انا كتبت 3 مواقف

وكل مرة اقول ايه دا انا هحكى دا ازاي

وامسحه واكتب غيره وامسحه

هفتكر موقف ينفع احكيه واجي تانى

لألألأ


انا مش عايز كده يا عم هيلسنج


مش لازم تحكيلي قصة مؤثرة او دراميه


احنا عايزين دردشه عاديه


مواقف يوميه


يعني انا بما اني شغال في البيع والشراء

بيحصلي مواقف كتير بصراحه



اخرهم ان في شاب في العشرينات


شغال معانا بقاله اكتر من خمس سنين

والدته بتصحيه الصبح لقيته ميت

بدون اي مقدمات وبدون اي اسباب

اتوفي

موت الفجاه بقه ظاهرة منتشرة

وخصوصا للشباب

مش عارف هو الموضوع صعب

ولا انا اللى مصعبها على نفسي



انا افتكرت موقف دلوقتى حصل فى اخر امتحان ليا فى الكلية

كانت مادة محاسبة منشآت

كان فى مسألة عليها 6 او 7 درجات تقريبا

الدكتور مدينا البيانات عن سنة2007

والمطلوب قائمة عن 2008

انا بعد ما حليت المسألة شفت السنين اتنرفزت جدا

دا ازاي يعنى !!!

واللى زاد الطين بلة

الدكتور داخل فى نص الوقت

يقولنا حلوا القسم الاول الاول وبعدين القسم التانى

وقالها 3 مرات بطريقة *****

وخرج حتى مسألش اى حد عنده استفسار

ساعتها خرجت من الامتحان من نص الوقت

وانا ب** على التعليم المصري

بس الحمد لله جبت فيها 8 واترفعت بقت 10

فاكره لما كنت بقدم في التنسيق سمعت ترشيحات كتير اوى من اهلي وكل اللي يعرفوني

واعجبت باللي قالوه بس نسيت حاجه مهمه اوي اني سمعت لكل دول ومسمعتش لنفسي

مع اني كنت عايزه تجارة من الاول بس قدام رغباتهم كتبت في الاول كلية الاداب

وجاتلي ولما ملقتش قسم مستريحه فيه قررت اني احول

كل اللي كانو بيتكلمو في الاول سكتو كلهم وقالو انتي اللي هتتحملي مسؤلية القرار ده لوحدك متجيش تقولي الكلية صعبة ومش قادره امشي فيها

خوفوني بصراحة

دلوقتي كلهم فرحانين جدا باللي انا وصلتله من قراري وكلهم بيقولو انها كانت عارفه اللي هي عايزاه ونجحت فيه لانها بتحبه

من الموقف ده اتعلمت اني اسمع نصايح من الناس لكن مسمعش منهم قرار يخصني واقرر انا بنفسي اللي يناسب ظروفي وقدراتي

وبعد ما اخد القرار منمدش عليه

يوم امتحان ال insurance
والدتى كانت تعبانه اوى
ومكنتش ناوى اروح الامتحـان وقلت ربنا يعوض عليا
بس اخواتى قعدوا يقولولى روح وكده المهم روحت
وسبحان الله والحمد لله لقيت نفسى جايب فى الinsurance
18 يعنى امتياز
اللى معملتوش فى بقيه المواد كنت جايب فى الباقى جيد
الا الماده دى جبت فيهــــــــــا امتياز
الحمد لله والشكــــــر لله

كان موقف

كان ابي وامي راحوا عمره في رمضان

ورجعوا ومعاهم مياه زمزم بقي وكده

فكنت عندي امتحانات وكنت مش بذاكر اوي وافضل اشرب مياه زمزم وادعي ربنا اجيب درجات كويسه

فعمي (الله يرحمه ويدخله جنه الفردوس ) كان بيقولي والله لو شربتي كل مياه زمزم اللي موجوده علي الارض

