الساحة > الحب بين الملتزمين

المساعدة - البحث - قائمة الأعضاء - التقويم

الساحة > قلوب بتطير > يـلا نحـــب بجـــد

1, 2

حفيدة محمد

17 Jul 2008, 05:42 PM

السلام عليكــم ورحمـة الله وبركاتــة ،،

الحب بين الملتزمين

ظاهرة انتشرت بقوة

من وجهة نظرى ومن النماذج اللى بشوفها

تلاقى مثلا واحد ملتزم ونحسبه كذلك يعنى ممكن يكلم زميلته عادى وممكن يطلق بصره عادى

ومثلا لو شعر انه معجب ببنت بيجارى شعوره ده ويتقرب منها وطبعا يبقى ناوى انه يخطبها واكيد دى مدخل راااااائع من مداخل الشيطان ويروح يقولها انا بحبك ومعجب بيكى وعاوز اخطبك !!!!!!

وهو هو نفس الشخص لو واحد راح سأله وقاله انه معجب بزميلة له هيكون جوابه انه يبتعد عنها وميحاولش يكلمها او يبصلها ويحتك بيها وانه لو قادر يخطبها يبعت لها بنت او يسأل عن عنوانها او رقم تليفون والدها ويتقدملها ولو مش هيقدر يخطبها يبقى يستنى لما يكون قادر وميفكرش فيها خالص لانه لا يجوز

ياترى ليه بنخالف مبدأنا؟؟؟

ليه بنسيب المشاعر تحكمنا ؟؟؟

ليه بننسى احنا مين وبنعمل ايه لما الموضوع يتعلق بالمشاعر ؟؟؟

هل يجوز انى اكلم زميلتى واقف معاها كل شوية؟

معلش اول مرة باخد منها محاضرات
تانى مرة اصلها بتكتب المحاضرات كويس

ده احنا يا جماعة بنقول انها اخر الاختيارات لو خلاص مفيش محاضرات الا معاها او معاه يبقى الكلام على الاد وهات وخد وخلاص كده انتهى

يا ترى لو انت شخص ملتزم واصحابك بيعتبروك قدوة ووقعت فى حب فتاة كانت زميلتك فى اى مكان وطبعا متفقين ان الحب مبيجيش بتلاقى الارواح لااااااااااا
ده لازم كلام ودردشة ومعرفة شخصية
هل يا ترى جه شخص وسألك انه احب فتاة وعاوز يعترفلها هل ده يجوز والا لاء هترد تقول ايه؟ حتى لو محدش يعرف قصتك؟

اعتقد انك هتستحى من الله

نتذكر

" ومن يتق الله يجعل له مخرجا ويرزقه من حيث لا يحتسب "

اللهم جنبنا الفتن ماظهر منها وما بطن

عاوزة اعرف رايكم فى الكلام ده مين مؤيد ومين معارض ووجهات النظر الاخرى لان للحديث بقية ان شاء الله

icehearted girl

17 Jul 2008, 08:17 PM

موضوع رائع يا حفيدة

بفكر افتحه من زمان ومش عارفة أزاي

بختصار

انا هقعد جنبك واستني آراء الناس وبعدين اتكلم

شهيدة الأقصى

18 Jul 2008, 07:16 PM

موضوع مهم اوي يا حفيدة

وللأسف بيتكرر كتير

ومحدش بيكلم فيه

والسبب اكيد إن في حاجة من الموازين اختلت

سواء غض البصر أو التعاملات عامة

قسامية غزة

18 Jul 2008, 07:33 PM

السلام عليكم و رحمة الله و بركاته

فعلا موضوع حساس و مهم...

إحنا الحمد لله تعالى جامعتنا مش مختلطة..

و بالتالي حدود حصول مثل هذه المواقف ضيق جدا..

و لكن الجامعة ليست كل شيء..

فهناك أماكن أخرى قد يلتقيان بها "أقصد الملتزم و الملتزمة"

فعلى الجانبين أن يعتبر الطرف الآخر أخوه أو أخته..

هل هيقبل ان شاب يعمل مع أخته كدة..حتى لو كان ملتزم؟؟

"ربنا يهدينا جميــــــــــعا "

بس أنا بصراحة أكتر حاجة عجبتني...

توقيعك أختي الكريمة "حفيدة محمد"

جزاك الله خيرا ..
أنا كنت لسة هقول الكلام ده في موضوع حظر فضائية الأقصى ..

بس حضرتك سبقتيني..

جزيت الجنــــــــــــــة

saharshata

18 Jul 2008, 07:34 PM

جزاكي الله خيرا علي النصيحة

بس أعتقد إنه ما زال في فئة ملتزمة فعلا بحق

نحسبهم علي خير و الله حسيبهم و لا نزكي علي الله أحدا

و لو فيه الفئة اللي حضرتك بتقولي عليها دي تبأه مشكلة كبيرة فعلا

لأن ربنا بيقول : " يا أيها الذين آمنوا لم تقولون ما لا تفعلون كبر مقتا عند الله أن تقولوا ما لا تفعلون "

اللهم جنبنا الشيطان جميعا يا رب

قسامية غزة

18 Jul 2008, 07:36 PM

كلامي عن التوقيع نساني أقول حاجة مهمة..

الحب ليس عيب و لا حرام..

بالعكس .. بدونه الحياة لا تطاق..

بالإضافة إلى أن المشاعر ليست بيد الإنسان و لا يمكنه التحكم بها..

يعني طبيعي أن يحصل إعجاب أو حب من طرف آخــــــــــــر ..

هذه هي الفطرة..

و لكن أن يتطور الأمـــر ..إلى ما لا يقبله عقل و لا دين...

فهذا هو ما نرفضه..

........بوركتـــــــــــــــــــــــــــم....

hazemm2020

18 Jul 2008, 09:00 PM

انا بصراحه مش عارف ارد اقول ايه بس كل اللى اقدر اقوله انى الواحد اول ما بيخش الجامعة بيا عايز يتعرف على حد تانى او بالمعنى الاصح الجنس الاخر والواحد فى الموضوع ده بالذات محدش يقدر يمسك نفسه خالص غير اللى على اهل دين وتقوى غير كده محدش بيقدر يمسك نفسه ولو حاول يمسك نفسه هيلقى صحابه بيعرفه على ناس وكده وبالتاكيد يبا لازم هيكلمهم طيب الواحد ده يعمل ايه انا مثلا فى كليه وطبعا معاى بنات فى الكليه ومش عايز اكلمم خالص لانى عارف اللى بيخش فى المواضيع دى ما بيسلمش منها ودايما الموضوع بيكبر اوى ومحدش بعد كده بيقدر يتحكم فى نفسه حتى لو ايه فانا نفسى مكلمش بنات بس مش عارف بسبب انى كل صحابى اللى اعرفهم الولاد يعنى مصحبين بنات وكلمت معاهم كتير انى ده خلط لكن كانوا بيردوا على يقولوا ايه احنا فى جامعه ولازم الواحد يعرف ده ويكلم ده ومعرفتش اخد معاهم اى حاجة لدرجة انى وصلت انى مبقتش افتح الموضوع تانى معاهم خالص لانى عارف الرد ففكرت انى اسيب صحابى دلوا علشان بيكلموا بنات واصحاب ناس تانيه ملقتش حد اصحابه كل بيكلم بنات واللى مبيكلمش بنات الناس الشيوخ بس الناس الكبيرة عندى فى الكليه فانا محتار فى الموضوع ده ومش عارف اعمل ايه يا ريت حد يرد على فى الموضوع ده لانى خلاص احترت ومعلش طولت عليكم بس انا عايز حد يرد على براى عملى اكتر

dr_romaisaa

19 Jul 2008, 02:08 PM

إقتباس

الحب ليس عيب و لا حرام..

