اكيد طبعا كلكم اول ما هتقراه العنوان ده هتقولوا الموضوع ده قديم ومكرر بس انا مش قصدى حب الجامعه اللى بيجى فى دماخكوا على طول لالالالالالالا انا قصدى حاجه تانية قصدى حب الجامعه او حب الكليه اللى انت فيها احنا طبعا عارفين انى نتيجة الثانويه طلعت ودلوقتى مرحله التنسيق وكله عايز يخش كليه بس مش كل واحد بيبا عايز يخش كليه بيخش قصدى يعنى انى فى ناس كتير اوى ومنهم انا مثلا كان نفسى اخش اداب فلسفه كان حلم حياتى ولكن القدر حصل ودخلت دار علوم طبعا اول لما حلمى راح طبعا زعلت وادقيت وكنت مش عايز اروح الكليه خالص لانى دخلت حاجة انا مش عايزها لانها مش رغبتى وناس كتير كده وانا خلصت اه اول سنه وبرده لسه مش حابب الكليه اوى يعنى انا حاببها بس مش اوى ومش عارف اديها كل اللى انا عايزة معلش طولت عليكم لكن عايز كل واحد يقولى تجربته فى دخوله للكليه وهل دخل الكليه اللى هو كان عايزها ولا لا وينصح بايه الناس اللى دخله كليه مكنتش تحبها وازى تحبها علشان تعرف تمشى فيها ونا بكرر اسفى علشان طولت عليكم بس عايز النصيحه منكم

السلام عليكم

انا حبيت اعلق على موضوع حضرتك لانى مريت بالاحساس ده

انا اصلا علمى مع فرق ان اعلام كانت رغبتى التالتة بعد صيدلة وعلاج طبيعى وفرقت معايا على 0.2 على مافتكر وانا متاكدة ان بتنسيق السنة دى هيجيب مجموعي طب

بس والله لما دخلت اعلام حبيت الكلية دى جدا وحاولت اديها وفعلا حمدت ربنا انه قسملى ادخل الكلية دى ..........و دلوقتى انا ممكن اكتبلك شعر فى اعلام والله..

وانت لو حابب الفلسفة اوى كدة جيب كتب عنها واقراها بجانب دراستك و صدقنى دة امتع بكتير من دراسة اجبارية يابنى........
بص ربنا دايما بيكتب الخير لينا وانت حاول تحب كليتك وحط فى دماغك انها خير ليك وربنا يوفقك

شوف يا ريس

هناك مثل يقول

(( اذا لم تجد ما تحب ... فحب ما تجد ))

انته طبعا اللي حصل معاك مش كده بالظبط ... بس حاول تحب الكلبة اللي انته فيها ... حاول تحبها وبعدين ... حاول تطلع كل امكانياتك فيها ... حاول في توظيفها ...

واعلم ان كل أمر المسلم خير ... يعني انته دخلت دار علوم ... بالرغم من انها مش رغبتك ... ولكن اعلم ان الله مقدر لك الخير في هذا المكان

هوه انا فعلا مش حاسس الاحساس ده لأني دخلت كليتي رغبة والحمد لله .... والحمد لله اني دخلت حاجه عايزها

جزاك الله خيرا ... ونقبل مروري

السلام عليكم موضوع حضرتك جميل بجد

انا كمان دخلت الكليه كده انا اداب تاريخ كان نفسى فى علم نفس بموت فيه بس قدرى ان ادخل تاريخ الحمد لله اكيد ربنا كاتبلى اللى فيه الخير انا اهه رايحه تالته بس الجامعه مش حاباها خالص هو مكان للعلم وبس غير كده لاه

بص احمد ربنا على كليتك هى كليه جميله ممكن لو كنت دخلت فلسفه مكنتش هتنجح فيها ربنا اكيد شايف اللى فيه الخير

حاول تخرج بره الصورة وتخيل نفسك ان انت كنت دخلت فلسفه منجحتش يا ترى هتعمل ايه اهه حاجه بحبها

قدر الله وما شاء فعل حاول تحب كليتك ومجالك عشان تنجح


ربنا يبكرمك ويوفقك يارب