السلام عليكــم ورحمـة الله وبركاتــة ،،


الناجح يرفع إيده ...

نتيجتك في الثانوية ظهرت ؟؟ عملت ايه ؟؟ يارب تكون جبت المجموع اللي نفسك فيه ..


أكيد انت دلوقتي محتار تختار كلية إيه ..صح ؟

كلية طب : على اساس ان اهلك عاوزينك تخشها عشان يتفاخروا بيك انك بقيت دكتور وده حقهم طبعا .... لكن انت شايف انها سبع سنين وممكن تكون متعبه اويييي وطويله اويييي ومستقبلها مش مضمون اويييي

صيدلة :على اساس انك بتسمع ان الصيادله بيكسبوا دهب وكمان انها خمس سنين فقط مش سبعين سنه زي طب


أسنان : بردو زي طب ملهاش مستقبل اوييي وعشان تفتح العياده وتجيب ناس وتعملك سمعه تكون بقيت 50 سنه .. تبدأ بقى تفكر تتجوز

علاج طبيعي : وفاكر نفسك هتبقى دكتور النادي الأهلي ... وفي الاخر تكتشف انك اتخرجت وفاتح سنتر للتخسيس

علوم : وعايز تطلع احمد زويل ... متعرفش ان كية علوم الان اسم على غير مسمى ومعندهمش حاجه اسمها عملي وان الامتحانات فيها صعبه جدددددا


اللي انا قولتهولك ده كان نظرة المجتمع للكليات .... لكن عشان تعرف مميزات وعيوب كل كلية فعلا .. لازم تاخد الكلام من ناس مجربه فعلا .. وعلى رأي اللي قال : اسأل مجرب ...

فأنا ان شاء الله هحاول اتكلم عن نظام كليتي الحبيبة كلية الصيدلة في هذا الموضوع وعن سوق العمل وعن مجالات الدراسة

1- أنظمة الدراسة :هناك نظامين للإلتحاق بالكلية :
أ- النظام العادي ( أو اللي الناس معظمها بتدخله )
ب- النظام الكلينيكال

الفرق بين النظامين هو إن الكلينيكال بياخد مواد إضافيه بتساعده على تشخيص بعض الامراض وهو واقف في الصيدلية ....والشهاده بتكون مختلفه عن العادي ... واللي بنسمعه ان النظام ده مطلوب جدا دلوقتي للي بيسافر في دول الخليج وغيرها بس الكورس ده ب12 ألف جنيه في السنه ... هو مش تعيم موازي او خاص لانك لازم تكون جايب مجموع صيدلة





2-مجالات الدراسة والمواد :
في اول سنتين انت مش بتدرس حاجه ليها علاقه اوي بالسوق او بالدوا او بالامراض لكن بتاخد كيميا بجميع انواعها : عضوية- تحليلية-فيزيائية
اما في الثلاث سنوات المتبقية .. فاحنا بندرس علوم الادوية والبكتيريا و تشخيص الامراض وكيفية علاجها وهكذا

الفرق بين طب وصيدلة كمواد : طب بيدرس تشريح وهستولوجي وحاجات ليها علاقه اكتر بطبيعه جسم الانسان لكن صيدله بيدرس حاجات ليها علاقه اكتر بالدوا وكيفيه عمله





3- موقع الكلية وده اللي بيظهر عيه النتايج :http://www.fopcu.edu.eg/



4- مجالات العمل :
أ-شركات الأدوية : شركة الأدوية بتتكون من كزه قسم منها اللي بيعمل الدوا ومنها اللي بيسوق الدوا وبيعمله دعايا ...

هناك شركات حكومية زي سيد والنيل .. ودي ميزتها انها حكومة يعني حجزت مكانك في الشغل ولزقت فيه وبقيت موظف حكومه مش دكتور وكمان ميزتها انعاش وااعلاج على نفقه الدولة وغيره ....
وشركات مالتي ناشيونال او عالمية زي فايزر ونوفارتس وجلاكسو .. العمل في الشركات اللي زي دي بيبقى فلوسه كتير لكن عاوز مهارات كويسه زي الانجليزي والكمبيوتر وغيرها وكمان مخاطره كبيره مش زي الحكومه متثبت في مكانك أكنك موظف وخلاص

ب- الصيدليات : يظن البعض ان الصيدلية هي مغارة على بابا .. لا مش شرط .... الصيدلية اصا عشان تفتحها محتاج تلاقي مكان كويس ومفيهوش صيدليات كتير .. هي اينعم بتكسب لكن عشان تتفتح محتاجه فوس كتيييير

د-المجال العلمي والبحثي انك تشتغل في مركز البحوث او في المصل واللقاح او انك تتعين في الكليه كمعيد وبعديها تبقى دكتور .. بس دي محتاجه تقديرعالي جدااا

يا جامد يا حمزه

انا مش هقدر اضيف كلام علي حضرتكك

انت جامد يا جامد

ربنا يكرمك يا حبيبي

كان عندى تسال كدا

هو مش احنا كمان اكلينكال ( الكلمه دى كتابتها رخمة بشكل )

ولا نظام حديث ازاى يعنى

احنا مفيش فرق بيننا وبين النظام القديم خالص .... غير اننا بندفع فلوس اكتر في الكتب ومزنوقين اكتر..... زي ما عبد المتين كان قال قبل كده في موضوع ليه

الموضوع جميل جددددددددا


اشبه بعمليه التعارف اللي في ساحه فري تالابا


يعني حضرتك بتعرهم علي الكليه وموقعها

والكليات التانيه


طيب ممكن اقترح اقتراح بقي


ممكن نعمل موضوع تعارف للي داخلين جداد سنه اولي


علشان نعرفهم بالمواد والدرجات وكده


علشان ميتصدموش

نفسي في موضوع زي ده


علشان اساعد اللي في اولي علشان في الاول بيحسوا بالضياع وطبعا



انا عارفه الاحساس ده


ومريت بيه السنه دي كتييييييييير


فاحنا عايزينهم يبقوا عندهم خلفيه من الاول



ايه راي حضراتكم؟؟

اللي انا قولتهولك ده كان نظرة المجتمع للكليات .... لكن عشان تعرف مميزات وعيوب كل كلية فعلا .. لازم تاخد الكلام من ناس مجربه فعلا .. وعلى رأي اللي قال : اسأل مجرب ...