بالعكس .. بدونه الحياة لا تطاق..

بالإضافة إلى أن المشاعر ليست بيد الإنسان و لا يمكنه التحكم بها..

يعني طبيعي أن يحصل إعجاب أو حب من طرف آخــــــــــــر ..

هذه هي الفطرة..

و لكن أن يتطور الأمـــر ..إلى ما لا يقبله عقل و لا دين...

فهذا هو ما نرفضه..

........بوركتـــــــــــــــــــــــــــم....

ده رايي بالظبط

استاذ حازم

حكاية انك تسيب اصحابككانت حل كويس جدا

لكن لو الموضوع صعب ممكن نتجنبه بطريقة تانية

يعني افرض عليهم سمتك وشخصيتك

ومش تنجرف انت معاهم

بمعنى الانسان اللي معروف انه ملتزم في المكان اللي هو موجود فيه الناس كلها مش بتتعدى الحدود اللي هو حاططها لنفسه

يعني لو انت واقف مع واحد صاحبك اي بنت هتفكر مليون مرة قبل ما تكلمه

ولو هاتكلمه هتندهله من بعيد

ومش صعب انك تنشر السمت ده خالص

اعمل لنفسك شخصية مستقلة عن اصحابك

ومش تسمحلهم يفرضوا عليك حاجة غلط هم بيعملوها

عطر السماء

19 Jul 2008, 06:57 PM

اولا الموضوع جميل

ثانيا انا بوجه كلامى بشكل خاص الى الاستاذ حازم

2020

بص بقى يا سيدى اولا صلى على النبي انت بقى شئ نادر ازاى فكر معايا كده انت ربنا ادك القوه وما عملتش علاقه باى بنت حتى الان ده فى حد ذاته شئ جميل

انت لو دخلت فى اى علاقه الان هل انت قادر على ان تمشي فى الطريق الصح يعنى ايه الطريق الصح

يعنى خطوبه وجواز ومسئوليه شوف بقى انت قادرعلى ذلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ جواب على هذا السوال

ثالثا -------------------------------

انا حاسه فى كلامك ميل الى انك تكون ذى اصحابك دول مش تزعل منى جميل

فى بقى جوك شى لازم تتغلب عليه وتعرف انك انت الصح

ومش تسيب اصحابك لا حاول معاهم بكل جهدك
بس لو حسيت انك ضعيف ابعد عشان ما تتاثرش

للكلام بقيه

القسام10

19 Jul 2008, 10:06 PM

اخت حفيدة محمد جزاكي الله خيرا موضوع جميل

ولكني اختلف معاكي تماما فيما قولتيه .....نصا ومعني

اولا انا شايف انه مفيش ملتزمين زي ما حضرتك بتصفيهم كده بيكلموا بنات بالطريقه دي ونفسهم يتعرفوا عليهم ويكونوا بينصحوا الناس بشئ وبيعملوا شئ اخر

اولا الاخ الملتزم في الكليه هو الي بيعاني من تعامل البنات معاه بطريقه بتخليه يخجل هو

إقتباس

ياترى ليه بنخالف مبدأنا؟؟؟

ليه بنسيب المشاعر تحكمنا ؟؟؟

ليه بننسى احنا مين وبنعمل ايه لما الموضوع يتعلق بالمشاعر ؟؟؟

هل يجوز انى اكلم زميلتى واقف معاها كل شوية؟

معلش اول مرة باخد منها محاضرات
تانى مرة اصلها بتكتب المحاضرات كويس

مفيش مخالفه للمبادئ ولا حاجه انتم الي بتفترضوا اشياء مش موجوده ........... او موجوده بنسبه قليله

اولا التعامل بيكون بحدود محدوده جدا في تعامل الملتزمين مع البنات وبيفرض عليهم بطريقه هما مش حبنها

اما موضوع ان في ناس بتكلم مع بنات

قد يكون في واحد في طريقه للالتزام وبيحاول يلتزم وبيمشي مع الملتزمين كتير علشان بيحاول يقلده بس هو لسه مبقاش ملتزم

ممكن حضرتكم تشوفوه تفتكروه ملتزم ............ وهو بيكون بيكلم بنات عادي

إقتباس

ده احنا يا جماعة بنقول انها اخر الاختيارات لو خلاص مفيش محاضرات الا معاها او معاه يبقى الكلام على الاد وهات وخد وخلاص كده انتهى

يا ترى لو انت شخص ملتزم واصحابك بيعتبروك قدوة ووقعت فى حب فتاة كانت زميلتك فى اى مكان وطبعا متفقين ان الحب مبيجيش بتلاقى الارواح لااااااااااا
ده لازم كلام ودردشة ومعرفة شخصية
هل يا ترى جه شخص وسألك انه احب فتاة وعاوز يعترفلها هل ده يجوز والا لاء هترد تقول ايه؟ حتى لو محدش يعرف قصتك؟

اعتقد انك هتستحى من الله

انا مش عارف ما بشوفش الكلام ده بيحصل ليه

الي ممكن يكون بيحصل ان اخ ملتزم في السنه الاخيره ليه في الجامعه ويكون عاوز يخطب خلاص .... فبيكلم حد يشوفله حد مناسب ليه وهو ممكن يكون عاوزها من نفس كليته ... بس وياخد خطوه ايجابيه في كده .... بس

اظن المشكله عند حضرتكم انكم ما بتعرفوش تفرقوا بين الملتزمين وغير الملتزمين

او الاخ الي ناوي يجوز بجد والي بيهزر ...................... امال هيجوز ازاي ... والملتزمات هيجوزه ازاي............ انا شايف كده انكم شايفين الموضوع من زويه ضيقه اوي

إقتباس

نتذكر

" ومن يتق الله يجعل له مخرجا ويرزقه من حيث لا يحتسب "

اللهم جنبنا الفتن ماظهر منها وما بطن

اللهم امين

جزاكي الله خيرا

حفيدة محمد

19 Jul 2008, 11:17 PM

ايس هارت

ماشى خليكى جمبى بس ابعدى شوية الدنيا حر

ومتشكرين على التثبيت

شهيدة

رأى يحترم يا شهيدة جزاكى الله خيرا
وفعلا تعبير مميز الموازين اختلت

قسامية

قسامية جزاكى الله خيرا على مرورك اتفق معاكى فى الرأى

وبالنسبة لتوقيعى ربناااااا يكرمك انا وانتى واحد

سهر

طبعا فيه فئة ملتزمة كلية ولكن انا بتكلم عن الفئة الغافلة منهم واللى لاحظت بنفسى انها كترت اوى

روميساء

دايما انتى روميساء اوفيتى فى الرد على اخونا حازم جزاكى الله خيرا

عطر السماء

جزاك الله خيرا على المرور

اخونا

القسام 10

جزاك الله خيرا فعلا كنت محتاجة اسمع وجهة نظر اخرى وياحبذا من رجل

وجهة نظر حضرتك تحترم واكيد حضرتك لم تصادف بعد الفئة اللى بتحدث عنها او صادفتها ولم تكتشفها

اصل الولاد مش بيقولوا لبعض زى البنات

المهم ان كلامى صدقا مش من فراغ

وانا عندى امثلة من الواقع شوفتها بنفسى

واستطيع التفرقة بين الملتزم وغير الملتزم

حضرتك تابع معانا المووضوع لان فيه اسئلة عاوزة اكبر قدر من الاعضاء يجاوبوا عليها وفيه حوارات مع شخصيات ملتزمة هتحكى بنفسها

حفيدة محمد

19 Jul 2008, 11:26 PM

عاوزة اقول ان هدف الموضوع يخص الانسان الملتزم وغيره

1- هننبه الملتزم لأن لا يقع فى الحب المحرم

2- وهننبه غير الملتزم انه لا يتخذ احد قدوة كلية
لان كل ابن آدم خطاء وقدوتنا هو نبينا صلى الله عليه وسلم

3-وطبعا هنذكر الشخص الملتزم الواقع فى هذا الحب لان يتق الله ويبتعد
حتى يبارك الله له حين يريد الارتباط والزواج

تابعوناااااااااااااا

الان

القسام10

19 Jul 2008, 11:28 PM

انا في انتظار حضرتك وجزاكي الله خيرا

بس وجهة نظركم دي مش غريبه بالنسبالي

لاني متوقع منكم كده ..............

