بســم الله الـرحمــن الرحيــم

الدنيا حر صح ؟؟؟


طيب نفسكو فى كوبايه عصير ساقع كدا و حلوة !!!!!


انا جايه النهارده اعزمكم على كبايه عصير جوافه


بس عارفين فيه مشكله


الجوافه بتطلع فى الشتا

حد يعرف ليه ؟؟؟


انا مش حقلوكم سبب علمى

انا حفكر معاكم بالعقل

ربنا خلق كل حاجة بميزان و لحكمة

طيب كدا متفقين

مش الجوافة دى فيها فيتامين سى ؟؟

اللى هو للبرد

و البرد فى الشتا

شوفتو الرابط العجيب

سبحان الله


بس قبل ما ابدا حكايه الجوافة عاوزة كدا ناخد كام لمحة بسرعة و نفهم منها معانى كتير

اولا الجوافة ريحتها حلوة >>>>>>> دا معناه زيوت طيارة
ملونة و صفرا >>>>>>> دا معناه anti cancer
فيها الياف >>>>>>> كدا بتسهل الهضم
و اهم حاجة طعم ورقها زى الشاى قابض >>>>>>>anti diarrhea




يا جماعة مهم جدا محدش يقشر الجوافة

و كمان محدش يكولها و هى لسة مش ناضجة


يلا شدو الحزام علشان نبدا الرحله

رحلتنا النهاردة بين اشجار الجوافه


طيب لو سالت جوافة عن نفسها يا ترى حتقول ايه يميزها عن باقى الفاكهه

متهيالى كلنا عارفين انها مليانه

فيتامين سى ( مصدر مهم له ) و مصدر كويس للفسفور و الكالسيوم و فيتامين ا

و الالياف و البكتين و طبعا لونها الاصفر و زيادة ال conjugation
و بالتالى مضادة للسرطان بالاضافة لان الزيوت الطيارة للاوراق كمان مضادة للسرطان ( اتنين فى واحد يا بلاش )

كمان فيها tannins

الامراض اللى بتساعد فى علاجها :

non productive cough

diarrhea

oral ulcers and inflamed gums

common cold

bacterial infection

inflammation , pain

Diabetes


المراجع :

http://en.wikipedia.org/wiki/Guava
http://www.hort.purdue.edu/newcrop/morton/guava.html
http://www.moheet.com/show_news.aspx?nid=139842&pg=11
http://adl9090.jeeran.com/fwakh.html

لو الموضوع عجبكم مع انى مضفتش حاجة جديدة

عاوزين نتكلم على الادويه اللى فى الصيدليه اللى فى اسمهم او تركيبه الجوافه و استخدامتهم

كان نفسى فى يوم من الايام اقرا القصه دى

بس النهاردة نكتفى بالجلوس تحت ظلالها و التكلم عنها


الزيزفون ممكن نعتبره عضو اصيل من اعضاء الساحة !!!!!!!!!


لانه برضه له حوالى 3 اسماء كلنا نعرفهم


فى الطب الشعبى التليو

و فى الادب و بعض الكتب الزيزفون ( تحت ظلال الزيزفون ترجمه المنفلوطى )


و اخيرا فى الكليه باسم Tilia cordata


الكليه دى مظبطانا


و متنسونيش انا كمان جيباكم و مقعداكم تحت الظل اهو و المرة اللى فاتت عزمت عليكم عصير




اول حاجة اكيد ملاحظينها ريحتها الحلوة و شكلكم كدا حينام منى !!!!!!

بس كمان فيها مادة مهمه جدا بيتقال عنها الاسبرين النباتى

يا ترى ايه فوايد الاسبرين ؟؟؟

كمان فيها السابونين اللى بتهدى من التسنجات

بجانب الزيت التيار فيها mucilage و الاثنين بيعملو soothe و يقللو ال inflamation

كمان الفلافونويد و دا اكيد مضاد للاكسدة و يقلل خطر السرطانات

و فيه كمان tannins

و الان مع فقرة الامراض

يا ترى ممكن تساعد فى علاج ايه ؟؟؟

anxiety

cough

cold

fever

inflamation

skin inflamation

hypertension

spasm


شويه ملاحظات كدا عابرة

واضح انه مهدا جامد جدا و الدليل انكم بتنامو منى و كمان استخداماته فى

anxiety , cough , spasm

و يشترك فى كدا كمان استخدامه فى الضغط المرتفع بس فى الضغط المرتفع له كذا mechanism of action

يعنى هو كمان diuretic , و بيزيد العرق يعنى بيخرج السوايل و كمان بيهدى دا جامد قوى

اكيد واضح دلوقتى ليه هو للحمى و الحرارة !!!!

