيك مادة الحمد لله ممكن تتلحق يعنى وخصوصا بتاعة الترم التانى لانها اصغر وابسط من الترم الاولانى
بس تقول لمين بقى مع ناس فاقدة معنى الاحساس بالكلام اللى بيتحدف منها خبط لزق كده

وكنت بجد بنهار بس مش عارفة كنت بحس ان ربنا ليه حكمة فى كده

وكان ساعات الشيطان يخلينى اتخيل انى مستحقش انى اشيل وكلام من ده

بس فعلا بجد كان جوايا احساس ان ربنا معايا وهيساعدنى خصوصا فى تالتة لانها صعبة

والحمد لله حصلت محن كتير ليه فى سنة تالتة وخصوصا الترم التانى وكنت متاخرة جدا فىالمذاكرة

انا مش عايزة اطول عليكم فما علينا يعنى

بس فعلا انا لما كنت بعيط طووووووووووووووول الاجازة و الدراسة بسبب المادتين دول
كنت بحس بضعف ايمان فظييييييييييييع ...... احساس وحش بجد انك تحس ان ايمانك ضعيف


لكن فى سنة تالتة بالذات كان لما بيستبد بى الحزن والقلق انى معملتش كذا مخلصتش كذا وورايا مسئوليات فى ايه وبضيع وقت غصب عنى فى ايه وككككككككككل الكلام ده
لما كنت بحس ان ربنا معايا كان اجمل احساس بيحصلى
ان ربنا هيساعدك لدرجة انى ساعات كنت ببتسم بسبب الاحساس ده

فالحمد لله ........... بجد بحمد ربنا انى مسلمة اصلا وبحمد ربنا اوى اوىىىىىىى انى شلت المادتين دول وبحمده على كل الحاجات اللى حصلتلى فى سنة تالتة وكنت فاكراها انها حاجات سيئة لى

بس بالعس فى حاجات كتير جدا كنت فاكراها وحشة بس لو مكانتش حصلت مكانش هيحصلى الحاجات الكويسة دلوقتى ومنها نجاحى

فالحمد لله بجد ومحدش فعلا عارف الخير فين هو ربنا بيقدرنا كل حاجة واعلم باحوالنا وايه الاحسن لينا


بس معلش انا طولت اوىىىىىىىىىىىىىى انا عارفة

بس انا السنتين اثروا فيا بجد ومتهيالى عمرى ما هانسى احساسى بيهم فحضرتك اللى فتحت الموضوع مليش دعوة بقى

[quote name='عبد المتين' date='11 Jul 2008, 10:15 PM' post='155472
في ناس النجاح المبهر بالنسبة لهم اغلي حاجة ...فتيجي مرة كده وربنا يختبرهم بمادة تقديرها مش كويس
قليل اوي اللي بيرفع راسه لربنا ويقول يارب انت عاوز كده يارب فلك الحمد
يارب انا هاصبر وهاحتسب وةهتخطي الضرر ده وهحاول وهاحسن وهبقي احسن
يارب انا هاجعل من الابتلاء ده
نقطة تحول في حياتي



يارب انت عاوز كده فلك الحمد ...
أحد التابعين (عمران بن الحصين ) بعد30سنة مرض وملازمة للفراش لا يبرحه
ما كان قوله الا أن قال أحبه الى الله أحبه الي.


ربنا يجعلنا من الناس دي


جزاك الله خيرا د/عبد المتين
ياريت فعلا الموضوع يتثبت

طبعا النتيجه كلها من عند رينا
يعنى نتيجه السنه الى فاتت يوم ما ظهرت كنت صايمه ولسه ما كونتش جبتها
قعدت ادعى ربنا انى ما اعرفهاش الا بعد ما افطر
والحمد لله ظهرت بعد الافطار
ونتيجه السنه دى لما ظهرت كنت فى الشارع
وعرفت انى نجحت فى الشارع
وكنت عايزه اضحك وبعدين اعيط بشده
وبعد كده كان نفسى اصلى لربنا
كله من عند ربنا
مع العلم ان دايما تقديرى جيد
ومع انه مش بيعجب ناس كتير الا انى مبسوطه به

السلام عليكم و رحمة الله و بركاته

عذرا على تأخري فى الرد على هذا الموضوع الهام

و لكني أريد أن أوضح الفرق بين شيئين يختلطوا على كثير من الناس

( المصيبة و الإبتلاء )