وفي انتظار المواقف الي حضرتك هتقوليها وانا جاهز للمشاركه والرد

بس بلاش طريقة التعميم الموجوده في الموضوع ديه ............. لان الكلام ده يعتبر قله قليله من الكل

حفيدة محمد

19 Jul 2008, 11:33 PM

ونبتدى بالاسئلة

1- ما هو الحب؟

2- هل تريد ان تحب ام لا ؟ ولماذا ؟

3- هل احببت ؟ اذا كانت الاجابة نعم

هل وفقت فى حبك ؟ هل التزمت بالضوابط الشرعية ؟

هل توقفت فى الوقت المناسب؟

4- هل جرحت من قبل؟ كيف؟

5- هل واقعت قصص حقيقية فى الحب؟

6- هل استفدت من اخطاء الاخرين واخطاءك السابقة فى تجارب الحب؟

7- بوجهة نظرك ما هو الحب الحلال؟

8- كيف ينقلب الحب الحرام الى حلال؟

9- هل الملتزمين ملهمش مشاعر بتتحرك زيهم زى كل البشر ؟!

10- إيه هو حدود الحب المشروع بين ولد وبنت ؟

11- و يعمل إيه الأخ لما يعجب بأخت ويحس إنها هى دى اللى ممكن تكون شريكة حياته ؟

وده سؤال مهم جدااااااااااا
ومحدش ييجى يقول لا انا مش ممكن اقع فى حاجة زى دى
دى حاجة مش بأيد الانسان وممكن يقع فيها بذنب اقترفه

ياريت يا جماعة نجاوب على الاسئلة دى علشان المرحلة التالية هى سرد القصص والاستفادة منها

القسام10

19 Jul 2008, 11:44 PM

الحب ده معلش نابع من الفراغ

وبلاش تفتحوا الواحد ................... خلينا في حالنا

لما انوي اني اتزوج يبقي ساعتها ابقي افكر

اما عن الملتزمين فما زلت مصر انهم لا يفكرون بالطريقه التي تفكرون فيها

حفيدة محمد

19 Jul 2008, 11:47 PM

حضرتك تقصد مين ب ( لاني متوقع منكم كده .............. )

البنات يعنى؟

والا الاخوات؟

طيب كويس ان حضرتك متابع

عالعموم انا عكس حضرتك وشايفة ان القلة هم اللى لا اشير اليهم

ابسط شئ ممكن اقوله اخين معانا فى الكلية دفعتى وقصتهم مع اتنين من اصحابى

مع العلم انهم سألوا عليهم كويس

الكلام ده كان من 3 سنين

ما علينا مش وقته الكلام ده اما ندخل فى المرحلة التالية

وجزانا واياكم وشرفت الموضوع

چـِنــــان

19 Jul 2008, 11:53 PM

الموضوع رائع

جزاكى الله خيرا يا حفيده ...

عندى تعقيب..

بما انى مش فى الجامعه ..وتقريبا عدد الناس الملتزمه فى كلينا قليلين

فا احنا تقريبا مش بنقابل الشخصيه دى

بس انا متفقه تماما مع الاخ القسام..دول ملتزمين شكلا فقط ..

والله اعلم

---------------

اما الاسئله دى

ايه كل ده يا بنتى

القسام10

19 Jul 2008, 11:56 PM

إقتباس

حضرتك تقصد مين ب ( لاني متوقع منكم كده .............. )

البنات يعنى؟

والا الاخوات؟

القصه دي دايما مثاره ومنتشره

افهميني حضرتك بس صح

منتشر دايما نظرة حضرتكم عن الاخوه والموضوع ده

ودايما بشعر انكم بدوروا علي اي شئ للاخوه من غير ما تفهموا وجهة نظرهم او حد يقولكم هو الاخ ده ازاي عمل كده او من غير ما الاخ ده يبرر موقفه ليكم

ودايما تعتمدوا علي الظن

وقد يكون معكم حق في بعض المواقف

وقد اكون انا مخطأ في بعض أرائي

ولكني المتأكد منه والمصر عليه ان هذه المواقف قله قليله وانتم الي مضخمنها

چـِنــــان

20 Jul 2008, 12:04 AM

إقتباس

-1 ما هو الحب؟

مش عارفه بصراحه ..تقريبا كده بيقولوا انه احساس حلو

إقتباس

2- هل تريد ان تحب ام لا ؟ ولماذا ؟

اكيد كل واحد فينا عايز يحب ويتحب..بس المهم يحب مين

وكمان عشان الحب حاجه جديده عايزين نجربها

إقتباس

- هل احببت ؟ اذا كانت الاجابة نعم

هل وفقت فى حبك ؟ هل التزمت بالضوابط الشرعية ؟

مش فاهمه..هو فيه حب بطريقه شرعيه؟؟

قصدك مثلا ان الحب يكون داخلى لا يتعدى ذلك

مع الالتزام بغض البصر وكده ولا ايه؟؟

إقتباس

هل توقفت فى الوقت المناسب؟

ده تبع الى فوفيه

إقتباس

4- هل جرحت من قبل؟ كيف؟

لا متجرحتش عشان محبتش اصلا

إقتباس

5- هل واقعت قصص حقيقية فى الحب؟

لا ..كلها مزيفه وحب مراهقه

إقتباس

6- هل استفدت من اخطاء الاخرين واخطاءك السابقة فى تجارب الحب؟

اكيد الواحد بيستفاد من تجارب الى حوليه

بس انا لسه مليش تجارب

إقتباس

7- بوجهة نظرك ما هو الحب الحلال؟

الحب الشرعى

لو زى ما انا عرفته فوق

إقتباس

8- كيف ينقلب الحب الحرام الى حلال؟

زى مقولتلى لو تجاوز الحاجات الشرعيه..

التحدث والضحك واطلاق المشاعر فى غير اطار رسمى

إقتباس

9- هل الملتزمين ملهمش مشاعر بتتحرك زيهم زى كل البشر ؟!