ايوة علشان بيخلينا نعرق و بالتالى بيساعد الجسم انه ينزل الحرارة


المراجع

http://en.wikipedia.org/wiki/Tilia

http://a3shaba3shab.modawanati.com/15081/%...%C7%CA%ED).html

http://hwarat.osrty.com/showthread.php?t=7...goto=nextnewest

http://soh350.jeeran.com/soh310/zerafoon.htm

حبة البركة

ورد حديث في صحيح البخاري عن عائشة - رضي الله عنها - أنه قالت: قال رسول الله - صلى الله عليه وسلم: " إن هذه الحبة السوداء شفاء من كل داء إلا السام، قلت: وما السام؟ قال الموت ".

بعد الكلام دا انا مش حقول حاجة طبعا


الكلام اللى لقيتة كتييير قوى و من الاخر الحديث مفصل ان لكل داء

يعنى حقول ايه !!!


فاللى عاوز يعرف الوصفة لكل داء من هنا

و اللى عاوز يعرف عن الابحاث اللى اتعملت و اثبتت فعاليتها فى امراض كتيرة من هنا


و اللى عاوز يقرا بالانجليزى بلاش العربى من هنا

و فى النهايه احب اذكر حاجتين مهمين

معظم استخدامات زيت حبة البركة فى الصيدلية لزيادة المناعة

انا مشفتش دوا زيادة مناعة و بالذات شرب مفهوش زيت حبه البركة و اتمانهم بتبقى غاليه نسبيا

و منها كبسول و اعتقد تمن الشريط 2.5 مش عارفة ازاى

و كمان عارفين زيت القرنفل فية نفس الشكل القطارة دا زيت حبة البركة


زماااان جدى الله يرحمه كان بيخلطلنا حبة البركة مع عسل النحل علشان ناخدة على غيار ريق للمناعة و خصوصا فى الشتا
كوقاية و ضد البرد

ملاحظة البرد و الامراض الفيروسية ملهاش حل الا مناعة الجسم

بس شهادة للزمن انا مكنتش بطيق الموضوع دا نهائى

طعمها صعب او جدى كان بيحط كتير

المهم دلوقتى انا لقيت حاجة بتقول اية ؟؟

ان لو حتعملو العملة دى ادمكم حلين

لاما متطحنوش حبة البركة و تحطوها صاحية

لاما تطحنوها و تستخدموها فى خلال اسبوع

حد حيسال ليه

مش حابة البركة دى ليها ريحة

يبقى فيها زيت و الاصح زيت طيار

حلو حيحصلة اية من الهوا

يتاكسد بقى و يزرنخ

لو مش مصدقتى
اتاكدوا

دلوقتى فقرة الاعلانات ( معلش علشان نعرف نمول البرنامج )






يا ترى انت كمان تعبان ؟؟؟؟؟؟؟؟

مش مركز و دايما كسلان ؟؟؟؟؟

عاوز ترتاح و تبقى تمام !!!!!!!!!



© noflicker



يبقى مقدماكش الا الوصفه السحريه


© Steven Foster



GENSING


cure -all
و هنا ينتهى الاعلان و يبدا الكلام

اكـــــــــســــــيـــر الــــحــيـاة .... الجنسنج

شايفين الجذور دى



شكلها مش مشجع انا معاكم فى النقطة دى

بس انتم عارفين ان الشكل مش مهم الاهم هو المضمون

و علشان كدا انا جيباللكم خلية حيه تكلمنا هى ليه بتحب الجنسنج

أنا ( اعوز بالله من كلمة أنا ) : اهلا بحضرتك معانا

الخلية الحيوانية الحية : اهلا بيكى و بالمشاهدين و المستمعين اللى معانا

و هنا بكلمها على انفراد و اققولها الحقيقة هما قراء و مفيش مشاهدين ولا مستمعين اساسا ركزى معايا شوية

يعنى كدا مينفعش من اولها انا اققول للناس اية بس جيبلكم خلية لسة صاحية من النوم او خلية من خلايا اللمبى !!


