إقتباس(إيــلاف @ 30 Jul 2008, 10:21 AM)
السلام عليكــم ورحمـة الله وبركاتــة ،،
مرحباً بكم جميعاً
الأخت العزيزة funny pharmacist فتحت الموضوع ده
عشان الأعضاء تدخل وتقول مواهبها إيه
والموضوع ده بقى عشان أصحاب المواهب .... سواء اللي شاركوا في الموضوع الأول أو أي أعضاء تانية تحب تشرفنا
يدخلوا ويكلمونا عن مواهبهم بالتفصيل
أو يكون الموضوع على شكل حوار سؤال وجواب
نبدأ أولاً بالشعر
ممكن تتكلموا عنها براحتكم أو تجاوبوا على الأسئلة دي
- إمتى بدأت تعرف إنك بتكتب شعر أو اكتشفتها إزاي وفي سن إيه ؟؟
-حضرتك شايف إن موهبة الشعر بتحتاج لقدارت معينة .... وهي إيه ؟؟
-حضرتك من اللي بيكتبوا أي نوع من الشعر ؟؟ عامي - حر - كلام موزون مقفي 
-هل حضرتك بتلتزم في شعرك بالوزن وعلم العروض وبحور الشعر المختلفة... ولا بتسيبها للموهبة بقى ؟؟
وهل حضرتك عندك دراية كافية بهذه العلوم ؟؟
- هل تعتقد أن الشعر بيحتاج لتجربة شعورية معينة - زي ما كنا بناخد في البلاغة - ولا بييجي في أي وقت ؟؟
- إيه اكتر المواقف اللي أثرت في حضرتك وخلتك تكتب شعر .؟؟
مش لازم تجاوبوا على كل الأسئلة-ولو إنه الأفضل - بس إختاروا اللي يناسبكم
انتظركم ...
وعلى فكرة في ناس كتير في ساحتنا بتكتب شعر ومش عايزة أقول أسامي
انطلقوا السلام عليكم
متشكر جدا يا دكتورة ايلاف على دعوتى لهذا الموضوع الجميل
![36_2_53[1].gif](http://www.alltalaba.com/board/style_emoticons/default/36_2_53[1].gif)
عموما انا هحاول اجاوب على أغلب اسئلة حضرتك
و ان كنت ارى اننى غير أهل لأكون موضع هذه الأسئلة .. بس خير
إمتى بدأت تعرف إنك بتكتب شعر أو اكتشفتها إزاي وفي سن إيه ؟؟
يعنى انا كنت بحب الشعر من و انا صغير خالص و كنت بحب أوى احفظ النصوص
اللى كانت عدندنا فى المدرسة ، و كنت بحاول اكتب من و انا فى خامسة ابتدائى
و بابا شجعنى على كدة جدا ، لكن أول قصيدة حقيقية كتبتها كنت فى 2 اعدادى
كانت بعنوان ( لسانى يا عربى ) و اخدت عليها جايزة من المدرسة.
حضرتك شايف إن موهبة الشعر بتحتاج لقدارت معينة .... وهي إيه ؟؟
وجهة نظرى ان الموضوع بسيط مش محتاج قدرات خارقة يعنى ، هو طبعا محتاج موهبة و لو بسيطة
بس ممكن تتنمى و محتاج حب للشعر ، و بعد كدة محتاج شوية تعب فى تنمية الموهبة و ده عن طريق
كثرة القراءات الأدبية لسببين : 1- عشان التنمية الحسية لتنمية المشاعر .
2- عشان التنمية اللغوية و الالمام الجيد باللغة العربية ( مفردات و قواعد )
بس لأن الشعر عبارة عن موهبة + احساس + لغة .
حضرتك من اللي بيكتبوا أي نوع من الشعر ؟؟ عامي - حر - كلام موزون مقفي
هو انا مش بعرف اكتب شعر عامى ، بس بكتب الشعر العمودى ( الأبيات المنتظمة ) و بكتب شعر حر
و ان كنت أميل أكتر للشعر الحر .
هل حضرتك بتلتزم في شعرك بالوزن وعلم العروض وبحور الشعر المختلفة... ولا بتسيبها للموهبة بقى ؟؟
وهل حضرتك عندك دراية كافية بهذه العلوم ؟
طبعا فى الشعر العمودى لازم التزم بالوزن و علم العروض و البحور
، بس فى الشعر الحر بتبقى الحكاية أكثر تحررا ، وان كان فى النهاية لازم يبقى
فى حد أدنى من الالتزام على الأقل بالوزن و القافية
بالنسبة للدراية فانا كنت قرأت شوية فى علم العروض و أبحر الشعر فى كتب أدبية
و ان كانت هذه القراءات لا ترقى للدراسة الأكاديمية ..
بس متهيألى ان الموضوع ما ينفعش يتساب للموهبة كدة و خلاص
، على الأقل تبقى فيه شوية قراءة .
هل تعتقد أن الشعر بيحتاج لتجربة شعورية معينة - زي ما كنا بناخد في البلاغة - ولا بييجي في أي وقت ؟؟
متهيألى ان ده بيتوقف على نوع الموضوع ، بس فى النهاية الكتابة انطلاقاً من تجربة شعرية معينة
أصدق بكثير ، و أروع القصائد التى كتبت على مر العصور و باختلاف الشعراء و أنماط الشعر كانت تنبع
من تجارب شعورية صادقة لأن زى ما قلت فى البداية ان الشعر فى نظرى = موهبة + احساس + لغة .
- إيه اكتر المواقف اللي أثرت في حضرتك وخلتك تكتب شعر .؟
يعنى ايام مؤتمر أنابوليس كتبت قصيدة ، و قبل امتحان السيوتكس 3 بساعة
كتبت قصيدة مش عارف ازاى .... مفيش دم بقى
أخيرا اتمنى لو أننى لم أكن ضيفا ثقيلا عليكم .
و أكرر شكرى و امتنانى ثانية لدكتورة ايلاف على دعوتها لى .
![36_1_55[1].gif](http://www.alltalaba.com/board/style_emoticons/default/36_1_55[1].gif)
![36_11_6[1].gif](http://www.alltalaba.com/board/style_emoticons/default/36_11_6[1].gif)
![36_3_13[1].gif](http://www.alltalaba.com/board/style_emoticons/default/36_3_13[1].gif)