ومش بتعملي اللي عليكي

ربنا مش هايديكي الا علي قد تعبك


بجد بعدها فعلا اثرت فيا اوي الجمله دي

الله يرحمه

أنا كنت قبل ما ألتزم في الصلاة في مواعيدها و السنن كنت بلاحظ حاجة غريبة و هي إن كل شوية ألاقي مشاكل و أحس إن الحياة صعبة و إني متضايقة مع إني و الحمد لله عيشتي ميسرة
و أول ما قررت إني ألتزم في كل حاجة ربنا أمرني بيها زي مثلا الصلاة في مواعيدها (و هذا الإلتزام نتيجة لمعرفتي بأشخاص ملتزمة ) سبحان الله لقيت الناس كلها عوزة تخدمني و عوزة تقرب مني و حسيت بإحساس الفرحة من داخلي و السعادة يمكن عشان حسة إني لو ربنا قبض روحي أكون ريحالوا و أنا عملت إلي أمرني بيه الحمد لله ما بقتش خايفة من أي حاجة إلا من إني أرجع تاني أفكر في حاجة غير ربنا و أسأل ربنا الثبات و إني أكون إلتزمت عشان أرضيه مش لأي هدف تاني و إني لا أتشدد في ديني

و فعلا ساعتها فهمت الحديث إلي بيقول


قال رسول الله صلى الله عليه وسلم: "يقول الله تبارك وتعالى: من جاء بالحسنة فله عشر أمثالها أو أزيد، ومن جاء بالسيئة فجزاء سيئة سيئة مثلها، أو اغفر، ومن تقرب مني شبراً تقربت إليه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة ومن لقيني بقراب الأرض خطيئة، ثم لا يشرك بي شيئاً، لقيته بمثلها مغفرة".

و كذلك

قال رسول الله صلى الله عليه وسلم: "إن الله إذا أحب عبداً دعا له جبريل، عليه السلام، فقال: إني أحب فلانا فأحبه، قال: فيحبه جبريل، ثم ينادي في السماء فيقول: إن الله يحب فلانا فأحبوه، فيحبه أهل السماء، قال: ثم يوضع له القبول في الأرض، وإذا أبغض الله عبداً، دعا جبريل، فيقول: إني أبغض فلانا فأبغضه، فيبغضه جبريل، ثم ينادي في أهل السماء: إن الله يبغض فلاناً، فأبغضوه، قال: فيبغضونه، ثم توضع له البغضاء في الأرض".

كنت راكب في عربيه ميكروباص


وجه واحد كفيف (اعمي ) وكان النا اللي قاعده عارفينه


انه بيمشي علي البلاج في راس البر والناس بتديله فلوس وكده


المهم بدا يطلع فلوس اول حاجة ورقه بميه


وبعدين ورقه بخمسين وبعدين عشرينات وعشرات وخمستين


يعني اليوم ليه يعني ال 200 جنيه


الناس كلها استغربت جدا


وواحد قاله ما تشغلني بدالك يا فلان



الراجل قاله (طب ما تجيب عينيك وتاخد عينيه)


الكلمه دي فعلا صعبه يا جماعه

الناس كلها وانا اولهم كانوا بيبصوا للفلوس

ونسوا ان عندهم نعمه متتقدرش بمال



احنا محتاجين نشكر ربنا علي نعمه اللي احنا مش حاسين بيها


انا بشوف ناس كتيييييير محرومه من نعم احنا مش بناخد بالنا منها


بشوف ناس مش بيمشوا

وبشوف ناس بدل ما بتمشي بتحبي علي ايديها


وناس معوقين

وناس بدراع واحد

وناس كتير محرومه من نعم عندنا


واحنا ساعات كتير بننسي نقول الحمد لله


الحمد لله بجد كلمه لازم نحسها

فيه مواقف بتحصل بتخلينا نقول

دا لسة جوانا خير.. لسة بنحب بعض وقلوبنا صافية


موقف بسيط جدا حصل قدامي بس استغربته واعجبت بيه

سيدة وقفت بالعربية فى اشارة مرور

طلعت ازازة مياه فيها تلج

واديتها للعسكري اللى واقف فى عز الحر ومشيت

كان تقريبا الساعة 1 الظهر