ردت الخلية و بصتلى حتة بصة و قالت اصلى لسة مخدش الجينسج بتاعى النهاردة

قولتلها بس استنى يا حاجة هو الجينسنج بيعمللك اية ؟؟

قالتلى منتيش شايفة حالتى تعبانة و مش مركزة و ارهاق و السكر مش واصلى كويس و عندى شوية كلسترول ( اعمل اية بحب الدهون و السمنة ) و جهاز المناعة بتاعى عامل اضراب ( باين كدا له فى السياسة ) و حالتى كرب

فباخد الجنسنج يظبطنى

طبعا انا اسفة لانى جايبة خلية مهيسة

و علشان كدا حنشرح اللى قالتة باستفاضة بعد ما امشيها من هنا علشان متعملش داوشة

و اققرب من الخلية و اققولها الحقيقة انا متشكرة جدا بس بدل ما انتى تعبانة كدا ممكن تروحى و تاخدى الادوية بتاعتك انا مش عاوزة اتقل عليكى

مع السلامة

نكمل بقى

الجنسنج منه انواع كتيرة ما ابرزها :

الكورى او الصينى و على فكرة مش مضروب ولا حاجة Panax ginseng
الامريكى او الكندى ( شمال امريكا ) Panax quinquefolius

بس فية فرق بسيط فى الاخصائص الامريكانى "cooling "

يعنى بيستخدم اكتر فى حالات السخونية و الحمى و امراض الجهاز التنفسى

اما بقى التانى اللى فى اسيا و الحر فله خصائص "heating"
و دى تحسن الدورة الدموية

و المادة الفعالة فى الجنسنج شبية بالاسترويدات "ginsenosides"


و هو بيعالج امراض كتيرة جدااا من ابرازها :

Mental and Physical Performance

Immune Function

Diabetes ( High blood sugar/glucose intolerance )

High cholesterol

Heart conditions

Aplastic anemia

Attention deficit hyperactivity disorder

Cancer chemotherapy

Chronic hepatitis B

كدا واضح ان الجنسنج يعتبر من اهم العقاقير اللى ممكن نسميهم adaptogenic herbs

و دا لانه tonic لكل الجسم

بيزود كفاءة اجهزة الجسم

النشاط العقلى و البدنى للانسان

و كمان جهاز المناعة

و دا من خلال :

تنشيط مباشر للجهاز العصبى ( كان بيعتقد انه بينشط افراز الهرمونات و لكن فيه كلام ان تاثيرة مباشر على CNS )
يعنى زى القهوة مع تجنب اضرارها

تسهيل استخدام الجلوكوز بالنسبة للخلايا و دخوله ( دا يمكن السبب انة بيقلل السكر فى الدم فى حالات السكرى )

و بينشط خلايا الدم البيضاء و الحمراء


و نتيجة لدورة فى تنشيط المناعة

فهو مهم لامراض الفيروسية الى المناعة لها الدور الرئيسى فى صدها زى البرد و الانفلونزا و غيرهم

بس كمان له دور فى الفيروس الكبدى الوبائى

لانها مش بس بتنشط المناعة

لا دا كمان بينشط خلايا الكبد



و لم نتكلم على دورة فى امراض القلب نلاقية مهم جدا

اولا بينشط الدورة الدموية

و يقلل الضغط المرتفع

و كمان بيقلل الكلسترول LDL

و دا لان له خصائص مضادة للاكسدة anti-oxidant


و دا يظهر اهميتة فى معالجة و الوقاية من السراطانات

بالاضافة لكونة بيساعد على زيادة الوزن اللى بيكون اتفقد

و تنشيطة لجهاز المناعة كمان


المراجع :

http://www.6abib.com/a-812.htm

http://www.mayoclinic.com/health/ginseng/NS_patient-ginseng

http://altmedicine.about.com/od/ginseng/a/ginseng.htm

http://en.wikipedia.org/wiki/Ginseng

http://www.mwadah.com/t22234/

http://www.vanderbilt.edu/AnS/psychology/h...ogy/ginseng.htm