ريزو عامله الموضوع عشان تنشط الساحه شويه

بدل ما هى نايمه كده



ردوا على الموضوع و نشطوا الساحه بقى

مش فاكر

وعليكــم السـلام ورحمة الله وبركاتـه..

أنا هاحكى شوية مواقف حصلت لى بس فى الكلية

الموقف الأول

الزمان : الساعة 4 العصر بعد محاضرة اناليتيكال + محاضرة كمبيوتر عملى +محاضرة كمبيو نظرى

المكان : مدرج رجبـ فهمى

أحد البنشات اللى ورااااااااااااااا

المحاضرة : مراجعة الــ buffer بتاع الفيسيكال فارماسى

المحاضر : د. سهامــ

الموقف : الواحد قاعد فى الكلية من صباحية ربنا عشان يحضر مراجعة البافر لاننا مش فاهمين حاجة من دكتورة سوزان

فى الجزء دة من الصبح الساعة تمانية لحد الساعة 4

طبعا حضرنا شوية محاضرات كدة اناليتيكال ثم كمبيوتر عملى و نظرى

يعنى الواحد كان بيفتح عينه بالعافية و المدرج كالعادة زحممممممممممممة مفيش مكان حد يقف

الواحد لقى مكانــ ورا بالعافية

د . سهام تدخل و تبدأ الشرح

الواحد بيحاول يركز 100 % عشان ميضعش فى جزئية البافر

الاخت اللى قاعدة جنب راحت ماسكة علب ال cans اللى قدامها و كل شوية تخبط فيها

اروح ابص لها و اانفخ يمكن يكون عنده احساس

و البنت اية مستمرة فى الخبط >< بصراحة كنت حاسة انى هارتكب جريمة قتل

بعد نص المحاضرة البنت خبطت الكانس جامد اوى فالدكتورة خدت بالها و بصت لها

تفتكروا بطلت خبط ؟؟؟ ابدا خمس دقايق و الخبط اشتغل تانى

و بعد شوية راحت سابت المحاضرة و مشيت

و هى ماشية كل الناس اللى جنبى - سبحان الله - راحوا باصين لها كدة بقرف

و كان شكلهمــ هيستونوها على الناصية بعد المحاضرة عشان يتصرفوا معاها

بس الحمد لله انها قامتــ فى اكتر جزء كنت محتاجة افهمه

دة اولــ موقف بجد مش عارفة لية فى ناس معندهاش احساس بالمسؤلية بالشكل دة؟!!

طب لو انتى مش مهتمة بالمحاضرة اخرجى من الاول لية تعطلى غيركــ اللى نفسه يستفيد و مش بياخد دروس ؟؟

مش عارفة بصراحة كان نفسى اقول لها " لما انتوا مش قد الصيدلة بتدخلوها لية؟؟"

ميرسى يا د. ريسونانس يا عسل على الموضوع الجميل دة

و هاشوف لو افتكرت مواقفــ تانية كدة

أنا هاديكوا كذا موقف بقي

خدو عندكم

مرة كنت راكب ميني باس الجمعية

بالرجوع الي التعريفات في كتاب ابلة نظيرة فميني باس الجمعية هو اتوبيس صغير 28 راكب هتلاقو منه في ميدان الجيزة كتير رايح فيصل وهرم وبولاق وارض اللواء والدقي وووو

المهم المهم

انا ركبت الميني باس ده مرة من علي شارع الهرم
وكان كله قاعد كمت الوحيد اللي واقف

فالراجل اللي بيقف ينادي قاللي "خش جوه يا استاذ "
فدخلت جوه لغاية نص الميني باص تقريبا

ودخلت بعديا ناس كتيرة
المهم اني كنت واقف جنب كرسيين معينين
وقاعد فيهم اتنين رجالة جنب بعض واحد شاب والتاني كبير

وفضل الميني باص ماشي شوية فاراجل الكبير الحمد لله قرر ينزل وانا قعدت مكانه جنب الشاب التاني

المهم بقي طبعا طالما انا هاقعد جنب شاب تاني يبقي اقعد براحتي انا مش قاعد جنب واحدة مثلا
فقعدت براحتي ورجلي مسنودة علي رجله عادي وانا كل شوية اقوم ساند رجلي علي رجله شوية بعدين افتكر فاشيل رجلي عشام مضايقهوش وكده


