يا ريت كل شباب وبنات 3أ واللى طالعين 4أ يشاركوا فى الموضوع ونتعرف على بعضنا اكتر ونشارك بأرآنا مع بعضنا

السلام عليكــم ورحمـة الله وبركاتــة ،،
كيف حالك إن شاء الله دائمــاً بخير ؟
عملت اية فى النتيجة الى طلعت بسرعة قوى دى

يارب تكو ن ما اتظلمتش فى التصحيح زينا
شكراً لك اخي الكريم ع الموضوع دة و يارب نقدر نفييد بعض

--------------------------------------------------------------------------------

الحمد لله انا حاسس بالعدل والظلم فى نفس الوقت العدل فى انى طلعت صافى
والظلم فى انى جبت 10 وفى معظم المواد واعلاها 14
والحمد لله وربنا يخلي لينا الجامعة
وعلى فكرة اسمك جميل جدآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وربنا يبارك لك ولينا كلنا

اهلا بيكم معانا


وربنا يوفقك في السنوات الجاية

بســم الله الـرحمــن الرحيــم

رحتوا فيين يا 3/ا



ياريت لو حد يعرف حاجة عن طريقة المذاكرة الصح للمحاسبة عشان نفسى اجيبب اعلى من 13 مع ان بحبها جداااااا وبذاكرها كويس قوووووى ياريت تفيدونا


جزاكم الله خيرا

انا كنت 4/أ بس الحمد لله دلوقتي خلصت

ربنا معاكوا ان شاء الله

وتقدروا تفيدوا بعض

اتلف الف شكر ليك على الموضوع ازيك يا فخور اه اخبارك اه عارفنى ولا ايه

السلام عليكم ورحمه الله وبركاتة
اولا المحاسبة مادة جميلة وحلوة بس للأسف مشكلتك هى نفس مشكلتى مش عارف اجيب فيها تقدير مش عارف ازاى هى المذاكرة الصح معلش انا عارف انا انا مفدتكيش وزى اتنين بيعجزوا على بعض و جبتك يا عبد المعين تعينى لقيتك يا عبد المعين عايز تتعان
ولو تعرفى حد يقولنا اية هيا المذاكرة الصح خلية يقولنا
edge
انت مين هو انا اعرفك ثم انت فى زراعة اية اللى دخلك ساحة كلية التجارة
هو انت احمد على ولا احمد ابراهيم ولا اية
والف مبروك ليكى على التخرج

السلام عليكــم ورحمـة الله وبركاتــة ،،

العضو د/ محمد سعيد يكون اكتر واحد يقدر يقولنا ع طريقة المذاكرة الصح او
اى حد يكون خلص وكان بيجيب تقديرات عالية

وعيزين خبراتكم لان بجد انا اكتئبت وجالى احباط من الكلية

بقالى 3سنين بجيب 10و13 ف المحاسبة

شكراً لك اخي الكريم على المجاملة

المواد المحاسبية غالبا بتبقى حسب الدكتور

لأن فى دكاترة صعب جدا جدا تجيب معاهم اكتر من 13

لان المنهج بتاعه تقيل جدا " كبير وصعب "

وفى دكاترة سهل جدا انك تجيبى امتياز معاهم

زي د. خالد عبد المنعم و د. حنفى زكي ود. محمد يوسف

انا عن نفسي كنت بذاكر المحاسبة من المحاضرات + التطبيقات واحيانا السكاشن

واهم حاجة حفظ القوائم وفهم القيود واتباع خطوات الحل اللى الدكتور بيقول عليها

واخيرا واهم حاجة الحل الكتير .. يعنى لو تقدري تحلى التطبيقات كلها والامتحانات السابقة

وبالتوفيق ان شاء الله

السلام عليكــم ورحمـة الله وبركاتــة ،،شكراً لك اخي الكريم ع النصيحة
فعلا بذاكر المحاسبة من المحاضرات +التطبيقات+ السكاشن+ ملزمة المراجعة اخر السنة +ورق الدرس ان لزم الامر

بس للاسف مش بجيب النتيجة اللى نفسى فيها

لكن كله بقدر الله عز وجل

ويارب يكرمنا كلنا ف سنة 4 و يارب نجيب فيها امتياز

يارب يارب يارب

السلام عليكم شكرا ليكم على الردود الجميلة والحلوة وعلى فكرة دى مش مجاملة يا آية الرحمن انت اسمك جميل فعلآ
واتمنى يستمر التواصل دة على طول فى المنتدى ويارب دايمآ نكون بخير كلنا

