نا هدخل محاسبة و هحضر المحاضرات الأولى لو عجبتني هكمل و لو معجبتنيش هدخل إدارة

بس في ناس نصحوني أدخل محاسبة لإنها شغلها كتير وممكن خريج محاسبة يشتغل شغل خريج إدارة بس العكس غير صحيح

و عوزة أسألك هو ليه إنت إخترتي إدارة ؟

رابع حاجة .. المواد في ادارة ..

الترم الاول :

ادارة البنوك : اسقاطات للادارة او ربطها بعمل البنوك .. فيها اجزاء حسابية ممتعة

التخطيط و الرقابة : التخطيط انواعه كيفية تطبيقه و المتابعة

دراسات الجدوى : التخطيط للمشاريع الجديدة و معرفة جدواها من اكثر من ناحية ( تسويقية و مالية و و و )

المحاسبة الادارية : كيف يمكن للمحاسبة ان تستخدم في اتخاذ القرارات الادارية ..

بحوث العمليات : اساليب علمية تستخدم في حل المشكلات و اتخاذ القرارات



الترم الثاني :

الادارة الاستراتيجية : ام الادارة .. ادارة مستقبل الشركة ككل

بحوث التسويق : البحوث التي تكشف عن الفرص و المشاكل التسويقية

الترويج : مادة جميلة جدا تعلمنا كيف نروج لمنتج ما

نظم ادارية E : مادة تعلمنا كيف يمكن ان نستخدم التفكير المنهجي المنظم في الادارة

الادارة الدولية : الادارة الشركات متعددة الجنسيات و ما له علاقة بها

لشغل و علاقته بالتقدير ..

الشائع انها علاقة طردية .. اللي جايبين تقديرات عالية يلاقو شغل و اللي جايبين مقبول يعدو عالقهوة

و المنتظر اني اقول لا و الله علاقة عكسية .. ده اللي جايبين تقديرات دول مبيفهموش و بتوع مقبول دول اجدع ناس

و لكن في الحقيقة هو مفيش علاقة اصلا

احنا .. خريجين تجارة عربي .. لما بنتخرج بنشتغل ( غالبا ) مع موظفين و مديرين كانو خريجين تجارة عربي بردو

و زي مانتي عارفة المبروم على المبروم ما بيرولش

فبالنسبة لهم القصة مش قصة تقدير .. القصة قصة شخصية و دماغ هتنفع في الشغلانة دي و لا لا

و الانترفيوور اللي بيسال في التقدير و يغلس .. بيبقى عايز يستفز المتقدم مش اكتر

الرواتب بقى ..

المتوسط 600 جنيه ..

ميمنعش ان في ناس بتاخد 300 و في ناس بياخدو 1800 .. و كلهم خريجين تجارة

الفرق زي ما قلتلك فرق شخصية و دماغ .. و احيانا فرق شركات ..

( و الموضوع ملوش علاقة بالواسطة )





انواع الشغل بقى ..

كتير .. و اللي ما اعرفوش اكتر من اللي اعرفه ..

و لكن مجالات الادارة ..

اكثر المجالات شيوعا للولاد : السيلز

و السيلز نوعين يا اما Indoor يا اما Outdoor

الاندور يعني و انتي قاعدة على مكتبتك بتتصلي بالعميل و تقنعيه بمنتج شركتك .. دي شغلانة منتشرة جدا اسمها الـ telesalse

الاوت دور السليز مان المعروف اللي بيلف في الشوارع و في البيوت و على الشركات و هكذا ..

اكثر المجالات شيوعا للبنات : السكرتارية

السكرتارية احيانا و في بعض الوظائف الحكومية بتترقى و تبقى مديرة

لان السكرتيرة بتبقى عارفة كل تفاصيل الشغل تقريبا ..

ده لان دورها متابعة و تفييل filing كل ما يخص المدير .. من ايميلات و فاكسات و مراسلات

و طبعا الشغلة التقليدية استقبال الناس و التليفونات و الكلام ده


المجالات الاخرى المتاحة غالبا للخريجين ادارة :

- شؤون الموظفيين :

متابعة الحضور و الانصراف و المرتبات و الاجازات و الحوافز و السيفيهات و التامينات الاجتماعية

- الشؤون الادارية :

متابعة البوفيه و صيانة المبنى و ما يندرج تحت هذا المسمى

- الموارد البشرية :

التخطيط للموارد البشرية و وضع نظام التعيينات و اسس الاختيار و التدريب و نظم التحفيز و كل اللي درستوه في المادة دي

- التسويق :

معرفلوش تفريعات .. بس اعرف ان شغله قليل ..

- الاستشارات الادارية و بحوث التسويق :

يكلمنا عنها استاذ my24434

- خدمة العملاء :

متابعة العملاء سواء شكواهم او استفساراتهم او او .. تختلف عن السيلز في ان السيلز انتي بتروحي تقنعي العميل

بينما خدمة العملاء العميل هو اللي جايلك و طالب الخدمة .. و الاتنين طبعا فيهم احتكاك جامد بالناس

- التجارة الاليكترونية :

معرفش عنها كتير بردو ..

يمكن حضرتك وانت بتذكري الاسباب


تحسي انها مش منطقية و تتراجعي عن قرارك

المحاسبة الادارية : كيف يمكن للمحاسبة ان تستخدم في اتخاذ القرارات الادارية ..