المهم انا كل ده مبصتلوش ومتكلمتش معاه وكنت باصص قدامي ناحية قدام يعني ومكنتش باصص ناحية الشباك خالص

وفجأة قررت ابص ناحية الشباك

واذا بي




واذا بي



واذا بي




اكتشف ان اللي قاعد جنبي دي بنت ومش ولد ومتبرجة كمان ربنا يهديهيا

بجد لحد دلوقتي مش عارف ازاي مشوفتش لوا اتعميت


المهم اني لما بصيتلها اتنطرت فجأة نطرة وكأني شوفت عفريبت مثلا

اتخضيت بجد


هاحكيلكم موقف كمان في المشاركة الجاية

هو انتي من الغلابه اللي حضروا الbufferمع د/سهام زي حالاتي




ده كان حته يوم





مقلكيش




بس انا كنت احسن حالا منك



كنت قاعده علي كرسي




محشور وسط كراسي كتير علي سلالم المدرج




بس الحمد لله فهمت



بس كان فيه تهييس جامد اوي بعض المحاضره



خصوصا زي مانتي قلتي





انا بقي كان سيكشن انالاتيكال مش محاضره بس



خـــــــــــــــــــــير

ان شاء الله في مواقف تانيه كتيييييييييييييير هحكيها



بس لما يبقي ذهني صافي




خصوصا في الشفوي يعني




لي عوده ان شاء الله

مش عارف يا بنى انت اتعميت والا اصطعبط




انا بقى اختى قالتلى اشتريلى بالطو

المهم رحت محل اسمه يونتكس

وقلت للبنت اللى هناك عايز بالطوا

سألتنى مقاس مين فأنا سكت شوية وقلتلها مقاس اختى

طيب هو فين الموقف يا دكتور رائف

انا اسف كنت مستعجل شوية فمكملتش

بس اختى مكنتش معاى ساعتها انا كنت لواحدى وقلتلها البالطوا مقاس اختى

المفروض نضحك يعنى؟؟؟؟؟؟؟؟؟؟؟؟




هههههههههههههههههههههههههه

موقف جامد والله
بس مقولتلناش البنت رديت عليك ازاى ساعتها




مش عارفه انا ايه اللى جايب بتوع طب هنا

خدوا ده منى


زمااااااااااااااااااااااان




و انا صغير


راجل جارنا


تعبان و مش بيقدر يمشى كويس

المهم

قال لى تعالى يا بنى


قلت له نعم يا عمو


قال لى روح هات لى تاكس عشان اروح للدكتور



قلت له ماشى يا عمو

و طبعا كان عادى جدا انى ما اخدش منه فلوس لان هو اللى هيبقى يحاسب السواق


المهم


روحت ..


طبعا مش لوحدى

كان معايا واحد صاحبى دلوقت عقبال ولادكم ملازم اول


روحنا احنا الاتنين



طبعا فى الاول مفيش تاكس راضى يقف لنا عشان شايفنا عيال



بالعافية لما واحد رضى و قلنا له تعالى عشان كذا و كذا



رايحين بقى و فرحانين اننا راكبين تاكس و كده


و اذا بنا نلاقى الراجل- منه لله - راكب تاكسى تانى




مش كده و بس


لالا



ده بيشاور لنا بايده


قال بيحيينا قال


و قال لنا كلمة كده

زى جزاكم الله خيرا و الحاجات دى



الواد اللى كان معايا اتخس


انا بقى عملت حركة حلوة


وقفت التاكس فى شارع رئيسى


و قلت للراجل ثوانى هنطلع نجيبه من فوق


و خدت حضرة الظابط - قصدى الواد صاحبى و هات بقى يا جرى فى الشوارى الضيقة لغاية ما وصلنا فى حتة معرفش رجعنا منها ازاى ..


و فضلت قاعد فى البيت ايامها ييجى يومين فاكر ان الراجل هيسيب اكل عيشه و يدور علينا

مسكين و الله الراجل ده


هو انا صحيح اللى خلانى اروح اجيب التاكس !!

كان فى سنه تانيه فى السيوتكس فى المعمل ..
كان المفروض بنحضر حاجه فى ازازه كده و فيها sod.bicarbonate

عشان تعمل صوت بيبسى ..
المفروض انه كان حاجه بسيطه اللى حتتحط
قامت صاحبتى حطت بتاع 3 معلاق كبيره ..

راحوا عشان الدكتوره تشوفه ..
لسه بتمسك الازازه و حتفتحها ..