هناك فرق كبير بينهما

و بالتالي فى الحكمة التى يفهمها الإنسان من أيهما

فبادئ ذي البدء , نقر جميعا أن الله هو العادل الذى لا يظلم عنده مخلوق

( أى بمعني (( واحد + واحد = إتنين )) , ولكن ليس فى كل الحالات )

بمعنى

( يمكن أن يكون (( واحد + واحد = ثلاثة أو أربعة أو حتى عشرة )) وهذه بركة الله تعالى

وهي لا تتنافي مع العدل ، فالله يعطيها للمحسنين من عباده فيكافئهم بهذه العلاوة ( إن صح التعبير )

و يمكن أن يكون (( واحد + واحد = واحد أو أقل )) وهذا هو الإبتلاء

و يكون بعد إحسان العبد أيضا ، و لا يتنافي مع العدل لأن الله تعالي يكفر به الذنوب

و يزيد به الأجر ، و يرفع به المنازل




و لكن الغريب ، و الملاحظ أن المعادلات السابقة جميعا ، تطلب الإحسان

ففي الأولى

إن أحسنت وجدت الأحسان و الزيادة

و إن أسأت جزيت بعملك لأنك لم تحسن عملك و هذا ليس له علاقة بالإبتلاء

هذه هى المصيبة

يقول الله تعالى

(( وما أصابكم من مصيبة فبما كسبت أيديكم و يعفو عن كثير )) الشوري

(( أولما أصابتكم مصيبة قد أصبتم مثليها قلتم أنى هذا قل هوه من عند أنفسكم إن الله على كل شئ قدير)) آل عمران


فهذا هوه الفرق الجوهري

أن المصيبة هى جزاء عادل لما قدمته من تقصير فى عملك ، وهى من رحمة الله تعالي بنا إذ يجازينا

بذنوبنا فى الدنيا و لا يتركها لنا إلى يوم القيامة

أما البلاء ، فهذا يكون بعد الإحسان فى العمل , ويكون لإختبار العبد كما تقدم أخي عبد المتين



فنصبر على المصيبة و البلاء صبرا حسناًَََََ ، كيف ؟؟

المصيبة (( إنا لله و إنا إليه راجعون )) و ننظر إين الخطأ و نصلحه و لا نركن

فكما قلنا هي تكون بسبب تقصير

أما البلاء فنصبر و نحستب و لا نجزع ، فإنما الصبر عن الصدمة الأولى



فلا يمكن مثلا أن نحمل تواري الأمة خلف الظلال و تخلفنا

على أن هذا إبتلاء من الله لا دخل لنا فيه

و أننا يجب أن نصبر و نحستب



فى حين نظل نعمل ما نحن نعمل بنفس التقصير و نريد من الله تعالي التغيير


فإنما التغيير يكون من الداخل و طلب العون من الله


سبحان ربك رب العزة عما يصفون و سلام على المرسلين والحمد لله رب العالمين




جزيتم خيرا جميعا

جزيتم خيراً

انا جبت امتياز الحمد لله

بس فعلاً الفرحة مش زي أول مرة جبت فيها امتياز

وبعدين أنا بقيت مملة يعني لو جبت في مادة جيد أبقى زعلانة

مش عارفة دي قلة شكر ولا إيه

أنا بحمد ربنا طبعاً

لكن الواحد بيتدايق لما يكون عارف إنه مقصر أو إنه في ظلم

ده غير إني محتاجة مجموع كبيير أوي عشان أطلع امتياز تقدير تراكمي

طبعا دي كانت شوية فضفضة لكن طبعاً انا بحمد ربنا كتيييير أوي
الترم ده مكنش بسيط

بالنسبة للناس الشايلة

بجد ربنا يعوضهم ويكون في عونهم كتييير أوي

وخصوصا اللي شايلين توكس أو سيوتيكال

أنا عارفة إن في ناس كتير السنة دي شايلين مواد وهما أول مرة يشيلوا في حياتهم

والله أنا واحدة صاحبتي بتطلع بجيد جداً على طول والسنة اللي فاتت كانت عندها ظروف صحيه
ومراحتش الكلية لأيام كتير ومع ذلك نجحت صافي

السنة دي شايلة توكس ضعيف جداً

صدمة عنيفة وكلنا مستغربين ليها ... محدش كان طلع مبسوط من الامتحان بس برده حاجة غريبة

