السلام عليكــم ورحمـة الله وبركاتــة ،،

من شويه نزل التنسق بتاع الثانويه العامه

عي الرابط ده

تنسيق الثلنويه العامه 2008


يعني صيدله واخده من 393

يعني مش محصله 96 %

واقل صيدله واخده من 391.5

يعني كل الكليات المتاحه في نطاق درجتين

اما طب القاهره 398

واسنان القاهره 395

وعلاج طبيعي 391

وبيطري القاهره 387.5

وهندسه القاهره 381.5

ايه رايك في التنسيق الجامد ده؟؟؟؟؟؟؟؟


لو حد يعرف حد يلحق يروح يباركله

متنسوش سؤال الحلقه

ايه رايك في التنسيق؟؟؟؟؟

يعبر عن حال بلدنا

اسنان اعلى من صيدلة !!!

غير متوقع

خيران شاء الله

غريييييب جدا التنسيق

أحسن برده

بس ممكن يكون طب الأسنان عليت كده عشان خفضوا الأعداد المقبولة أوي

بس أكيد الطلب على صيدلة عالي لسه

يا جماعه التنسيق نزل جامد علشان الكوارث اللى حصلت فى امتحانات الثانويه العامه


ولو بصينا لها هنلاقى انى هى هى ما فيش فرق

على فكرة يا AMOOSHA
اسنان بقالها اربع سنين بتاخد اعلى من صيدله ارجعى لتنسيق الثانويه
مش اول سنه ولا حاجه بالعكس ده شئ متوقع ناو علطوول
بس هي المشكله مش في مين اعلى ومين اقل
المشكله ان كل الكليات قطاع طبي زي الزفت
والداخل فيها مفقود
والعيال بتوع الثانويه بيضحك عليهم
والله
البلد اتملت دكاتره وصيادله
خلاص هنعالج مين ما الكل دكاتره
ربنا يوفق الجميع

والله يادكتور انتي فاكرتيني بمقوله شهيره (لما كل البلد هتبقي فتوات امال مين اللي هيضرب)

بس علي فكره مستقبل الاطباء في تحسن مستمر.... وربنا معاكم ........

تحياتي ليكم بالنيابه عن طلاب بيطري

المفروض كفاية دكاترة كده بقى ....ويقفلوا باب قبول دفعات جديدة

قريت خبر فى الدستور بيقولوا


نقابة الصيادلة تحذر طلاب الثانوية العامة من دخول كلية الصيدلة

وتحتها كاتبين ان عدد الصيادلة الموجود أصبح فوق المطلوب

ومش عاف بيقولوا ان كل كام الف محتاجين صيدلى واحد

دلوقتى اصبح عدد الصيادلة اكتر من الازم

ده على حد قولهم

والله اعلم

ما هي دي الحقيقة المرة

التنسيق لما نزل كان فى مصلحة كتير من الطلاب اللى مجاميعهم قليلة

بس ده بسبب صعوبة الامتحانات

وظلم كبير ف التصحيح

ويبقى الاسلام هو الحل

اولا اهلا بيكي انا مكنش قصدي بكلامي ان صيدلة احسن من اسنان وانها فوق الجميع
حد يقدر يتكلم على اسنان وحش !!
كان قصدي ان صيدلة مكتفية جدا وخاصة القاهرة لان عمي بيقول انها اكتر صيدلة بتاخد عدد طلاب حتى اكتر من صيدلة حلوان اللي كليتهم ماشاء الله كبيرة مقارنة بعلبة الكبريت بتاعتنا
واسنان مش كتيير المفروض ياخدوا اكتر شوية كفاية البلد اتملت صيدليات لكل واحد متخرج
نعادلها بقى بشوية عيادات اسنان



صح



ان شاء الله


وفي الاخر نبارك للجميع ايا كان دكتور بشري او بطري او اسنان او صيدلة او علاج طبيعي
يارب اكون منسيتش حد عشان محدش يزعل

اه صح قريته الخبر ده بس مش هيعملوا اي حاجة هو كلام وبس

نقيب الصيادلة فى مؤتمر قال ان عدد الصيدليات اللى فى مصر تخدم 200 مليون مواطن





























المفروض يزودوا عدد السكان مش يقللوا عدد الصيادلة

مبروك يارائف على اسمك الجديد




وايه يابنى انت التوقيع المسخرة ده

السلام عليكــم ورحمـة الله وبركاتــة ،،

200 مليون مواطن هم عدد المصريين كام اصلا عشان نخدم العدد ده
اعتقد ان عدد المصريين حيقل شويتين بسبب الهجرة سواء شرعية ام غير شرعية
there is a hope to ease our life by practising islam in our life

islam is a solution
اعتقد ان ده شعار الاخوان
هل كلامى صحيح ام لأ؟؟؟

ع العموم الاسلام دين جميل جدا المهم نطبقه صح

بوركتم