اولا اما بشكرك يا دكتور حمزة لانك عايز تنصح طلاب الثانوية العامة اللى تعبوا على مدار سنتين ومليون مبروك لكل الناجحين
ثانيا انا متفق معاك فى اغلب الكلام و اكتر حاجة متفق معاك فيها ان كلية طب صعبة جدا ومشوارها طويل مش بس السبع سنين لا لازم ماجستير ودكتوراه وبجد لو حد كان قالى على تلك الصعوبات اللى هلاقيها وكنت دخلت صيدلية امنتيتى (انا دخلت طب عشان احقق طموح ابى فيا) عالعموم الحمدلله
ثالثا انا بنصح اى حد انه يدخل صيلية او اسنان(عالفكرة فى دكتور اسنان قالى انه كان فى طب وحول بعد سنة اولى وما شاء الله عليه دقولتى ربنا يوفقنا جميعا)
رابعا ياريت طلاب صيدلية يقولوا صعوبات كلية لانهم مجربين عشان محدش يصدم
مع تمسكى براى ان صيدلية افضلهم

يعني هي الكليه مش صعبه اوي

(اذا كنت عاوز تنجح )

انما غير كده هتحس ان مفيش وقت

الدكتور بيدخل اول محاضره يقول عندكم شيت السكشن الجاي

بس قضيها

السلام عليكــم ورحمـة الله وبركاتــة ،،
فكره الموضوع جميله ما شاء الله
بس تعديل بسيط مين قال ان علوم مفيهاش عملى هى صعبه اه بس مش اوى اللى بيحبها ويذاكر فيها بيجيب تقديرات عاليه
احنا عندنا كل ماده ليها عملى اللى مش موجود عندنا هى الامتحانات الشفويه لكن فى عملى لكل ماده وفى علوم القاقره نظام الساعات المعتمده نعتبر اول كليه تطبقه فى جامعه القاهره كلها ومعانا بيطرى بس مش مطبقينه زى عندنا
وعندنا اقسام تأهل للعمل فى شركات الادويه وكمان اقسام جديده اتفتحت لحاجه سوق العمل ليها زى الميكلرو بيولوجى والحيوى
وقسم البيوتكنولوجى بمصاريف خاصه حوالى 10 الاف جنيه فى السنه بس اللى بيتخرج منه بيكون معاه تصريح فتح معمل بدون الحاجه اللى طبيب مختص زى زمان
وكمان قسم علوم البترول اللى بتموله اكبر شركات البترول وبتوفر تدريب وفرص عمل للدارسين به
يا جماعه علوم هى اساس كل العلوم بصولها بصه تانيه غير بصه زمان لان احنا بقى لينا مميزات كويسه جدا
اه وكمان نسيت اقول ان اللى فاتته صيدله ودخل علوم ممكن يعمل دبلومه صيدله ويكون كاى خريج صيدله من حيث شركات الادويه اللى اساسا ممكن يشتغل فيها من غير الدبلومه ومن حيث فتح صيدليه
طولت عليكم معلش حبيت اوضح الصوره
وربنا مع الكل

]

طبعا انا متحيز لكليتي جدا

و كلياتكم على عيني وراسي يا جماعه
محدش يزعل

طيب ما احنا ممكن نخلى الموضوع عام
مش خاص بالتعريف بصيدلة بس
بما ان يعني في اعضاء من كليات تانية موجوده ووصلت هنا


يعني ممكن كل واحد يقول نظام كليته ومستقبلها
بس بموضوعيه وحيادية
مش عايزين نضحك على الناس ولا نفرشلهم الارض ورود وعايزين نحببهم في الكليه وسلام
علشان يكون لينا مصداقية عندهم
وعلشان منكنش بنخدعهم



بس ده مجرد اقتراح يا د/ حمزة
حضرتك ممكن تقبله او ترفضه
فالموضوع موضوع حضرتك برضه:)

طبعا اقتراح حضرتك جميل جدا
وكان ده الهدف منه اصلا عشان كده طلبت من المراقب العام انه يحطه في الشريط اللي بيلف فوق



انا هاقول صعوبة في كلية صيدلة جامعة القاهرة هي انك لازم تحضر المحاضرات .. والدكاتره في كتير من الاحيان مش بيمشوا بنفس نظام الكتاب او ممكن يزودوا عليه حاجات كتيره
وده بصراحه من اكتر حاجه بتتعبنا في الكلية .. فيلجأ البعض الى تسجيل المحاضره او بعض الناس تكتب المحاضرات وتنزلها في المكتبات .. بس ان شاء الله بنلاقيها ...

أما غير ذلك فالصعوبة بتكون في ماده معينه او دكتور معين وبيبقى معروف الدكتور ده بيحط اامت حان ازاي



منتظر بقية الكليات للتعريف بكلاتهم

أنا هاغير العنوان التاني للموضوع وهاخليه " كل ما تود معرفته عن الكليات العلمية "

جزاكم الله خيرا

السلام عليكــم ورحمـة الله وبركاتــة ،،
انا تقريبا اديت نبذه بسييييييييييطه جدا عن نظامنا فى الكليه لان احنا عاملين موضوع فى ساحه العلوم بالتفصيل الدقيق لنظام الكليه مش هاقدر اكتب كل حاجه عن النظام فى موضوع واحد لان نظامنا زى ما قلت جديد واول مره يطبق كانت السنه اللى فاتت لانه لو نجح عندنا هيطبق على باقى الكليات العمليه
عذرا للاطاله

انا كمان من كلية علوم وعلي فكرة عندنا موضوع في ساحتنا اسمه

لكل العلوميين الجدد


بنعرف كل العلوميين الجدد علي كليتنا ونظامها وكل حاجة فيها

فممكن تستفيدوا منه ان شاء الله

مين يا فندم اللي مش ليها مستقبل

وكمان 50 سنة

بلاش نتكلم عشان الحسد

يعني مش قصدي خمسين بالظبط
ممكن لو حد شد حيله يلحق يكون نفسه و يتجوز عالـ 45 ممكن

طيب كويس يا فندم ان عندنا هيفكروا يتجوزا

في ناس مش هتلحق تفكر اساسا عندكم

المستقبل بايد ربنا سبحانه وتعالي بس يا جماعه محدش يعمم كلام علي كليه بحالها او يحكم بحاجات في علم الغيب...