دعواتي للي شايلين مواد السنة إنهم يشدوا حيلهم ومش ييأسوا

وعليكم السلام ورحمة الله وبركاته

جزاكم الله خيراً

أنا دخلت تحت لقب الشايلين مواد لأول مرة من ساعة ما دخلت الكلية الحمد لله

ربما هو ده أصعب ما فى الموضوع ... إنها أول مرة
وإنها جات فى آخر المشوار

وربما هو ده اللى مصعب الموضوع على أمى ومخليها مش مصدقة
شايفة انه غير منطقى أكون بجيب جيد جداً و بحوالى 80 % وفجأة شايلة مادة !
خاصة وانى أكتر واحدة متفوقة سواء فى الأسرة أو فى العيلة أو فى الأصدقاء أو .. أو .. من أول إبتدائى لغاية الثانوى
ومزعلها أكتر انى خلاص قربت أخلص زى ما بتقول

ورغم انى كثيرة البكاء ودموعى قريبة ... لكنى لم أبك كثيراً لما عرفت
ولم أبك أصلاً لما عرفت
بكيت بعدها بكام يوم وبكاء قليل وأثناء الدعاء يعنى كمان انفعلت وعشان كدة بكيت

والله الحمد لله
طبعاً أنا كنت متوقعة
وكنت متوقعة الأسوأ والأسوأ كمان
والله كنت حاطة إيدى على قلبى ومرعوبة أحسن أفارق دفعتى وأصحابى واخواتى
فالحمد لله انها جات على أد كدة

وسبحان الله أنا عكيت فى كل المواد تقريباً ... لكن أحسنت الظن بالله فى كل المواد ماعدا السيوتيكال
أنا كنت مشيلاها لنفسى بالعافية
أسأت الظن فى المادة دى وقلت مستحيل أنجح يعنى مستحيل !
وأدينى شيلتها فعلاً

المهم انى طلعت سنة خامسةةةةةةةةةة الحمد لله
طلعت بكالوريوس الحمد لله
طلعت مع أصحابى ودفعتى ومش هسيبهم الحمد لله
شيلت مادة واحدة مش اتنين الحمد لله
شيلت سيوتيكال مش كاينتيكس الحمد لله وده بالنسبة لى أفضل الحمد لله
شيلت السنة دى مش السنة الجاية عشان أتخرج معاكم ياااارب

كل دى حاجات تستحق الحمد لله

ومادام دينى بخير فلن يضرنى شئ إن شاء الله
ولكن لابد بقى من وقفة مع نفسى هل دينى بخير فعلاً ولا لأ ؟
عشان ما بقاش خسرت من كل النواحى ... ما يبقاش موت وخراب ديار زى ما بيقولوا

وأصلاً هو أنا اللى المفروض أرضى ؟
حسيت بالحياء الشديد من الله لما سألت نفسى السؤال ده

بعد كل كرم ربنا ده ... أنا اللى المفروض أرضى ؟
هو فيه احتمال انى أسخط ؟
بعد كل تقصيرى ده ... أنا اللى المفروض أرضى ؟

فوالله إن كان شيلى للمادة تكفيراً عن تقصيرى وجهلى فأنا مليون راضية الحمد لله
وإن كان تقصيرى أكبر من كدة بكتير فأسأل الله أن يغفره لى
وأسأل الله أن يعوضنى خيراً

وبعدها بكام يوم كانت أختى مشغلة درس فى الكاسيت فقعدت أسمع حتة كدة فلقيتها الحتة بتاعة الصحابى اللى قطعوا له رجله وفى نفس اللحظة ابنه مات فأخبروه
فقال الحمد لله وان كان ربنا أخد منى أحد أطرافى فساب لى التلاتة الباقيين وان كان أخد أخد أولادى فساب لى الباقيين
( معلش أنا مش عارفة أحكى ومش متذكرة كمان إسم الصحابى بس أكيد انتوا عارفين القصة إن شاء الله )
فقعدت بقى أفتكر أنا ربنا أكرمنى فى كام سنة وفى كام تيرم وفى كام مادة وفى كام إمتحان شفوى وفى كام إمتحان نظرى وفى كام إمتحان عملى و ... و...
فسبحان الله إحنا بننسى وقت النعم والرخاء ومش بنشكر الله حق الشكر
فعلى الأقل نفتكر وقت الشدة