لا طبعا اكيد ليهم مش هما بشر

بس بضوابط شرعيه

إقتباس

10- إيه هو حدود الحب المشروع بين ولد وبنت ؟

انا حاسه ان الاسئله بتتكر

برده لما يكون شرعى لو الشرعى زى مقولت

إقتباس

11- و يعمل إيه الأخ لما يعجب بأخت ويحس إنها هى دى اللى ممكن تكون شريكة حياته ؟

يروح يتقدملها على طول ..من غير حتى ياخد رايها او يكلمها

هيعرف رايها فى اطار رسمى

--------------------------

تعقيب::

انتى ليه حاميه على الاخوه ليه كده

السؤال الاخير ده مفروض تساليه للاخوات برده ..عشان المساواه

dr_eman

20 Jul 2008, 12:52 AM

السلام عليكــم ورحمـة الله وبركاتــة ،،

اولا احب انى ابدى لكم اعجابى الشديد بساحتكم

انا متابعاها بقالى فتره

وبصراحه الموضوع ده اثارانى وهو الذى جعلنى اكتب واشارك

بجد جزاكى الله اختى حفيده على الموضوع الرائع ده

انا عارفه انى جيت متأخر اعذرينى انا مش هاجاوب على الاسئله دى دلوقتى

وربما مقدرش اجاوب عليها مطلقا

الحاجه اللى عايزه اقولها انى مش شايفه اى اختلاف بين كلام القسام وكلامك

لانك قولتى

إقتباس(حفيدة محمد @ 17 Jul 2008, 07:42 PM)

تلاقى مثلا واحد ملتزم ونحسبه كذلك يعنى ممكن يكلم زميلته عادى وممكن يطلق بصره عادى

معنى كده انك مقتنعه انه اصلا مش ملتزم

انا معاكى انك يمكن تكونى شوفتى النماذج دى

بس انا عن نفسى لم اقابلها ولا اتوقع انها تكون ملتزمه بحق

ربما تكون بتتظاهر

ويبقى حرام علينا اننا نقول ان الملتزمين جميعهم بيعملوا كده

انتى ممكن تخلى موضوعك عن الحديث عن الفئه المتشبهه بالملتزمين

يعنى تلاقيهم ملتحين وممكن لابسين بنطلونات قصيره واحيانا لابسين برموده عادى يعنى

اهوه منه موضه وعلى السنه بالمره

ويقعدوا ينصحوا ويوجهوا وفى الاخر يغلطوا

بس برضه مينفعش نقول عليهم ان دول هما الملتزمين

اسفه على التطويل

وفى انتظار باقى الحلقات

مانجايا

20 Jul 2008, 06:21 PM

إقتباس(قسامية غزة @ 18 Jul 2008, 11:36 PM)

عزيزتى احييكى على وجهة نظرك احترمها كثيرا

حفيدة محمد

21 Jul 2008, 12:40 AM

اخونا القسام

إقتباس

منتشر دايما نظرة حضرتكم عن الاخوه والموضوع ده

ودايما بشعر انكم بدوروا علي اي شئ للاخوه من غير ما تفهموا وجهة نظرهم او حد يقولكم هو الاخ ده ازاي عمل كده او من غير ما الاخ ده يبرر موقفه ليكم

ودايما تعتمدوا علي الظن

صدقا يا اخى انا مش هبنى كلام واعمل موضوع على الظن

اقسم بالله العظيم انى فى اللى هقوله لا ظلمت حد ولا هظلم حد

ومش ممكن هرمى حد بالباطل

وبعدين فعلا نا متفقة مع حضرتك انهم بيكونوا ملتزمين شكلا بس احنا لينا الشكل والجوهر لا نعلمه ولن نعلمه

وحتى لو ملتزمين كلية شكلا وجوهرا هو الملتزم مش بيغلط؟ اكيد بيغلط

وهدف الموضوع زى ما قلت مش هجوم على الملتزمين ابدا والله ده نصيحة لهم وتوجيه الناس للطريق الصحيح للحب الحلال

وكمان انا خطيبى اخ

حضرتك مستعجل الامور تابع معانا وهتقرى القصص بنفسك

انا فيه قصة منهم وديتها مكتب الارشاد

تام تام

ربنا يكرمك انصفتينى جزاكى الله خيرا على الاجابة

د. ايمان

سياسية جامدة 36_11_6[1].gif

شكرا على المرور وجاوبى على الاسئلة

وتابعينا طبعا

منجايا شكرا يا جميل على مرورك

انا مش هدخل فى المرحلة الجاية الا لما اشوف اجابات كتير قدامى

فينك يا ايس هارت تعلى قولى رأيك وخلصينا

مستر تيتو ده اسم مستعار ليس الا

وهو معنا وليس حقيقيا

alfarouk

21 Jul 2008, 04:09 AM

فى البدايه السلام عليكم

إقتباس

انا فيه قصة منهم وديتها مكتب الارشاد

اولا: ليه التصعيد الجامد اوى ده مره واحده وكده حضرتك تخطيتى ناس كتير اوى

الموضوع بجد رائع وموجود ومثار ونفسى اعرف اراء الناس وان شاء الله اشارك لما الموضوع يسخن

بس ملحوظه صغيره لو صدر حضرتك يتسع لها

إقتباس

يعنى تلاقيهم ملتحين وممكن لابسين بنطلونات قصيره واحيانا لابسين برموده عادى يعنى

اهو منه موضه وعلى السنه بالمره

حضرتك كده ممكن الموضوع يروح منك لطريق تانى خالص وتنقلب خناقه so Take care

والسلام ختام

*heba

21 Jul 2008, 05:34 AM

أولا السلام عليكم و رحمة الله وبركاته
وأشكر حفيدة جدا جدا على هذا الموضوع
وعاوزة أقول إن حفيدة كلمها صح فأنا كل ما أذهب الجامعة ألاقي ولد (ملتحي) وبنت زميلته (مخمرة أو منقبة) قاعدين مع بعض لوحديهم والموضوع ده كل الناس بتشوفه ولاكإن الولد والبنت شايفين إن المفروض الواحد يكون على قدر اللحية أو الطرحة
و أنا شوفت قلة من التيار و أنا عرفاهم بيهزروا مع البنات بطريقة لا تليق

أنا عارفة إن الشباب دول سنهم صغير ممكن يكونوا غير مدركين خطورة إلي بيعملوه لإن بيهم ممكن يتشتت دماغ ناس تانية ويتلخبطوا و يبقوا مش عارفين الصح من الخطأ وكمان أما في ناس من بره الإخوان (التيار الإسلامي) شافوا بعض هؤلاء الشباب قالوا إزاي ناس بتقولنا لا صداقة بين الولد والبنت ونلاقيهم هما نفسهم بيصحبوا يبقى إذن التيار ده أي كلام و الناس المنتمية ليه أي كلام والله أعلم إذا كان بيخدوا فلوس ولا لأ (لإن السيئة تعم والحسنة تخص )

بصوا ياجماعة إحنا مش عاوزين نتشدد و نقول لا كلام بين الولد والبنت و لانرخي أوي ونقول مفهاش حاجة الصداقة بين الولد والبنت لإن ربنا قال( ولا متخذات أخدان) ولكن خير الامور الوسط
و في مسألة الحب أعتقد الحب مش حرام و الحب في إعتقادي هو إن الشخص يحس بإن الآخر هو أفضل من يكون بالنسبة له من ناحية الأدب و الجمال والتدين ...إلخ مش الحب الموجود في التليفزيون يمسك إيديها ويبص في عنيها....إلخ ولو هو إقتنع بهذا الآخر ميروحش يقعد جنبيها ويروح وييجي معاها زي ما إحنا بنشوف وإنما يكون في أدب و إحترام في المعاملة لحد أما يعرف يرتبط بها وآسفة على التطويل

