نا بصراحه مش عارف اقول ايه بس كل اللى اقدر اقوله انى الواحد اول ما بيخش الجامعة بيا عايز يتعرف على حد تانى او بالمعنى الاصح الجنس الاخر والواحد فى الموضوع ده بالذات محدش يقدر يمسك نفسه خالص غير اللى على اهل دين وتقوى غير كده محدش بيقدر يمسك نفسه ولو حاول يمسك نفسه هيلقى صحابه بيعرفه على ناس وكده وبالتاكيد يبا لازم هيكلمهم طيب الواحد ده يعمل ايه انا مثلا فى كليه وطبعا معاى بنات فى الكليه ومش عايز اكلمم خالص لانى عارف اللى بيخش فى المواضيع دى ما بيسلمش منها ودايما الموضوع بيكبر اوى ومحدش بعد كده بيقدر يتحكم فى نفسه حتى لو ايه فانا نفسى مكلمش بنات بس مش عارف بسبب انى كل صحابى اللى اعرفهم الولاد يعنى مصحبين بنات وكلمت معاهم كتير انى ده خلط لكن كانوا بيردوا على يقولوا ايه احنا فى جامعه ولازم الواحد يعرف ده ويكلم ده ومعرفتش اخد معاهم اى حاجة لدرجة انى وصلت انى مبقتش افتح الموضوع تانى معاهم خالص لانى عارف الرد ففكرت انى اسيب صحابى دلوا علشان بيكلموا بنات واصحاب ناس تانيه ملقتش حد اصحابه كل بيكلم بنات واللى مبيكلمش بنات الناس الشيوخ بس الناس الكبيرة عندى فى الكليه فانا محتار فى الموضوع ده ومش عارف اعمل ايه يا ريت حد يرد على فى الموضوع ده لانى خلاص احترت ومعلش طولت عليكم بس انا عايز حد يرد على براى عملى اكتر

السلام عليكم اهلا بحضرتك فى ساحه يالا نحب بجد

حضرتك باين عليك شخصيه محترمه هى مشكلتك انك مش بتكلم بنات طب ليه مادام فى سياق الادب والاحترام مش غلط خالص طالما انت عارف حدودك وهما كمان يعنى فى خطوط حمرا محدش يتعداها خالص اوك

بالنسبه لصحابك اغلب شباب الجامعه كده هو غلط بس مش عارفه المهم سيبك من صحابك دول بس متخسرش اى حد ممكن تحتاجله حاول تمشى امورك حط فى رأسك هدف معين لازم تحققه

وانت فى كليه محترمه اوى بجد لو حطيت ربنا قدامك وقوى علاقتك برنا اكتر واكتر هو هيهديك بجد ادعيه وهو اكتر حد هيرشدك للطريق الصح بس لازم تكون واثق انه هيكرمك ان شاء الله

كلمه اخيره ركز فى مستقبلك وموضوع انك تكلم بزم تحطها من اهدافك انك تتفوق فى كليتك وحاول تبعد عن اى حاجه ممكن تيجى ولو شويه على مستقبلك

اسفه لو كنت طولت عليك ربنا يكرمك يارب ويرشدك لاحسن الطرق ربنا معاك ويوفقك

وتبقى تقولنا اخبارك واحنا تحت امرك

حضرتك باين عليك شخصيه محترمه هى مشكلتك انك مش بتكلم بنات طب ليه مادام فى سياق الادب والاحترام مش غلط خالص طالما انت عارف حدودك وهما كمان يعنى فى خطوط حمرا محدش يتعداها خالص اوك

هو انا مش مش بكلم بنات على العكس انا كلمت بنات كتير اوى ويمكن اعرف بنات الدفعه كلها معظمها يعنى لكن دايما الواحد لما بيقعد يكلم مع بنت دايما ما بياخد عليها اكتر واكتر ودايما الموضوع بعد كده بيزدد ويمكن الواحد يعجب ببنت والموضوع يكبر علشان كده انا مش عايز اكلم بنات تانى بس مش عارف وبتر اكلمهم لكن انتى برده ما قلتيش حل عملى او اى حد تانى

أنا بصراحة معنديش غير اني أقللك:




"مادمت طالب كدة و نيتك سليمة فربنا مش هيسيبك و هيكون معاك و يوفقك و يثبتك"


يمكن مجبتلكش حاجة جديدة أو حل عملي...