يا حسين كده هنضرب هدى اللعب شوية


بس يا جماعة نتكلم بصراحة


انا بلاحظ ان كل الناس بلاش كل معظم الناس اللى بيتخرجوا من اسنان وبيطرى وطبيعى وعلوم بيشوفوا شركات ادوية يشتغلوا فيها


يبقى كلام حسين بيتهيألى صح وانا متفق معاه جدا


بس صيدلة متعبة جدا للبنات لو عايزين يشتغلوا ويجيبوا فلوس

اسنانمش بيشتغلوا في شركات ادوية

والله يا فندم بيشتغلوا

والكلام ده متحكاليش انا شفت ناس كتير جدا كمان

وبعدين انا قلت معظم مش كل

ولو حد اسنان اثبت نفسه فى اى مكان حتى فى غير مجاله فميش مشكلة خالص

انا اعلرف واحد من بيطرى شغال فى شركة ابوت(محدش يحسد)وكمان بقى سوبر فيزرفى وسط البلد

ربنا يكرمكم ويكرمنا

انصح الناس انهم يدخلوا تجارة وهيلاقوا احلي شغل

هو بس الفر بتاع صيدلة وحش جدا


يعنى طب واسنان احسن منه بكتير


بس لو سافرت تبع شركة يبقى جامد جدا

اولا اتمنى ان ده يبقى مرجع لكل اللى عاوز يعرف معلومات عن مجال العلاج الطبيعى بصفه عامه وكليه العلاج الطبيعى بصفه خاصه.
انا هقولكم نبذه عن الكليه ..........................
تعتبر كلية العلاج الطبيعى الوحيدة من نوعها فى مصر والبلاد العربية وقد انشئت خصيصا لمواجهة الاحتياج للاخصائيين فى العلاج الطبيعى

وكانت دراسة العلاج الطبيعى قد بدات فى مصر عام 1945 تحت اشراف منظمة الصحة العالمية لخريجى وخريجات معاهد التربية الرياضية من قبيل مسايرة التقدم العلمى فى استخدام كل ماهو مستحدث فى وسائل العلاج وبدا اعداد الكوادر اللازمة لهذا التخصص عام 1956 بايفاد البعثات الخارجية لامريكا وبريطانيا والمانيا

وفى عام 1958 بدا تطبيق نظام البعثات الداخلية لخريجى وخريجات معاهد التربية الرياضية العالية لدراسة مكثفة لمدة سنتين ثم اتجه التفكير بعد ذلك الى انشاء المعهد العالى للعلاج الطبيعى على ان يلحق – مؤقتا كشعبة بالمعهد العالى للتربية الرياضية وهو ماتم بالفعل عام 1962

وفى عام 1969 اصبح المعهد مستقلا ثم انضم الى الجامعة عام 1976 بعد ان كانت تشرف عليه وزارة التعليم العالى واصبحت الدراسة فيه خمس سنوات حيث تقرر اضافة سنة تدريبية لزيادة كفاءة الخريجين واكتسابهم مهارات الاداء , وفى عام 1992 صدر قرار بتحويل المعهد الى كلية تابعة لادارة جامعة القاهرة

وتصل اقسام الكلية الى ثمانية اقسام وهى قسم العلوم الاساسية للعلاج الطبيعى وقسم العلاج الطبيعى لامراض الاعصاب وجراحتها وقسم العلاج الطبيعى لامراض الاطفال وجراحتها وقسم العلاج الطبيعى للعظام والاصابات وجراحتها وقسم العلاج الطبيعى للجراحة وقسم الميكانيكا الحيوية واخيرا قسم العلاج الطبيعى لامراض النساء والتوليد وجراحتها

وقد تعاقب على عمادة هذه الكلية نخبة من الاساتذة الذين ساهموا فى مراحل تطور الكلية وهم الدكتور محمد جميل الحنك والدكتور يحى امين البطاوى والدكتور هاشم على فؤاد والدكتور خيرى السمرة والدكتورة عزة عبد العزيز عبد الهادى والدكتور امام حسن النجمى

اقتباس

منقول من موقع جامعه القاهره http://www.cu.edu.eg/arabic/Faculties/Phys...ysiotherapy.htm.


--------------------------------------------------------------------------------------------------

العلاج الطبيعي



ما هو العلاج الطبيعي (Physical Therapy) ؟



هو العلاج باستخدام الوسائل الطبيعية أو المشتقة من مصادر طبيعية مثل الوسائل الميكانيكية والفيزيائية وهذا العلاج يتم بواسطة أخصائيي العلاج الطبيعي المدربين والمؤهلين من أجل علاج حالات من الإصابات المختلفة وأيضا الكثير من الأمراض المختلفة ويتم علاجها بواسطة العلاج الطبيعي، ومن أجل تحسين الأداء الوظيفي والحركي لأعضاء الجسم المختلفة ومنع عودة الإصابة أو مضاعفات الإصابة التي قد تتسبب في الإعاقة، وتعليم الشخص المعالج الأوضاع المثلى التي يجب أن يتخذها أثناء ممارسة حياته اليومية ووظيفته ، وكيف يستطيع تحسين أداء ووضع الجسم ، كما يهتم بتصحيح أي تغير في وضع الجسم الطبيعي نتيجة لاتخاذ أوضاع خاطئة للجسم.



وتشمل هذه الوسائل العلاج بواسطة التمارين العلاجية و تحريك بعض أجزاء ومناطق الجسم بطرق معينة بواسطة الأخصائي أو بواسطة المريض تحت إشراف الأخصائي المعالج ، كما تشمل وسائل العلاج الطبيعي استخدام العديد من الأجهزة المختلفة التي تستخدم حسب الحاجة لأغراض متعددة، مثل أجهزة الموجات فوق الصوتية وأجهزة الأشعة فوق البنفسجية وتحت الحمراء و أجهزة التنبيه الكهربي وأجهزة الموجات القصيرة وأجهزة الليزر وغيرها. ومن الوسائل المستخدمة في العلاج الطبيعي أيضا العلاج باستخدام الشمع والعلاج المائي والإبر الصينية والعلاج باستخدام أنواع معينة من أنواع المساج أو معالجة الأنسجة الرخوة. والعديد من الوسائل الأخرى مثل العلاج بالأوزون ووسائل أخرى جديدة تجري الأبحاث عليها يوما بعد يوم.



وهناك اتجاه عالمي لتوسيع نطاق ومجالات استخدام العلاج الطبيعي واستبدال العلاج الطبي الدوائي أو العلاج الجراحي بالعلاج الطبيعي في بعض الحالات وخاصة تلك الحالات التي يكون سبب الإصابة فيها ميكانيكيا أو الأمراض التي تتسبب في تغيير ميكانيكية عمل الجسم أو أعضاؤه بالدرجة الأولى.

كما يعد العلاج الطبيعي أساسيا في علاج بعض الأمراض التي يتم الحصول على أفضل النتائج فيها باستخدام العلاج الطبيعي بينما لا يمكن علاجها بالوسائل الأخرى التقليدية.

أخصائيي العلاج الطبيعي (Physical Therapist) :



Physical Therapist must be (3 Hs) : Head , Hand , & Heart.



أخصائي العلاج الطبيعي يجب أن يملك ثلاثة أشياء يحتاجها العلاج الطبيعي:

1- العقل حيث أن التفكير الصحيح يقود للتحديد الصحيح للمشكلة وبالتالي اختيار الوسائل الأنسب للعلاج.