السلام عليكــم ورحمـة الله وبركاتــة ،،

هو صحيح ان السنة دى هتكون المجموعة فيها حرف (الف) بس

ياااااااااااااااااااااااااااااااااارب سمير علام ميدنياش تانى كفاية اللى عملو فينا سنتين وياااااااااااااااااااااااااااااااااارب

د/ عبد المنعم فليح يدينا

دة اكتر دكتور درسلنا وكان بجد راااااااااااااااااااائع ومحترم وشرحه جميل انا بجد ده اكتر د/ محاسبة فهمت منه من ساعة مادخلت الكلية #انا كنت بفهم من باقى الدكاترة بس ده اكتر واحد

ألف شكرا ليكى على الرد الجميل يا آية الرحمن و انتى فى رابعة أ

السلام عليكم ورحمه الله وبركاتة
يا جماعة هو محدش تواصل لية على الموضوع وكمل حوارة فية
محدش يا جماعة يعرف كورس جرافيك web desineيكون كويس وسعرة على قد اليد زى تايد كدة
ههههههه

السلام عليكــم ورحمـة الله وبركاتــة ،،

ممكن تروح تسال فى هندسة فيها كورسات نازلة باسعار معقولة



بس عايزة اعرف هو اكورس ده مهم فى مجال شغل كليتنا العزيزة

كان فيه كورس auto cad تجارى نازل ف هندسة ب150ج فى مبنى عمارة وكمان مبنى طبية بينزل كورسات

السلام عليكــم ورحمـة الله وبركاتــة ،،
أولآ شكرا ليكى يا آية على المعلومة الجميلة والرد بس الكورس دة مش مهم فى مجال شغلنا بس انا واخد كورس جرافيك دبلومة جرافيك واحب أشتغل فى مجال الجرافيك والكورس دة مفيد فى كدة مطلوب فى مجال الجرافيك وملوش علاقة بالتجارة خالص
يعنى أهو الواحد يبقى عندة مجاللين للعمل محاسبة وجرافيك ولا إية رأيك
وانتى كنتى فين انتى غايبة بقاللك مدة عن المنتدى

السلام عليكــم ورحمـة الله وبركاتــة ،،

شكرا ع السؤال انا مش بدخل كتير

وربنا يوفقك اعتقد الجرافيك احسن من المحاسبة نص مصر بيشتغلوا ف المحاسبة هى مش كلية الشعب

السلام عليكــم ورحمـة الله وبركاتــة ،،

هوه الموضوع نايم لييييييييييييييييييييييييييييييييييييييييييييييييييييييييييييييييييييه


ممكن من صاحب الموضمع انه يغير اسم الموضوع يمكن مش عاجب الناس

ممكن يبقى

عاجل وسريع لطلبة 4 محاسبة وخاصة 4\أ

او

الى احمد ابراهيم الساكن بكلية تجارة

باعتبار ان اسم احمد يدل على مجموع أ او د

يمكن الناس تتشد و تشارك

السلام عليكــم ورحمـة الله وبركاتــة ،،

شكل كدة مفيش هنا حد 4/أ او محاسبة عموما

ما علينا000000000000000000000

شكلهم كدة كلهم دخلو ادارة وتامين


ياريت اى حد يقرا الموضوع وكان اتخرج يقولنا ع خبراته م المحاسبة او الشغل او الكورسات