بس انا و الله هدعيلك من كل قلبي بجد ان ربنا يثبتك و يهديك و يوفقك..

مش معنى انك تتكلم مع بنت انك تعودها عليك انت ممكن تحط حدود لو حسيت بتجاوز منها واكيد حضرتك ببتكلم فى سياق الادب ومحدش هيجروا عليك غير لما حضرتك تديه مساحه لده او يلاقى من حضرتك قبول

انا قولتلك الحل

اولا حضرتك: تقرب من ربنا وهو هيرشدك بجد وادعيله بخشوع ومن قلبك

ثانيا : ابعد عن صحابك وركز فى مذاكرتك اوك

ربنا يوفقك ويكرمك ومستنين اخباراتك اوك باى

انا بشكر كل اللى ردوا على وباذن الله هحاول اعمل اللى انتو قالته وانا بجد فعلا بشكركم على الردود وربنا يجعل ذلك فى ميزان حسنتكوا

ارجو انك فعلا تستفيد من كلامنا واحنا هنا اخواتك وتحت امر حضرتك فى اى مشكله

نرجو استفاده حضرتك وحنا تحت امرك فى اى وقت وياريت تبقى تعرفنا اخبارك اوك

السلام عليكم ورحمه الله وبركاته
ليه الازمه اللى انت عاملها دى كلها الموضوع مفهوش اى مشكله اولا انت مش قلقان غير على شكلك ادام صحابك دا السبب اللى جواك لكن الى انت بتظهره ان مفيش حد مبيكلمش
صدقنى فى اصحاب كتير مش بيكلموا بنات دا اولا
وبعدين حتى لو اصحاب بيكلموا بنت فدا مش هيبقى طول الوقت يعنى لما تلاقيهم واقفين مع بنات قولهم طب انا هتغدى وابقوا تعالو على الكافتريا او هجيب حاجه اشربها هصور ورق هجيب محاضرات لحد ما يخلصوا كلامهم مع صحباتهم

اما نظرتهم ليك اقسملك بالله انها هتزيد احترام مليون بالميه خليك واثق من نفسك ومن تصرفاتك ومفيش حاجه اسمها كلام بحدود لان الحدود بتضيع مع الوقت الكلام دا مش صحيح
شد العزيمه وارفع الهمه وتوكل على اللهفهو خير وكيل واستعن بالله فهو المستعان على كل امر عسير
ربنا يوفقك فى دراسك وان شاء الله يكون كله خير ونسمع عنك كل الخير
وتدخل تقولنا
هيييييييييييييييييييه انا مش بكلم بنات بوتاتا ان شاءء الله

السلام عليكم انا كنت بس عايز اعلق على كلام نور الحنه هى بتقول انى انا خايف على شكلى قدام صحابى بس وده السبب الحقيى اللى هى فكرة بس ده طبعا مش صحيح خالص لانى انا هخاف على شكلى قدامهم ازاى يعنى صحابى دلوا انا اللى اتعرفت عليهم واحنا صحاب لدرجه فظيعه اوى يبا ازاى هخاف على شكلى قدامهم اكيد لا طبعا بس على العموم انا عايز الاخت نور الجنه توضح شويه علشان افهم كلمها واقدر ارد عليه لانى انا مش فاهم كلامها

وموضوع انى اصحابى مش بيكلموا بنات طول الوقت ده برده مش صحيح لانى احنا تقريبا كلنا جروب بنات وولاد فا بنفضل طول اليوم مع بعض بس انا مش بحب ده لانى بحس انى بعمل حاجه غلط واعتقد انى حضرتك فى جامعه وعارفه موضوع الجروبات ده ولا ايه ولا عمرك مشفتيش جروبات قعده فى الجامعه ولاد وبنات