2- اليد الماهرة.. فبعكس العلاج الطبي الذي يعتمد على وصف الأدوية للمرضى فحسب فإن المهارة تمثل عاملا مهما لأخصائي العلاج الطبيعي حتى يتمكن من تطبيق العلاج الصحيح على المريض. وهذه المهارة يتم اكتسابها عن طريق التدريب المكثف لطلبة كلية العلاج الطبيعي أثناء مدة الدراسة التي تعتمد بالدرجة الأولى على التطبيق العملي.



3- القلب.. بخلاف الطبيب أو الجراح الذي قد لا يلتقي بالمريض سوى مرة واحدة أو اثنين وقد يكون المريض فيها تحت تأثير المخدر فإن أخصائي العلاج الطبيعي يستمر مع المريض طوال مدة الجلسات المستمرة والمتكررة على مدى الكورس العلاجي المقرر والذي قد يستغرق بعض الوقت حسب الحالة.. وهكذا يجب أن يكون أخصائي العلاج الطبيعي شخصا ودودا يجيد التعامل مع الآخرين ويحسن التعامل مع الناس باختلاف طباعهم ويجيد إظهار التعاطف مع مرضاه ودعمهم معنويا بدون أن يؤثر ذلك على أدائه أو كفاءته.



Physical therapists are good people to know. They’re educated in understanding the interaction of all your body parts. Their hands-on approach begins with examination, diagnosis, and treatment of the immediate problem. Then they teach you how to take care of yourself by showing you how to do exercises and how to use your body properly to gain strength and mobility and prevent recurring injury. You’ll find them advising on proper posture and body motion in the work place, treating injuries, consulting on fitness, and administering physical therapy in the home. Today physical therapists provide help for every part of the body to everyone from infants to the elderly — more than 1 million people every day!

كلية العلاج الطبيعي - جامعة القاهرة

- تمنح الكلية درجة البكالوريوس، دبلوم- ماجستير- دكتوراه في العلاج الطبيعي.

- مدة الدراسة لنيل درجة البكالوريوس 4 سنوات تليها سنة تدريبية إجبارية (امتياز).

- عند التخرج يتم التعيين ممارس عام وبعد 5 سنوات أو الحصول على الماجستير أيها أقرب يصبح أخصائي ومن حقه ممارسة عمله في مركز علاج طبيعي لا يمنح التصريح به إلا خرجي كلية العلاج الطبيعي.

- يعمل الخريجون من الكلية في المستشفيات العامة والخاصة بالأقسام الطبية المختلفة أو بقسم العلاج الطبيعي وكذلك في دور المسنين وأقسام إصابات الملاعب بالنوادي الرياضية والإشراف على الفرق الرياضية.



تعد الكلية هي الفريدة من نوعها بين جميع الجامعات المصرية الحكومية والدراسة فيها ممتعة تشمل مزيجا من المقررات الطبية والمقررات العلاجية باستخدام طرق فيزيائية وميكانيكية ووسائل مشتقة من مصادر طبيعية.

وقد أصبح العلاج الطبيعي أحد الوسائل المثالية للعلاج وهناك اتجاه دولي لاستخدام العلاج الطبيعي على نطاق واسع لما له من مميزات بعيدا عن الآثار الجانبية التي تخلفها العقاقير الكيميائية. وقد أسهمت التكنولوجيا الحديثة في استحداث الكثير من الوسائل الجديدة وهذا يدفعنا إلى بذل المزيد من الجهد لمواكبة التطورات الحديثة في مجالات الصحة والعلاج الطبيعي. ودورنا في المجتمع ليس بسيطا لأننا باختيارنا هذا المجال حملنا على عاتقنا رسالة هامة ودورا عظيما يجب أن نؤديه من أجل مستقبل أفضل للوطن.

ولن تستطيع أن تؤدي دورك إلا بالإيمان..إيمانك بالله أولا ثم بنفسك وقدراتك ثم إيمانك بمهنتك ورسالتك.

الأقسام العلمية بالكلية

تتكون كلية العلاج الطبيعي من الأقسام العلمية الآتية:-



1- قسم العلوم الأساسية للعلاج الطبيعي:

ويرأسه أ.د/ فاطمة الصديق .

ويشمل الوحدات التالية:

( أ ) وحدة أسس ووسائل العلاج الطبيعي.

(ب) وحدة المواد الطبية الأكاديمية.

(ج) وحدة العلوم الإنسانية والمهنية.



2- قسم العلاج الطبيعي لاضطرابات الجهاز الدوري والتنفسي والمسنين:

ويرأسه أ.د/ عوني رحمي

ويشمل الوحدات التالية:

( أ ) وحدة العلاج الطبيعي لأمراض الباطنة والقلب والصدر.

(ب) وحدة العلاج الطبيعي للمسنين.

(ج) وحدة العناية المركزة.



3- قسم العلاج الطبيعي لاضطرابات الجهاز العصبي والعضلي وجراحتها:

ويرأسه أ.د/ محمد صادق بدوي

ويشمل الوحدات التالية:

( أ ) وحدة العلاج الطبيعي للأمراض العصبية.

(ب) وحدة العلاج الطبيعي لجراحة المخ والأعصاب.



^إلى أعلى الصفحة^



4- قسم العلاج الطبيعي لاضطرابات مراحل النمو والتطور وجراحتها عند الأطفال:

ويرأسه أ.د/ إمام حسن النجمي

ويشمل الوحدات التالية:

( أ ) وحدة العلاج الطبيعي لأمراض الأطفال

(ب) وحدة العلاج الطبيعي لجراحة الأطفال



5- قسم العلاج الطبيعي لاضطرابات الجهاز العضلي والحركي وجراحتها:

ويرأسه أ.د/ أحمد حسن حسين

ويشمل الوحدات التالية:

( أ ) وحدة العلاج الطبيعي للعظام

(ب) وحدة العلاج الطبيعي لجراحة العظام

(ج) وحدة العلاج الطبيعي للتشوهات.

( د) وحدة الإصابات الرياضية.



6- قسم العلاج الطبيعي للجراحة والحروق:

ويرأسه أ.د/ عادل عبد الحميد نصير(قائم بعمل رئيس القسم)

ويشمل الوحدات التالية:

( أ ) وحدة العلاج الطبيعي للجراحة العامة.

(ب) وحدة العلاج الطبيعي للحروق والتجميل.



^إلى أعلى الصفحة^



7- قسم الميكانيكا الحيوية:

ويرأسه أ.د/ محمد فؤاد إبراهيم

ويشمل الوحدات التالية:

( أ ) وحدة تحليل الحركة.

(ب) وحدة دراسة ميكانيكا العمل.



