صباح النور من فضلكم حد يفيدنى براية انا مرتبطة من سنتين فى قصة حب جميلة بس متستغربوش لما اقول ليكوا انى لغيط النهاردة مقلتلوش كلمة بحبك بس هو قالى كفاية انى حاسس بيها الحب مش كلام الحب فعل انا نفسى اقولها لية انى بحبك بحبك اوى بس خايفة اندم فى يوم انى قولتها بس ساعات بفكر انا اعطيت لية قلبى اللى اغلى من كل شىء فيها اية لوقلتلة كلمة بحبك افرض موت قبل ما اقولها لية زى ما وعدتة انى لما اكون ملكة هاقولها لة عشرات المرات بس افرض دة لم يحدث ارجع واقول لالا خايفة مش هاقوووووووووول ارجوكم هاجنن ساعدونى

طيب ممكن أسألك سؤال ..

هو انتى ليه مش عايزة تقولى الكلمة ده هل حاسة انه ماينفعش عشان حرام ولا حاسة انه مش من حقه دلوقتى ولا ايه وجهة نظرك بالضبط؟

طيب ممكن سؤال تانى هو اذاي حاسس انك بتحبيه يعنى بتقعدوا مع بعض وكده وتتكلموا مع بعض ولا ايه


أنا آسفة يمكن أسئلتى رخمة بس انا بحاول اوصل معاكى لحل ارجو تتقبلينى صديقة ............. ممكن اقدر اساعدك بحاجة

صباح النور ياجيجي
زي ما قولتي الحب مش بالكلام إنما بالأفعال
وكمان البنت من أهم صفاتها الحياء و الحياء شعبة من شعب الإيمان
وكمان من الأفضل إنك متقولهالوش لإنها شئ لا يرضي الله
و الانسان إلي يترك شئ لله يربنا أكيد هييسرله في أمره
على فكرة كثير بنات قالت كلمة بحبك للأشخاص إلي بيحبوهم وبرده متجوزوش
أنا مش عوزة أبين إني الشيخة هبة لإن لو أنا في موقفك معرفش هعمل إيه
بس أنا بسأل ربنا دائما إنه يبعدني عن أي شئ يغضبه وبحاول أمشي صح لإني أنا من غير رضا ربنا عليا بتكون الحياة صعبة أوي

السلام عليكم ورحمة الله وبركاته

أولا أهلا بيكي معانا يا جيجي في المنتدى

ثانيا انتي كلامك مختصر جدا بس اللي انا فهمته إن دي قصة حب بدون ارتباط

فعايزة اقولك إذا كانت كده فعلا تعيدي تفكيرك وتفكري فيما يرضي ربك أولا

لا ما يرضي الشخص اللي انتي بتحبيه

وإذا كان بيحبك بجد وعايز يخطبك ليه مستني كل ده ؟ سنتين !!!!!!!!!

جيجي بجد حاولي تحفظي ربنا في كل افعالك

ولازم تبقي عارفة إن الحب بدون ارتباط لا يساوي شئ غير الذنوب واللي ممكن تتقلب حسنات لو حصل ارتباط بجد

بيحبك يجي بخطبك ويدخل البيت من بابه

غير كده مينفعش

السلام عليكم ورمه الله وبركاته

والله انا مع شهيده الاقصى كلام موزون اعتقد انها مش هتقتنع بيه على طول لكن بجد كل اللى جربوا قصص الحب اللى من النوع دا واثقين ان الكلام دا صح
انا كمان عاوزه افهمك انه ساعات بيبقى وهم او من الشيطان يعنى عبث احساس جميل ميتوصفش تحسى انك طايره وسعيده وبعدها يسهل الوقوع فى الخطأ فتقولين بحبك فيسقط حيائك ومن بعدها لا ادرى ما الذى سوف يحدث.....

المهم لا يمنعه حبه لك ان يقوم بخطبتك او حتى الزواج منكِ اما اذا ظروفه لا تسمح له فيمكنك انتظاره لحين ما تحين له الظروف ان يقوم بخطبتك
ووفقك الله الى ما يحبه ويرضاه

السلام عليكم مع احترمى لكل الناس اللى قالت رئيها فى المشكلة

هو ممكن يكون بيحبك وممكن لا الله واعلم ......... طيب هو لية متقدمش ربما ظروفة لا تسمح ودة شئ وارد وانا شاب وعارف ان كل الشباب ظروفها مش حلوة ...... اة طيب اية العمل ..... العمل بقا انك متقوليش بحبك خالص للشخص دة الا لما ظروفة تتحسن ويتقدملك رسمى لما ظروفة تسمح دى لو سمحت يعنى لان دائما ما بتكون احلام الجامعه وردية ........... عموما زى ما اختنا شهيدة قالتلك اقولك


عموما لو فى كومنت على كلامى ممكن تسئلى اوكى
سلام عليكم

مش عارفة ياجماعة في ظاهرة غريبة أوي و هي أي ولد عايز يتعرف على بنت يروح يقولها ممكن نرتبط عشان نعرف بعض أكثر
لية أصحابي كل ما أسئلهم على فلانة يقولوا لي دي مرتبطة بفلان
الأول كنت فكرة إن شخص مرتبط بوحده يعني جوزها أو خطيبها أقل حاجة قارئ فتحتها
دلوقتي الإرتباط ببلاش شوفوا إحنا وصلنا لإيه

كلامك صح يا هبه الموضه دى غريبه فعلا

بصى يا جيجى حاولى تبعدى عن الموضوع ده هو صعب اوك بس فكرى ان دا مش يرضى ربنا ها هتعملى ايه؟؟؟؟؟؟؟؟

ربنا يوفقك ويكرمك يارب وتبقى تطمنينا عليكى ارجو اننا نكون فعلا فدناكى فى حاجه

ربنا يهديكى لصالح الاعمال