اولا انا لسة جديد هنا و الصراحه شكلها هتبقى صحبة فل
ثانيا كل اللى هنا ناس زى العثل و الطحينة
ثالثا ادعولى اخش تجارة انجلش
رابعا يا ريت تقبلونى كصديق ليكوا
خامسا انا كان نفسى اخش اعلام بس بعد ما شفت المنتدى ده حمدت ربنا ان التنسيق ابن ال----- جابلى تجارة
سادسا معطلكمش بقى سلام

اولا وثانيا ومليون اهلا بحضرتك معانا وان شاء الله ربنا يوفقك في اللي فيه الخير ليك

اهلا بيك معانا وبكل من دخل هذه الكلية العظيمه

وان شاء الله زي ما قلتلك مش هتندم

هيه تجاره السنه ديه خدت من كام فى الأدبى والعلمى

انا اعرف ان تجارة خدت 85% ادبى يعنى 351.5 انما علمى ماليش فية عشان انا مش وش الحاجات دى
اعوذ بالله من كلمة علمى دى بكرهها موت

اهلان بيكوا يا شباب ..

اهلا بيكم يا شباب في الكلية والمنتدي


ان شاء الله احنا معاكم في اي استفسار او مساعدة


وربنا يوفقكم في الكلية وتبقوا من اكثر المتميزين فيها

انا عندى كام سؤال بس ياريت الاقى رد سريع
اولا ايه الحاجات اللى اخدها معايا و انا رايح التقديم فى تجارة القاهرة؟
ثانيا فى كشف طبى فى نفس يوم التقديم و لا بعديه و لا مفيش اصلا
ثالثا المتوقع ان تجارة انجلش تاخد من كام انا جايب 87.8% مجموع كلى و 48 انجلش و علمى

متهيألى كان فيه خط ساخن بتاع الجمهورية عشان الاستفسارات دي

اتصل ب 139 ممكن ان شاء الله يجاوبوك

139 ده الاسعاف تقريبا انا بهظر هوه مفيش حد دخل تجارة و يعرف رد لاسئلتى ؟؟

ThE dE@Th

هحاول اسأك وشوفلك كده

وأهلا بيك معانا

إقتباس

انا عندى كام سؤال بس ياريت الاقى رد سريع

حاضر

إقتباس

ولا ايه الحاجات اللى اخدها معايا و انا رايح التقديم فى تجارة القاهرة؟

الملف اللى حضرتك سحبته وصور 4 فى 6

إقتباس

ثانيا فى كشف طبى فى نفس يوم التقديم و لا بعديه و لا مفيش اصلا

لو انتظام فى كشف طبى فى يوم مختلف عن يوم التقديم هتسال عليه فى الشئون

لو انتساب مفيش كشف طبى

إقتباس

ثالثا المتوقع ان تجارة انجلش تاخد من كام انا جايب 87.8% مجموع كلى و 48 انجلش و علمى

هو حضرتك انتظام ؟

87 علمى ..

حضرتك هتدخل تجارة عربى مش انجلش ابدا

وعموما حضرتك بتقدم فى تجارة انجلش عادى .. بتسحب استمارة من الشئون الاستمارة ب 150 ج

وبعد فترة بيقولك اتقابلت تجارة انجلش ولا لا

بس لازم تكون انتظام طبعا ..

وربنا يكتب لحضرتك الخير

واهلا وسهلا بين اسرة كل الطلبة

شكرا يا رجالة و الله انتوا 100%
و اه انتظام مش هقبل؟؟ يا خسارة
كنت عايز ابقى معاكوا و الله لاكن باين مفيش نصيب على
العموم هقدم و اللى فيه الخير يقدمه ربنا

إقتباس

شكرا يا رجالة و الله انتوا 100%

إقتباس

و اه انتظام مش هقبل؟؟ يا خسارة

حضرتك هى تجارة عربى جميلة جدا مش وحشة ..