8- قسم العلاج الطبيعي لأمراض النساء والتوليد وجراحتها:

ويرأسها أ.د/ سلوى مصطفى البدري (قائم بعمل رئيس القسم)

المقررات الدراسية بالكلية



أولاً: المقررات الأكاديمية

مقررات الفرقة الأولى:

الفصل الدراسي الأول:-

- التشريح (Anatomy)

- علم وظائف الأعضاء (Physiology)

- الكيمياء الحيوية (Biochemistry)

- الطبيعة الحيوية (Biophysics)

- لغة إنجليزية (English)

- وسائل العلاج طبيعي (Therapeutic Modalities) وتشمل:

o تمارين علاجية (Therapeutic Exercises)

o العلاج الكهربائي والمائي (Electro- & Hydrotherapy)

- علم الأنسجة (Histology)

- دراسة الحركة (Biomechanics)



الفصل الدراسي الثاني:-

نفس مواد الفصل الدراسي الأول ولكن يضاف إلى مادة وسائل العلاج الطبيعي فرع جديد بالإضافة للفرعين الآخرين وهو: - معالجة أنسجة رخوة

(Soft Tissue Manipulation)
------------------------------------------------------------------------------------------------
مقررات الفرقة الثانية:

الفصل الدراسي الأول:-

- التشريح

- علم وظائف الأعضاء

- الكيمياء الحيوية

- علم الأمراض

- وسائل العلاج طبيعي وتشمل:

o تمارين علاجية

o العلاج الكهربائي والمائي

- اختبارات ومقاييس

- الميكانيكا الحيوية

- علم النفس للمعوقين

- مبادئ العلاج الوظيفي

- مبادئ التأهيل



الفصل الدراسي الثاني:-

- أسس العلوم العصبية

- الكيمياء الحيوية

- علم الأمراض

- علم الأدوية

- وسائل العلاج طبيعي وتشمل:

o تمارين علاجية

o العلاج الكهربائي والمائي

- اختبارات ومقاييس

- الميكانيكا الحيوية

- مبادئ العلاج الوظيفي

- مبادئ التأهيل

- الصحة العامة
----------------------------------------------------------------------------------------------
ثانيا: المقررات الإكلينيكية



مقررات الفرقة الثالثة:

ثلاث فصول بنظام الدوري.

أولاً:

- نظريات أمراض الباطنة والمسنين.

- ع . ط لأمراض الباطنة والمسنين.

- التدريب العملي على حالات الأمراض الباطنة والمسنين.

- نظريات أمراض القلب والصدر وجراحتها والعناية المركزة.

- ع . ط لأمراض القلب والصدر وجراحتها والعناية المركزة.

- التدريب العملي على حالات أمراض القلب والصدر وجراحتها والعناية المركزة.

- قوانين وآداب المهنة.



ثانياً:

- نظريات أمراض النساء والتوليد.

- ع . ط لأمراض النساء والتوليد.

- التدريب العملي لحالات أمراض النساء والتوليد.

- نظريات الجراحة العامة والحروق والتجميل.

- ع . ط للجراحة العامة.

- ع . ط لحالات الحروق والتجميل.

- التدريب العملي لحالات الجراحة والحروق والتجميل.

- مبادئ علم ميكانيكا العمل (Ergonomics)



ثالثاً:

- نظريات إصابة العظام وجراحتها.

- ع . ط لاضطرابات الجهاز العصبي العضلي الحركي.

- نظريات أمراض العظام.

- الأشـــعــة

- التدريب العملي على اضطرابات الجهاز العضلي الحركي.

- الجبائر والأطراف الصناعية.
------------------------------------------------------------------------------------------------
مقررات الفرقة الرابعة:

فصلان دراسيان بنظام الدوري.

أولاً:

- نظريات أمراض الأطفال.

- ع . ط لأمراض الأطفال وجراحتها.

- نظريات جراحة الأطفال.

- سيكولوجيا الطفل المعاق ومبادئ التعليم الخاص.

- علاج عيوب النطق والكلام.

- التدريب العملي لحالات أمراض الأطفال وجراحتها.

- بحث علمي وإحصاء وكمبيوتر.



ثانياً:

- نظريات الأمراض العصبية.

- ع . ط للأمراض العصبية وجراحتها.

- نظريات جراحة الجهاز العصبي.

- نظريات الأمراض النفسية.

- ع . ط للأمراض النفسية.

- التدريب العملي لحالات الأمراض العصبية وجراحتها والأمراض النفسية.

خدمات تقدمها الكلية للجمهور

العيادة الخارجية التعليمية:

وتشمل العيادة الخارجية التي تعمل بالمجان لخدمة الجمهور وتقدم خدمات متميزة تفوق نظيراتها في الأماكن الأخرى وتدار العيادة الخارجية تحت إشراف الأستاذة الدكتورة هدى عبد العظيم الطلاوي – وكيل الكلية لشئون التعليم والطلاب – ويديرها فنيا الدكتور/ يحيى ناصف والمدير الإداري الأستاذ عبد النبي ثابت.

ونظرا لأهمية دور العلاج الطبيعي في تخفيف الآلام التي يعاني منها المريض قبل وبعد إجراء العمليات الجراحية لجميع الأمراض وجميع الأعمار.



وحيث يتردد على الكلية ما لا يقل عن ثلاثمائة حالة لعمل الجلسات المختلفة المحولين من قبل الأطباء المعالجين وفي ازدياد مستمر نظرا لما تتمتع به الكلية من سمعة طيبة في الأوساط الطبية ولدى كافة الأطباء وذلك لأنها الكلية الوحيدة على مستوى الجمهورية التي تقدم هذه الخدمة وذلك تحت إشراف السادة أعضاء هيئة التدريس والهيئة المعاونة وباستخدام أحدث الأجهزة العلاجية المتطورة المواكبة لمنظومة التطور العالمية مثل العلاج بالليزر والعلاج الكهربائي والعلاج المائي والموجات الصوتية وأجهزة التنبيه الكهربائي ويوجد أيضا مصنع لتصنيع الجبائر والأجهزة التعويضية بالإضافة إلى حمامات الشمع.



وحيث أن الكلية تعمل بجميع أقسامها المختلفة في العلاج الطبيعي خاصة وللأطفال ذوي الإعاقة والاحتياجات الخاصة والأطفال الذين أجريت لهم عمليات جراحية وشلل الأطفال وكافة الأمراض الأخرى وذلك تحت إشراف أ.د/ إمام حسن النجمي – رئيس قسم الأطفال ورئيس الاتحاد العربي للعلاج الطبيعي وبواسطة نخبة كبيرة من السادة أعضاء هيئة التدريس والهيئة المعاونة وطلاب الامتياز وتستغرق الجلسة الواحدة ما يقرب من ساعة حتى يستفيد كل طفل مريض من العلاج لتحسين حالته وذلك طبقا للتمارين العلاجية المختلفة والمواكبة لكل حالة ونظرا لأن العلاج الطبيعي يحتاج إلى أوقات وأماكن كبيرة لمتابعة الحالة المرضية خاصة للأطفال فقد تم تزويد الكلية بالحجرات الخاصة لعلاج الأطفال وهذا للإقبال الشديد . وبحمد الله تم شفاء وتحسين عدد كبير من المرضى المترددين على العيادة بشهادة المريض والأطباء والمعالجين.