وأنا ربنا أمهلنى كثيراً كثيراً كثيراً
فالحمد لله انها جات على أد كدة

اللهم لك الحمد
اللهم لك الحمد

و مفيش حاجة مخليانى حزينة دلوقتى غير أمى
أنا باللى عملته ده لم أبر أمى
وأنا أصلاً من الأول كان عندى إختلال فى بر أمى بسبب حدة طبعى وجه الموضوع ده بوظ لى كل حاجة تماماً
وكان كفاية انى الوحيدة اللى ما فرحتهاش فى البيت من وسط اخواتى .. أول مرة أحس بالمعنى ده .. أد إيه أنا وحشةةةةةة وجاهلة وغبية وقاسية
وأول مرة أمى تشيل منى بالشكل ده ... أنا كنت أقرب واحدة لقلبها رغم حبها المتساوى لينا كلنا بس كانت بتحب كل حد فينا من جهة أو من طبع معين فأنا كانت بتثق فيا وفى آرائى وفى عقلى .... فقدت كتير أوى بالموضوع ده .. فقدت حاجات أكتر بكتير من المادة ومن إعادتها ومن تعبها ومن وقتها ... ومش عارفة إذا كنت هعرف أسترجع اللى فقدته بينى وبين ماما تانى ولا خلاص هتفضل فاكراها لى دايماً
فبالله عليكم بالله عليكم أسألكم الدعاء بظهر الغيب ان أمى ترضى عنى ويجعلنى بارة بها ويهدينى ويصلح حالى




أيوة جزاكم الله خيراً يا دكتور
أنا برضه حاولت أفصل كتير

لان أنا مش مظلومة
أنا قصرت ... وأنا أستحق ... لأ وكمان أنا واخدة أكتر من تعبى
فالحمد لله الذى لم يؤاخذنى بذنبى وأكرمنى بالنجاح واتنقلت لسنة خامسة بفضل الله
ونرجع بقى للتقصير ونصلحه ربنا يهدينى ويجعلنى أتعلم من أخطائى وأتقى الله

عندى أسئلة بقى يا جماعة بس هخليها فى موضوع منفصل أحسن
جزاكم الله خيراًَ
واستحلفتكم بالله لا تنسونى من الدعاء بظهر الغيب ان يفرج الله كربى ويهدينى ويصلح حالى ويرضى عنى أهلى

أنا بقالي 6 ترمات بجيب هي هي الـ 73 %
مش عايزة تتغير
أنا كنت متوقع أجيب أكتر من كده بالذات اني كنت خارج تقريبا مقفل امتحان البيو وجبت فيها 158 يعني من الاخر كده استهبال كونترول او الله اعلم العملي بقى .. بس انا كنت عامل كويس في العملي

خير خير
كان نفسي اتخطى حاجز الجيد ده
بس يلا الحمد لله

والله يا دكتور كونترول البيو دول بالذات بيستهبلوا استهبال مؤكد أبصم عليه بالعشرة

كنت جايبة 102
ضعيف ومتشالة طبعاً

ومن سوء حظهم انها كانت المادة الوحيدة اللى كنت مذاكرها بضمير فى التيرم ده
أنا بحب البيو جداً جداً أصلاً لوحدى
وفى التيرم ده بالذات كنت بنام وأصحى على البيو
وكنت باخد كتاب البيو معايا فى كل مكان
كنت ناقص أخده معايا كمان وأنا رايحة أزور قرايبى مثلاً

فاللى هو بقى كان عندى إستعداد أشيل ال4 أو ال5 مواد اللى كانوا فى التيرم كلهم بس أنجح بيو
وكنت جايبة فى العملى 63 من 70
ومن حظهم الأسوأ ان أنا كنت رايحة أجيبها من الكنترول وبالتالى كانت الدفاتر لسة مفتوحة ومتاحة

دكتور باسم ( معيد الاورجانيك ) قعد فى الأول يواسينى زى ما بيواسوا أى حد شايل مادة ويقوللى معلش وشدى حيلك وبتاع
وبعدين لما عرف درجة العملى راح قعد يحسبها لى وقاللى ما ينفعش وادخلى بالراحة كدة وكلمى الدكتورة بس بالراحة عشان هى شديدة وهما مضغوطين دلوقتى