إقتباس

كنت عايز ابقى معاكوا و الله لاكن باين مفيش نصيب

ليه ياافندم .. ماحنا تجارة عربى ..

وعلى فكرة هى كلية جميلة جدا للى يفهمها صح ويحبها ..

عادى بقى ماتزعلوش
يعنى مفيش امل خالص؟؟

بص يا حاج انا قدمت تجاره انجلش فعلا بس انا ادبى
بص يا سيدى
التجاره انجلش بتقبل من 80% فى النجلش بمعنى انك تكون جايب على الاقل 40 فى الانجليزى
هاتروح معاك 6 صور شخصيه و استماره النجاح و نموذج 2 جند هاتجيبه من مكتب التجنيد اللى فى حلميه الزيتون
و على فكره الكشف الطبى لبتوع تجاره يوم 27 اغسطس
و لو عاوز اى استفسار تانى قول
سلاموز

انت 100% يعنى 48 فى الانجليزى ممكن اقبل؟

ياافندم مش بمجموع الانجليزى بس ..

بالمجموع الكلى + درجة الانجليزى ..

صح انتى كده صح لانى قاريت على موقع الجامعة


المصدر:

اعتقد تجاره انجليزي كانت واخده السنه اللي فاتت فوق 92% ادبي وعلمي اعلي طبعا

ممكن تعوض موضوع تجاره انجليزي ده

خش تجارة عربي واتفوق في الترم الاول او السنة الاولي علي ما اعتقد

وممكن تخش تانيه تجاره انجلش

بس اقسام محدد

وممكن تعوض الموضوع بالكورسات في الانجليزي

الناس اللى هنا دى بتقول كلام زى الفل

يا جدعان اصحوا معايا
انا و الله مقدم انجلش
92% ابه بس
ايه النوم ده
هما 40 درجه فى النجلش
و المجموع الاعتبارى لازم يكون 400
الكلام ده علمى و ادبى
و انا متأكسد خمسميه فى الميه
انت بس قدم و اتكل على الله
بس برضه انت غلطان
عشان انت جاى متأخر اوى و بتقول عاوز انجلش
بس ربنا يوفقك
و قوللى انت جبت كام فى الميه ومجموعك كام
و نشوف

انا ماجتش متأخر و لا حاجة النتيجة كانت يوم الخميس متاخر فين؟
انا جايب 87.8% علمى و 48 فى الانجليزى

بص يا معلم
اولا معلش اصل انا افتكرتك مرحله اولى
ثانيا اعتقد مش هاتلحق انجلش
خش تجارة عربى
هى اينعم مالهاش لزمه
بس اسمها كليه و خلاص
و ربنا يوفقك

ربنا معاااااااكم كلكم كليه تجااااااااااارة حلو وصعبه عاااايزة مزااااااكرة

انا كاااان نفسي ادخلها من سنتين بس ربنا وعدني باللي احسن منها بكتيييييييييييييييييييييييييييييير

حــــــــــــــــــــــــــــــــــــــــــــــــــقــــــــــــــــــــــــــــ
ــــــــــــــــــــــــــــــــــــــــــــــــــــــــــو ق

حقيقي اعظم كليه في مصر واول كليه في مصر و بحبها جدا جدا

ربنا معاك يا نجم

اهلا بيكو كلكو يا شباب المستقبل الجميل

والكلية بجد هتنور بوجودكم فيها

واهلا بيكم في بيتكم الثاني ومنتداكم الجميل كل الطلبة

السلام عليكم انا داخل اولى تجارة انتساب ويارب نكون اصحاب ونساعد بعض انا نفسى اكون اصحاب من المنتدى الجميل دة
و

