السلام عليكــم ورحمـة الله وبركاتــة ،،

هل يوجد قاموس عربى انجليزى لاكثر الكلمات شيوعا بمناهج كلية الصيدلة؟؟؟

وكيف يمكن التغلب ع صعوبة المنهج باللغة الانجليزية؟

وعليكم السلام ورحمه الله وبركاته

اهلا ومرحبا بكي يااسيا منوره

ياه رجعتيني لايام زمان
شوفي انا جربت اعدي الترم الاول في سنه اولي من غير قاموس ناطق لقيت الوضع صعب لان حتي في كلمات انجليزي عاديه مكنتش عارفها واستعمال قاموس عادي كارثه لانه بيضيع وقت كتير وتلاقي نفسك تفتحي وتقفلي الكتاب علي نفس الصفحه

جربت بعد كده قاموس المورد الناطق بصراحه استريحت جدا
هوا صحيح كان في مصطلحات معينه وخصوصا بتاعه العقاقير مكنش القاموس بيطلعها لانها لاتيني بس حللي حوالي 90 % من المشكله
ومع الوقت بتلاقي ان الانجليزي بقي لعبتك ومشكله اللغه اتحلت وطلعت بدالها مشاكل تانيه
يارب اكون عرفت افيدك

زي شكة الدبوس بتوجع في الاول بعد كدة مهما الدبوش غرز مش هتحسي بحاجة
بس نصيحة .... بلاش ترجمة حرفية
في مقولة شهيرة بتقول
( الترجمة طريق مرصوف إلى الفشل )
يعني حاولي تاخدي الحاجة على بعضها ... ما تحلليش كل حرف وكل كلمة
وحاولي تفهمي الانجليزي بالانجليزي مش بالعربي
يعني خللي عندك قاموس English to English
هيساعدك كتير

بعد حوالي شهر مش هتحسي بالموضوع دة خالص وهتلاقي الموضوع عادي جدا
وبالتوفيق ان شاء الله

هي الصعوبة اول شهر بس
اصل الانجليزي مش انجليزي بتاع بره
لكن بدل مانقول : الكيمياء خلوها chemistry عادي يعني العمليه ان شاء الله مش صعبه
وأهلا بحضرتك معانا

بصي مش هقدر اقولك حبيبتي اكتر من الكلام ده




انا اهوا نا واحده من الناس الضايعيين اللي كانوا في اولي

وكنت في حكومي يعني


بس بجد بقولك اني اتعود علي الانجليش من قبل ماخلص الترم الاول


يعني الموضوع مش هيتعدي معاكي اول ترم

واحتمال اول تلات اسابيع


بس بجد بجد متقلقيش خالص يا اسيا يا حبي


واحنا شباب اولي سابقا معاكي في اي حاجه عايزاها اوكي

بصى يا بنتى كل ما تتعبى فى الاول كل ما الموضوع حينتهى معاكى اسرع يعنى ممكن يستمر شهر او اققل حسب جدعنتك

يعنى متخفيش من الاول كدا

بس الحاجة اللى مش فهماها تجيبيها من القاموس لو اتكررت او واقفة معاكى و مش فاهمة منها حاجة

يعنى الحاجة اللى تعدى عديها

و اللى تقف طلعيها من قاموس عربى او انجليزى مع انى افضل الانجليزى زى ويسبر

و على طول تطلعى مش تحبطى خالص

كل شعب صيدله كان زيك حتى اللغات


يا ويسبر

اية النور دا كلللللللللله

تخيرا يا بنتى طليتى على ساحة صيدله الغلبانة

يلا عوزة اشوفك كتييير

السلام عليكــم ورحمـة الله وبركاتــة ،،
جزاكم الله كل خير

لكن قاموس المورد ده اجيبه منين؟؟؟

انا عندى قاموس انجليزى انجليزى بتاع ثانوية عامة

لكن المشكلة انى بترجم الكلام كلمة كلمة وبردوا بفهم الفكرة الرئيسية

شىء غريب

لكن الكلمات الغريبة لازم اكون عارفاها عشان الشفوى

والتحريرى

كان بودى اسألكم عن نظام الكلية والامتحانات بتيجى ازاى ؟؟؟

ده اذا ما كان عندكم مانع

وكمان المواد اللى هدرسها فى اولى صيدلة القاهرة؟؟؟

ونعرف جدول السكاشن ازاى ؟؟؟

اول يوم بيطلبوا منا كتب ولا بيصبروا علينا
اه والكتب نجيبها منين ؟؟؟
وشكرا
شكراً لكم