القسام10

21 Jul 2008, 08:22 PM

جزاكي الله خيرا يا حفيدة محمد

انا واثق طبعا من ان هدفك من الموضوع الافاده والنصح ولو في غلط ما يحصلش تاني

وانا معاكي ان ممكن يكون في اخطاء بيقع فيها بعض الملتزمين وانا مش بنكر ده

عموما انا منتظر حضرتك حتي تكملي

وانا سعيد جدا ان حضرتك فتحتي الموضوع ده لان الموضوع شائك شويه

ويلا نكلم فيه بجد

في انتظار حضرتك

منال الشريف

21 Jul 2008, 09:15 PM

اشكرك ياحفيدة على المووضوع
يااخواتى اعطوا لاخيكم او اختكم سبعين عذرا
ربما الاخ الملتحى والاخت المنتقبة الل قاعدين مع بعض دوول مكتووب كتابهم ، ربما !
ثم فعلا يااخ قسام انا راايت بعينى اخ ملتحى وااقف مع اربع بنات متبرجاات فى الجامعة وبيهزر الاستااذا
التمس له العذر ربما برضه ربنا مبتليه بهذة القبحة ( ربناا يعافيناا ياارب )
والله اعلم يمكن طول الليل بيبكى لله ان ربنا يتوب عليه

من منا غير مبتلى ، ولكن تختلف الابتلاءات حسب الايمان والقدرة

فى الاخ يااخوتى التمسوا سبعين عذر لاخوتكم

القسام10

21 Jul 2008, 09:36 PM

إقتباس

ثم فعلا يااخ قسام انا راايت بعينى اخ ملتحى وااقف مع اربع بنات متبرجاات فى الجامعة وبيهزر الاستااذا
التمس له العذر ربما برضه ربنا مبتليه بهذة القبحة ( ربناا يعافيناا ياارب )
والله اعلم يمكن طول الليل بيبكى لله ان ربنا يتوب عليه

يا اختي الكريمه

ربما برده يكون هو مربي لحيته روشنه او او هو مستريح بمنظره كده وشايف انه لايق عليه .... او هو شخصيه بيحب انه يظهر امام الناس متدين لان شخصيته ضعيفه

ليه دايما كل حاجه تحصل وحشه نلزقها للملتزمين .... ودايما بنحاول نشوه صورة الملتزمين والناس تبعد عن طريق الالتزام .... "وهذا ما يختطون له"

بلاش نحكم علي الناس بالمظهر مش علشان شوفت فلان منظره عليه الوقار يبقي ملتزم ..... ولو شفت حد تاني عمل حاجه مش مفهومه يبقي ده فاجر وكذا ... وكذا

في اخطاء بتقع من الافراد ولكن الله هو الذي سيحاسبهم ...... وليس الدين بالمنظر انما بالجوهر

عموما خير

قد يكون في امر جلل في انتظار باقي الموضوع علشان نفهم

حفيدة محمد

22 Jul 2008, 12:26 AM

اخونا الفاروق

جزاكم الله خيرا على النصيحة وفعلا مكنتش واخدة بالى وبرحب بحضرتك جدا فى الموضوع
وبالنسبة للقصة لما احكيها ان شاء الله حضرتك هتعرف لوحدك انها مكنش ينفع نستنى عليها وطبعا اكيد هتكتشفها من بين القصص

عالعموم يا جماعة انا مش هتكلم عن ملتحيين وغير ملتحيين انا رسالتى موجهة لكل شخص ملتزم بأموامر الله وكل شخص عاوز يعرف الحلال من الحرام ويتقى الله فى كل اعماله

هبة

اهلا بيكى فى الموضوع نورتيه وطبعا رايك يحترم جدا

بس انتوا فعلا فهمتونى غلط انا مش بهجم على الملتزمين او فاتحة الموضوع انتقدهم

انا عاوزة انبهمم انصحههم علشان يتجنبوا الوقوع فى الخطأ ده وكمان اوجه الناس للحب الحلال

لاننا لانزم نستفاد من اخطاء الغير وناخد خبرة من التجارب عشان نتجنب الوقوع فى نفس الخطأ

اخونا القسام

اضحك الله سنك

بكرة ان شاء الله هبدأ فى سرد القصص وطبعا يهمنى التعليق عليها

منال الشريف

منورة يا حبيبة قلبى الموضوع

ضحكتينى اوى لما قلتى (بيهزر الاستاذ ) 36_11_6[1].gif

واخونا القسام قال اللى كنت عاوزة اقولهولك

النظام هيكون كالاتى بإذن الله

هنزل مواقف او قصص كل يوم وهستنى التعليق عليها لمدة يوم واحد
وبعدها هنزل تانى يعنى يوم ويوم
عاوزة تعليقات وسخونة وخناقات

حفيدة محمد

22 Jul 2008, 12:59 AM

ممكن ننزل بفاصل إنشادى

خدوا النشيد ده قبل ما الزعيق يبدأ والخناقات تكتر والناس تتلم علينا من الساحات التانية

هو تبع اناشيد الحب وانا صراحة اعشق هذا النشيد رائع رائع رائع

للتحميل اضغط على اسم النشيد

أعدى لى سيفا وجوادا

اعدى لى سيفا وجوادا ........... وانسى اسمى وتاريخى

وانسى نجم فى سماكى ........ وقلبا ذاب فى هواكى

فليس الحق يمهلنى ............. وليس الحب يغشانى

ومنادى الحق قد نادى ............ فلتهبوا يا اخوانى

فليس العيب ان اهواك .............او اذوب فى هواك

لكن انسى فى هواك.............. جراحات امتى

انسانى حبك سيدتى ............. جراحات فلسطين

فعزمت ان انساكى .............. حتى تعود فلسطين

جوادى اليوم اشجانى ............... وسيفى حبى وحنانى

وعشق الامس قد ولى .............. حين نادانى المنادى

اعدى لى سيفا وجوادا ........... وانسى اسمى وتاريخى

وانسى نجم فى سماكى ........ وقلبا ذاب فى هواكى

*heba

22 Jul 2008, 04:18 AM

شعر جميل يا حفيدة بس أنا إتعقدت بصراحة بحس في الشعر هذا إن الحب ده بداية من غير نهاية
يعني مينفعش يكون الحب بداية والجواز هو النهاية ومع الجواز يروح يساعد فلسطين والعراق ولا رأيك إيه

شهيدة الأقصى

22 Jul 2008, 07:42 AM

إقتباس(*heba @ 21 Jul 2008, 09:34 AM)

وعليكم السلام ورحمة الله وبركاته

للأسف الكلام اللي حضرتك ذكرتيه موجود

بس المشكلة هو إننا منقدرش نحكم عليهم يعني مرتبطين بجد ولا لأ

بس أنا عن نفسي شفت كذا حاجة في الكلية

بيكون شاب ملتزم ومعروف إنه أخ كمان

وممكن يلمح لبنت ملتزمة بردوا إنه معجب بيها

طيب ده هنا تحت أي مبرر يعني

إنه يطلق بصره ويلمحلها والمشكلة إن مش هي بس اللي ممكن تلاحظ

لا بتبقى هيا واصحابها بياخدوا بالهم والموضوع بيكبر

طيب هو لو معجب بيها وعايز يخطبها يروح يتقدملها

إنما الأسلوب ده غلط واللي بيدخل في الدوامة دي مش بيخرج إلا وهو خسران

إذا كان ظروفه لا تسمح إنه يتقدم

فليستعين بكثرة الصيام ويغض بصره كما جاء في الحديث اللي كلنا عارفينه

حفيدة محمد موضوع جامد بجد أنا عارفة إنك عايزاها تشعلل

والشعر جميل أوي 36_4_11[1].gif

*heba

22 Jul 2008, 04:20 PM

شكرا يا شهيدة القدس على تعليقك

إذا كان ظروفه لا تسمح إنه يتقدم

فليستعين بكثرة الصيام ويغض بصره كما جاء في الحديث اللي كلنا عارفينه

بس هل إنت شايفة إن في الزمن ده ممكن الواحد يلتزم لهذه الدرجة
إزاااااااااااي
الله يكون في عون الشباب في زمن التليفزيون والنت