اهلا اخ محمود

هتلاقى هنا اخوة ان شاء الله يكونوا اصدقاء

ويكون المنتدى اضافة ليك ان شاء الله

ياهلا بالاخوه الجدد نورتونا

السلام عليكم ورحمة الله وبركاته،،
بسم الله الرحمن الرحيم
انا اخوكم عمر عبداللاه انا داخل ان شاء الله مودرن اكدمى قسم نطم ومعلومات ودى تقريبا تبع تجارة
وانا بصراحة معرفش حد فى القاهرة ولا حتى اعرف امشى فيها ففممكن تقبلونى صديق ليكم
وجزاكم الله خير

اهلا وسهلا ياافندم

السلام عليكــم ورحمـة الله وبركاتــة ،،[

[/indent]]بســم الله الـرحمــن الرحيــم[

]انا اميرة وقدمت على تجارة انجلش ويارب تجيلى

]ادعولى يا جماعة [indent]

]واللهى قلبى اتفتح اكتر لتجارة بعد ما شوفت المنتدى ومواضيعه الجامدة

انا بقى جاتلى تجاااااره عين شمس فى التنسيق.....وانا اصلا كنت عايز هندسه لانى علمى رياضه وكان نفسى احقق حلمى وفكرت ادخل خاص لكن لاقيت انى هدفع مصاريف عاليه جدااا وهطلع اقعد فى البيت واخيرا قدمت تجاره انجليش النهارده ومستنى نتيجه التنسيق الداخلى ولغايه دالوقتى نفسيتى مش مرتاحه وصعبانه عليا نفسى وخايف ادخلها ومحبهاش مش عارف ليه؟؟؟!!!!!!!!

اهلا بكل الي دخلوا تجارة ويارب يوفقكم ويكتبلكم الخير فيها


وربنا يوفقق يا مودي ويعوضك خير ان شاء الله في تجارة


وبجد بجد

في تجارة هتعيش احلي سنين

السلام عليكــم ورحمـة الله وبركاتــة ،،
كيف حالك إن شاء الله دائمــاً بخير ؟
hانا لسه داخله تجاره السنه ودوخونى فى بورسعيد علشان التقديم وعلشان الاستماره بتاعت انجلش بس فى سؤال انا جايبه 85 ونصف ادبى و43 ولحد دلوقتى تجاره انجلش تقبلنى بس انا جايبه 40 فى الفرنساوى وهم بيقولو السنه دى تكون 90% فهل حقيقى ممكن ترفضنى علشان الفرنساوى ولا ملهمش علاقه بالفرانساوى




















وبخصوص الطلبات بتاعت التقديم شهاده النجاح وصورة شهاده الميلاد كمبيوتر او البطاقه و8صور ولتجاره انجلش الحاجات دى بالاضافه لاستماره ب50 جنيه بس
شكراً لك اخي الكريم

اهلا بالطلبه الجدد
ونورتووووووووو المنتدى
ومليون مبروك عليكم تجاره عربى بقى انجلش نورتو ع العموم
وايه حوار الانجلش اللى الكل طالع فيه ده
الكل يدخل عربى
والا هعمل كارته على اول الساحـــــــه

تقرر بدء الدراسة بالمدارس والجامعات بصفة نهائية يوم 20 سبتمبر القادم

يلا كلة يبدأ يحضر الزمزمية والاستيكة والكلام دة


محدش ياخد من اصحابة

ايوه صح

بســم الله الـرحمــن الرحيــم
hانا جايب 90ونص فى المية و43فى الانجلش يعنى مجموعى الاعتبارى 410 وانا ادبى قدمت تجارة انجلش تفتكروا هتجيلى [size="5"][/size][font="Arial Black"][/font][color="#FF0000"][/color]

قول يارب
واللى فيه الخيــــــــر ربنا يكرمك بيه

السلام عليكــم ورحمـة الله وبركاتــة ،،


[font="Arial"][/font] شكراً لك اخي الكريم انا محتاجة حد يساعدنى انا بعمل معادلة ومش عارفة اجيب رقم الجلوس



ولكم جزيل الشكر

تقريبـــــــــا الموقع ده فيه كل حاجه عن المعادله
http://moadla.com/vb