وكذلك يوجد قسم لعلاج الأعصاب حيث يتردد على القسم عدد كبير من مرضى الأعصاب المحولين من الأطباء ذو الشلل الرعاش والشلل النصفي وبعض الأمراض الأخرى التي يستلزم معها ضرورة العلاج الطبيعي لهم خاصة جلطات المخ وخلافه.. حيث يتوافر بهذا القسم نخبة كبيرة من الأساتذة المتخصصين في العلاج الطبيعي للأعصاب المؤهلين بالدرجات العلمية المختلفة عالميا.



كما يوجد بالكلية قسم خاص للعلاج الطبيعي لأمراض العظام وجراحتها والذي يعمل تحت رئاسة أ.د/ أحمد حسن حسين – رئيس القسم ونقيب العلاج الطبيعي ونخبة كبيرة من السادة أعضاء هيئة التدريس والهيئة المعاونة المتخصصين في مجال العلاج الطبيعي للعظام قبل وبعد إجراء العمليات الجراحية وكذلك علاج إصابات الملاعب والعلاج الطبيعي للكسور وإصابات العمود الفقري قبل وبعد العمليات الجراحية وعلاج من الأمراض الأخرى.

وكذلك يوجد قسم خاص للجراحة والحروق ويقوم باستقبال كافة حالات الحروق المحولة من الأطباء والذين تتطلب حالاتهم علاجهم بالعلاج الطبيعي وفي هذه القسم أحدث الأجهزة والمعمل الخاص باستقبال وعلاج الحروق بأنواعها المختلفة.

وكذلك يوجد بالكلية قسم خاص للنساء والتوليد تحت رئاسة أ.د/ سلوى مصطفى البدري ونخبة كبيرة من السادة أعضاء هيئة التدريس والهيئة المعاونة ويقوم القسم باستقبال الحالات المحولة من الأطباء قبل وبعد الولادة.

وكذلك يوجد بالكلية قسم الأمراض الباطنة والمسنين ويقوم هذا القسم باستقبال الحالات التي تتطلب علاج طبيعي قبل وبعد العمليات الجراحية الصغرى والكبرى الخاصة بأمراض الباطنة.

كلام رائع جدا
جزاك الله خيرا عليه بجد يا دكتور وجعله في ميزان حسناتك

شكرا جداااااااااااااااااااااا يا دكاترة

جزاكم الله كل الخير

اللى عاوز يوجع قلبه يدخل طب واسئلونى انا على كده........لكن ربك ييسرها على الجميع

لما الطب وجع قلب
امال صيدله بقى تقول عليها ايه يادكتور

وجع دماغ

إ


لا يا ابنى

وجع رجل علشان الدعاية

الصيدله احسن كليه عشان انا بحب اللى فيها

ناقص بس تحط صورتك وتبقي تمام جدا

السلام عليكم
انا ترددت كتير اوي قبل ما اشارك في الموضوع ده علشان خايفه ان الناس تتعقد و لا حاجه من كلامي
الحكايه و مافيها ان انا كنت متفوقه اوي الحمدلله زيكم كلكم يعني ايام المدرسه وده مش كلامي ده كلام معظم المدرسين الي كانوا بيدرسولي و جبت مجموع كبير الحمد لله و الكيمياء كانت من ضمن المواد الي جبت فيها 50
اول حاجه اتقالت في البيت المجموع ده يبقي طب او صيدله علي طول و الاهبل الي يبقي عنده فرصه يكون دكتور و يفوتها , و انا مانكرش اني كنت فرحانه بكلمه دكتوره دي
لكن للاسف مش معني اني كنت جايبه الدرجه النهائيه في الكمياء او اني كنت شطره و جايبه المجموع الي يدخلني أي كليه ان خلاص انا همشي في الكليه دي و كمان ممكن اتفوق بسهوله ده كلام في الهوا

لاني اول ما دخلت الكليه اتصدمت و جاتلي حاله احباط رهيبه جدا و اكتشفت اني مش طايقه الكليه و مش طايقه الكيمياء تماما و مش قادره اذاكرها و طبعا اول سنه عدت بالعافيه بعد ما شلت للسنه الي بعديها كل الي اقدر عليه و السنه الي بعدها كذلك و الي بعدها معدتش خالص و الحمد لله لدرجه اني كرهت الكليه و كل شيء يربطني بيها لانها قتلت كل طموحي و اني اكون متفوقه

الخلاصه لازم تتاكد انك بتحب المجال الي انت هتدرسه
و مش أي كليه علي حسب المجموع و خلاص
و دور جواك انت ميولك ادبيه و لا علميه لان في ناس بعد ماتخلص المدرسه (علمي علوم) و تخش الكليه العلميه تكتشف ان ميولها ادبيه اكتر و عندها مواهب متعلقه باي مجال بعيد عن العلمي تماما و انها ابعد ماتكون عن الفضول العلمي

السلام عليكــم ورحمـة الله وبركاتــة ،،


باركولى الحمد لله جبت مجموع كويس 6و99% بس للاسف ملحقتش ترتيب على الجمهوريه





المهم اولا باشكركم على الموضوع ده

بصراحه انا من فتره كبيره كنت باحلم انى ادخل صيدله بمجموع طب وكان حلمى الاكبر انى اكون صاحبة اكبر مصنع ادويه فى العالم لانى كنت بحب مجال الادويه


بس اللى حصل انى كتبت طب اول حاجه فى الرغبات ........دا كان وسط الحاح من كل اللى حواليا خاصة ان بابا دكتور اطفال وكل ماتحجج بان الكليه صعبه كان يقوللى (ليكى عليا اخليكى تجيبى كل سنه امتياز) بس هم فضلوا يقنعونى لحد ما وافقت

يمكن ده لانى خفت اختار غلط وان بابا اكبر منى ويفهم اكتر وعنده خبره اكتر ويمكن لانى مش عارفه طبيعة الدراسه فى طب وصيدله فمش عارفه اختار بينهم

طب واختار على اساس ايه اذا كنت بحب الكيمياء وبحب الاحياء بنفس المقدار

انا كتبت طب فى الاول على اساس انى ممكن احول منها لو مستريحتش فيها

معلش طولت عليكم

بس ارجوكم عايزه اعرف كل حاجه عن طب فى سنه اولى

بس شكل ال99.6 ده بالمستوي الرفيع عشان كده مش موجوده في ترتيب الجمهوريه


والله اكيد والد حضرتك اكتر مننا خبره بكتييييييييييييييييييييييييييييير

لكن في الاول وفي الاخر انا من رايي الواحد يدخل اللي هو عاوز يدخله

وكمان زي ما والدك الح عليكي اكيد تقدري تقنعيه باللي انتي عاوزا وتحكيله طموحك
( ده مش تحيز لصيدله والله ده مجرد راي عام )

اما بالنسبه لحكايه الكيمياء لصيدله والاحياء لطب ده ملهاش اي علاقه بالواقع

يعني في صيدله هتدرسي الاتنين وتقريبا برده في طب

لا تعليق




ليه كده 99 ما شاء الله



يا بنى ما انا حاططها وانا صغير

السلام عليكم ...