قامت انفجرت

و عملت صوت عالى اوى


المعمل قعدوا يصرخوا و الدكتوره اتضخت
و جريت من مكانها من الخضه ..


السكشن اللى بعده لما راحو عشان تشوف اللى عمله
قامت قالتلهم استنوا
و بعدت بتاع متر و نص
و قالتلهم افتحوا بقى

ايوه يا دكتور


البنت رد فعلها ايه؟؟!!!!!!!!

قامت جابتلى بالطوا وقالتلى ده على ادها

هههههههههه

طب صدقني عسل


والله لو كنت قاعد لكنت زعقتلها

انا -ولله الحمد- مش بخاف غير من اللي خالقني

مواقف حلوة أوي

مواقف جامدة

الحقيقة هو مش موقف حصل هو فكرة رائعة خطرت على ذهني فكرة كنت متخيلة



عند تنفيذها سيتغير مسار هذه الكلية وتحل كل مشاكلها وشيق سعتها في تحمل عدد الطلبة المتزايد



فكرة قلتها لصحباتي ووافقن عليها وأشدن بها



فكرة فكرت ان أعرضها على عميد الكلية


هي




هي




أن نشتري






مسرح فيصل ندى لأنه من وجهة نظري لا فائدة منه





ونضمه على الكلية

وذات يوم



والجو صحو ومشمس



خرجت من الباب العريق للكلية المرموقة


وأنا في اتجاه زيروكس



وفجأة لاحظت أن هناك





أن هناك شارع كامل بين المسرح والكلية


لم أره من قبل أو بمعنى أصح مخدتش بالي منه خالص قبل كده وكأنه هبط من السماء





واكتشفت مقدار ذكائي الخارق ونباهتي وكذلك نباهة أصحابي



وحمدت الله على أني لم أعرض الموضوع على العميد



ومن يومها عرفت أنني super genius وتوقفت تماما عن التفكير

السلام عليكــم ورحمـة الله وبركاتــة ،،



شبيه بموقف حصل معايا عبيط جدا وكان من السهل جدا اتفادى حصوله بس أهوه بأه

في معمل العضويه وبنعمل تجربه بتبدأ بlassainge test
وطبعا كلكم عارفين الصوديوم مع الماء
المهم انا حطيت الunknown جوه قطعه الصوديوم ولفيتها كويس ولسه جاى أحطها في ال ignation tube وقعت مني في الحوض



قطعه الصوديوم عماله تفرقع فراقيع صغيره وانا متغاظ جدا لني كنت لا فف البتاعه دي بطريقه رائعه :

















المهم اني في النهايه قررت أخلص التفاعل



أدور على ايثانول في المعمل كله ولقيته هناك على آخر بنش




ياه لسه هامشي من اول المعمل لآخره

مشوار بردو

المهم في الأخر رحت قايل للجنبي واللي جنبه لآخر البنش : ابعد يا بني انت وهوه

ورحت فاتح المياه عى آخرها

و











بوم ...............



طبعا كتا لسه في اولى وقتها ...........أطفال يعني وألا قي المعمل كله طلع يجري وكاني عملت مصيبه

والمعيد اللي كان معانا جه جري وقعد يزعق ويتخانق

وانا عمال اقول في نفسي : عبيط ده ولا ايه

ايه المشكله في فرقعه بسيطه من حقي كمواطن

ههههههههههههههه

فرقعة بسيطة برده

بجد حلوة اوى المواقف ديه

طب احكى ولا انتو خلصتو حكاوى

مش عارفة بصراحة انا مكسوفة اصلا خلاص مش هاحكى مش هاحكى

بجد الموقف دة حصل
كنت راجع من الكلية مع واحد صحبي
وماشيين أمام الجامعة وبنتناقش في موضوع الزواج
وإن اي شاب بيمشي مع واحدة بيسبها
المهم
واحدة جات من ورانا وسبقتنا قليلا
وكانت محترمة جدا فقلت لة هي
دي اللي تنفع للزواج
قالي اة ماشاء اللة دي كاملة من كلة
نظرت ليا لانها شافتنا من الخلف وعرفت احنا مين
تعرفوا طلعت مين

معيدة عندنا في الكلية وكمان
نعرفها معرفة شخصية وبنعزها اوي
المهم إن دة كان اكتر موقف محرج في حياتي

انا عن نفسى نفسى امسح المواقف اللى كدا باستيكة

.... غلطة مطبعية ....