فينك يا حفيدة

القسام10

22 Jul 2008, 04:35 PM

إقتباس

الله يكون في عون الشباب في زمن التليفزيون والنت

امين يا رب

والله عندك حق

lightflower

22 Jul 2008, 05:17 PM

اولا:السلام عليكــم ورحمـة الله وبركاتــة ،،

ثانيا:انا قريت الموضوع كلللللللللله

الحمد لله يعني

وانا مكسوفه جدا وانا داخله الموضوع كده من الاخر

وعلي الخناقات كمان

بس انا فعلا مكنتش هقول اكتر من اللي جميعكم اخوتي واخواتي قلتوه

بس فعلا فعلا جزاكي الله خيرا يا حفيده محمد

الموضوع شائك جددددا

ربنا يستر

ومتابعه معاكي

ومنتظرينك ان شاء الله

شهيدة الأقصى

22 Jul 2008, 08:55 PM

إقتباس

بس هل إنت شايفة إن في الزمن ده ممكن الواحد يلتزم لهذه الدرجة
إزاااااااااااي

في طبعا ومش قليلين

وبعدين زمن التلفزيون والنت ليه سلبيات زي ما ليه إيجابيات على حسب المستخدم

إنما في اكيد ناس كويسين وبيحفظوا ربنا في اقوالهم وافعالهم

أنا عن نفسي مش هوافق إلا على واحد ملتزم صح وبيصون ربنا في كل أعماله

Dr.Gannat ALLAH

24 Jul 2008, 07:37 AM

موضوع جميل ومهم يا حفيده

الحل في رايي الالتزام بجد وارضاء الله حتي النهايه

أبو أنوس

24 Jul 2008, 08:40 AM

السلام عليكم ورحمة الله وبركاته،،

د.حفيدة اولا بحيكى ع الموضوع الجميل دا يا فندم

بس فى حاجه هو مش قضيه ولا تهمه

وكمان يا فندم ان كان حضرتك بتنصحى الشباب الملتزم فمش بالضروره الكلام يوجه بهذه الطريقه

انا من قرأتى للموضوع .... وجدت هجوم فظيع من اخواتنا البنات وهجوم من حضرتك

وكمان عرضك للموضوع ووجود موضوع وصل لمكتب الارشاد

المهم يا فندم

مجرد توضيح بسيط

ع ان الناس أصلا عارفه يعنى ايه ملتزم

أحب أقولكم ان الملتزم دا شاب من الشباب مش ملاك من السما ... يعنى بيغلط وبيصح فى حاجات

ملتزم بمناهج الاسلام ... محافظ ع صلاته ... ولكن تفكيره تفكير شاب

اما بقى بالنسبه للحب

انا مش شايف أطلاقا .... فى مانع ان شاب معجب ببنت ... ويروح يطلب رأيها فى انه يتقدم لأهلها ...

بس فعلا يكون قادر أنه يخطبها ... وميكونش مدخل للشيطان

عامة يا شباب

اللى عاوز اوضحه اننا مش نلوم اى اب متزم انه وقع ... وصدقونى بجد لو أخ او أخت بيقع فى وهم الحب دا

بجد دا ابتلاء أكتر من انه يجاهد ... بجد لو الوهم امتلكه ... بينسى كل حاجه

يا جماعه اى سلوك بينتهجه فى الوقت دا ... انا من رأيى مش يكون متحاسب عليه

مجرد اننا ممكن بس نوجه من بعيد .... بس برضه بطريقه معينه ... عشان مش نخسرة خالص

اما بالنسبه لأسئلة فيت حفيدة ... اظن مجابة فى أكتر من موضوع

وان شاء الله يكون ليا أجابة

بس أخر سؤال

انا حبيت فعلا واتقدمتلها وخطبتها ... أظن دا رد كافى

ومفيش غير دا

اما لو مش مقتدر ...

هبقى أقولكم تعمل ايه

ع العموم موضوع جمييل د. حفيدة

ويارب تفيدنا من خبرتك الواسعه

وجزيتى الجنه

حفيدة محمد

24 Jul 2008, 10:59 PM

بداية انا بعتذر عن التأخير

وكمان برحب بكل الاعضاء اللى دخلوا الموضوع وشاركونا
وترحيب خاص لدكتور ابو انوس
حضرتك منور الموضوع بس حضرتك مقريتهوش كويس ولا قريت اهدافه اللى انا كتبتها
حضرتك اخدت الموضوع بمحمل شخصى لانك رجل واعتبرته حرب عليكم
لكن انا اكرر انه لو حرب كنت عملته بأسلوب تانى خالص
وبعدين ممكن حضرتك تستنى تسمع القصص ونشوف حكمك
بس نخلى بالنا نبعد تجاربنا الشخصية تماما ونحكم بمحايدة يعنى ولا كأننا حبينا ولا حاجة
احنا اشخاص ملتزمين بكتاب الله وسنة رسوله وقدامنا اخطاء لازم نشير اليها

ندخل بقى فى الموضوع انا هذكر موقفين شفتهم قدامى وهذكر قصتين بردو قصيرين

الموقف الاول انى شوفت شخص ملتزم بيتكلم مع البنت بتاعت المكتبة باسلوب كأنها صديقته
اصله كان هيديها ملزمة الامتحانات للطلبة
وانا اصلا مش مصدقة انه هو اللى واقف وبيتكلم و كنت مستنية ورق بيتصور
وعمالة ادعك فى عينى
قلت اما اسألها لما مشى
بقولها ممكن ملزمة امتحانات سنة خامسة ؟
قالتلى اه هجيبها حالا الولد راح ياكل وجاى هيجيبها

الموقف التانى كان معرض فى الكلية وفيه ارقام بتتوزع وعليها سحب
فأنا مبحبش اقف فى المعارض
فكنت مع صاحبتى وقالتلى خدى رقم انا جبتلك واحد
قلت ماشى
واحنا بنسلم الارقام الولد كان بياخد الارقام من البنات وهو بيبتسم اوى وكان بيبصلهم عادى
اما جيت انا اديله الرقم قام باصص فى الارض بسرعة واخد الرقم
بص فى الارض لدرجة انى افتكرته بيبص على حذائه من شدة انحناء راسه ( اسمايل متغاظ )
كنت عاوزة اقوله هو التانيين كانوا بشنبات؟ ده أنا حتى أد والدتك

انا ذكرت الموقفين دول عشان كلمة شهيدة الاقصى ان الموازين اختلت وان الحكاية بتبتدى بكده

القصة الاولى

شاب ملتزم وماشاء الله متفوق كان معايا فى الدفعة
اعجب بفتاة مش هقول ملتزمة بس هى بتلبس بنطلونات وبتحط مكياج
المهم بقى يديها محاضرات وكده وهى طبعا عادى ده زميل زى اى زميل
وبعدها راح محول لسكشنها وبقى يقعد معاها ويكلمها
وجه فى الاخر بعد ما اتأكد من شعوره !!!! وانه فعلا احبها !!!!!!!!!!!! قال يتقدملها
راح يتقدم فكانت الصدمة انها رفضته
وبعدها بكام شهر اتخطبت لشخص تانى معانا فى الكلية بردو