واضح إني أول وااحد بيطري أطل على لموضوع ده

ماعلينا انا متفق معاكوا بصراحة إن أغلب البيطريين بيشتغلوا في أدوية بيطرية

بس أرجع وأقول ده الراجل المستعجل

عايز يجيب فلوس بسرعة

ولما هيشتغل مندوب هيا خدله 1500 كمرتب مبدأي وعربية

بس فعلا يا جماعة لو بندور على العائد المادي

يبقى بيطري أكتر كلية ممكن تجييب منها فلوس

سواء مزارع

أو معامل تحاليل

أو شركات أدوية

أو صيدليات

أو الطب الشرعي

أو الحجر الصحي

ولو غلبت بتدخل الأكاديمة الحربية 6 أشهر وبتتطلع تشتغل في الجيش

في الوحدات البيطرية

ممكن حضرتك لو سمحت تتكلم باستفاضه اكتر عن كلية طب بيطرى

ايه اقسامها؟؟

بتدرسوا ايه فيها؟؟؟؟؟؟؟؟؟الدراسه سهله ولا صعبه ؟؟؟

طب ليه دخلتها ومدخلتش علوم ؟؟


معلش هنتعبك شويه بس كله بثوابه

وجزاك الله خير

شكرا على الافاده[color="#2F4F4F"]

نتيجة التنسيق ظهرت وجاتلى طب بنى سويف


ربنا اختارهالى .........ادعولى ربنا يقدرنى عليها

بس انا قررت انى لو مستريحتش فيها هحول لصيدله وربنا يسهل


انا كنت بسأل على طب بيطرى عشان انتيمتى

ارجو الافاده

ألف مبروووووووووووك

ما شاء الله مجموع جميل أوي

ربنا يوفقك إلى ما فيه الآخر

ومقدرش أفيدك لأن كل واحد وظروفه

بسم الله الرحمن الرحيم


ياجماعه انا لاحظت ان محدش اتكلم او جاب سيره كليه الطب البيطري في المواضيع باستثناء صديقي mzkewan

تكلم عن مجالات شغلها...

انا هتكلم عن الدراسه فيها ....وطبعا لاني طالب في اولي فمعرفتي بها قليل بعض الشئ وهيكون بالشكل الذي يفهمه طالب الثانوي الجديد ....

اولا :نظام الدراسه فيها هو الساعات المعتمده او cerated hour

هو نظام دراسه جديد يجعل الدراسه علي اساس كورس اي ان الشخص في الكليه (مثلا) يكون عنده في الخمس سنين عدد (ن) ماده الماده مقسمه علي ساعات تحسب بعدد ساعات دراسه الماده في الاسبوع فمثلا الهستولوجي في الاسبوع محاضره(2 ساعه) ومحاضره(1 ساعه) وسيكشن (2 ساعه) بذلك تكون الهستولوجي 5 ساعات يحق للفرد في الترم الواحد تسجيل 25 ساعه تقسم علي المواد الترم الاول بحد ادني 15 ساعه ولا يحق للطالب تسجيل ماده الا عندما ينهي الماده المتطلباها يعني مثلا انتومي 2 بيتطلب لتسجيله انتومي 1 لا يحق للطالب تسجيل انتومي 2 الا عند اجتياز انتومي 1 بنجاح
وطبعا نظام الساعات المعتمده الكلام عنه طويل جدا نكتفي بالسابق...

مواد الكليه مشابهه كثير لمواد الطب البشري فيما عدا بعض المواد الخاصه اكثر بالحيوان

يعني اول تلت سنين اكاديمي(يعني هستولوجي انتومي بايو كيميستري فسيولوجي باثولوجي فارماكولوجي وهكذا... والرابعه والخامسه كلينيكال يعني باطنه وجراحه وولاده وتناسليات وتخدير اشعه وهكذا...)


ثانيا: السنه تقسم الي ترمين زي الصيدله وغير الاسنان والطب
سنه اولي (الترم الاول) :

المواد :

تشرح خيل equine anatomy : تدرس في المنهج الاطراف حيث تدرس fore limb و hind limb عظام القوائم الاماميه وعظام القوائم الخلفيه
حيث تدرس العظام الخاصه بهم العضلات الخاصه بهم الشرايين والاورده والنيرفات(لا يوجد دراسه جراحيه في الانتومي)

نظام الدراسه في الماده هو حضور المحاضرات في الكليه وايضا السكاشن في المشرحه

الكتاب هو كتاب القسم الي جانب بعض ورق او كتب الاساتذه في القسم


الهستولوجي histology : تدرس فيها الخليه واشكال الخلايا ويكون بدايه او اساس لهستولوجي 2 الدس تدرس فيه الانسجه في اقسام الجسم المختلفه

نظام الدراسه حضور المحاضرات والسكاشن في المعمل

الكتاب كتاب القسم هوه كبير بعض الشئ ولكنها ماده سهله

رعايه الحيوان animal management : هي اقرب مواد الترم الي الحياه العمليه تدرس فيها اساس التعامل مع الحيوان التلجيم وهي ماده سهله جدا يحاول اساتذه القسم منحها حيز كبير

نظام الدراسه حضور المحاضرات والسكاشن في القسم حيث يتم التعامل المباشر مع الحيوان

الكومبيوتر computer :ماده لاتستحق الكلام عنها

الانجليزي والمصطلحات العلميه ENGLISH : ماده سهله اللي بيعدي من جنب المدرج بينجح

دي كانت مواد الترم الاول التي تدرس داخل الكليه

مواد الترم الاول خارج الكليه (في كليه العلوم)

البيولوجي BIOLOGY : ماده جميله تنقسم الي BOTANY و GOOLOGE ودي النبات والحيوان

الحضور المحاضرات يتم في كليه العلوم وكذلك السكاشن في معامل كليه العلوم

المذاكره من كتاب القسم والاوراق التي سوف تنتشر في الدفعه

الفيزياء الحيويه BIO PHYSICS : ماده سهله تعتبر فيزياء يتم الحضور في كليه العلوم السكاشن والمحاضرات

وعامه كليه العلوم بتاخد يوم ونصف من الاسبوع غالبا سبت ونصف الاحد

كده مواد الترم الاول خلصت الحمد لله النتيجه بعد اسبوع من اخر امتحان....