دخلت لهم
دكتور أشرف بتاع الأورجانيك بهددددددددلنى
وقعد يقوللى انتى أصلاً ساقطة بيبر وانتى درجاتك ما كلمتش النجاح فى البيبر
وبعدين راح قايللى بصى عليها بنفسك فى الكشف أهو وبصيت ولقيتها مكتوبة فى الكشف فعلاً 102 ومتشالة
وخلاص هخرج من الأوضة وأنا هيطير برج من ديماغى
راح قايللى وعشان أكد لك بقى أكتر وما تجادليش تانى تعالى أنا هوريهالك فى الكشوفات اللى جاية لنا من قسم البيو نفسه
( وكانت لسة موجودة جمبهم عشان كانوا بيرصدوها )
راحوا دكتورتين كدة وقعدوا يفتحوا الأوراق
وغابوووووووا
واتأخروووووووووا
وكل شوية يبصوا لى ويتأخرووووا
وأنا بقى واقفة خلاااااااص أعصابى متدمرة نهائياً وفاضل لى 3 دقايق وأروح فيها
راحت باصة لى واحدة منهم وقالت لى لأ انتى شايلاها انتى ساقطة بيبر
لفيت ولسة هخرج من باب الأوضة وكنت جنبه بالظبط
لقيتها بتقوللى استننننننننننى وراحت باصة فى الورقة تانى وقالت لى لأ انتى ناجحة
أنا بقى ما اتوصاش
روحت فاتحة فى العياط ولا أجدعها عيل
فضحتهم
رئيسة الكنترول الدكتورة الشديدة وييجى 7 دكاترة والعمال والمعيدين والطلبة وأختى اتلموا عشان يعرفوا يسكتونى بس
لكن أنا بقى إيه ما شاء الله
والله كنت بعيط عياط خضة
عارفين لما يكون حد مخضوض وبيشهق وبيشتحتف كدة ... أهو أنا بقى ساعتها
والدكاترة اللى كانوا عمالين يزعقوا لى ويشخطوا فيا فجأة اتحلوا بقوا بيحايلونى ويمسحوا لى دموعى
كان ناقس يجيبوا لى حاجة حلوة أو مصاصة مثلاً

وفيه دكتورة قعدت تقوللى انتى اللى غلطامة عشان تحرموا تجيبوها من الكنترول
كان نفسى أرد عليها وأقولها حضرتك دى مش غلطة كنترول
لانى لما كنت هفتح بقى فى أى وقت كانوا هيورونى الكشف النهائى واللى هو كان مكتوب فيه انى شايلاها
وطبعاً ماحدش كان هيرجع لورق القسم نفسه أو لورقة الإجابة
بس قلت يلا مش هرد عليها والمهم انى نجحت

طيب اعمل ايه ؟؟؟

انا حاسس اني مظلوم في الماده دي بجد

جزاكم الله خيرا عالموضوع ده بجد

جه في وقته بالظبط

انا لسة يا دوب شايلة مادة امبارح

وكنت حاسة احساس فظيييييييييييييع من ساعتها

بس طبعا بعد كلامكم ده مفيش غير

الحمد لله حمدا يليق بجلاله

الحمد لله

الحمد لله

الحمد لله

ان نجحت وزي ما انا برده جيد جدا

والله حتي الماده اللي كنت ضامن امتياز فيها جت جيد

حسبنا الله ونعم الوكيل

أنا قلتلكم على صاحبتنا اللي جابت ضعيف جداً في التوكس

الحمد لله طلعت غلطة من الكنترول

والنتيجة الفاينال مكتوب فيها إنها ناجحة وجايبة فيها جيد جداً كمان

لما راحوا سألوا طلع إنهم مش كانوا ضايفين النظري ... مش عارفة إزاي

كان في غلطات كتيرة السنة دي في النتيجة

وكله كوم وال 23 درجة دول كمان اللي متضافين لجروب بي بس

بس محدش عارف السر

طيب ما يمكن أنا كمان بقى ناجحة سيوتيكال ودى غلطة من عندهم

بس أنا تخطيت كل الحدود وجايبة ضعيف جداً ما شاء الله فقضيت على كل احتمال بإنها تكون غلطة

طيب وإيه الـ23 درجة دول يا إيلاف ؟

انا كنت حاله فى الفارما حلو اوى و كنت منتظره امتياز ..

جت جيد جدا

الحمد لله

عديت السنه دى على خييييييييييييييييييييييييير

انا عاوز 23 درجة انا كمان


اشمعنى جروب بيه

هو انا ايما كده مضطهدين فى ام الكلية دى


لو تفتكروا برده

احنا بتوع الshingles ولا فخر

لا ما هيا كانت جايبة ضعيف جداً برده

مش حسبوا لها النظري

وال23 درجة دول .. لاقيناهم زيادة على مجموعنا النهائي

يعني زيادة 23 درجة على مجموع الدرجات .. وده في جروب بي بس
ومش كل الجروب كمان

أكيد غلطة طبعاً

ولوو إننا كنا نستاهلهم عشان الكاينتكس



لا ما هو الفارما كده قليل اللي بيجيبوا فيها امتياز

مبروك عليكي



ربنا يعينكوا

23 درجة

هييييييييييييييييييييييييييييييه

لو حد عاوز يبعت حاجة تاني يا جماعة انا معنديش مانع

قل هل يستوى الذين يعلمون والذين لايعلمون