السلام عليكم و رحمة الله وبركاته

على فكرة في بنت كانت عندها مشكلة زيك بالضبط
و هي إن السنة الماضية إتعرفت على بنات أبهرها فيهم طيبتهم و إنهم مش بيخبوا في مذكرتهم و عدم نمطيتهم بس كان عندهم مشكلة وهي إنهم في شلة أولاد وبنات الموضوع ده مكنش عجبها بس قالت مبقاش معقدة

المهم في نفس الفترة لفت إنتبها شخص في الكلية عندها و إنبهرت بأخلاقه و أدبه و تدينه بس هي لم تكلم هذا الشخص

وبالتالي أصبح هذا الشخص وإن لم تكن تكلمت معه عائقا بينها وبين الإستمرار مع أصدقائها البنات فكيف تتمنى أن ترتبط بهذا الشخص و أن تكون في مجموعة فيها أولاد وبنات (و أنت تعلم إن الشلل المختلطة الكلام فيها لا يقف عند إزيك و عامل إيه و لكن بيكون فيها مثلا تبادل أرقام التليفون)

وبالتالي هي قررت السنة القادمة أن تبعد عنهم وإنها تمشي في طريقها إلي كانت عليه و هو الإهتمام بالدراسة و صون نفسها وليس فقط بسبب تأثرها بهذا الشخص و إنما إرضاء لله

ففيما معنى حديث قدسي

عبدي أشاء و تشاء
ولن يكون إلا ما أشاء
فسلم لي فيما أشاء
أعطك ما تشاء

و بالتالي أنا نصحيتي ليك إنك تبحث في كليتك عن أصدقاء زيك و أكيد هتلاقي و ركز في دراستك و ربنا يثبتك

حلوة اوى صورة كونان دى ولا ده سنشى بس حلوة اوى انا اصلا بحب كونان اوى

السلام عليكم

أولا جميل جدا إن حضرتك بتسد عليك منفذ من منافذ الشيطان
واكيد الاختلاط موجود في مجتمعنا
بس احنا اللي بنحط حدودنا في التعامل معاه

المشكلة في الجامعة زي ما حضرتك قلت إن ناس كتيير مصاحبة
بس حضرتك رديت على نفسك في السؤال اللي حضرتك بتسأله


طيب إيه المانع إن حضرتك تكون من الناس دول

ومحدش بيبقى كده مرة واحدة

اكيد في مراحل

اللي انا عايزة اقوله إن في الكلية حضرتك تقدر تختار أصحابك من الفئة اللي انت عايزها

انت اللي تختار الناس اللي تتعامل معاهم وتمشي معاهم " والمرء على دين خليله "

حاول تضوف صحبة صالحة تعينك على طاعة ربنا

وتتقابلوا وتفترقوا وانتوا بتسألوا عن طاعات وعبادات

وتتعاونوا على غض البصر والصيام والقرآن

بجد هتلاقي حب الإيمان في القلب أكبر من أي حب

وهيبقى ربنا اكتر حب ليك لدرجة إنك مش هتقدر تعمل أي حاجة إلا وهتلاقي ربنا معاك في اللحظة دي

فبتالي مفيش نظرة غلط ومفيش كلمة غلط

وربنا يكرمك بيهم إن شاء الله

كمان ممكن تشترك في أنشطة تشغل بيها وقتك

أو أنشطة عالنت زي موضوعات الدراسة أو الدعوة

وربنا يوفقك

راى هبه ونور فى منتهى الروعه

يا اخى العزيز اذا مبعدتش عن معرفه البنات عشان ربنا قلى هتبعد عشان مين ؟؟؟؟؟؟

والله انا حاسه بيك انك مش بتقدر تقاوم بس حاول خطوه خطوه ولازم تكون مؤمن من جواك ان ده غلط والله غلط

وبالنسبه لكلام اختى نور هو كلام واضح ليه مش فاهمه ؟