الترم التاني :

المواد:
تشريح خيل واجنه 2 ANATOMY AND EMBRYOLOGY :هتدرس في هذا الترم لبطن والصدر ABDOMEN AND THORAX ده هتدرس كل الاعضاء اللي في الجسم جوه وعظام الضلوع والعمود الفقري وعضلات الصدر والبطن والامداد الدموي والنيرفات

الدراسه من كتاب القسم وبعض الاوراق الموجوده في المكتبات

طبعا مهم اوي حضور السكاشن والمحاضرات

هستولوجي 2 HISTOLOGY :هتدرس شكل الخلايا في مناطق الجسم المختلفه وفي الحيوانات المختلفه مثل OESOPHAGUS URETER UTERUS وهكذا وطبعا هتدرس اختلاف شكل الخلايا في نفس المناطق في الحيوانات المختلفه

الدراسه من كتاب القسم وانصحك لو ناوي تذاكر ذاكر من الكتاب بس واطلس الرسومات

MOLECULAR BIOLOGY : ماده كليتنا فقط اللي بتدرسها وكتاب صغير بس صعب شويه

دي مواد داخل الكليه

مواد خارج الكليه (في علوم وزراعه )

مواد كليه العلوم

الكيمياء: ماده لذيذه هتدرس فيها الكيمياء الاورجنك و الفيزيائيه وطبعا لازم تحضر كل السكاشن لان في كل سكشن بتاخدوا الكشف عن مركب معين

الدراسه ممكن لوعايز من كتاب القسم او من ورق الدروس المنتشر في الدفعه

مواد كليه زراعه :

الوراثه : ماده خنيقه يعيبها انها باللغه العربيه بس بالمذاكره تبقي سهله

عندك كتاب القسم وغالبا ما بيتوفرلهاش ورق

الحضور المحاضرات عندنا في الكليه والسكاشن في كليه الزراعه

وفيه ماده احصاء حيوي من حاسبات ومعلومات وماده برضه بالعربي

كده الترم التاني خلص اتمني لكم النجاح

كده اتكلمنا علي نظام الدراسه اول سنه ...دلوقتي انت بتسأل انت ايه؟

ج:دكتور بيطري بيأدي خدمات للمجتمع له تقديره في جميع البلدان الاوربيه والمتقدمه


له درايه علميه كبيره بمجال علمي كبير وهو الطب

له مجالات عمل واسعه يعني هتتخرج هتشتغل قبل ماشهادتك تتطلع بمرتب محترم

المجالات

شركات الادويه

معامل التحاليل

المزارع بجميع انواعها ( حصنه دواجن ارانب عجول ....)

المستشفيات ذات الخدمات البيطريه

وزاره الصحه قسم الرقابه علي الاغذيه

ممكن تفتح عياده وفي غضون سنه هتبقي مليونير

ممكن تدخل اكاديميه شرطه اوجيش وهتبقي دكتور ظابط (اكتر طلبه بيطلبوهم البيطري)

ومجالات اخري ....

يعني مستقبل مضمون ان شاء الله

س :لماذا يقل الي حد العدم عدد الطلاب الراغبين بالالتحاق بكليه الطب البيطري؟

ج:
ادلااك شعبنا باهميه الطبيب البيطري ضئيل نحن من دول العالم التالت في اوربا الترتيب من حيث الاجور كما يلي

طبيب الاسنان

طبيب البيطري

طبيب البشري

الصيدلي

المدرس...

يجب عليك ان تعرف اهميتك لا ان تنتظر احد يعرفك اياها

انت مطلوب في اماكن عديده.....

س: كان نفسي ادخل طب بشري او صيدله او اسنان ؟

ج: لنقل انك الان في طب (هيه بس اين المستقبل اغلب اصحابي في كليه الطب يعانون الامرين من الدراسه وخوفا من المستقبل المظلم...

س:نظره اصحابي واقاربي ليا وحشه وكلامهم تريقه كله ؟

ج: اولا هذا الكلام سيختفي مع مرور السنين بمجرد التخرج ويلاقوك راكب عربيه احسن موديل هيعرفو ا يعني ايه دكتور بيطري وبعضهم الان يعرف ذلك جيدا

س:بيقولوا الكليه صعبه اوي ؟

ج:يابني مفيش حاجه صعبه مش كل سنه ناس بتنجح انت عقليتك اقل منهم فيه حاجه اسمها مذاكره ثم لو الدراسه بالانجليزي هي المشكله بالنسبه لك والله هتتحل بعد شهر واحد وهتبقي فلونت في الانجليزي

اخيرا شكرا انا الان سعيد باني ساصبح طبيب بيطري اخدم مجتمعي............


MEGO

جامد يا ميجو

ولو إني كنت متوقع منك كلام تاني

طيب يا باشا دى بتاعتنا احنا

يبقى انتم دخلاء




برده مش بتاعتكم





ازاى هتبقى مليونير

وضح علشان الناس اللى فى ثانوية



معلش يعنى ازاى اكتر ناس بيطرى

طبيعى يكون اكتر ناس بتوع طب بشرى

اخي يبدو ان معلوماتك ضئيله جدا...عن الطب البيطري

بعدين انت سبت الموضوع كله وماسك في المجالات ....عارف كلامك ده يدي شعور للقارئ ان الصيادله همهم الاول الفلوس
والنواحي الماديه...

ويظهر تعصب شديد نحو اي كليه اخري علميه غير كليتهم....

بالنسبه لموضوع شركات الادويه

الطبيب البيطري هوه الصيدلي البيطري

لا يوجد مايسمي ادويه بيطريه وبشريه فمثلا الدواء كذا بيشتغل علي NERVOUS SYSTEM والحيوان = الانسان في الجيم من جوه


معامل التحاليل طبق نفس كلام شركات الادويه عليها

ثانيا ..معلومه ليك...بما انك تبحث عن النواحي الماديه البحته....فيه ناس كتير عندهم كلاب وقطط بيصرفوا عليها بالكوم فالزياره للطبيب البيطري في العياده المحترمه في وسط البلد تتكلف 150:300 جنيه ويقعد ساعه مستني دوره (انا كان ليا واحد صحبي عنده قطه بيوديها كل اسبوع للدكتور)

بالنسبه للاكاديميه انا بتكلم علي اعداد مطلوبه في الاكاديميه واسأل بنفسك

اخيرا..ليس من السئ ان يفخر احد بكليته ويقول عليها احسن كليه ولكن السئ ان يعيب كليات الاخرين وهو علي غير علم بيها

VET.MEGO