القصة التانية

شبه الاولى

بس الاختلاف ان الاخ احب اخت وهو اكبر مننا بسنة
كان بيشوفها مع الاخوات اعجب بيها اصل بصراحة الاخت كانت ماشاء الله قمورة
وقعد يبص عليها ويراقبها
وبعدها راح فاتحها فى الموضوع هى طبعا اتلخبطت
وبقى يستناها بعد الامتحانات ويسألها عملت ايه وهى كانت مكسوفة تسيبه وتمشى
فكانت اختكم حفيدة محمد شافتها مرة فرحت ناديت عليها وزعقتلها قالتلى ده عاوز يتقدم قلتلها ما يتقدم واقف معاكى ليه
قالت مش عارفة تتخلص منه
بقيت كل اما اشوفه موقفها ارن عليها تقوله عن اذنك صاحبتى مستنيانى
راح اتقدملها والمفاجأة
ان والدها وافق ووالدتها بسسسسسس
هى استخارت ورفضتتتتتتتتتت
انهار وكانت حالته صعبة
وبعتلها ناس وحاول يكلمها فى الكلية
ولا فائدة
بعد سنة راح اتقدم تانى
اترفض تانى
وانتهت قصته كده

ياريت اعرف تعليقاتكم على القصتين عشان بعدها هقول تعليقى

*heba

25 Jul 2008, 02:05 AM

السلام عليكم ورحمة الله إزيك يا حفيدة 36_20_1[1].gif

مقدرش أعلق إلا ربنا يهدي الجميع

السبب إني جاءت فترة لي و قد أصابني شك في صدق كل الناس وذلك بسبب تكشف الوجوه الحقيقية لبعض الشيوخ الذين يظهرون في التليفزيون

فذهبت إلى محفظتي و شكوت إليها من ذلك فنهتني عن أخذ الدين من أحد وإنما عليا الإجتهاد بنفسي بالبحث عن أي موضوع من الكتاب والسنة و ألا أجعل لي قدوة إلا رسول الله لإن كل إنسان له أخطاؤه
وبالتالي أصبحت لا أنظر إلى الملتزم أو الملتزمة أنهم بالضرورة أولياء الله في الأرض لأننا اليوم في عصر التناقضات وكل إنسان مسئول عن نفسه ولست أنا المسئولة عنهم قال تعالى ( كل نفس بما كسبت رهينة ) وبالتالي واجبي هو تزكية نفسي ومنعها من الوقوع في مثل هذه الأخطاء فقد قال تعالى ( إن الله لايغير ما بقوم حتى يغيروا ما بأنفسهم)

ربنا يثبتنا
و يهدي الجميع

القسام10

26 Jul 2008, 12:15 AM

امممممممممممممم

انا لسه مش عاوز اتسرع وارد علي المواقف

بس منتظر الاعضاء تقول رأيها الاول

وهرد ان شاء الله

vet_moslema

27 Jul 2008, 12:41 PM

إقتباس

ملتزم بمناهج الاسلام ... محافظ ع صلاته ... ولكن تفكيره تفكير شاب

معلش مع احترامي لكلام حضرتك

تفكيره مش زي اي شاب المفروض ا تفكيره الاساسي هو ارضاء الله عز وجل واتباع السنه

يبقي ازاي يفكر زيه زي اي حد

إقتباس

انا مش شايف أطلاقا .... فى مانع ان شاب معجب ببنت ... ويروح يطلب رأيها فى انه يتقدم لأهلها ...

بس فعلا يكون قادر أنه يخطبها ... وميكونش مدخل للشيطان

ها

طب هو فعلاا لازم يعرف رايها بس عن طريق والدها مثلاا

او يشوف اي حد يوصلها انما هو يروح يطلب رايها ده ازااااااااااااي يعني مش هيبقي مدخل للشيطان

إقتباس

كان بيشوفها مع الاخوات اعجب بيها اصل بصراحة الاخت كانت ماشاء الله قمورة
وقعد يبص عليها ويراقبها
وبعدها راح فاتحها فى الموضوع هى طبعا اتلخبطت
وبقى يستناها بعد الامتحانات ويسألها عملت ايه وهى كانت مكسوفة تسيبه وتمشى

اولا انتي متاكده ان ده اخ

لا حول ولا قوة الا بالله

إقتباس

كان بيشوفها مع الاخوات اعجب بيها اصل بصراحة الاخت كانت ماشاء الله قمورة

صح اصل هو ده بقي المقياس دلوقتي

موضوع حلو يا حفيده وللاسف موجود في حياتنا بكثره

اللهم انا نسالك العفو والعافيه في الدنيا والاخره

القسام10

27 Jul 2008, 01:12 PM

براحه شويه

انت كلمكم حاد اوي

انا عارف ان ممكن يكون بعض الكلام ده صح

متحسسوناش ان الاخوه دول اعدائكم

أبو أنوس

27 Jul 2008, 04:07 PM

بالنسبة للمواقف الاخيرة

نو كومنت فور ناو

بس اوعدك أن أرد عليها

لكل جواد كبوة

*نور الهدى*

27 Jul 2008, 05:23 PM

سلام عليكم...

ايه رايكو نفكر بهدوء شوية

بدون تحامل علي اي طرف

زي ما الاخ غلط في نظراته وكلامه و....و...

صاحبتك كمان يا حفيدة غلطت

ليه مبلغتش حد كبير باللي الاخ ده بيعمله

وهم بيتصرفوا في الحاجات اللي كده

وبيكون الموضوع مثار في نطاق ضيق جدا

ايه اللي وقفها معاه وتقوله عن اذنك لما ترني

المفروض تعامله زي اي حد عادي لما بيرخم علي بنت 36_1_42[1].gif

كمان المفروض انه هيتقدم صح....

ليه متقدمش لحد دلوقتي

ما هو اكيد خلاص عرف رايها

ولا مستنيين يتعرفوا علي بعض ...

لا حول ولا قوة الا بالله

لو الموضوع وصل للدرجة ديه بين الاخوة والاخوات في الكلية

بجد بيكون شيء محزن جدا

واسوا دعاية لينا ولدعوتنا

تخيلوا كام حد شافهم وقلدهم باعتبارهم هم الاتنين قدوة

يارب يهديهم يا رب

عشان نفسهم وعشان دعوتهم اللي هم شايلين اسمها...

اللهم امين..

vet_moslema

27 Jul 2008, 06:36 PM

عارفين لو كل حد توكل علي الله عزوجل بجد

مش هيقابل كل الحالات دي

لو كل حد فينا كان كل همه ان يحفظ كتاب الله وانه يحافظ علي صلاته وانه يرتقي عند ربنا ويبقي في درجه عاليه في

الجنه مش هتهمه الدنيا دي ولا هيفضل يفكر في الاخت دي والاخت تفكر في الاخ ده وكأننا مخلوقين علشان كده

احنا خلاص نسينا رسالتنا الاساسيه في الدنيا ..

طب هنقول حصل ان احد الطرفين ( ولا حول ولا قوة الا بالله ) ارتكب ذنب واطلق بصره وفكر في اخت معينه ووصل

الموضوع لدرجة الحب يبقي الحل ايه ؟؟

هو / هي لو فعلا عايز/ عايزه يتقي ربنا هتترك الموضوع ده لله ولن تفكر في اي شئ غير انك ترضي الله عز وجل

وانك تحاول تشغل نفسك بالطاعه " يعني هتحارب الشيطان "

وانت علي يقين ان ربنا هيبدلك الله خيرا منها

ركزوا في الاحاديث دي كده

قال رسول الله صلي الله عليه وسلم

" ما من عبد ترك شيئاً لله إلا أبدله الله به ما هو خير منه من حيث لا يحتسب، ولا

تهاون به عبد فأخذ من حيث لا يصلح إلا أتاه الله بما هو أشد عليه"

وعن أبي قتادة وأبي الدهماء وكانا يكثران السفر نحو البيت قالا أتينا على رجل من أهل البادية فقال لنا البدوي

أخذ بيدي رسول الله صلى الله عليه وسلم فجعل يعلمني مما علمه الله عز وجل وقال: (إنك لا تدع شيئاً إتقاء الله تعالى إلا

أعطاك الله عز وجل خيراً منه).