السلام عليكم ورحمة الله و بركاته

أهلا و سهلا بيكي يا دكتورة معانا فى كلية صيدلة

عراقة .... ريادة .... تميز


المهم



أولا : نظام الكلية

الكلية نظامها يعتمد على حضرتك عايزة منها إيه ؟؟
فلو حضرتك عايزة تخرجى بتقدير إمتياز و ترتيب كل سنة و تتعيني معيدة فى الكلية
هتلاقي الكلية تقريبا أسهل من الثانوية قليلا ...... و الموضوع ده سهل إن شاء الله

ولو حضرتك محتاجة شهادة و خلاص .... يبقي هتلاقي الكلية صعبة جدا و الموضوع مكلكع
طبعا ... لك الحق أن تستغربي من الكلام السابق

و التفسير بسيط

لإنك إذا كنت تريدي التعيين فهتلاقي المنهج متابع معاكي و إنت مستريحة نسبيا و مركزه فى حاجة و احدة
أما إذا كنت من مريدي الشهادة فهتلاقي السنة معاكي زي العسل لغاية قبل الإمتحانات و هتلاقي الكلية مكربسة
ومش مالحقة المناهج و مش مكملة

{ دا رأيي الشخصي }

الإمتحانات بقي .. إختلف فيها العلماء
لكن غالباً .. من المحاضرات



المواد بتاعه أولي دى سهلة جدا
كيمياء فيزيائية , كيمياء تحليلية , تاريخ صيدلة , كيمياء عضوية , نباتات طبية , رياضة
دا الترم الأول




الجدول بيكون متعلق فى الكلية و بتنقلوه أول يوم أو قبل كده



الكتب بتنزل فى أول أسبوعين و الدكاترة بيقولوا فى المحاضرات على أماكن البيع








نهاية , ربنا يوفق حضرتك فى الكلية , و السلام

اهلا بحضرتك معانا يا دكتوره

وان شاء الله لو فيه عند حضرتك اي استفسارات ادينا موجودين.........يعني حنا ورانا ايه

اهو الواحد يحس انه بقي خبره

بس والله بيصعبوا علي بتوع سنه اولي ....كل لما اشوفهم اضحك

السلام عليكم ورحمة الله وبركاته
جزاكم الله كل خير

سنة أولى شكلهم بيضحك ليه يا دكتور احمد هم لابسيين بهلوان وماشيين ف الكلية ولا ايه
هم أينعم تحف بمعنى الكلمة لكن اكيد مش زيكم عندهم خبرة بالكلية

وميصعبش عليك غالى ان شاء الله

السنين بتعلم



واللى كان صغير صار كبيييييييييييييييير

ع العموم اشكرك على مداخلاتكم الرقيقة جدا

بس هم الكبار بيعرفوا منين اننا الدفعة الجديدة
اصل كل ماحد يشوفنى فى الكلية يفتكرنى سنة اولى
انا فعلا سنة اولى بس بيعرفوا منين ممكن اكون محولة ؟؟

الغريب فعلا ان فيه واحدة ف سنة تانية تحفه بتسالنى باب الكلية التانى فين؟؟؟










انا لى واحدة صحبتى فى صيدلة عين شمس بعتولها رسالى ع الموبيل مفادها انها تيجى تحضر محاضرات مجانية من اول 16 \8

مش عارفة جامعة القاهرة نظامها ايه؟؟؟

وان كمان فى مهرجان او احتفال بالتحف الجديدة (الدفعة الجديدة)
امتى تكون الحفلة ؟؟؟

ايه يا دكتور احمد


ماحنا برده نعتبر لسه في اولي




وبعدين زي ما اسيا قالت







الصغير بيكبر

ههههههههههههه

ما هي قالت اي حدد في سنه اولي بيتعرف من مظهره

بحس انه أما تايه في الكليه

او مبرمج انه يدخل المحاضره ويمشي من غير ما يبص جنبه حتي

علي الموم الغير بيكبر

يعني انا متخيل لماا كنت في سنه اولي كانت الناس بتبصلي نظرات غريبه ( يعني نفس النظره )

يا رب تنورونا في الكليه وتجيبوا تقديرات كويسه في سنه اولي ( اسهل سنه

وهتكتشفوا كده مع مر السنين

دكتوره lightflower حضرتك دلوقتي في سنه تايه

يعني خبره في الكليه

ايوه يا دكتور احمد



انا داخله تانيه مش في تانيه






هناك فرق بس اهو



طبعا اخدت خبره من السنه دي






واتعلمت حاجات كتير

مش هقول اكتر من اللى قالوه اهل صيدلة

بس اهم حاجة مش تدى حاجة هم اكبر من هما

يعنى سلميها لله ....وهتحسى مرة واحدة ...ايه ده انا عرفت كل ده امته ومنين

وهتقولى درة قالت

آه في حفلة بس لسه مش بنعرف ميعادها دلوقتي

أبقى أقولكم عليها لو عرفت الميعاد


وإنتوا إسألوا عليها برده لو عرفتم