وياريت لو حد يعرف مكان لكورس تكاليف ياريت يقول

كورس تكاليف لية يا آية

السلام عليكــم ورحمـة الله وبركاتــة ،،

عشان انا حاسة انها احسن محاسبة درسنها من اول ما دخلنا الكلية

وكمان حبتها قوى بس انا ناو ية اخده بعد ما نخلص

ونفسى اعرف كل حاجة عن محاسبة التكاليف لان نفسى اشتغل ف المجال دة ان شاء الله

واذا ملقيتش شغل 0000000000000000000

طيب تعرف اى كورسات تدى للواحد فرصة انه يشتغل ف مجال كويس!!!00000000000

السلام عليكــم ورحمـة الله وبركاتــة ،،

برده مفيش مشاركات كفاية ليييييييييييييييييييييييييييييييييييييييه

هوه الموضوع مش عاجب الناس ولا ايه


شكرا ياحمد ع الاهتمام بالنصيحة


حد جرب كورس المحاسبة بتاع د\حنفى زكى

اللى جرب ياريت يقول رأيه او يعرف حدجرب

السلام عليكــم ورحمـة الله وبركاتــة ،،
شكرا ليكى يا آية ويا اسراء على الرد الجميل واشكركم
بصى يا آية هو انتى ممكن تاخدى كورس انترنت لو انتى مش كويسة فية قوى انا قصدى كورس مكثف فى النت لان فية شركات كالبة ناس محاسبين للعمل على النت انا اعرف ناس كدة وممكن تاخدىك ورس تسويق فى الدقى لمدة6 شهور يمكن يفيد وثمنة 750 جنية اية رأيك بس الكلام دة انا مش بحبة الأفضل انك تخليكى فى مجاللك ونخلينا فى مجالنا احسن بس نتقن فية كويس الأول

السلام عليكــم ورحمـة الله وبركاتــة ،،
ازيك يا اسراء العفو على اية دة الواحد حتى لو مخدش رأى الناس يبقى انسان ديكتاتورى
انا سمعت عن الكورس دة بس مش عارف والله هو كويس ولا لأ الكورسات دية ممكن تتأخد بعد الجامعة اى بعد التخرج علشان تبقى عندك حصيلة جيدة تفيدك فى الكورسات اللى برة
انا عامل منتدى من مدة لو تحبوا تشاركوا فية بس دة حاجة اثتثنائية يعنى تواجدنا دايما على الموقع دة all talaba
الموقع اسمة هبعتهولك فى الرسايل الخاصة علشان محدش يلغى العضوية

السلام عليكم ورحمه الله وبركاتة
تقريبآ كدة مينفعش ابعت رسايل خاصة الا بعد 50 مشاركة
الموقع اهو
www.shani.yoo7.com
اتنمنى منك يا أية ويا اسراء انكوا تخشوا تشاركوا فية بس بلاش تريقة ههههههههه
الموقع هيكاكى علشان الناس

السلام عليكــم ورحمـة الله وبركاتــة ،،

شكرا يااحمد ع الافادة

انا اصلا مش بحب الادارة خالص عشان كدة مش بقكر انى اخد فيها كورسات انا بس هاخد اى كورس يفدنى ف مجال المحاسبة

جزاك الله خيرا ع النصيحة

السلام عليكــم ورحمـة الله وبركاتــة ،،

كورس التسويق ده فين ف الدقى

وممكن اخد كورس الانترنيت دة فين

كورس التسويق دة فى الدقى بس انا هساللك فين بالظبط بالنسبة للنت فدة فى اى مركز بس الحلو اللى انا شوفتة وحاستة كويس وسعرة حلو مركزnet skill

الموضوع مش حرام تسيبوة كدة من غير مشاركات

السلام عليكــم ورحمـة الله وبركاتــة ،،

ماتزعلش يا احمد

عامل ايه ف الاجازة

انا كنت رحت حجزت icdl ف net skill بس لسة مانزلوش مواعيد

مش بعمل حاجة ف الاجازة غير TV

بس انا مش فاهمة ازاى يعنى فيه شركات بتطلب العمل ع الانترنيت

على فكرة يااحمد انا دخلت ع الموقع اللى انت قلت عليه

بس قال الموقع غير موجود
معلش هحاول اجرب تانى

السلام عليكــم ورحمـة الله وبركاتــة ،،
شكرا ليكى يا آية على الرد واشكرك على اهتمامك ودخولك على الموقع ولا يهمك اذا مدخلش بس حاولى تانى
وعلى فكرة انا أخدت فى net skill كورس word and excil قبل كدة فى الصيف اللى فات وبصراحة المركز حلو ونظيف بالنسبة لأسعارة والكورس سهل جدآ بس انا مرضتش أخد الكورس كلة icdl علشان الباقى مش مهم قوى أو سهل عادى يعنى بس أنا عايز أخد كورس acsess يا ريت تقوليلى هو مهم ولا لأ