انتوا متخيلين يعني ايه ... يعني التقوي لو وصلنا لدرجة تقو ي الله عز وجل في كل امور حياتنا

الكبيره والصغيره ربنا سبحانه وتعالي هيرزقنا افضل مما تركنا

يعني ممكن الاخ ده بعد ما يترك الموضوع كله عشان ربنا .. ربنا سبحانه وتعالي يقدره له وبطريقه احسن

يعني من غير ذنوب خالص او يقدر له الافضل

اما ان الشاب الملتزم زي اي شاب برده مش ملاك

طب هو الشاب الملتزم ده مش عارف ان

(النظرة إلى المرأة سهم من سهام إبليس مسْمومٌ من تَركَه خَوْف الله أثابه الله إيماناً يجد به حلاوته في قلبه).
يبقي ملتزم ازاي بقي

المفروض انه ملتزم بكل ما انزل الله وبيحاول يطبق سنة الرسول صلي الله عليه وسلم

هو ده الالتزام الحقيقي انك تتقي الله

(ومن يتّق الله يَجْعَل لَهُ مَخْرجاً. ويَرْزُقَهُ من حيث لا يَحْتَسب)

اما بقي الزواج ..

الزواج رزق من عند الله وحده

يعني لو ربنا مقدر لفلان يتزوج فلانه لو اجتمعت الدنيا دي كلها انها تفرق بينهم مش هتقدر

ولو ربنا سبحانه وتعالي مش مقدر الزواج ده خلاص بقي الحمد لله علي قدر ربنا اكيد فيه خير واحنا مش عارفينه

" وعسي ان تكرهوا شيئا وهو خيرا لكم وعسي ان تحبوا شيئا وهو شرا لكم والله يعلم وانتم لا تعلمون "

يبقي الموضوع كله لو مع ربنا مش هيبقي فيه ذنوب ولا يروح يكلمها ويبصلها وهي تتكلم والحاجات الغريبه دي

وهيبقي في منتهي البساطه

شوفتوا بقي ان ديننا سهل وبيسهل الحياه اوووي احنا بس اللي بنحب نصعب كل حاجه علي نفسنا

اللهم ارزقنا العفه يارب العالمين

وارزقنا الاخلاص في القول والعمل

أبو أنوس

27 Jul 2008, 07:13 PM

يا جماعه

الموضوع كله فى كلمتين

اعلم ان كل شىء أنت بتعمله زوجتك بتعمل نفسه

كما تدين تدان

فيت مسلمه لى عوده للتعليق ع كلامك

vet_moslema

27 Jul 2008, 07:30 PM

إقتباس

اعلم ان كل شىء أنت بتعمله زوجتك بتعمل نفسه

كما تدين تدان

مممممممممممممم

مش لازم علي فكره

يعني مثلا لو الاخ او الاخت بيعمل ذنب معين

بس عنده استعداد كويس للتوبه

ممكن ربنا سبحانه وتعالي يرزقه اخت و يرزقها اخ تعينه علي ترك المعصيه دي

اهم حاجه الصدق مع ربنا

*heba

28 Jul 2008, 09:58 AM

إقتباس

يبقي الموضوع كله لو مع ربنا مش هيبقي فيه ذنوب ولا يروح يكلمها ويبصلها وهي تتكلم والحاجات الغريبه دي

وهيبقي في منتهي البساطه

شوفتوا بقي ان ديننا سهل وبيسهل الحياه اوووي احنا بس اللي بنحب نصعب كل حاجه علي نفسنا

عبارة جميلة يا vet_moslema فعلا 36_4_11[1].gif

يعني مش فهمة فيها إيه
لو أي شاب أعجب بوحدة يمشي زي ما أمرنا ربنا
هو لازم الأول يمشي معاها

أنا كل ما أروح الجامعة
ألاقي زميل و زميلة أعرفهم و ملتزمين ظاهريا
قاعدين في الجامعة و في المدرج و في أي مكان في الجامعة مع بعض
تخيلوا في الدراسة و كمان الأجازة
مفيش دم خلاص
الناس كلهم الملتزم و غير الملتزم بيبصلهم
وعاملين نفسهم مش شايفين إن في حاجة غلط
التقوى على وجوههم
الولد ملتحي و أول ما الأذان يأذن يجري على الجامع
وكمان البنت طبعا(البنت قمة الأدب و الإلتزام بالحجاب الطويل و الصوت المنخفض)
و إلي يخلص صلاه منهم الأول يستنا الثاني
و ملتزمين في حضور المحاضرات
لدرجةإني إتلخبطت
قولت أكيد دا أخوها
سألت حد يعرفها
قالت البنت دي ملهاش إخوات ولاد
أنا أعتقد لو يوم مشفنهمش مع بعض تبقى معجزة
أنا مبحبش أتدخل في حياة حد
بس ده مجاهرة بالذنب
وإلي مشفش يشوف
والمصيبة
إنهم ملتزمين
مش حاجة تحرق الدم
وبسأل لو الولد ده لقدر الله مات
يبقا هيا إستفادت إيه من اللف معاه
وبسأل هل ده هو الحب؟

أبو أنوس

28 Jul 2008, 07:52 PM

فيت مسلمة .... فيت حفيد محمد

أظن كان القصد من الموضوع فى البدء هو انصيحة

واكن اظن انه تتطرق لنيل والاستهزاء بأفراد منتمين جماعات اسلاميه محدده

ودا طبعا مخالف لقوانين المنتدى

فممكن افهم هل حضرتك بتدافعوا ولا بتهاجموا فى الملتزمين ؟؟؟

اسف جدا

يرجى تحديد نقاط الحوار ؟؟؟

وتواجد أختنا فيت حفيدة فى أسرع وقت

لرد ع الموضوع

جزاكم الله خير

حفيدة محمد

28 Jul 2008, 11:25 PM

اخونا القسام 10

جزاكم الله خيرا على التعليق

فين التعليق يافندم عاوزة اقول تعليقى عشان ندخل فى القصة التالتة

هبة

الحمد لله انا كويسة انتى عاملة ايه؟

بجد جزاكى الله خيرا على تعليقك وكلامك صح

فيت مسلمة

منورة الموضوع والله

رأيك اضافلى كتير والله جزيتى خيرا اختاه

نور الهدى

انتى فهمتى موضوعى غلط وحصرتيه فى ناس معينة
انا بتكلم عامة عن قصص ومواقف شفتها بعينى عن ناس نحسبهم ملتزمين
واحنا بنعلق وناخد الاخطاء نعتبر بيها
هو ده هدفى اكتشاف الاخطاء وتصحيحها

د. منف فيت

فين تعليق حضرتك؟؟

على فكرة يا فندم مفيش فى مشاركاتى او مشاركات مسلمة ما يدل على كلام حضرتك اننا بنهاجم ناس معينة

الظاهر ان حضرتك اللى بتحصر كلمة اخ او اخت على ناس معينة او بمعنى اصح محتكرها لهم

لما بقول اخ او اخت بقصد ملتزم وملتزمة سواء كان ليه فكر او ملهوش

وبعدين يا فندم معقوله انا ومسلمة هنهاجم الناس اللى فى دماغك؟ يعنى هنهاجم نفسنا؟

عالعموم انا شايفة انى ماشية فى الموضوع صح ولو فيه حاجة مخالفة لقوانين المنتدى تتفضل شاكرا وتضعها للمناقشة فى ساحة المراقبين

اتمنى اشوف تعليق حضرتك قريب بس تكتبه بهدوء مش وانت عصبى