السلام عليكــم ورحمـة الله وبركاتــة ،،


دايـــما لما تيجي الأجازة بعد ترم دراسي طويل .. بنكون متحمسين أوي وعايزين نعمل حاجات كتـــير

وفي الاول فعلاً نيتدي نبدأ المشاريع ونخطط ليها وإحنا بكل الحماسة


وبعد كده ..

تمر الأيام ...

وتمر الأجازة ... وتعدي فيها أيام كتييير والحماسة تقل عن الاول

ويزيد الحر




ويوشك أن يتسرب الفتور إلى القلب

لغاية ما نلاقي الأجازة خلصت وإحنا مش عملنا حاجات كتير من اللي كنا عايزين نعملها

بعد المقدمة الطويلة .. سؤالي ليك أو ليكي ؟؟

حققت بنسبة كام اللي كنت نفسك تحققه في أول الاجازة ؟؟

ويا ترى الحماسة زي ما هيا ولا قلت ولا زادت دلوقتي ؟؟

وهل شايف أن أحلامك كانت واخدة وقت أكبر من المتاح ليها وبالتالي من الطبيعي إنها مش تتنفذ كلها ؟؟


انتظركم

يعنى الحمد لله الاجازة دى كويسة

حقوللك حاجة

انا بحس بمد و جزر فى الحماس

بس الحمد لله الواحد مبيستسلمش لاحساس واحد



متهيالى ان شاء الله زادت


بالنسبة للى كنت عاوزة اعملة طبعا كالعادة معملتش حاجة


بس متنسيش لن لسه فية وقت باذن الله


بس بالنسبالى تقدم نوعى فى استخدام الاجازة و خصوصا ان دى اول سنة انزل الصيدلية




انا مقتنعة ان فية وقت بس الواحد مبيستغلهوش


موضوع جميل و فى وقت مناسب


بحيث ان الواحد فعلا محتاج يوقف مع نفسة و يعرف هو فين و عاوز ايه ؟؟؟؟ !!!!

يعني ولله الحمد انا لم احقق اي شيء ولا كان في حماسه للاجازه ولا عندي احلام من اساسه

يعني

طيب دي حاجة كويسة أوي
طبيعي يكون في مد وجزر

المهم ميكونش الجزر على طول
بس ربنا يوفقك




بـــاذن الله



آه فعلاً هتحسي إن أجازتك مختلفة المرة

لو إنجزتي كويس في تدريب الصيدلية + شوية حفظ قرآن أعتقد إن ده يبقى إنجاز جامد أوي




Thanx







حضرتك لسه مخلص سنة تانية مش كده

فعــلاً في الاجازة دي الواحد مكنش حاسس إنه عايز يعمل حاجة

عامةً في أنواع من الترفيه المفيد ممكن تخلي الواحد يحس إنه اسنفاد وفي نفس الوقت مش بيحس بتعب أو ملل




شكراً لمشاركتم وأتمنى كل الناس تنضم للموضوع

جزاكم الله خيرا بجد على الوقفه دي
لازم اقف واشوف انا عملت ايه

يعني الحمد لله اخدت كورس كلينيكال وحضرت الكورس بتاع النقابه
كورس النقابه على فكرة مش علم اوي لكن بيفتح دماغ الواحد عى حاجات كويسه وافكار جديده كان نفسي كل الناس تحضر بس يلا خير

للأسف مش بنزل صيدلية وده مضايقني جدا


بس انا شاء الله هحاول انزل من بداية شهر تمانيه



ممممممممم
يعني مش فاكر بقى حاجه تاني

جزانا وإياكم



كويس

أنا ناوية أحضر كورس النقابة ده السنة الجاية إن شاء الله

لو كان مناسب

يعني هو يستاهل ؟؟



ربنا يوفق حضرتك

بالنسبة لي

على الصعيد النفسي ... يعني الحمد لله الأجازة قدمتلي كتير

بس بالنسبة للأنشطة ..

القرآن .. مش بنفس الحماسة اللي كنت متخيلاها للأسف

كنت عايزة أزود من حجم القراءات اللي ممكن الواحد يقراها
سواء في الدين أو في العلمي

لسه في حاجات مش عملتها ولو إني بإيدي أعملها ... بس لسه في أمل الحمد لله

بس اللي مخوفني إني بحس إن الوقت بيجري جامد اوي .. ومفيش بركة
يعني مش بيتحس بيه وطبعاً بيروح ع الفاضي

وده اللي خوفني شوية وحبيت أعمل الوقفة عشان أشوف إيه النظام معاكم

للرفع

موضوع جه على الجرح

مش عارفة ايه اللى بيحصل

كل الحماسة دى بتروح فين انا مش عارفة

للاسف سفرى خلانى مش اعمل حاجات كتير ...لأن المجال فى مصر اوسع جدا

المشكلة ان فى حاجات كتير تتعمل

بس يمكن تنظيم وان الواحد يضغط على نفسه

الموضوع جميل واكتر منه تذكير ان لسه فى ايدينا

................................................................................
...

اللهم يسر لى نزع الروح

مفيش جديد

انا زى ما انا

بس ادينى بحاول

انا مفقوع واللى فاقعنى مش حاسس بيه

اعمل ايه بس يارب

لحماسه بتقل
والملل هيبدأ
بس فعلا نزول الصيدليه فارق معايا جامد
ونفسى اتعلم فيها كل حاجه عن الادويه
لكن حفظ القران مش بالحماسه اللى كانت جوايا
بس ان شاء الله اكمل برضه

ربنا يعينك يا حبيبتي
للاسف الحماسة أقل من الاول خالص معانا زي هو باين من كلامنا كلنا

بس هو إنتي مسافرة بره مصر ؟؟

فين ؟



ربنا يعين حضرتك






ربنا يعينك يا أختي الحبيبة
وتعملي كل اللي نفسك تعمليه