وبالنسبة للشركات اللى بتطلب ناس يشتغلوا على الأنترنت هو فية واحدة زميلة اختى وعلى فكرة أنا أختى فى رابعة ولسة متخرجة واحدة زميلتها فى شغل قدامها فى شركة سياحة بس مرتبط بعملها على الأنترنت يعنى متخصص مثلآ فى ارسال ايميلات وحاجات من دى يعنى
بس على فكرة انت شكللك كدة عملية جدآ صح ولا لأ

السلام عليكــم ورحمـة الله وبركاتــة ،،

نفسى اعرف حاجة


هى لية الناس بتدخل تقرأه الموضوع بس من غير ماترد

وهيا الساحة كلها مفيهاش حد رايح 4 خالص او 4 محاسبة عشان يشاركنا ف الموضوع

ولا ايييييييييييييييييييييييييييييييييييه

طب ياجماعة قولو ا رأيكم حتى


ولا الناس للدرجة كرهت المحاسبة ولا الناس لسة مفكرتش لسة ف السنة الجديدة

شوفتى يا ستى
ثم انت كنتى فين انا مش قايللك متتاخريش
أنا بهزر معاكى عادى أوك ولا اية وعاملة اية فى الأجازة صيفتى ولا لأ

السلام عليكــم ورحمـة الله وبركاتــة ،،

على فكرة كوس icdl مهم جدا ليا قريبتى بتشتغل فى بنك مصر بتقول ان لازم اللى يتقدم لاى شغل لازم يكون معاه الكورس
ده

واعتقد ان ال acsess مهم لانه من ضمن icdl

لا..... .. . ما صيفتش

شكرا جداااااا ع الافادة

محدش عندة نكتة أو فزورة حلوة وجميلة زية كدة

هو الناس متعرفش شكلها كدة الموقع ولا بتكسل ولا اية

طب أنا هقول فزورة : إية هو اجدد حيوان على سطح الأرض أو الكورة الأرضية ؟

ايه الفزورة الصعبة دى!!!!


مش عارفة

طب قول فزورة سهلة شوية

طب حل الفزورة القديمة هو الكانغرو لأنة لسة بكيسة
طب قولى انتى فزورة ويا ريت لو حد يعرف نكتة أو فزورة يقولها

نكتة وفزورة؟

مش ده موضوع لسنة رابعة ان شاء الله

ايه رايكم تتكلم عن المواد ؟؟

شكرا يا غيداء على ردك
ثم اهنا أتكلمنا ومحدش دخل جديد معانا فى الحوار ثم اهنا بنلعب شوية تعالى شاركينا هو انتى فى سنة رابعة يا غيداء

السلام عليكــم ورحمـة الله وبركاتــة ،،

اخييييييييييييييييييييييييييييييييييييييرااااااااااااااااااااااااااااااااااااااا

حد جديد شارك معانا

دانا قلت ان سنة رابعة ع المنتدى هما انا و اية الرحمن و احمد بس

بس احمدك يارب انى لاقيت مشاركة جديدة معانا

اهلا وسهلا بيكى ف منتدى سنة رابعة

وياريت تعملى دعوة لباقى الاعضاء اللى ف سنة رابعة

وانتى ف رابعة ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أزيك يا اسراء
غيداء تقريبآ كدة مراقبة يعنى ممكن تكون مش فى سنة رابعة
بس انتى عاملة اية
ويا غيداء انتى فين طب شاركينا كدة

ازيكو

ياريت يا غيداء تشاركينا او اى حد

انا جالى احبااااااااااااااااااااااااط

هو مفيش غير انا واسراء واحمد بس اللى ف رابعة محاسبة

ياريت يا احمد انت واسراء لو تعرفو حاجة عن مواد السنة دى اونظام رابعة والكاترة 00000000000

الفزورة حلوة مكنتش متوقعة ان يكون حلها كدة

انا فى ادارة مش فى محاسبة للاسف ..

بس انا شايفة انكو ممكن تتكلمو عن المواد

عن الكورسات ..

مجالات العمل .. كدا يعنى


وانا هدخل اشاركو برده اهو

أيوة كدة يا جماعة ومفيش مانع من شوية نكت مع شوية فوازير عادى يعنى أهو كله تشغيل دماغ ولا اية
ممكن سؤال أنتى اخترتى قسم ادارة لية يا غيداء

http://www.alltalaba.com/board/index.php?showtopic=93899

ماشى يا ستى
بس انا متهيألى أن قسم محاسبة أحسن مجالات العمل فية أكثر